Па ако покрај него не се чувствуваш доволно ценето, стави крај на врската и најди некој покрај кој ќе ти биде подобро. Тоа е тоа. Банална причина според мене, разгаленост, не можеш да го натераш да не троши на неговото семејство а да троши за тебе па така да најдобро да си тргнете по различни патеки.
Па не е шкрт чим кажуваш дека финансиите ги делите 70/30. Значи поголемиот паричен товар паѓа на негова страна. Шкрт е ако ти мери и премерува до денарче, а велиш дека не е тоа проблемот. Може не се работи толку до скапите поклони, туку колку до недостигот на внимание од негова страна, и положбата во која се наоѓаш, после толку долга и сериозна врска, каде најверојатно сакаш да му бидеш некое место погоре на скалилото, а не позади фамилијата негова и внуците. Но, од друга страна разбери го и него. Вие сте само во врска. Денес сте заедно, утре може да раскинете. Како ќе ви еволуира врската во планирање на брак, веридба, па се до официјално влегување во брачна заедница, верувам дека ќе му бидеш повеќе значајна од фамилијата (родителите, браќа/сестри и внуците). Бар така би требало да дојде по природен пат. Нека си течат работите по природен тек, и зачинувајте ја врската со поголемо меѓусебно внимание, ќе дојде и ова ако продолжите.
Кажа дека сте во долга врска, дали живеете заедно или секој одделно? Јас би те посоветувала да седнеш и отворено да разговараш со дечко ти. Особено дали неговата фамилија и тој биле некогаш или сеуште се во финансиска криза. Одтука би било разбирливо, а и разумно зошто ги помага финансиски. Тие го израснале, образовале и му нуделе поддршка во процесот на образование и кариера, па ферски би било и тој да им помогне доколку биле или се во криза. Особено ако живее со нив, сметам дека би било фер да придонесува во домашниот буџет. Истотака, би требало да разговарате и во кој правец ќе оди вашата врска, бидејќи по одговорите ти веќе размислуваш за брак, а тој што мисли? Притоа, и самиот ти напоменал дека се плаши партнерката да не е со него само за пари. Особено ако ти цело време се караш за финансии. Мој совет, седни разговарај со отворени карти, според одговореното изгледа како зрел човек. А ако сакаш одмор иницирај, па платете го заеднички, зошто ако го сакаш и сакаш брак со него така ќе биде и во него, се заеднички, барем од примерите што ги имам од околина. А за внукот и поклоните за него, и јас имам внуци и за мене лично може да не си купам, а нив да им купам.
Јас ќе си кажам од моја гледна точка. Не ти требат поклони, ништо не ти е потребно ако некој те сака, те почитува, ти е верен и посветен на врската. Дечко што им помага на своите финансиски ретко се наоѓа и треба да се чува. Тие се оние кои го гледале, му помагале и сега им возвраќа, ништо лошо нема во тоа. Зошто ми е материјално ако сум исполнета духовно. Па и поклонот за внукот, дете е, каква среќа е сите да си дочекаме внуци па да сме доволно финансиски моќни и да им купуваме поклони.
@Unintended Јас не мислам дека имате сериозен проблем во врскста, а и не смееш и не си во положба да му приговараш околу неговите финансии. Тоа што помага дома е сосема нормално и природно, тоа што дава и купува поклони на внуците за мене е за поздравување. Тоа што ти си љубоморна на неговите пари е поголем проблем, тука и според напишаното можам да заклучам дека дечкото си е сосема ок, но ти си алчна за пари. Со такво размислување какво што имаш и сеуште во врска, а не во брак, иницираш проблеми околу финансии кои не се твои и се мешаш во туѓи есапи, мислам дека нема да успеете во таа насока во која си замислила. Неговите пари се негови и ти апсолутно не треба да му водиш есап на кој и како ги троши, патем и онака дечкото поголемиот дел од излегувањата ти ги плаќа. Размисли подобро во кој контекст и правец се движи вашата врска, но пред се твоите постапки и префрлувања.
Девојче ова не треба да ти претставува проблем тој им дава на неговата фамилија, а не по други жени или некакви пороци... Воопшто не треба ова ни да си го помислиш, сепак ти уште не си му сопруга за да мислеш на тие работи и секако кога ќе сте во заедница така сигурно нема да прави и не гледам некој проблем ако има пари зошто да не им помага на фамилијата па кој не би? А поклончиња и такви работи не се потребни потребно е сакање, внимание и ценење.
Мислам дека тоа го прави зашто веќе мисли дека нема потреба да се труди и да ти посветува внимание од ваков тип, дали дека сте подолго време заедно или нешто друго е не знам, ама греши.Не е до парите туку до помислата, не дека не треба да им купи на внуците, ама треба и на нејзе да помисли.
Некој да ми приговара мои пари за што и како да ги трошам, ќе размислам дали треба да сум во врска со таква личност. Особено па да ми ја спомне фамилијата.
Мене па не ми е нормално повеќе внимание и пари да троши на внуците отколку на девојка со која е во 3 годишна врска...
Родители му се, не е ништо чудо да му помага финансиски. И шо има врска колку троши за внуците ? Како мене можи дечко ми да ми се меша јас колку давам пари и шо купувам за внуците. Ни под разно. Не го сфаќам делот каде ти си имала трошоци зошто тој ништо не те почестувал ? Па ете и сама кажи дека плаќал повеќе тој. Да ти е роденден, да не ти купи нешто, ќе сфатам некако ајде, ама вака ?
Тоа се нарекува матријалист, не сака на себеси да си призне дека е типична матријалистка. Не и е доволно да ја сака и да ја почитува, ама нее треба скапи поклони да се купиваат за да и докаже дека ја сака. А фамилијата секогаш е пред сите, дечко/девојка денеска со тебе, утре со друг/а. Никој нема право да му кажува на некој на што да ги потроши своите пари. Големо црвено знаменце за него е ова.
@Unintended Очигледно сте различни и не мислам дека можете да функционирате заедно вака како што опиша. Искрено јас не би можела да бидам со партнер кој ќе љубомори на моите внуци, не осудувам ако некому тоа му смета, ама ете, јас исто како дечко ти од мојата плата знам да купам и поскапи работи и си ги разгалувам внуците. Јас така сакам и можам да си дозволам. И имам таков партнер на кој тоа апсолутно не му е проблем, генерално двајцата сакаме деца и он самиот некогаш предложува што да ги изненадиме моите внуци. Дали ако утре имам семејство би го правела истото зависи од тоа колку ќе можам да си дозволам. Ако можам, секако дека да. Дефинитивно мора да се договорите како би ви изгледал заедничкиот живот на тема финансии ако планирате да останувате заедно.
Ама дечки внуците се внуци, не може да се споредуваат со девојка со која се во долга врска, што можеби една ден ќе прерасне и во брак. Да сум во 3 годишна врска и дечкото да се потресува повеќе за фамилијата и внуците отколку за мене.. хмм, тоа би направило да се чувствувам дека не ме цени доволно и не ми посветува внимание. Се ставам на местото на девојката и искрено и јас би била навредена да не ми купува мене никакви подароци, макар и еден цвет, знак за внимание и љубов е. И не, немојте да ми кажете дека вие од саканиот не сакате подарок, зошто не постои човек на светот што не сака да биде "разгалуван" и опсипуван со љубов и внимание. И не не прави тоа материјалист(к)и, туку живи луѓе сме, тоа се нормални работи.
@Unintended Не можеш така да мериш кој е на прво, кој на второ место, колку пари се трошат и каде. Нели се бориме за рамноправност? Рече дека и двајцата заработувате солидно, зошто му ги броиш парите? Тој тебе те прашал ли некогаш каде оди твојата плата? Ти си му купила некогаш скап поклон? Знам дека ние девојките сакаме изненадувања и поклони ама самото тоа што бараш скап поклон те прави материјалистка. Друго, никогаш ама баш никогаш немој деца да ставаш во уста. Тие се мали, невини и скроз небитни во приказната. Како дете што знае искрено да се израдува и да ти се заблагодари, не знае никој. За деца на другарки сум давала богатство, а не за мои внуци. Не се доведувај во ситуација да љубомориш на мало дете. Имам две такви жени во фамилија и никој не ги сака, вечно неблагодарни и оштетени, па бабите мора да се кријат кога купуваат нешто. Премногу ниско. Гледај ти да имаш за себе, да бидеш независна и сега и во брак, да можеш сама да си дозволиш луксуз, а дечкото ако не ти се допаѓа или мислиш дека не би бил добар маж во иднина, пресечи одма.
Мене ми звучи како ти да си љубоморна на него и фамилијата. Прво - Не сте во брак, немате заедничка сметка/финансии. Дечкото си заработува и секоја чест што помага на неговите! Сигурно не и купува на мајка му ланче или ташни од 500 евра секој месец, па да ти е криво за тоа. Тоа е почит, благодарност и за жал е се по ретко. Второ - ги премижуваш побитните работи, оние нематеријалните. Те почитува, те сака... Нема поклон што може да го надмине тоа! Инаку, јас и дечко ми живееме заедно. И моментално јас имам повисока плата од неговата, а тој е програмер и има мн повисока плата за наш стандард. Поклон му купувам искрено за роденден само. И тоа ме прави злобна? А на моите во последниве три месеци им купив и нова гарнитура, и машина за садови, и патики и уште мн други работи. И сега треба да ми се лути тој? Само нека се осмели Мои пари, мое семејство на кое сум благодарна неизмерно и ми е мило што можам да им помагам. Секако, нема да дозволам пример, не дај Боже, да кратам од храна или слично за мене и дечко ми, за да им купам нешто на моите.
Мислам дека таа убаво објасни, дека сака вредни, скапи поклони, со кој ќе и докаже дека му значи, како на внуците што купува поклони од 5000 ден. Не се работи тука за такво внимание. А да се потресувам за некој што го знам 3 год и да ми е побитен од фамилијата, никогаш.
Не можев ни да го дочитам од срам што ме фати. Па ти сакаш тебе да те опсипува со поклони да му даде 100 денара на внукот и да ги откачи твоите идни свекор и свекрва. Јас мислам да му ја земеш картичката и да му го смениш пинот. Колку ке му треба ке му даваш и да бараш отчет, aко се негови пари ти си икономистка и знаеш како се раководи со нив. Сега ако му покажеш кој е газда понатака е полесно
Јас сватив дека дечкото е екстра интелегентен и досега сватил дека има работа со материјалистка. Ќе ми ги брои мене некој парите од мојата плата за поклон на мојот внук? Никогаш!
Oo, јас па сфатив дека не и давал никакви подароци.. Сепак тој не е само некој, избраник е. Замислете во врска сте и од дечко ви го слушате ова, дека вие сте некоја небитена што може да ве замени ако сака а фамилијата му е најбитна, па таман после може во Брачни проблеми да се префлите, мамино синче дека бил и дека мајка му му ги броела парите и сл работи.. Навистина понекогаш сакате да драматизирате и преувеличувате, тотално непотребно.
