Љубовни проблеми и совети

Pisi slobodno

 

Здраво, сакам да ми кажете дали е нормално да имате дечко и да шета, ок добро заработува и се тоа, ама многу ме нервира што секоја недела мора да иде некаде, иде со другари, не верувам да лаже затоа што на социјални мрежи става слики, видеа, што мене ми праќа на whatsapp тоа и он објавува бидејќи јас немам Instagram ама го додадов од лажен профил да бидам сигурна (поштедете ме од тоа како не сум требала) ме вика со него да идеме ние, еднаш бевме ама јас не можам секоја недела (не финансиски ок стојам со тоа) ама генерално не сум човек што сака да патува, ајде на страна тоа, зашто мора на инстаграм да објавува исто што ми праќа и мене? Има лајкови повеќе од девојки од колку од машки, од лажниот сеуште ништо не му пишав ама гледам и он не пишува а лајкувам слики, ако не денес, утре, кај и да е сигурно ќе најде некоја друга, секој ден да шеташ по други држави и да објавуваш по соц мрежи и не знам колку следачи има, јас не знам како ние сеуште функционираме, не се замарам со социјални мрежи ама искрена да бидам ми смета, јас не сум толку социјална да излегувам да се дружам а он секој ден, слики видеа, излегувања, на што личи тоа, еве не знам, кога му кажав што ми смета, ми вика јас можам и дома да седам само ама што со тоа, додека можам ќе шетам зашто да не, немам зборови дали вреди да продолжам со човеков....

 

Ако сте пред брак и штедите пари за фамилија тогаш ок е да ти пречи.
Ако не се лажам пред три четири недели пиша дека се запознаваш со дечкото.
За три четири недели некој да ми кажува колку да шетам нече мочи.

 

Секако зависи до каде сте со врската, ама не можеш да очекуваш човекот да се затвори дома само зашто ти не одиш никаде. И тој е во годините кај што најмногу треба да шета и да ужива во животот, секако штета што не можеш и ти да одиш со него, но ете можеш да му предложиш да правите нешто заедно што не чини многу, има премногу можности да поминувате време заедно на начин на кој ви одговара на двајцата. Освен тоа, мислам дека е убаво од него што ти праќа слики и видеа.

 

Има работи што може да не ни се допаѓаат кај други, ама да се апсолутно океј. Не прави ништо погрешно дечкото што шета. Ти имаш два избори: или ќе работиш на твоите чувства/мајндсет односно да го прифатиш каков што е и да не се нервираш поради тоа или ќе раскинеш и ќе си бараш некој што е повеќе како тебе. И двата избора се сосем океј, што не е океј е да го осудуваш и да му бараш да не патува секој викенд итн.

Многу е убаво што сите имаме избор со какви луѓе ќе сме опкружени... и затоа мораме да ги оставиме луѓето да си живеат со свои одлуки без да ги моделираме по наше.

 

Да, не можам да очекувам од човек да се затвори дома, ама и толку шетање не е нешто што се оправдува, многу сме различни вака се ок е дечково ама како ден и ноќ сме, мене ми е страв да не најде некоја друга, гледам на една слика има и некои други девојки демек другарки на другар му не знам што, јас мислев само ние девојките шетаме, очигледно и маживе станаа исти

 

Незначи ако шета дека готово ќе најди друга. И дома да е затворен ако сака можи да најди друга. Денес сте заедно па другиот ден можи да си шета со другарите. Друштво не се напушта поради врска. То важи за двете страни.
Ако те запоставува поради друштвото е тогаш нешто нештима. Немој да си бараш проблем таму кај шо нема.

 

Имаш луѓе што не сакаат да седат дома и да се меѓу луѓе цело време. И тоа ќе мора да го прифатиш, ако пробаш да го смениш најверојатно нема да биде среќен и после некое време ќе пукне тиквата.
Имаш две опции или прифати го или раскини му.

 

Тој те викнал, те поканил да одиш со нив. Да сакал да оде со друга и да немал никакви намери со тебе ќе те исклучел од планот.

Јас бев во иста ситуација, партнерот сакаше да излегува, да шета а јас бев затворена и антисоцијална, не е дека не сакав, туку не бев спремна да се соочам со многу народ. Но дадов шанса и излегував секаде со него, сега повеќе јас го замарам за да излегуваме и шетаме. И сфатив дека сега доколку не шетам и не излегувам, кога ќе остарам ќе ми биде многу криво што сум седела само дома. Од дома нема спомени.

 

Ако тоа ти смета подобро уште сега да си го најдете крајот. А плус и ако сте голема разлика во финансиска класа јасникогаш не би била со таков.
Јас секогаш си бирав дечко што ќе биде на иста или слична бранова должина по џеб на финансии. Едноставно ако имам некој богат дечко знам дека немаше да имаме заеднички јазик на разбирање. Не велам дека се сите ама кај повеќето е така.
Еве јас сум од скромно семејство, татко ми цел живот работи, за да имаме се, не богатство.
И дечко да имам некој со фирми, кој никогаш не осетил како е да стискаш пари да си платиш партиципација за факултет, да се мислиш дали картата за тој месец ќе можеш да ја платиш или книгите што ти требаат. Додека јас ќе скапувам да учам да фатам просек повеќето од овие, со прст немат мрднато, има и исклучоци не велам не, ама ќе ми рече да одиме во Париз а јас едвај за карта имам за до Охрид, што со ваков би правела. Ете јас не сакам некој да ме чести и одма ќе настанат кавги. Потоа во брак повеќе доагаат до израз различните воспитувања и начин на живот. Ќе се започне одма ти реков, ми рече..

 

Не можам да ја разберам последната реченица. Како во лоша конотација да е кажано шетањето, па ај девојките не се замараат со ништо, па само они шетаат.
Што има лошо во шетање?
Ако има финансии, желба и слободно време може да шета.
Тоа што тебе ти е страв да не запознае друга, проблемот е кај тебе, не кај него.
Тој може и во истиот град да е постојано и пак да запознава нови девојки. Значи до карактерот е, не дали некој ќе шета или не.
Пишуваш за тоа зашто објавувал на инстаграм. Негов профил е, што сака и колку сака може да објавува.
Ми оставаш впечаток на тинејџерка која очигледно има проблеми со самодоверба и како резултат на тоа сака да го контролира својот дечко.

 

Тоа што членката го кажа погоре, ама и ова. Што е проблем со шетање?
Не е толку проблем што сте различни, колку што е проблем твојот менталитет. Ете, не те тера со сила да шеташ кога не сакаш, ама сепак се обидува да сподели со тебе кога шета тој со друштво. За него е очигледно шетањето сега битно.
Ако си најде друга, верувај нема да е ради тоа што шета многу, туку затоа што твоево размислување е проблематично.

 

Треба да најдете некој баланс, да си го организирате времето. Нека шета недела две со другарите,недела две со тебе.

Се е компромис.

 

Да нормално е. Со свои пари не може никој да ми забрани кај да шетам, колку да шетам и да трошам. Јас ги заработувам јас ги трошам.
Дечково е ок штом имаш покана за да шеташ и ти со него. Промбелот е што сте два сосем различни карактери. Карактерот на човек не може да се смени, ти не можеш да шеташ премногу, он не може да седи дома премногу на долгорочна стаза. Е сега прашањето е дали и двајцата би можеле да опстанете во ваква врска, не само ти. Може сега нему не му смета насекаде сам да шета без девојка, но покасно може да му засмета .
Сум била у врска кај што дечко ми живееше во странство и со колеги и колешки од факултет нема кај не отидоа. Немав проблем. И јас сум идела на шетање со другака исто така немаше проблем. Сме шетале и заедно. Но он далеку повеќе од мене шеташе.
Се зависи што сакаш во животот. Јас на пример не се гледам со човек кој би седел дома цело време пред тв.
Така да размисли убаво дали навистина се гледаш во иднина со ваков партнер, али биди искрена сама со себе. Ако не подобро пресечи на време, колку подолго навлегуваш у врска толку полошо си праиш за себе.

 

Ако е шетањето битно, и ако тоа му е приоритет во животот, тогаш не знам зошто воопшто би се впуштил во врска во тој период од животот, или пак би бил во врска со некоја што е сосема различен карактер од него? Не викам дека ако си во врска треба да се затвориш и да не шеташ или немаш друштво, ама ако веќе си решил да си во врска треба да се постават некои приоритети односно да се направи некој баланс. Еве и јас имам дечко кој што е на некој начин интроверт и не баш социјален, имам и друштво со кое често излегувам, ама секогаш одвојувам време за него и никогаш не сум го направила да се почуствува запоставен или пак тој мене. Се согласувам дека девојката има проблем со самодовербата, но сметам дека проблемот не е нејзиното размислување, туку тоа што не го добива она што го очекува од врската. Ако јас не сум социјална по карактер а тој го знае тоа, ако му значам ќе одвои некогаш време, ќе откаже патување, ќе сака да помине време со мене за да ми покаже дека барем малку му значам. Со праќање видеа на WhatsApp не се докажува тоа.

 

Буквално никаде членката не наведе дека ова е проблем во врската. Рече дека и смета што шетал многу, затоа што и е страв дека ќе си фати девојка ако шета.

 

Оти?
Мислиш дека не вредиш како 'некоја друга'?

 

Како не е проблем кога и смета тоа и кога има напишано 'немам зборови дали вреди да продолжам со човеков' и 'јас не знам како ние сеуште функционираме'? Ако нешто што ти смета и не може да се реши во врската, тоа е веќе проблем за понатамошното функционирање на истата.

 

Нека раскине тогаш де. Му кажала дека и смета што шета толку многу, тој и рекол не сака да престане. Сега на нејзе е да одлучи што ќе направи.

 

Да, секако дека е нормално да шета, зошто не би било?
Очигледно млади сте, ако не шета сега, кога? Немате никаков проблем тука, гледам те вика да одиш со него, не се чувствуваш запоставено, немаш недостаток на внимание, не те притиска да одиш доколку не сакаш, се ми изгледа баш океј. Тоа што имаш недостаток на самодоверба и мислиш дека би те заменил со друга, е веќе лично твој проблем. Не мора да шета за да те замени, за да запознае друга, може тоа да го направи и од дома. Од негова страна се е на место.