Брат то ти е карактерна особина. Нема да се смени. И бившиот беше ист таков. Или прифати го и трпи го или прекини дури не сте дошле до брак...
Прочитав и мислам дека дечкото ти врши нарцисоидна тортура. Посебно делов со скарај се-смири се, црвено знаменце. Е сега, да долга врска, стравот ако раскиниш е основан. Тешко е да се најде добар, нормален партнер. Бат ден аген, овој не делува на нормален. Не ми делува дека ваква врска би требало со брак да се круниса. Сепак, ти си знаеш.
Мене ми е најглупа изјавата - ама долго време сме заедно, бла бла бла. Изговори. Го бирам мирот пред се останато. Ако за небитни работи е ваков, кој знае како ќе се однесува со сериозни проблеми.
Како ги делите финансиите во врската? Ние постојано плаќаме 50/50, сака да се частиме само ако имаме некој ептен посебни пригоди( некој успех во животот) мене тоа ич не ми се свиѓа и воопшто не ми е романтично. Му имам кажано неколку пати дека сакам да е поромантичен, да даде предлог да одиме некаде, некогаш он да плати за вечера.. ама никогаш нема такви иницијативи. Или пак го има разговорот, планирав тоа да го направам ама сега кога ми кажа не ми е убаво и ќе се осеќам натерано. Еднаш имавме ситуација кај што ми рече дали сум сакала да ме носи на вафли.. и потоа ми кажа дека требало и двата да платиме. Јас му кажав дека тоа не значи ај да те носам таму и таму ако и двата плаќаме а он ме кани.. Сигурна сум дека ќе има реакции од типот зошто да чекам дечко ми да ми плаќа итн итн. Сакам да напоменам дека не го очекувам од него тоа постојано, но понекогаш мислам дека е добро да се направи. Притоа и ептен ретко нешто ми подарил да ме изненади..
Јас преферирам еднаш едната страна да плати, па следниот пат другата. Не да гледаме да е 50/50, но исто така да не биде цел финансиски товар на едната страна само, освен во одредени случаи. Частење и плаќање за патување или пак полуксузни вечери преферирам кога се има причина за такво нешто, или пак кога имам кејф. Поклони, повторно, во зависност од пригодата. Помали нешта не ги гледам како поклони воопшто, како на пример чоколадо, слатко нешто, храна, цвеќе, нешто направено лично или било што кое не е скапо, туку ете, како мало внимание. Поголеми поклони, најчесто кога има посебна пригода некоја или кога ми е кејф, и можам да си приуштам сега. Имало моменти во минатото кога финансиски не сум можел да си приуштам некои работи, па тогаш сум гледал да има повеќе мали работи за внимание. Некои тоа го ценат, некои не. Ама јас ја ценам онаа личност која тоа го цени повеќе отколку плаќање на одмори, скапи вечери, скапи подароци и останати луксузи. Не е за парите, колку за чувството на искористување. Исто и ако се очекува се јас да подмирувам финансиски, turn off ми е.
Те разбирам сосема, не сум тип на човек што очекува од дечкото да плаќа патувања, луксузни вечери или пак скапи подароци. Во мојот случај зборувам за нормален тип на вечера, одење на бургер, палачинки.. Баш ми фали тој тип на внимание, цвеќе, чоколадо, нешто ситно а внимателно.
Големо црвено знаменце. Овој не е скржав во џебот, туку во душата. Колку и да нема, рецимо еден сендвич делите, он да ти го даде делот со повеќе компири, ако ти е ладно, да стегне заби 15 минути и да те нагрне со своето палто. Е за ова правам муабет. Скржавоста нема врска со пари колку што има врска со манири, душа и вреднување на тој спроти тебе. Ем сака вафли да лапа ем да не части, ако немаме пари злато на клупа сончоглед ќе грицкаме. Мене ова ми е црвено знаменце и може утре друг ден и за емотивни моменти да биде исто толку скржав. Ако нема пари да те изведе нека каже срце да свртиме крукче во маало. Некупување поклон ми е исто страшен момент. За една ситница секој има пари, ајде таму. Место да нарачува вафли, шетајте на кеј а со парите од порција вафли нека ти купи поклон. Ама он става една вафла пред тебе. Не знам, ич не ми се допадна. Како бе поклон на девојка да не се купи... Ццц Инаку ние со последниов пред да раскинеме, вака праевме. Еден ќе даде идеа да одиме на ручек. Плаќа тој што кани, а после на друго место одиме на благо и кафе, е тоа другиот го части. Ако одиме на кино, тој што канел купува карти, другиот пуканки и сокови.
Станува збор за личност која и доста добро заработува за животниот стандар во Македонија, не можам да кажам дека нема пари па тоа да е причината.. се повеќе мислам дека е момент на неценење или пак нешто друго
Уф...ај вака. Во врската не постои 50-50 за сѐ, особено не во финансии, не е ова другар/ка па "ај ти купи чипс, јас сок ќе зеам". Не можи да е 50-50 ако едниот јади морски плодови а другиот не знај дали воопшто ќе има за јадење утре. И особено не ако едниот е добро платен а другиот врзува крај со крај. Друга работа, кога мажот повремено презема иницијатива да плати, укажува дека се грижи за тебе и сака да ти е убаво со него, онака џентлменски потег е...шознам. Ова особено се однесува и на делот кај шо велиш дека ретко ти купува...заљубен маж сака воглавно да ја усреќи саканата со некои вакви работи, во најмала рака бидејќи знае дека романтиката ќе придонесе позитивно во врската. Зборам од мое лично искуство... Ми делува скржав и себичен.
Леле цицијааа. Јас не би можела да бидам со ваков. Да ми речи дека ќе ме носи на вафли АМА двата да си ги платиме, вафлите в грло ќе ми застанат.
Можеби нема да ми веруваш, ама прва препотставка ми беше дека се работи за добростоечки човек, оти баш меѓу нив најчесто излегуваат најголемите циции, па и бетер, гребатори. Одма сфатив дека е психолошки, не материјален момент.
И јас тоа го воочив. Тој шо нема знај како е да се нема и ради тоа сака да сподели, од скржав нема да наидиш на разбирање. И не само то, овој не е од оние дечковци шо при студ ќе ти даде јакна, тука прајме муабет за себичност на поќе нивоа.
Да, се сложувам, воопшто не е така во твојот случај. Ниту пак мислев претходно, туку одговорот мој се однесуваше на прашањето како ги делиме ние финансиите. Сега прочитав дека си го едитирала постот после мојот одговор, за вафлите. Едноставно ако некој те покани, т.е. "ќе те носам на вафли/палачинки/вино/вечера" значи дека ќе те почасти. И тоа се тие мали работи кои значат многу во врската, а и кажуваат за личноста многу. Никој не осиромашува од една вафла. Овој твојов изгледа е циција. Да додадам, убаво е и кога женско "ќе те носи на вафли". И ние сакаме мало внимание некогаш. Да се осетиме ценети од време на време.
Фуј, грозно. Особено ако повеќе заработува од тебе. Не е до нечастењето, туку бедна душа фатена ин флагранти. И да те части, ќе ти ги брои залаците или голтките и ке очекува вратка наскоро. Не е убаво да си kept woman, ама ова е сељаштво и ренесанса . Би го зезала со тоа што јас ќе го частам еднаш ,два пати , три пати , четири...да видам до каде му оди умот . Ако е лаком а себичен, нема што понатаму... Порка мизерија. .
Пример кај нас на почеток на врската пред години плаќаше за се тој. Сок, кафе, трошоци за кола и се останато. Брзо влеговме во врска и затоа не ми сметаше, оти имаше пари. Па потоа се сврти кругот и имаше ситуации кога сум давала последна 100ка за да си делиме цигари. Првиот одмор моите го платија смештајот, ама тој потроши многу повеќе таму за проводот. Јас сметам дека треба така да биди. Сега живееме заедно и парите се заеднички. Јас не можам да се замислам поинаку. Има моменти и кога се има и кога се нема. Некогаш јас ја плаќам цела кирија а некогаш тој. Познавам еден пар што имаат и деца а се плаќаат пола пола, и кога знае едниот дека другата страна е во минус остава пола и тоа е тоа. Јас не би можела така
Искрено однесувањево на дечково е мизерно. Сум била во ситуација да не стојам добро финансиски, па никогаш не сум рекла тој да си го плати својот дел, ако сум јас иницијатор да одиме некаде. Има пари, а бара од тебе сама да си платиш, тоа ме асоцира на недоволно созреана особа и крајно себична
Бегај од таков... ако треба да плаќаш 50 - 50 , подобро најди си некој германец оти само они така праат.
Таков си е човекот скржав, не е до парите, убаво рече Теси, таков карактер има, не го интересира тоа дали тебе ти значи мало внимание, нема осет едноставно. Ти му викаш дека ти смета тоа и дека треба да се промени но џабе нема да се смени он. Сигурно има други позитивни карактеристики штом си уште со него или? На некои не им смета тоа секој да си плаќа за себе и си го сфаќаат најнормално. Може на друг начин ти ја искажува љубовта, сите сме различни ама ако е ептен ладен со тебе и не ти обрнува воопшто внимание на никаков начин тогаш сама треба да знаеш што понатаму. Колку долго сте во врска, вака и на почетокот правеше?
