Ми треба да поразговарам со некој, буквално ми е срам што сум уште со човеков и знам дека заслужувам ќотек и шамари. Имам пишувано и пред некој месец, така да нема да ја должам приказнава, само ми треба мал совет и охрабрување околу нештово. Ќе го ставам претходното мислење во спојлер ако некој сака да го прочита, но накратко во врска на далечина сум со човек кој не ме сака ни најмалце, има 500 пати пишано на други и тенденции да ме изневери и уште безброј други работи. Spoiler Како да соберам храброст да прекинам врска во која сум вложила буквално сè? Искрено, човеков го сакам премногу, неописливо многу, не знам како успеав до толку да зацапам. Заљубена сум и заблудена во него како да не постои друг. 24 години имам и никогаш во живот не сум била сакана од некого, ниту сум имала врска. Ова ми е прв пат некој да ми пружи било какво внимание, па веројатно заради тоа не можам да се откачам, мислам дека никој никогаш нема да ме сака ако го оставам. Пред месец дена беше тука на 1 недела, не ме ни погледна искрено, правеше буквално сè само за да не е со мене, а јас имав земено цела недела одмор од на работа за него. Во еден разговор го прашав дали ме сака, прво вртеше одоколу, после ми рече те сакам ама не толку многу. Откако си замина пак разговаравме, рече дека не ме сакал, се плашел да не не најде некоја подобра, дека ова на далечина не го ни сметал за врска, не размислувал ниту помислувал на мене во текот на денот. Еве во последниов период, ми пишува еднаш на 5-6 саати, а за ѕвонење сачувај Боже, еднаш на 2 недели. Кога му реков да прекинеме, ми рече не се секирај ќе се среди се. Досега од тогаш имам едно 5000 пати разговарано за да прекинеме, и цело време го одбегава тоа, како ќе се средиме, ќе биде подобро не знам што. Не сака да ме остави од некоја непозната причина, а јас немам храброст да застанам и да пресечам еднаш засекогаш. Едноставно, немам храброст, го сакам, мислам дека светот ќе ми пропадне без него, буквално сè имав замислено за во иднина со него, а и го сметаме како дел од фамилијата, секаде сум била со него и по свадби и по слави. Разговарам со психолог онлајн, џабе, не ми помага ништо. Заробена сум и навистина не знам како да излезам од оваа дупка и што да направам.
Вие не сте во врска. И не е дека тој не сака да прекине. Туку ти не сакаш. Тој отворено ти кажал зошто е со тебе. Зошто дозволуваш да те искористува?
БЛОКНИ ГО. Блокирај го секаде, без објаснување без ништо, едноставно пресечи наеднаш и толку. Ова што го прочитав е ужасно, човеков има сериозни ишјус а ти си зависна од него, т.е од таа трошка внимание што ти ја дава и помислата дека имаш дечко, само како фигура. Сериозно, направи го тоа сега и веќе не прозборувај ни збор со него бидејќи навистина нема никаква надеж во оваа ситуација.
@Maylin Не знам за каква храброст за оставање зборуваш. Колку подолго го трпиш ова, толку повеќе ќе се каеш зошто си го трпела, кога конечно еднаш нема да “бидете заедно”. Па, после и за да си простиш сама себе ќе ти треба храброст и многу, многу трпение. На 24 години ќе си дозволам некој мочко вака да ми се понаша. Извини, ама ти си од оние жени за кои шуш-муш сите се чудиме како отворено ги вараат, ама они уште си седат со нив. Само блок му е мајката. Пошто, ако не го сториш тоа, ќе си доживееш игнорирање од негова страна, дур не сфатиш дека е крај, па пак тој ќе си излезе “фраерот” што те заебал.
@Maylin Не се сакаш себеси, па затоа си задоволна и од трошките што ти ги фрла. Не си вљубена во него, туку trauma-bonded. Тоа е како зависност од хероин. Пресекувањето на целосна комуникација е единствениот лек. Ако сама не пресечеш, ќе си со него уште толку време колку што е потребно да ти се згади поубаво. Тој моментално не става официјален крај, бидејќи сè уште не нашол подобра резерва од тебе. А и бидејќи моментално си кулира уште со 100 други. А кога ќе ја најде таа друга, така ќе те откачи преку ноќ, што ќе ти биде ултра трауматично. Не би те советувала да одиш до крај да го искусиш тоа, туку да се погледнеш во огледалото, да го видиш малото девојче во себе и да си дадеш рака. You can do this
Само ти си мислиш дека вие сте во врска. Тој те изневерува, како што правел и во минатото. Значи тој не е во врска. Само ти мислиш дека сте вие заедно.
@Maylin колку повеќе го одложуваш крајот, толку полошо за тебе. Размисли дали сакаш да си го уништиш животот поради мушка курва.
Може да те прашам што добиваш со коментаров? Или чисто да се биде злобен онака? Според постот и самата е многу свесна дека нема доволно храброст, не мора уште толку да ја утепуваш.
@Maylin, не ти треба храброст, него да идеш пред огледало и да си признаеш дека си глупа... После, од коа ќе дознаеш дека си глупа, да се запрашаш како може жена што не се сака себе си, да знае што е тоа сакаш некој друг? И после, истиот тој елан со кој се мразиш и понижуваш себе си, да го пренасочиш на кутар пичкопаченик кој те чува за туршија, ако у случај не најде друга да му пржи јајца и да му пере гаќи, додека прца све што оди по Германијата. Е после да почнеш со тоа да се сакаш себе си, па ќе се запрашаш дали е љубов тоа он тебе што ти го прави... Никаде не прочитав да кажеш дека си помислила дека и он тебе те сака, само дека ти него го сакаш. Значи знаеш на што си. Толку.
Си видела колку пати досега истава членка ја имаме советувано за истиот проблем, па пак нема промени? Може овој начин ќе има ефекти.
Врска не изгледа така, вистинската љубов не боли - ова за почеток. Имаш многу погрешна перцепција за тоа што е љубов, дали од неискуство дали од трауматични искуства претходно. Друго, не се сакаш себеси. Како очекуваш љубов од друг ако ја немаш за себе? Со психологот најпрво треба да работиш на овие две работи затоа што тие се причината за сите твои постапки. Чуда не се случуваат преку ноќ, па така и твоите принципиелни убедувања нема да се променат со две три сеанси, значи треба време и многу многу работа. Ама можно е! Не престанувај да се слушаш со психолог и остави време, процес е. Во врска со него, немаш апсолутно никаква одговорност спрема него да му должиш некакво објаснување. Едноставно блокирај го секаде и не му оставај можност да стапи повторно во контакт со тебе. Свесна си дека е крај само тешко ти е да прифатиш. А колку побрзо прифатиш, толку полесно ќе ти биде. Нема да ти е тешко да го преболиш затоа што ти е преплакан досега. Верувај. Само прифати дека е готово и ќе излезеш од дупката во којашто си.
Ви благодарам на сите. Знам и многу убаво сум свесна дека сум глупа, затоа и сама кажав дека ми е срам да пишам дека сум уште со него. Можеби е фактот што имам премногу љубов во себе, од која ни најмалце не си ја посветувам на себе, туку сè што имам давам на некој друг и го правам центар на мојот свет, во случајов човеков. Глупа сум, не се сакам себеси, несигурна, самодовербата ми е на 0, згора на сè и никогаш не сум ни осетила некоја врска, па сега наоѓам утеха во помислата дека имам дечко само како фигура, како што кажа членката погоре. Искрено секогаш ми било лесно да прекинам контакт со некој што не ме сака и почитува, не знам зошто сега ми е толку премногу тешко.. Се плашам да не погрешам, избрзам, буквално до последен момент се држам за нешто кое што очигледно не ни постои. Еве додека јас барам некоја утеха, тој ми нема вратено на порака од 8 сабајле. Немам свој живот и се држам до надежта што ја имам кон нешто што постои само во мојата имагинација.
@Maylin Не вели дека си глупа, бидејќи не си. Ти фали само таа љубов што ја имаш, да ја пренасочиш кон себе. Ден по ден, ќе стасаш да блескаш и да си најдобрата верзија од себе Почни од денес, ден 1. За почеток, не слушај тажна музика и не останувај предолго во главата. Разговарај со луѓето околу себе. И плачи кога ти се плаче. Отиди да пливаш, да трчаш, на спа и сл. Направи убави работи за себе. Ако треба, започни и со повторување на афирмации. Дневно кажувај си себеси во огледало убави работи за себе. Продолжи да работиш и со психологот. Блокни ја амебата и поврати си ја моќта. Верувај, сè ќе биде во ред! За 1 година ќе бидеш благодарна што не си го добила тоа што некогаш си го посакувала
Стекнување на самодоверба се добива откако ќе го отераш кај му е местото и ќе сфатиш колку вредиш. Се додека му го билдаш егото тој ќе си прави што сака а ти ќе тонеш. Сега, додека седиш и пишуваш пвде, одвој малку време да го блокираш а потоа да почнеш да работиш на себе. Со сожалување ништо нема да направиш. Додека тој си го живее животот, ти се уништуваш. Трошиш драгоцено време кој утре никој нема да ти го врати. Млада си, дај те молам вразуми се и престани да се уништуваш.
Можеби си мислиш дека заслужуваш да те сака бидејќи го сакаш толку многу и му простуваш се. Но, не оди тоа така. Не те сака и тоа е. Љубовта за која велиш дека ја имаш премногу пружи ја на оние околу тебе. Обиди се да усреќиш родители, пријатели, некое детенце, куче,маче.... Никогаш не е добро да си толку многу опседнат и фокусиран на еден човек, една желба, особено што е очигледно дека не ти припаѓа. Навикни се дека ќе бидеш без дечко извесно време, не е крај на светот. Само блокирај го, прецртај го, па полека....
Ете глеаш, од коа ќе си признае човек дека е глуп, одма поинаку гледа на работите... И не е срамота понекад да си глуп, него ли од коа ќе сватиш, да продолжиш по старо. Сите сме биле глупи, па и ќе бидеме понатака пак. Е сеа блокирај го секаде, избриши му и број и се, и излези со другарките на кафе.
@Maylin типон нема самопочит. Прво сам не е способен да се сака, па не знам од ваков лик што очекувања имаш. Сметам дека те искористува максимално, ако не се лажам и успешно те манипулира (иако е тука присутна далечината). Крајот е во моментот кога ти длабоко во себе ќе знаеш дека е крај, ама едноставно нема да правиш никакви напори и да го бараш. И ќе те замолам најискрено да работиш со психолог и да не се откажуваш. Ова може да ти остави една траума за која подоцна ќе ти треба дупло повеќе време. Не потиснувај во себе, плачи, викај ако треба ама размислувај рационално. И не, не изневеруваат сите. Само он е изваран, па траумата си плива и мора он да вара за да не се осеќа изварано. Немој да дозволуваш некој да ти извитоперува и всадува негова дефиниција за љубовта. Љубовта е нешто многу повеќе, која него го одминала некаде во минатото - и ако истата него го одминала, тоа не значи дека и тебе треба да те одмине. Размисли го ова последново убаво. Едит. ако бил отворен на почеток со тебе, не значи дека имал така „чисти“ намери.
