Прво и основно, споредуваш небо и земја. Живеење во станбена зграда со 50 фамилии (како што велиш) НЕ е исто со живеење во стан со уште 5 души, без приватност и без интимен простор. Милиони луѓе во светот живеат во згради и си имаат своја врата, свој мир и свој живот. Живеењето со родители, било на мажот или жената, е сосема друго ниво: нема приватност, секогаш има мешање, и најмалку два брака (вашиот и нивниот) коегзистираат во исти ѕидови. Тоа за многумина не е живот, туку малтене постојан компромис. Второ, да, просечната плата е околу 500 евра. Но реалноста е дека сите млади што вредат денеска се трудат да заработат многу повеќе, да напредуваат и да живеат комотно и сами, а не да се враќаат во модел од 70-тите. Мислењето „ај нема пари, ајде ќе живееме со мамичка и татичко“ е краткорочно и многу нездраво. Приватност, слобода и сопствен простор нема цена. Трето, помошта со деца и сметки од страна на родители е супер, но тоа не треба да биде изговор млад брачен пар никогаш да не се осамостои. На крај на денот, ако не можеш да издржиш со своите пари и да си креираш живот независно, тогаш што зборува тоа за тебе како маж/жена? Дека си останал вечен тинејџер кој чека да му заврши мама или тато работа. И четврто, со такви ставови звучиш како типичен балкански маж, од оние што мислат дека е нормално снаата да живее со свекорот и свекрвата, и дека тоа е најдобрата опција. Па извини, ама светот одамна не е таму. Младите оддамна сменија мислење и сакаат да живеат сами, да градат своја динамика, свои навики и свој живот. Се надевам дека ќе се опамтиш пред да си најдеш жена оти ниедна нормална девојка што има амбиција и здрав ум нема да сака да биде дел од такво „колективно“ живеење.
Е, па боље да сум маж неголи жена , ќе одам само на работа што истото тоа и жената го прави иде на работа и ќе делам сметки со жена ми и нешто низ дома ќе прочепкам (сијалица ќе свртам ) и треба да се наречам МАЖ И воопшто не е незрело ако некој не сака да пуни банка со пари цел живот и мислиш со земен кредит од банка само станот го отплаќаш? Ја частиш банката уште еден стан отплаќајќи го едниот се е тоа веќе прорачунато роб на банка цел живот ,недајбоже да треба одмор да планираш. Па уште мир немало цена не знам што а стресот од месец за месец што има ? И има способни мажи , братучед ми направи куќа од средно почна да ја прави до помош од другари и татко му ,ама ја направи ,така да не седат сите и чекаат ај бе брат со жена ми ќе делам кредит ,се е до ''мажот ''
Во ист стан секако не ама куќа на посебни спратови или куќа на еден спрат поголема да. Подобро тоа одколку во стан сами без никаква приватност. Јас лично никогаш не би купила стан. Да давам пари за да сум како во затвор, во мали собчиња со катастрофа изолација? Никогаш. Ако се има можност за куќа да. Притоа не сум луда да инвестирам во туѓ спрат и со лоши меѓусебни односи. Многу фактори имаат влијание тука ама најважно е да се има разбирање.
Јас се обидувам да разберам поентата ама не можам кога мешаш нешто шо едната страна биолошки не можи да напрај (биолошки маж да роди дете) и работи шо секој човек, безразлика на то дали е маж или жена можи да го прај (пример да биди мајстор). Ако маж можеше да роди бебе, тогаш - ок. Зошто да не роди кога можи, иако за кој и да се работи за мене бременост, раѓање и родителство е избор. Ама маж не можи да роди дете. Така да, која е поентата? --- На темава, мислам дека е многу telling за каков маж се работи, ако неќи да се оддели од дома. Неќам живеење со свекор и свекрва и поголемо зелено знаме ми е ако сака заедно да се одделиме чак под кирија. Црвено знаме ми е ако ми речи "дојди кај мама". Исто и ако во иднина имам дете. Неќам дете за да имам кој да ме гледа на старост. Сакам дете за да е живот со потенцијал и неќам да му сечам крилјата, туку да го оспособам да сака само да се осамостои и да има живот и без мене. Ама секој со приоритетите. Строго вервам дека за секој има некој, па и за ваквите мажи сигурна сум дека има жени кои преферираат свекрва. Чак и да не им оди, е-хе, екстра тема за жалење.
Мислењето „ај нема пари, ајде ќе живееме со мамичка и татичко“ не е воопшто такво мислењето, туку зошто да фрлаш непотребно пари на кредити рати кога мање више го имаш веќе истото ? И не само што го имаш истото туку имаш и можност заедно со твоите/нејзините да си помагате за да имате подобар живот. Пак ќе повторам не е работи за пари, туку за што ќе ги трошам. Дали за рати и кредити или си купиш подобра кола и во буџет секој месец да имаш 300-400 евра за шетање, образовање на деца итн И не се секирај за мене, очигледно различни критериуми имаме за нормална девојка. Имаме пријателки, сестри, мајки кој немале проблем да живеат во иста куќа со разбирање со родителите на сопругот - не сите имаат фобија уште од својата токсична фамилија па истата ја пренесуваат и во куќата каде што ќе отидат Не е себично, имаат избор и секој од нив има предности и маани.
Поентата е дека се е на жената оставено па дури и машките работи, ама ај сега ќе речете феминизам не знам што ти било ,кој како сака нека живее на крај краева , мажи принцезиЧки нека се вселат во куќата на жената и вц то
Bold of you to assume дека некој има „фобија од токсична фамилија“ само затоа што не сака да живее со свекор и свекрва или со своите родители. Да имав токсична фамилија, верувај немаше да размислувам толку здраво и со толкава желба за своја приватност и свој живот. Не е поентата дали ќе имаш 300-400 евра плус за шетање ако живееш со мама и тато. Поентата е дека во животот на секој човек доаѓа момент кога мораш да знаеш да се справиш сам, со сметки, со бебе, со работа, со сѐ. Јас сум со човекот што сум, пример, затоа што не сака цел живот мама да му ја менаџира реалноста и да го спасува од секојдневни обврски. И тоа е нормално, човек што сака да биде зрела личност и партнер, не вечно дете што се потпира на родители. А и, фино е што спомна коли, па еве и под кирија успеавме да си купиме нова кола, а сега и стан. Тоа значи дека со доволно труд, планирање и разбирање во врската, може да се постигне се’ без да мораш да бидеш колективна фамилија во 2025-та. Да, потешко е, ама вреди, затоа што пак ќе кажам мирот нема цена. Веќе кога си на форумов оди и прочитај во темата свекрви и снаи, и ќе ти стане јасно со какви сѐ судбини не се соочуваат жени во заедница, па после врати се и ќе збориме. Исто така, „исто“ не е живеење со родители и живеење сам. Да имаш врата и свој клуч и свој распоред е непроценливо. Кој еднаш го пробал тоа, знае дека назад нема
Исто bold како што вие заклучивте дека само тие што сакаат да се иселат се “нормални“ девојки, другите не Аман со тоа вечно ќе се потпира на родителите, знаеш дека има луѓе што заработуваат солидно и уствари сиутацијата е потполно обратна ? Они се тие кои им помагаат и го прават животот на родителите на стари години подобар. Јас знам какви жртви правеле низ што се прошле па не ми се оставаат кога највеќе им требам баш така, далеку од нив Мило ми е за тебе што си успеала да постигнеш се тоа, ама не гледајте само со розови наочари. Видете ја реалноста во државата сепак ова е Македонија ниту примањата ниту условите за заработка се толку огромни за да можеш баш се да си дозволиш. Еден куп девојки немаат заработено зачувано ниту еден автомобил да си купат во животот сами, ама битно први се за иселување ќе плаќале рати макар и 1000 евра оти раатот немал цена черга пуштање подолго отколку што можат затоа после кога ќе им загусти после година-две живеење одма кавги разводи
И јас мислам дека многу работи (скоро сите) се останати на жената и жена која оди на работа покрај работа за плата има и "фри" работна рака дома и нема еднаква прераспределба на задачи. Ама, аголот кој го одбра за аргументација не сфаќам како ја доловува та поента кога ако јас сакам да малтарам сум физички способна, маж не можи да роди и натаму. Спореди типично женски вс типично машки улоги и активности, то е веќе друго. Ама за едните коментираш социјален аспект, општествена норма и воспоставени задачи и очекувања, а за другите коментираш просто невозможен да се исполни биолошки фактор. И за крај, не знам дали со доза на иронија е кажано секој да живеј како сака, па и мажи да оделе домазет. Се надевам не. Оти сепак секој и треба да прај како шо сака и нема нешто страшно и срамно во то. За секој има некој. Е-хе.
Малку си смешен со мислењево дека само тие девојки што остануваат дома со свекор/свекрва се „нормални“, а сите други што сакаат да си градат свој се разгалени. Разликата е што едните сакаат да градат семејство како возрасни луѓе, другите остануваат засекогаш мамино и татино дете. Аман со тоа „ќе импомагам на родителите“. Никој не вика да ги оставиш на улица, ама помош и грижа не значи да ја осудиш својата жена/деца цел живот да живеат со твоите родители зошто ти се плашиш од кредит. Ако толку сакаш да им помагаш, можеш и од свој стан, со сопствен живот ама за тоа треба храброст и капацитет, не само оправдувања како твоиве. И мило ми е што мислиш дека гледаш „реално“, ама реалноста е друга, и под кирија, и со сметки можеш и кола и стан да си купиш. Затоа што работиш, се трудиш и не чекаш некој друг да ти ја заврши работата. Ако мислиш дека со седење со мама ќе заштедиш и ќе си купиш порше, само напред, ама ќе ти треба и жена што е спремна да живее со свекор и свекрва цел живот. Такви има сѐ помалку, па среќно. А јас од 16-та работам, придонесувам дома и сама сум си изградила живот. Разликата меѓу мене и тебе е што јас не планирав вечно да останам дома и не останав, за да бидам „финансиски рационална“. Јас сакам свој живот, свој дом и партнер што знае да се справува со реалноста а не да верува дека ако не плаќа кирија, животот е магично среден.
Па тоа не е Алфа маж ако чека од жена да му обезбеди куќа ,мене такви не ме привлекуваат ич, не викам да е богаташ ,ама основни услови брат ако немаш ,не се ни жени тогаш , а верувам дека за секое машко е понижување да е домазет ама нема везе ,поделени мислења тоа е
@franca можеби тебе такви не те привлекуваат мажи, ама кога се во заедница треба и двајцата да придонесуваат, а не само од едениот да се очекува било тоа мажот или жената.
Ако е незрело да земеш станбен кредит за да основаш дом, тогаш ајде сите ќе живееме со по 6 луѓе у 60м², апсурдно! Кога нема што друго, мора да се земе стан, секако не е подобро да живееме со мама и тато. Не знам како може вака да мешаш поими, и од една во друга тема влегуваш Па и ти не се мажи ако немаш основни услови за живот? Можеби и ти не привлекуваш "АЛФА" мажи, со вакво размислување? Не?
Ами ти напиша не јас „ниедна нормална девојка што има амбиција и здрав ум нема да сака да биде дел од такво „колективно“ живеење“ што имплицираш дека другиве што не мислат како тебе не се нормални.. По мене ова размислување иселување по секоја цена е класична американизација и трендови, а колку е паметно тоа не сум баш сигурен. Живеење во голубарник од 50 квадрата и отплаќање на истиот 30 години, живот на кредит врз кредит, демографија во колапс оправдано бидејки толку се можностите итн Фала за желбиве што ми ги посака, купување порше не ми е една од нив. Напротив со парите што ги заштедив наместо да отплаќам непотребни кредити си посетив еден куп убави места и направив куќа во природа со сите услови и двор голем колку 2 фудбалски игралишта каде што си произведувам и своја храна, да и куќата е на 2 спрата да може да живеат две фамилиии во исто време без проблем
Дали се читаш што пишуваш? Живеење во 50 квадрати. Ако треба и во 10 квадрати ќе живеам ама ќе се мои и нема да трпам никого. Дојди во 2025 година. И уште еднаш ќе кажам, прво живеј со други родители, живеј со родителите на сопругата, тогаш се ми се чини дека друга песна ќе пееш. На некој приоритет му е да го среди станбеното прашање место да шета. Ама ти најпаметен си, па даваш совети.
Многу сме станати нетолерантни. Не мора да значи дека ќе трпиме не знам што колку страшно само затоа што ќе се живее во иста куќа или на два спрата. Темата снаи и свекрви проблеми е полна пошто мажот или жената или двајцата не се ок а не затоа што свекрвата е страшна и малтретира.
Дедовците ми пред 85 години и татко ми пред 50 Американци беа што не живееја до на мајка им сукњата, кога оформиле свои семејства, мхм. Кол ми Џеки Кенеди ...и збори ми за трендови
Јас ниту еднаш никаде не напишав незрело е да се земе кредит , ама Вие повеќето пишавте како е незрело некој ако не сака да плаќа милиони
