Здраво. Ве молам за совет. Бев 4 години во врска и сега 3 недели сме скарани/раскинати. Јас имам 28 години тој 32. Почнавме супер, се грижеше, се трудеше, долг период инсистираше да сме заедно. Почна со некои чудни работички, прво му стасуваа снапови, искочи праќал со некои девојки, ајде беше месец после стартот.Аман заман му простив. После имаше заследувања од негова страна, оп ќе додаде ја познавал пријателка. Али мене почна све тоа да ми смета неможе сите да ги познаваш . Лајкувања на сториња и нормално Реагирав. Ќе запреше одреден период инпак истото со години. Му најдов чет со една девојка стварно рандом муабет али зашо му е тоа? Имавме неколку раскинувања досега. Истово у круг беше. И се уморив некако премногу труд љубов грижа макс му се посветив. Сега пред месец гледам и имал лајкнато у 2024та слика на девојка со огромни голи гради. И некоја друга од Демир Капија сега ја имал аднато, ја запознал на работа. И му кажав избувнав дека на нишо не личи све ова, што сака да прави реферат му напишав. Тој кажа у гужва е ќе чита а јас му кажав само колку сум повредена. И ништо не ми пиша а 3 недели пројдоа. Патем зборев со негови пријателки предходно имал врска од 1-2 години и нонстоп биле заедно од ист град дека. У еден наврат у кавга ми кажа некако се оддалечивме, нема хемија, ко да не се познаваме. После кажа извини претерав не го мислев тоа.И некако си мислам дека изгледал позаљубен, некако посветен со неа али отишла у германија со бившиот и го изневерила. Биле повеќе заедно, ама ајде ок таму си биле. Можно е да ја сака уште? А со мене ова најдолга врска му е. Сега проблемов е зашо го нема цел месец, па и ме делитнал од инста. И еден збор да не каже? А се шалевме демек за мајов да ме бара, ств бевме сериозни. Ова ми дојде шок, се поболев цел месец. Солзи снемав.Дали 4 години вака се решаваат што бидна? Многу пати има кажано работам три смени, тебе се ти е малце, да си најдеш дечко од твојот град.А ја само сакав да минеме време заедно макар и кај него дома, да ме почитува бев тие онлајн неверства, и малку да е понежен. Кога и да сум изреагирала тој вика ајдеее пак кавги, нејќам да се карам, претеруваш. И никад нема салам зборено за проблемиве, а ја се разреметив. Живот снемав. Сега и друг филм ме тепа. За бившава.Знам дека го заебала гадно и све.Али имам слушано и дека она на крај му вратила само. Не знам дали тој ја изневерил али имало нешо. Дека е ладен и се ,.”пази али знае што не направив за него.И сам викал вакво девојче нит има нит ќе има, ваква љубов од др немам осетено. А и едвај еден hughlights на инста има со мене. Слики не. Сакам еден реферат да му изнапишам за се дали вака заслужив да го нема еден збор да не каже и да ме остави да се борам со демони и да се поулавувам.
@Maja12. Не те сака. Овој факт нема да го промени ниту еден реферат што ќе му го испратиш, ни било што друго да направиш. Рефератот нема ни да ти го прочита, зошто не му е галје за тебе + е свесен што прави. Само може да ти се смее со другарите. Стисни заби и сериозно блокни го отсекаде. Потоа дај му време на времето и седни види зошто не се сакаш самата себеси? Од каде потекнува овој корен, па си си дозволила некој вака да те третира. Кога еднаш ова ќе си го средиш, ќе видиш дека ова не било љубов, освен некоја trauma bond
А како да се помирам дека се беше океј, бевме 7 дена во Атина на почеток на Март. Милион планови, замисли идеи. За се знаеше за мене, цели денови сме си ги раскажувале. Нормално ко у врска. 4 години така ми отидоа.. И сега како? Сите солзи годиниве, простувања, вложувања, бев сигурна ќе успееме ток така викаше све ќе ти накнодам, заслужуваш повеќе. Ќе видиш една ден. Како да ги прегазам овие работи? Тие што ме знаат викаат Маја не си ти, друг човек е ова, тебе те снема. Како после овакво разочарување да биднам старата или тек подобра? Ужас..
@Maja12. Imma hold your hand when I say this, Но, врска во која 4 години плачеш, простуваш и си престанала да блескаш, е сè, освен врска. А тоа дека тој дека од сега започнал со изневерувањa, е исто така само заблуда Како да се помириш? Па еве замисли уште 40 години вакво мачење, да плачеш, да трчаш по некој кој само те понижува. Можеш ли уште едно 40 години да си болна? Додади на тоа уште едно-две деца за кои сама ќе се грижиш btw. Вака ли изгледа твојот иден сопруг? Таткото на твоите деца? Зошто понатаму, во брак, би било 100 пати полошо. Така гледано, што се 4 години наспроти цел живот промашен? Сметај дека си имала среќа да не трошиш ни минута повеќе
@Maja12. Дека боли ќе те боли, не ти фали тој туку човекот што ти имаш замислено дека е. Кога ќе го преболиш ќе разбереш дека воопшто не бил таков каков што си го замислила. Некој што може да помине толку време без да се слушне со тебе не заслужува ниту една точка да му пишеш не цел реферат. Не е до тебе што те изневерувал, може и не било само преку пораки.. Воопшто да не ти е гајле за неговата бивша и да прашуваш други што и како било.. Не заслужуваш да бидеш со некој што не те сака само за да спасиш 4 години.. Замисли каков би ти бил животот со него. Океј ти е да живееш со некој што вечер спие со тебе, преку ден гледа други? Дај си време да преболиш, посвети се на себе не на него..
@Maja12. Тоа однесување не е нормално за маж од 32 години, се подразбира дека си планирала нешто сериозно сепак се работи за врска од 4 години но тој НЕ те сака. Може да ти каже било што но со неговите дела тој тоне, не можеш и не треба така да функционираш, млада си дај си време и простор за мир, спокој, промена, љубов кон самата себе, цени се и на крај на денот што ќе ти е маж што издржал 3 недели без никаков контакт со тебе? Само главоболка, стресови и нервози ќе имаш, за жал 70% од жените толерираат вакво однесување само за да не им помине возот, да имаат некој до себе и да не се сами, затоа се разболуваат, страдаат и на крај „поради децата сум со него..„ едно големо НЕ. Self love и ќе дојде тој што ќе те цени сака и поддржува а не да го трпиш ова ниско однесување како да е средношколец..беда Ако не ти го олесни животот и не се чувстуваш како девојче со него туку како мајка што го учи кај како треба на 32 години сестро пиши пропало, за еден однос да опстане треба двајцата да се трудат а не само ти да го држиш конецот бидејки кога и да е ќе те заболи раката и ќе пуштиш и плус машко е тој треба да сака и да се труди повеќе. Нека го воспитаат неговите како треба не си ти должна, за изневерувањата нема да коментирам бидејки не е вредно си требала веднаш да прекинеш ама ете.. крајот се знае.. Те молам не се базирај на зборовите, секој може било што да каже или вети, тоа се само прашкасти материи, летаат во воздух, нас ни требаат дела и само делата зборуваат особено кога се работи за љубов, не знам што чекаш ама кога некој не е за тебе а ти упорно пробуваш, даваш шанси, се трудиш и молиш Господ ќе направи се за да бидеш повредена до степен да не можеш повеќе, да дигнеш раце и да се откажеш, споделувам од искуство. Кој сака ќе најде начин, кој не сака ќе најде изговор, просто се оладил снемал чувства и заинетересираност, тргни го од твојот пат само те кочи. Блок секаде, куферот и чао. Girl, животот е пред тебе, откажи се ќе процветаш и ќе се препородиш.
Не можеш со сила да направиш од човек нешто што не е , а ќе го губиш скапоценото време чекајќи. 4 години се и повеќе од доволно за да сфатиш каков е некој, а на 32 веќе карактерот му е испечен, не сте деца. Тоа "ќе" ти надокнадам обично е идно време од *те лажам додека ми веруваш*. Не дозволувај некој да ти ја потценува интелигенцијата, да нема обзир за твоите чуства. Тоа што било "месец после стартот " не е изговор. Човекот на стартот се презентира најдобро што може за да те освои и верувај дека тој што е на почетокот тоа е неговиот *максимум*. На сите им е на почетокот убаво и највозбудливо и после се разоткриваат, а он тоа го направил после само 1 месец. Се додека си правела филм за потенцијалот негов , он ја користел твојата наивност и на крај не те удостоил ни со труд и финален муабет за раскинување после 4 години. Не е лесно да се раскине толку долга врска, знам од сопствено искуство, ама млада си животот е пред тебе, не си ломи нерви за некој што те остава анксиозна и збунета. Пиши ја пораката, рефератот ако имаш потреба да се исчистиш и да ја извадиш енергијата од себе, ама не очекувај дека нешто ќе се смени и не завлегувај во објаснувања. Аt some point ќе почуствуваш дека све е кажано и нема напред па ќе свртиш нов лист.
Вака коа пишувате.. Колку добро све си знаете што е, како е, што треба, и не треба, како да се постапи, а сепак ви треба валидација од други. Интересно
@Maja12. Луѓе раскинуваат и подолги врски и продолжуваат понатаму, и долгогодишни бракови се распаѓаат а ти се уништуваш поради човек кој не те сака и почитува. Ќе те боли ама ќе помине. Престани да се жалиш себе, да се уништуваш и да се затвараш. Сите речиси сме поминувале во таа фаза, ќе помине време, ќе боли помалку и еден ден ќе се сеќаваш на ова со смеење. Немој да анализираш ништо, немој да бараш одговори, не си ти виновна овде. Ти направил услуга, ништо друго.
Нема да бидам нежна со тебе затоа што ова себе-мразење сме го прочитале милион пати на форумов. Го гледаме во блиската околина, па сум го поминала и јас. Иако се надевам дека нема да биде така, мислам дека нема да послушаш ниеден совет и сега да ти се јави типот ти одма ќе му се фрлиш во прегратка. Се држиш за него ко слеп за стап, затоа што се плашиш да бидеш сама. Или шо велат, кој е гладен за љубов, прифаќа и трошки. Во животот ќе наидеш на многу луѓе кои нема да се однесуваат како шо си заслужила, ама кога имаш цврста основа во себе, не е ни битно ни страшно. Тие демони шо ги спомна, мора и треба сама да се избориш со нив. Еден мудар човек еднаш ми рече "љубовта шо ја бараш од мене, дај си ја себе". Тогаш ме болеше, го мразев, ама бил апсолутно во право. Кога ќе се сакаш самата, нема да прифаќаш шупли "љубови". И за вакви ситуации сме винови сите како општество, првенствено родители, потоа браќа, сестри, друштво и така натака. И ДЕВОЈКИ И МОМЧИЊА, дај ценете се! Родители, ваша одговорност е да градите цврсти карактери за да не може после некој да си игра вака *ур-та*ак со вашето чедо. П.С. не те сака. И ако продолжиш со него, ќе бидеш несреќна и се погладна за љубов.
Мајка ми се поболе овие 4 години, така речено плачела да ме свести. Се имаме карано, дерено. И брат ми еднаш- два пати ми збореше..
Уште од прв ден те вара (онлајн), а ти пак со главата во ѕид, лудо заљубена во таков преварант. Откачи го. Нели гледаш дека не те сака. Штом гледа, лајкнува и пишува со други женски, значи си го гледа чарето и со други. Ти си му опција за да не му биде досадно и да си пополнува време. А во врска со другатљ девојка, треба да ја слушнеш и другата верзија, т.е. нејзината, за да заклучиш до кој е проблемот. Штом има чад, има и оган.
@Maja12. Се надевам не си го само отследила/избришала, туку и стварно блокирала. Од телефонски број до социјални мрежи. Воедно и неговите другари комплет. Ова ти е must прв чекор - кој мора да го сториш за да правилно оздравиш од сето ова. Без оставање ни 1% простор за можна идна комуникација. Воедно ете гледаш не си сама, ги имаш твоите дома за поддршка што е супер
Супер, сега уживај. Ќе видиш дека кога ќе се сруши сѐ што си проектирала врз него, ќе престане болката. Таа потекнува само од твојата одлука да се држиш за него. Ќе ти биде смешно, кога ќе се извлечеш од целава ситуација. Верувај. Животот е еден и само твој. Не те родила мајка ти за некој да те заебава, туку за да го уживаш и да бидеш среќна.
Значи не ти доаѓа умот.. ем те предупредиле, ти кажале кој се последиците и ти пак по свое.. епа сега извини ама сама си виновна..
