За жал истово го мислам. Не верувам дека е истиот ,ама со сличен се имам запознаено дури сакаше да се запознае со моите (фала богу па не го запознав ) , исто ме викаше касно да се видиме наводно лето, топло било. Си подразмислив еднаш си реков стој кај е нормално 23:00 да ме вика некој, кога ќе се сетам колку ми беше тешко ,не сум била нормална. Дефинитивно е лажго.
Барем на први состаноци е логично кога ќе излезете некаде да седнете на јавно место и во некој понормален период. Работава испаѓа како типов скришно да искача подоцна и само во кола. Рачунај дека може и да има некоја па затоа така прави. Веројатно сакал само секс по некои темници. Не настојувал оти чекал да види твоја реакција. Видел дека нема да го добие тоа што го сака и затоа се повлекол. Батали го и не троши нерви.
Овој бара секс и не го занима врска со тебе. Понашањето му е индиферентно и те зима здраво за готово, батали го и уживај во животот. Имам слично искуство, јасно е се.
На прв, втор или 3 дејт, мада воопшто на било кој по ред дејт во кола НЕ ОДАМ. Не ме интересираат никакви изговори па време дали имало, па финансии дали имале, за едно кафе од 70 денари сто посто се има. Не ја разбирам логиката на 20+ години да се пикаме по ќошиња и темници.
Да го игнорираш. Покана за дејт во кола во 23 часот, не фала. Не му враќај веќе на пораки и никако не му вели ништо.
Who the hell излегува во 23/00 часот на дејт. Ни општо не би излегла тогаш. Мислам преочигледна е работата. На исто ниво со тие што ти пишуваат во 1 ноќе. Не е воопшто заинтересиран, ако е немаше така да се однесува со тебе. Батали го и чувај си ги нервите.
Зошто број не дте си размениле? Да не има он девојка па си бара некоја настрана.. Зошто во 23 да те вика? Нека те викне во нормално време и зошто во кола ? Ми дава вајб како да те крие и дека очигледно за секс му е ..
Фала ви на сите за одговорите Но зарем би ме барал и распрашувал за мене која сум по другари ако сакал само секс? Ова не ми е сфатливо а се на тоа алудира... кога го прашав како ме нашол рече некој другар ме знаел што сме се следеле. Не можам да поврзам тоа во живо како ме има гледано со месеци, па и неговите другари а колку само незаинтересирано се однесуваше откога стапивме во контакт...
Душо, ќе се изненадиш што се машките можат да направат а уствари да ги интересира само секс. Тој не само за тебе ами за уште 10 како тебе се има распрашувано. Плус, очигледно се распрашувал да приметиш ти и да ти предизвика љубопитност, да сака машко да се распрашува ти и нема ни да дознаеш дека се распрашал а не од другата страна на просторијата да приметам дека се распрашува за мене. Не се разочарувај, како женско не треба да се разочаруваш бидејќи ти си наградата а он само може да трчка по тебе. Значи во машки муабети не веруваме се додека не се испостави дека може да му се верува па ни тогаш.
Генерално мислам дека денес машките се многу досадни. И женските се, цели нови генерации се такви, но машките поготово се тие кои треба да преземат иницијатива во разговорот, a се многу пасивни, не знаат да разговараат, не знаат да отворат теми, не се интересни, роботизирани се. И ова не е одраз само при муабетење во живо, туку и преку чет се такви, досадни, турни ме да запалам луѓе. Ниту на живо се смее, ниту на мртви плаче. Рамна линија. Не знам дали општо фали социјализација, дали доаѓа од недоволна едуцираност, немање хобија, општа летаргија и никаква желба за истражување, но се чувствува генерално уназадување во тоа поле. Може тоа да се должи на немањето трпение, брзите трендови, губењето на фокусот. Не знам. Но никој нема желба да се потруди, се сака да му биде сервирано, ако може веднаш. Површноста никогаш не била поизразена. Тежок brain rot.
Се согласувам целосно. И не мислам дека ова се "лечи" во живо ако се видиш. Не верувам многу секогаш во тоа едно онлајн друго во живо, не барем кога и онлајн не те бива. Сум забележала сега дека има многу што "бараат за да не најдат", ама буквално. Ќе ни одел разговорот до некаде па потоа ќе ги снема. Другите не знаат да прават муабет, ко тој примерот од постот. Нешто навистина фали, не е преувеличување кога се вели дека тешко се наоѓа нешто нормално, како да бараш игла во сено. Ама барем, барем, да имаше повеќе такви кои имаат хобиња, живот, нешто за раскажување наместо "куча посо" и "што правиш" муабетите. Навистина не можам со некој што не ме стимулира никако. Поарно ќе седам сама. Еве нов бисер од братов, ми рече во обратна ситуација, јас да не сум знаела да комуницирам ќе ме научел. Немал интересен живот но се трудел. At this point го сфаќам ова како навреда и се повлекувам.
Глупости! Многу луѓе има што им требаат 2 дена да вратат на порака, а во живо уста не можат да затворат.
Кои мажи бре ги има денес? Летаргија, затупеност и екстремна пасивност ала принцезички на мама! Страшно кој е изборот на пол кој се декларира како машки, а ваму не знае да сврзи две прости реченици. Па после жените биле криви, оти мажињата на мама се срамат!!!
Верувам дека машките денеска се досадни со оглед на тоа шо цел ден дремат на интернет и со оглед на машката самечка епидемија. И во моето време на дејтање имаше досадни, не викам не . Имаше еден кој ми пишеше цел ден, не којзнае какви муабети, колку да се рече оти пишал , а во живо само ќутеше . Работа, дома, пишење на интернет и понекогаш ако се видевме на кафе, тоа му беше животот . А јас како помлада девојка, си имав доста избор со поинтересни момци шо уста не затвараат и знаат да те насмеат. И после тој ми рече дека јас сум била крива шо него не сум го одбрала и шо сум трчала по поинтересните . Се налути и ме блокира.
