Љубовни проблеми и совети

Мојот совет тие да не се пушташ во таква врска...нема врска далечината туку годините твои и намерата негова...сака да зборни со татко ти па мислам ти имаш само 16 години уште од сега ќе му носиш дечко дома на твоите..или пак уште полошо ќе се мажиш....јас така мислам дека тој бара жена значи сака да се жени...така да остај уживај малце во слободата каков дечко уште од сега

 

Не би знаела како да го класифицирам мојов "проблем". Во врска сум со човек со кој бев исто така во врска пред 3-4 години. Откако тогаш раскинавме, тој не престана да биде до мене и да ми биде пријател. Секогаш знаев дека сака да биде со мене, ама јас јасно му давав до знаење дека нема да се случи. Му велев да си ја бара среќата на друго место, не давав никаква надеж, а тој беше повеќе од прекрасен кон мене. Во најтешките ситуации не ме остави сама, ми помагаше околу секакви ситници. Не му давав шанса затоа што не ми одговараше, како да кажам, интелектуално. Сакав човек со манири, човек што не пцуе, што има прочитано барем некоја книга во животот, што не се весели на турбо. Така да, со овој човек не ја гледав иднината. Но, после толку време си помислив дека може треба да му дадам шанса, бидејќи со човек што толку се грижи за мене може да ми биде само убаво. Ама, работите не се некако ко што очекував. Тој ме сака сеуште, но не сака да покаже дека толку се грижи за мене. Се случи и да ми се развика, што според него било повишување на тон. Некогаш се труди околу мене, но не гледам дека тоа го прави со љубов. Мислам дека многу ги слуша другарите. Јас сум некој си цврст карактер и кога нешто ми смета, веднаш кажувам. Тој смета дека премногу избувнувам. Сум знаела многу пати да му преречам за цигарите, ама пред некој ден достигнавме кулминација. Почна да вика зошто сум му напоменувала за тоа, тоа било негова потреба, тој за женско од свои потреби не се откажувал. Јас си имам некои свои принципи и ретко отстапувам од нив, но за него направив некои промени. Е сега, карактерот не можам да го сменам и кога нешто ми пречи, не ќутам. Зашто знам што заслужувам, не сакам кога ми се јавува да дреме на компјутер и да ми чита работи од фб. Тоа го сфаќам ко да ми се јавува чисто онака. Порано, кога не сме иделе, кога ќе ме видел бил цел среќен. Сум го гледала тоа во очите.
Друга работа е што чув муабети дека со бившата бил само за секс. И тоа цела година. Можеби тоа не е чудно во денешно време, но постојано ми кажуваше дека за да биде со некоја сака да го почитува, цени и сака. А таа уште од прва ноќ му дала. Е сега, испаѓа дека сите муабети ми ги правел за да ме придобие и веќе не знам што да мислам. Зашто сега кога сме во врска, не сака да покаже дека се грижи, се прави некој си карактер, не сака да попушта... Сум ја имала вината во многу расправии, всушност може и сум ја немала , но тој ме натерал да мислам дека за сѐ сум крива. Вчера го прашав дали сака да биде со мене. Ми рече дека ако одат вака лошо работите, не сака. Проблемот е што во секоја расправија јас сум сигурна дека јас сум во право, ама тој ќе изнајде начин да докаже дека тој е и затоа јас излегувам таа што ја упропастува врската. Но, како разговарам со луѓето, ми велат дека јас многу попуштам и дека проблемот е во него. Но, јас немам начин тоа да го докажам. Татко ми, пример, ми рече дека не треба да дозволувам на некој друг да се дере во моја куќа. Изгледа детево си мисли дека претрпел многу работи ради мене, па сега јас треба да му докажувам и да се понижувам. Мислам дека со вакви карактери не можеме да ја одржиме врската. Тој пак смета дека јас сум премногу арогантна (кога ги докажувам моите ставови, тој тоа така го доживува), а јас не сум учена да се понижувам за никој. Не сум тип кој молчи, а ми личи дека е добар глумец, мисли дека ме освоил и сега јас треба да го слушам. Сум имала многу убави моменти порано, ми давал многу совети во животот кои испаднале многу корисни, а сега никаде го нема тој човек. Вели дека се променил и сега е зрел човек. Негов другар ми има кажано дека дечко ми мене многу ме трпел. Затоа сметам дека е под влијание на други, а тој тврди дека размислува со свој мозок. Вели дека јас за човек ко него можам само да сонувам и дека никој друг не би го трпел моето однесување. Јас пак сметам дека со друг човек, не би ни доаѓало до вакви карања. Зашто јас сум многу добра со некој што знае како да се однесува со мене. Ама кога гледам дека нешто не иде знам да бидам и арогантна и саркастична. А него тоа му смета. Можеби бил научен да му одат по газ, да трчаат по него, да му ласкаат. Јас тоа не го можам.
Ми сметало што не знаел да се изрази, што не се грижи како изгледа, што за него книга не значи ништо, за театар да не зборуваме, има ужасен вкус за музика... Јас од друга страна сум многу културна, не пцујам, некогаш повеќе сакам да читам книга, отколку да излегувам, сум да не речам кавалер што е некоја си машка должност, секогаш кога ме носи негде или доаѓа кај мене, му давам пари...Вака ми изгледа дека сме премногу различни и дека јас заслужувам многу подобро, а не тој.Сите разлики ги прифатив со надеж дека ќе ми биде убаво со него како порано. Но, кога веќе не е така, мислам дека оваа врска треба да се заврши. Сакам да знам како оваа ситуација изгледа однадвор, дали е навистина проблемот во мене? Ви благодарам. И се извинувам поради долгото образложување

 

Од мене од мое објективно гледиште на вашава ситуација ... ти не сакаш да си со него во врска. Не се гледаш себе со таков човек, не гледаш иднина за вас двајца. Тоа си го знаеш и сама. Ете ти одговор ... И со време расчисти си и продолжи по нов пат со некој нов човек кој ќе ти одговара.

 

Има корист тој од тебе, што имаш ти од него? Очигледно знае дека со девојка како тебе ќе има убав живот, а по тоа како ти го опиша него не му гледам некоја светла иднина. Што викаш многу ги слуша другарите,па се гледа дека не е зрел и не размислува со своја глава туку некој "јаки типци" му ја полнат главата.Ова со другарите од искуство,да не дозволев толку други да ми ја полнат главата и да размислував малку повеќе немаше да оставам некого кого сакам на крај јас испаднав глупав и(а ми требаше долго време да сфатам..али ај може дека сум млад па незнам толку) Незнам зошто сте заедно кога воопшто(според ова што го пиша) не сте еден за друг. Мислам дека нема убава иднина за вас најдобро секој по свој пат незнам друго што да ти пишам

 

девојче ти веке сама си го даде одговорот,по цела оваа приказна ја увидов ддека ова твое и негово не е врска туку инает и натегање од твоја и од негова страна,кога сакаш некој со сето срце,некад ке попуштиш ти,некад он,она што викаш дека таков карактер си не можеш да прекутуваш и у иднина би ти правело проблем,не можеме за се да коментираме и да се инаетеме,некад да попуштиме а некад неее.

за типов мислам дека има голем комплекс,значи огромен,побанален муабет од тоа што ти кажал за предходната девојка дека бил само за секс,како што разбрав,по банално од тоа нема и го оценува он како личност,и мислам дека не сакаш да имаш работа со некој како он
што побрзо одалежисе од него,и почни си од ново,не треба сегад да се инаетиш али не треба ни да попушташ,и сама си даде одговор скроз сте различни
во животот нема време за тага,има само за љубов и уживање у таа љубов
а мисалм дек ати не сакаш да си го тошиш времето да донесуваш у ред некоја премногу искомплексирана личност

 

Драга Либера, би ти го дала истиот совет како членовите погоре.
Според твоето напишано, врската кога тогаш ќе прекине.
Колку порано, толку подобро.
Не се измачувај себе си за нешто што ни самата не го сакаш. Не си должна да трпиш психичка тортура.
Скарај му се, ќе ти биде полесно.
Се најдобро.

 

Ви благодарам на сите за издвоеното време. Во однос на тоа за попуштањето, ми попуштал и тој, во моменти кога сум попуштала јас, тој се враќа на моите грешки и не се држи за мојот став да направиме да биде убаво. За женската што ја имал за секс, никогаш не призна дека ја имал само за тоа, ама штом другар негов кажува... Сите другари ми кажуваат колку ме сакал и сака, колку време ме барал во други девојчиња.. и јас сама знам на кој начин се однесуваше со мене. И мислам дека премногу се држев за стариот тој и имав надеж дека кога тогаш тој ќе се врати. Ама очигледно дека сега е "созреан" и нема да дозволи некое девојче да го заебава, како што тој мисли дека јас му правам. Корист од мене и нема некоја, само сака некое фино, мирно, културно девојче...ама и јас сакам таков човек до себе
Ви благодарам уште еднаш на сите, ми значи секој совет.

 

Ќе го најдеш

 

Ако ти самата сметаш дека можеш без него, по среќна ќе си без него и ќе најдеш некој подобар од него, тогаш остави го. Мислам дека не треба да обрнуваш толку големо внимание на неговите другари, од каде знаеш зошто зборуваат така? Размисли поубаво, немој да избрзуваш. Имаш многу причини да го оставиш, но може само една да те врати кај него.. љубовта. Ако не се гледаш себеси и својата иднина со таков човек можеш само да му кажеш чао и да најдеш подобар. И нема зошто да се обвинуваш себеси за тоа, едноставно ти не можеш да бидеш со таков човек и крај.

 

Мене без него искрено не би ми било баш лесно, навикната сум да е покрај мене изминативе 4 години во сите ситуации. Јас се заљубив во човекот кој тој беше кога првиот пат ме запозна. Тогаш беше внимателен, трпелив, никогаш не повиши тон, првенствено гледаше мене да ми е убаво... И мислам дека беше искрен. Ама во меѓувреме се претворил во нешто друго, дали по сугестии на другари, дали сам смета дека само на ваков начин може да ме задржи бидејќи кога бил добар не му успеало, не знам. Само знам дека е променет кон мене и сум му го кажала тоа, а сам не го гледа. Ме обвинуваат цел живот дека грешам кога размислувам со мозокот, а не со срцето. И затоа овојпат гледав единствено да ја одржам љубовта, да не размислувам дали ми одговара, да не ги слушам другите во врска со него... Ќе размислам повторно пред да донесам одлука, ама не гледам некој друг излез. Зашто ако продолжи врската, бидејќи последниот пат јас ја преземав вината, ќе треба натаму сѐ јас да попуштам. А не сум спремна да го делам животот со таков човек. Благодарам што ми дадовте свое видување на проблемот.

 

Незнам дали сум грешка постот ти е голем, но мислам дека никаде не прочитав како ти жалиш за овие проблеми што ги имаш и дека ти го сакаш дечково. Можеби сум грешка но јас така би го сфатила овој твој исказ.
Мислам дека ти си започнала врска со него само затоа што си сакала човек што ќе те сака и што ќе е секогаш до тебе,а дечково пред да се фати со тебе ги исполнувал сите тие критериуми на совершен дечко за тебе. Но ете не испаднало така.
Ако има љубов и од твоја страна со разговор пробајте да го решите проблемот, а ако нема или па ти е сеедно дали си или не си со него подобро раскини со него. Ако си толку добра и фина како што се опиша нема да имаш проблем да си најдиш нов дечко што ќе те сака и почитува, но со кој нема да ги имаш овие проблеми.
Поздрав.

 

Секако дека жалам за ова што се случува, не сум замислувала дека вака ќе биде. Дека го сакам, го сакам, ама си пазев да не се затрескам премногу за да не патам после, зашто си имав и такво искуство. Секогаш сметав дека ми треба човек кој ќе ги исполни моите критериуми, а не дека доволно ќе ми биде да имам човек кој ќе биде добар со мене и со кој ќе ми биде убаво. Ама си реков, ајде можеби погрешно размислувам, па ќе му дадам шанса. Сега сум во ситуација кога ем не ги исполнува критериумите, ем не е врскава ко што очекував. Да не биде дека цела вина му ја префрлам, сум имала и јас многу испади, но преферирам смирен муабет и некој да не ми го наметнува своето мислење, а таков бил порано, за разлика од сега. Благодарам, тука завршувам со своето тупење.

 

Либера, кога некого сакаш го сакаш и прифаќаш со сите негови маани и недостатоци, го сакаш онаков каков што е и несакаш да го промениш, туку си го сакаш цел во комплет, без разлика дали пцуе и плука по улици, без разлика дали слуша турбофолк итн... така да, јас ќе ти кажам дека ти не го сакаш тој човек, барем не онака како што треба да го сакаш, затоа не се мачи, остави го, ќе ти помине, ќе најдеш друг каков што ќе ти одговара и каков што посакуваш.

 

Не можеш да очекуваш ако еднаш на некој начин си го повредила, дали намерно или не, сега пак да биде исто добар. Тој се плаши едноставно дека ќе испадне пак повреден. Дефинитивно му значиш премногу чим цело време бил тука за тебе толку долг период. Сега едноставно си гради бариера и сам си поставува граници до каде може, а до каде не, за на крај да не испадне пак тој повредениот. Тебе сеедно не ти е, ни малце. Само си навикната тој да ти иде по гз, најдругарски кажано Те сфаќам многу добро бидејќи до негде сум во истата ситуација. Но верувај не може некој постојано да ти дава, а ти само да земаш. Некогаш мораш и ти да се потрудиш. Реши го ова со разговор, кажи му дека сакаш да успеете дека ти треба до тебе и дека нема потреба да се однесува така, тоа што се случило тогаш биднало, сте биле недозреани. Сега сте посериозни и време е и двајцата да вложувате, а не само тој. Дај му до знаење дека не сакаш да го повредиш, само тоа треба.

 

Твојов одговор е најблизок до она што се одвива во мојата глава. Точно дека го повредив, иако тогаш бев дете и не размислував што правам, а љубовта ми беше на последно место. Имаше направено толку работи за мене, што мислев дека ниеден човек не е способен така да сака. Сега ми кажа дека тоа време поминало и дека тој веќе за ниедна женска нема да си ја лупа главата од зид. Јас признавам дека не се трудев многу, зашто сакав да проверам дали и во врска е таков ко што беше порано. А од друга страна веројатно и тој ме тестирал дали ќе се трудам околу него, зашто планира сериозни работи со мене. Сметав дека ако јас му покажам премногу внимание, ќе се навикне да јас бидам таа што се труди и постојано да му докажувам. Можеби и е вината во мене што си стоев на страна. Ама не можам да дозволам некој да ми се дере, да ми вика да прекинам, да ми кажува дека темата е завршена. Вели дека тој многу пати ме трпел, си ја погазувал гордоста, а сега јас не го правам тоа. Само, секогаш кога се трудам сега да ги исправам работите, тој си држи до неговиот карактер и не попушта зашто претходно јас не сум попуштала. Очигледно инаетот ни е главен проблем. А дека не го сакам, тешко ми е да кажам, инаку од старт ќе се откажев од него. Ми бил и најдобар другар, ме водел низ сѐ во животот, ми давал совети и кои оделе на негова штета, сѐ за мое добро. Со муабет веќе ништо не се разрешува. Најлесно е да се стави крај, но подоцна ако сфатиш дека си згрешил нема шанса за враќање. Јасно е само дека не треба да брзам, Бог ќе одлучи што треба да биде.
Благодарам.

 

Ste bile li vo situacijava?

Sakam da go vratam bivsiot..Idevme 5 meseci i dodeka idevme jas pocnav da idam kaj nego doma gi zapoznav negovite no tie bea mn strogi..Majka mu odma mi gi kaz pravilata deka treba da rabotam edno dr..Neznaev da gi primenam i za sekoja najmala greska mi vikase..Po nekoe vreme ja go donesov doma ( od razlicni gradoci sme) I so moite bese ok no koga si otide moite mi rekoa deka ne e za mene deka zasluzuvam podobar a negovite toa za mene mu go kazaa..Mi dade 4 sansi da se smenam ne uspeav i raskinavme..Koa raskinavme go molev da se smirime on nejkese...Posle pocnavme da se digame da se vregame i zakanuvame na krajot ja ispadnav kriva i sea ni na zdr ne sme..So da praam? Negovite nejkat da me vidat rekoa otkazi se od nego on gi slusa ja moze zgresiv so gi slusav moite zs niso ne rabotev..Kako i da e vinovna sum i nz so da praam Nema sansi da go vratam niso nemoze da go vrati..Negovite rekoa da go zboravam i da se otkazam od nego...So da praam?

 

Либера типов е супер, те почитува, секогаш бил тука за тебе, знаеш дека ти мисли добро но едноставно не е тоа тоа. Не дека не си среќна со него но длабоко во себе знаеш дека тој не е вистинскиот за тебе.. Сваќаш дека не комуницирате на исто ниво. Да можеби тој вика дека те сака но ете и самата викаш дека никогаш неговата љубов ја немате почуствувано на дело. Секогаш имаш чуство дека нешто недостига или пречи..
Типов едноставно не зане како да те погоди на вистинско место и да го извлече најдоброто од тебе. Свесна си за тоа ама не сакаш да прекинеш.. Зошто упорно продолжуваш да живееш во лага?
Ај ке се обидам да те оправдам ама не можеш да бидеш со некого само затоа што е добар и љубезен. Љубовта не е поврзана со добрината ... Не можеш да бидеш со некого во врска само за да му се одложиш за добриот однос. Залудно се надеваш дека нештата ке се сменат или дека со текот на времето ке го засакаш.. Ти си дала шанса и се од себе за да успее врската но мора да го поштедиш и да му дадеш шанса да ја најде вистинската љубов. Колку и да е среќен и исполнет тој е лишен од задоволства што може да ги има со друга личност..

Со среќа

 

Чекај малце, а кој е тој и кој фактор се неговите да ти поставуваат услови за да бидеш девојка на нивното синче? Кои се тие да ти кажуваат дали да работиш или не, и каква да бидеш, а каква не? Кој е тој мангуп да ти дава тебе 4 шанси за да се смениш? Зошто да се смениш?
Дали си ти задоволна ос самата себе и од својот живот, дали ти студираш, дали сакаш воопшто да работиш?
Девојко твоите родители ти мислат само најдобро, сигурно несакаат нивната ќерка да пати и да биде со некој кој ќе и поставува услови и ќе ја тера да прави работи против нејзина волја.
Од самиот старт неговите тебе ти поставиле услови, на што личи тоа???
Немој да се обвинуваш затоа што ти не си крива за ништо, неможе ти да се менуваш според желбите на другите, затоа што ти си имаш свој живот, неможе тебе еден дечко да те омаловажува и да те присилува да се промениш според неговите потреби и желби, ако вистински те сакал ќе те прифател таква каква што си. Не си должна да се менуваш заради никого. Ако те сакал доволно и ако сакал да биде со тебе немал да ги слуша неговите родители, всушност кој денес ги слуша забраните од родителите? Ти ги послуша твоите родители кога ти рекоа дека тој не е за тебе? Не, така. А тој ги слуша неговите...
Ако мислиш на себе немој да се обвинуваш, подобро заборави на типов. Ако се смириш со него утре може и полошо да биде, неговите родители да владеат со твојот живот, а тој да ти кажува дали може да станеш од кревет, дали може да работиш, дали може да јадеш итн...
Се најдобро.

 

Здраво.
Ми треба совет, во врска со мојот прв состанок со дечкото што ми се свиѓа.
Тој не е од Ск. и треба да дојде,прв пат ке се видиме во живо. Ке преспие кај мене. Дали е во ред ако имаме секс, и дали може поради тоа да има некое лошо мислење или не?
Друго, ми треба совет што да правам ако во некој случај нема што да кажеме и завладее тишина?
Дали да покажамнешто дека ми се допаѓа или се да оставам на него?
Сигурно после нема да се видиме подолго време, ама сакам барем нешто да го натера да мисли на мене, што да направам нешто интересно, некоја идеја?
Ве молам за одговор.

 

Мислам дека не треба од првиот состанок право да преминете на секс и да ги прескокнете сите претходни чекори.. Но тоа си е твое, ти си знаеш што е најдобро. Може ако веднаш имате секс после воопшто да не се појави или да не изрази желба за повторно видување или па да мисли за тебе дека си од типот на лесни девојки и кога и да посака да те има.
А мислам за зборувањето треба да бидеш опуштена да се шегуваш и да се смееш.. Кога ќе помисли на тебе секогаш да се насмевнува.