Актуелни политички настани

Acronia · 17 јануари 2022

Имаме нова Влада, јухууу!
Боље времиња идат а уз тоа кавијари, поршеа, нови прибори за кисел купус.
Ај вака да овековечиме, да опулиме колку се лични.

WildMk · 17 јануари 2022

Acronia напиша: ↑

Имаме нова Влада, јухууу!
Боље времиња идат а уз тоа кавијари, поршеа, нови прибори за кисел купус.
Ај вака да овековечиме, да опулиме колку се лични.

Види го прикачениот фајл 743948
Кликни за проширување...

Барем кажи кои се луѓево?
Само Спасовски го препознав и тој новиот на СДСМ шо е премиер... заборајв како се вика...

benzema · 17 јануари 2022

WildMk напиша: ↑

Барем кажи кои се луѓево?
Само Спасовски го препознав и тој новиот на СДСМ шо е премиер... заборајв како се вика...
Кликни за проширување...

https://vlada.mk/vlada-ministerstva

Acronia · 17 јануари 2022

WildMk напиша: ↑

Барем кажи кои се луѓево?
Само Спасовски го препознав и тој новиот на СДСМ шо е премиер... заборајв како се вика...
Кликни за проширување...

Многу ги има богати, не прочитав ни јас дали е објавен официјалниот список.

Ahoy · 17 јануари 2022

WildMk напиша: ↑

Барем кажи кои се луѓево?
Само Спасовски го препознав и тој новиот на СДСМ шо е премиер... заборајв како се вика...
Кликни за проширување...

Ковачевски ќе има четворица заменици:

Артан Груби (ДУИ) – прв вицепремиер и министер за политички систем и односи меѓу заедниците;

Славица Грковска (СДСМ) – вицепремиер за борба против коруција и криминал;

Бојан Маричиќ (СДСМ) – вицепремиер за европски прашања; и

Фатмир Битиќи (СДСМ) - вицепремиерот за економски прашања.

За членови на Владата се избрани:

Оливер Спасовски (СДСМ) – министер за внатрешни работи;

Славјанка Петровска (СДСМ) – министерка за одбрана;

Никола Тупанчевски (предложен од СДСМ) – министер за правда;

Благој Бочварски (СДСМ) – министер за транспорт и врски;

Љупчо Николовски (СДСМ) – министер за земјоделство, шумарство и водостопанство;

Јована Тренчевска (СДСМ) – министерка за труд и социјална политика;

Бисера Костадиновска Стојчевска (СДСМ) – министерка за култура;

Горан Милевски (ЛДП) – министер за локална самоуправа;

Беким Сали од Алтернатива – министер за здравство;

Јетон Шаќири (ДУИ) – министер за образование и наука;

Бујар Османи (ДУИ) – министер за надворешни работи;

Фатмир Бесими (ДУИ) – министер за финансии;

Крешник Бектеши (ДУИ) – министер за економија;

Насер Нуредини (ДУИ) – министер за животна средина;

Адмирим Алити од Алтернатива, министер за информатичко општество и администрација; и

Џемаил Чупи од Алтернатива – министер без ресор задолжен за дијаспората.

https://mk.tv21.tv/biografii-na-chlenovite-na-novata-vlada/

Acronia · 17 јануари 2022

Добивме осум министри албанци. Традицијата продолжува, само нека се множат.

Rama · 17 јануари 2022

Acronia напиша: ↑

Добивме осум министри албанци. Традицијата продолжува, само нека се множат.
Кликни за проширување...

Ај честито на младите па овој љепиов Груби пак е заменик премиер, ама покрај сегашниов, гарант ќе фигурира ко не баш заменик

П.с ме плаши дека ништо не ги најадува овие, има да кркаат на велико, кад плача народ

Acronia · 17 јануари 2022

Rama напиша: ↑

Ај честито на младите па овој љепиов Груби пак е заменик премиер, ама покрај сегашниов, гарант ќе фигурира ко не баш заменик

П.с ме плаши дека ништо не ги најадува овие, има да кркаат на велико, кад плача народ
Кликни за проширување...

Нели?
Од фаца им се цеди нечестилукот.
Дури и на слика изгледаат мрачно, морбидно, криминогено.
Иначе, со Салиу осеќам ќе се оди во една крајност поврзана со мерките, во која само сакам да знам?
Монти Пајтон vol.2

Acronia · 17 јануари 2022

Јој, помина тоа време кога имав минимум 60% респект за човеков.
Зошто бе сине Бруте?
Од сите ојдоси, ѓубретари по функција ти за дундата Славјанка се фати?
На што ти спаднаа критичката мисла, капацитет на расудување, говор?
Ова е твојот коментар поред масава апаши и мафијози, сериозно?
Битно ти е дали е слон дотичнава и каде стои?
Браво.

_beautyy_ · 17 јануари 2022

Апасиев треба понекогаш малку да припази на речникот. Не му доликува како професор и предводник на една партија да се служи со погрдни, некогаш гнасни зборови. И коментаров погоре и многу други претходни.

Acronia · 17 јануари 2022

_beautyy_ напиша: ↑

Апасиев треба понекогаш малку да припази на речникот. Не му доликува како професор и предводник на една партија да се служи со погрдни, некогаш гнасни зборови. И коментаров погоре и многу други претходни.
Кликни за проширување...

Не да треба, го претера, ги прееба сите граници за контрола.
Ич не е битен моментот што добивме осум пратеници албанци, (ок, имавме и претходно со ВРО), еден - два екс избраници, и пет лоши менаџери со црна вратоврска, ами битно е колку пити леб изела дотичната министерка за правда.
...Ај може битно е уствари, од тоа колку е дебела утре ќе ни зависи одбраната на Земјата, не од нејзините квалификации.

monibejbi · 17 јануари 2022

E Sega posle denesnoto slikanje itna na munistrite srekja Nova vlada I dasefatat za raboti.
Da se pravi sekoja godina proverka na imot,koj kolku zarabotil.
nNoviot premier da se fati za ekonomijata, platite da se nosat investicii,da se gradat avtopatista koli iskrsuvme do ohrud, palanka. Patot nakaj palanka,da semodernizira.;
Ne samo da mislatna fotelji I spravuvanje so vozduhot.nNie narodot some kriticnata masa.n

Abracadaver · 18 јануари 2022

Acronia напиша: ↑

Не да треба, го претера, ги прееба сите граници за контрола.
Ич не е битен моментот што добивме осум пратеници албанци, (ок, имавме и претходно со ВРО), еден - два екс избраници, и пет лоши менаџери со црна вратоврска, ами битно е колку пити леб изела дотичната министерка за правда.
...Ај може битно е уствари, од тоа колку е дебела утре ќе ни зависи одбраната на Земјата, не од нејзините квалификации.
Кликни за проширување...

Според најновите рејтинзи СДСМ има само 12% поддршка. Во пратеници тоа би значело некаде помеѓу 25-28. Ако одат на предвремени избори дефинитивно ќе доживеат дебакл. Тоа многу добро го знаат, затоа сега на секаков можен криминален начин ќе пробуваат да задржат власт, но не верувам дека многу време ќе издржат.

Ева33 · 20 јануари 2022

Се додека е Мицкоски на чело на вмро, никогаш нема да дојде на власт. Апла одработува за сдс, ваква опозиција со потерница да бараш.
На ова никакво, килаво, криминално, рекетарско сдс, да не можеш глас да кренеш, значи си тотален баук во политика.

orevokrsacka · 24 јануари 2022

Па дали се нормални со цениве на горивата?

Bratot · 25 јануари 2022

Да се потсетиме зошто ДПМНЕ т.е. злосторничкото здружение не треба да се врати на власт.

Протуѓер: Груевски ми спомна дека купил земјиште од 10.000 квадратни метри на Водно
Лекарите заради некои хронични состојби му препорачуваа да живее на повисоко место, беше некако запнат за локација како Сопиште...

Мартин Протуѓер, еден од најблиските соработници на поранешниот премиер Никола Груевски, денеска сведочеше на рочиштето за “Плацевите на Водно”.

Тој појасни дека од 2005 година почнал да работи во ВМРО-ДПМНЕ, најпрвин како шеф на кабинетот на претседателот, а од 2008 до 2011 година бил именуван за генерален секретар на партијата.
Протуѓер истакна дека иако со функцијата генерален секретар ја добил и обврската околу финансирањето на партијата , рече дека никогаш , ниту се разбирал, ниту се мешал.

На прашањето на обвинителката Лиле Стефанова, тогаш кој се грижел околу финансирањето, Протуѓер рече дека за таа обврска имало многу органи на партијата кои го контролирале таквото работење.

На прашањето пак дали имало сеф во партиското седиште, тој одговори потврдно.

-Таков сеф имаше и беше во канцеларијата на генералниот секретар. Јас таа канцеларија ретко сум ја користел, од време на време, за состаноци, зошто беше поголема. Таков сеф имаше таму, но јас во целиот тој период ниту можам да кажам што имало, дали имало материјални средства и колку, тоа не би знаел да кажам зошто не знам.

Се зборуваше дека има документација која е од значење на партијата, статути, одлуки, но и дека има одредени финансиски средства. Разбирав дека има средства за редовните трошоци, хартија, сијалици, но за волја на вистината не можам да го потврдам со сигурност, рече Протуѓер.

За тоа пак кој имал клуч од сефот, сведокот рече дека увид во содржините на сефот имале разни лица кои биле овластени од партијата или од претседателот на партијата, но увид сигурно имал и претседателот.

Протуѓер одговараше и на прашања поврзани со тоа дали некогаш со Никола Груевски разговарале за купување, продавање или земање под закуп на имот.

-Би сакал да појаснам дека од 2005 година имавме коректен однос. Сме дискутирале на најразлични теми поврзани со секојдневниот живот, од политички до приватни теми.

Се сеќавам дека во повеќе наврати зборувавме за тоа кој каде би сакал да живее по завршување на мандатот. Му велев дека цел живот живеам во стан и не би менувал. Но тој и покрај тоа што исто така што живееше во стан, рече дека сака да живее во куќа, рече Протуѓер.

Тој откри и дека Груевски му кажал дека сака да живее во Сопиште.

-Често пати зборувавме и за локации, која е најдобра за живеење. Лекарите заради некои хронични состојби му препорачуваа да живее на повисоко место. Беше некако запнат за локација како Сопиште итн. Сакаше да живее во куќа, мислеше дека така ќе најде мир, рече сведокот.

Тој на Протуѓер му споделил и воодушевување од куќа на негов пријател.

-Во една прилика се врати од гости од кај поранешен политичар, на периферијата од Скопје, и раскажуваше импресиониран, дека имал огромна куќа, дека убаво му било средено. Тоа се нормални разговори, како еден вентил од напорното секојдневие.

Од 2009 година зборуваше со мене за таа тема и постојано го споменуваше Сопиште. Во 2016 година, додека се уште имавме комуникација, дури и бараше таму локација, цената на квадрат беше пониска, му одговараа условите, рече сведокот.

Но тогаш сведокот сподели и дека Груевски му спомнал дека купил земјиште на Водно.

-Мене ми беше невообичаено бидејќи околу 2012 година ми спомна дека земал некое земјиште од 10.000 квадрати некаде на Водно. За волја на вистината, за други детали не сме разговарале. Тој беше таков човек, сакаше да беше внимателен, претпазлив и ако не сака да каже нешто не кажуваше, рече Протуѓер.

Тој додаде дека и покрај тоа Груевски продолжил да зборува за Сопиште.

-Посебно зборувавме во 2015 година кога сакав да го продадам станот, а тој повторно ја врати темата за Сопиште, како да не се десило тоа за земјиштето во Водно, повеќе не спомена, рече сведокот.

Тој појасни дека кога тогашната опозиција ја отворила темата за плацевите на Водно, помислив дека се работи за истото земјиште.

-Но кога разговаравме рече, нема ништо, не е точно, демантирајте го. И ние испративме демант, а потоа и тој лично дрмантираше. Не ми кажа што планирал со тоа земјиште, јас помислив дека е за живеење, но тој никогаш не ни спомна, дополни сведокот.

На прашање на обвинетиот Орце Камчев дали земјиштето било во близина на еден наш познат бизнисмен, Ристо Гуштеров, Протуѓер рече дека не може да тврди, но така сфатил.

-Во тоа време така сфатив дека е во близина на тој бизнисмен, истакна Протуѓер.

Според обвинението, Груевски, од 2006 до 2012 година, како претседател на ВМРО-ДПМНЕ, дел од партиските донации што ги добивал, лично или преку општинските комитети, ги задржувал за себе, па така прибрал најмалку 1,3 милиони евра.

Од октомври 2012 до септември 2013 година, парите ги потрошил со купување градежно земјиште на Водно, поточно на зафатот веднаш над Панорама, односно во местото викано Шербетница.

Валентина Вурмо
Кликни за проширување...

АРХИВА: Земјоделци, редари и учителки дале по 1.000 евра за ВМРО-ДПМНЕ

Текстот е објавен во дневниот весник Фокус во викенд изданието од 10-11 декември 2011 година.Во рамки на судскиот предмет „Плацеви на Водно“, во кој поранешниот премиер Никола Груевски е обвинет дека со пари од партиски донатори стекнал плац на Водно, стана збор и за финансирањето на партијата. Во таа насока, некогашните партиски функционери – Горадна Јанкулоска, Мартин Протуѓер и Влатко Чингоски сведочеа како партијата се финансирала и како се располагало со парите, а дури беше кажано дека некои донатори пари му давале лично на Груевски. За време на десетгодишното владеење на ВМРО-ДПМНЕ, Фокус редовно ја третираше темата за сомнително финансирање на партијата и нејзините изборни кампањи, а во еден од овие серијали се истражува сомнежот за фиктивни донации.
Пишувале:
Сашка ЦВЕТКОВСКА
Мери ЈОРДАНОВСКА

Верувале или не! Земјоделци, секретарки и учителки, пензионери и редари, донирале пари за кампањата на ВМРО-ДПМНЕ за јунските избори. Секој по 1.000 евра! Цела една бригада од 530 луѓе така собрале 510.000 евра за да ѝ овозможат победа на својата партија. Меѓу нив има и моќници, директори и газди, но и многу обични луѓе, со потпросечна плата. Списокот на оваа партија е единствениот што содржи толкав број физички лица како донатори.

„Фокус“ тргна по трагата на тој список, за да ги провери сомневањата дека можеби станува збор за фиктивни донации, за начин како кешот собран на разни начини легално да се уфрли во партиската каса. Како што е познато, коалицијата на ВМРО-ДПМНЕ пријави дека во кампањата потрошила 4,4 милиони евра, а само за 1,1 милион се оправда пред институциите, меѓу кои се и овие пари, собрани од физички лица, додека останатите беа донации од телевизиите.

Иако експертите ја спореа големата дупка во финансиите од 3,3 милиони евра, Антикорупциската комисија реши да не ја истражува огромната разлика во приходите и расходите на владејачката коалиција. Во исто време, Љубе Бошкоски е осуден со седум години затвор за наводно нелегално финансирање на кампањата со 100.000 евра, додека против СДСМ е поднесена кривична пријава, оти им се спори кредитот што го зеле од Комерцијална банка.

ДОНАТОРИТЕ СТРАДААТ ОД АМНЕЗИЈА

Кои се тие 530 луѓе, донатори на ВМРО-ДПМНЕ? Што работат? Од каде им се по 1.000 евра за да ја финансираат кампањата? „Фокус“ го истражи списокот на физичките лица во финансискиот извештај кој партијата го достави до Државната изборна комисија (ДИК) и до Антикорупциската комисија. И дојдовме до фрапантни сознанија, кои упатуваат на сомневање дека станува збор за корупциски мегаскандал.

Ако се суди според извештајот, во периодот од 17 мај до 3 јуни годинава, 530 луѓе чекале во редици во банките за да уплатат секој по точно 60.000 денари на сметката на партијата. За чудо, сега, половина година подоцна, голем дел од нив не можат да се сетат колку пари донирале.

Анализата на списокот и нашите контакти со дел од донаторите покажуваат дека најдарежливи на овие избори биле општинските советници, вработените во општините и во подружниците на државните претпријатија, но и учителки во градинки и училишта, субвенционирани земјоделци, административци, па дури и пензионери, кои на сметка на државата биле пратени на бања.

Во некои случаи донираат цели семејства, од брачни другари, до деца, баби и дедовци. Во општината Ново Село, дури и чуварот и неговата сопруга дале по 1.000 евра за кампањата.

Повеќето од луѓето што ги контактиравме потврдија дека донирале пари, но имаше и такви кои воопшто не се сеќаваат дека дале пари. Една советничка од општина Кочани, која сакаше да остане анонимна, тврди дека пари не дала. Таа ни кажа дека кампањата ја помагала собирајќи пари од фирми за партијата, но вели дека не се сеќава точно од кои фирми, ниту, пак, на начинот на кој ги дала или ги уплатила парите.

– Јас мои пари не сум дала, затоа што сум немала. Но, помагав поинаку. Собиравме пари од фирми за нив. Не можам да ви кажам кои фирми, не се сеќавам како се викаат. Една е на еден од претседателите на месниот комитет. А ако ме прашувате како им ги носев парите, не знам, не можам да сетам – вели советничката.

НОВИНАРИТЕ НЕ ТРЕБА ДА ПРАШУВААТ

Интересна е и изјавата на Суза Николовска, советник во општина Гази Баба.

– Одамна беше, не се сеќавам точно колку пари дадов. Треба да проверам каде сум запишала. Не знам дали ја чувам уплатницата, навистина треба да се потсетам – вели таа.

Томислав Ракичевиќ, вработен во Царинската управа пред две години, исто како и Стојанова, не ги помни парите што ги дал за партијата.

– Не знам, не можам да се сетам точно колку пари беа, навистина – нѐ уверуваше тој.

На некои, пак, им беше непријатно да разговараат на оваа тема со новинарите, па нервозно ги спуштаа телефоните, а имаше и такви кои сметаат дека ова не е работа за медиумите, како советникот од општина Гази Баба, Ацо Петрушев.

– Новинарите не се тие што треба да прашуваат за овие работи. Новинарите само подгреваат вакви работи. Вас ова не треба да ве интересира – ни рече Петрушев.

Интересен е податокот дека донаторите од различни општини и региони успеале да се организираат и во ист ден да ги уплаќаат парите. Случајно или не, вработените и советниците во општина Гази Баба уплаќале пари на 30 мај, шест дена пред крајот на кампањата.

Оние од Кисела Вода, пак, тоа го сториле меѓу првите, на 17 мај, а штипјани се организирале на 3 мај, три дена пред гласањето. Дали на ваков начин партијата се обидувала да ја покрие разликата меѓу расходите и приходите?

ЗА ВМРО СЀ Е ЧИСТО, ЗА СДСМ ДОНАЦИИТЕ СЕ ФИКТИВНИ

За разлика од ДУИ, каде што, почнувајќи од лидерот, донатори се најголемиот дел од високите функционери, кај ВМРО ги нема премиерот и министрите, туку само директорите од вториот и од третиот ешалон. Од владејачката ВМРО-ДПМНЕ тврдат дека финансирањето на кампањата е чисто – оние што имале потреба да помогнат, помогнале.

– Секој што сака да дојде до документот може да дојде до него. Еве и вие сте го виделе, без да го барате од нас. Работиме транспарентно и во согласност со законите. Сите податоци за донаторите на кампањата ги доставуваме до ДИК, која впрочем е раководена од кадар на СДСМ.

Исто така, податоци има и во УЈП, во Антикорупциската комисија и во сите надлежни институции. Чисти сме пред законите. Лична одлука е на секој што сака да даде пари, па затоа не би знаел да одговорам зошто недостасуваат фирмите и повисоките функционери – вели Илија Димовски од Центарот за комуникации на ВМРО-ДПМНЕ.

Црните пари се покриваат преку фиктивни донации, велат во СДСМ.

– ВМРО-ДПМНЕ во континуитет ги злоупотребуваше буџетски средства преку отворање разни инвестиции, преку вработувања и друг тип притисоци. Уште пострашно е што партијата нема покритие за 3,3 милиони евра потрошени во кампањата – велат од најголемата опозициска партија.

КОЈ ВО 2006 ГОДИНА ДАДЕ ПАРИ ЗА МАЛЧЕСКИ

Сомнежите за фиктивни донации, за кои некои лица и јавно проговорија, се случија и за парламентарните избори во 2006 година. Во извештајот пишуваше дека тогашниот претседател на Сојузот на студентите, Самоил Малчески, заедно со неговата мајка и сестра, вложиле вкупно речиси 10.000 евра во кампањата на ВМРО-ДПМНЕ.

Тогашниот студент по математички науки за кампањата донирал 200.000 денари, неговата мајка Цветанка 50.000 денари, а неговата сестра Фросина – 300.000 денари. Кога медиумите тогаш го прашаа Малчески за донациите, тој беше вџашен кога откри дека на списокот фигурираат имињата на членови на неговото семејство.

– Да имам 200.000 денари, ќе се женам. Неверојатно е што пишува дека сестра ми вложила толкава сума пари, затоа што ги нема. Ова првпат го гледам! – изјави Малчески.

Ако тој тврди дека не ги вложил парите, се поставува прашањето – кој е тогаш вистинскиот донатор на тие 550.000 денари од семејството Малчески?

ПРОДОЛЖУВА…
Кликни за проширување...

Bratot · 25 јануари 2022

ПРЕД ДА ИЗБЕГА, СО ГРУЕВСКИ ПОТПИШАВМЕ ДОГОВОР ЗА ЗАКУП ЗА ДВА СТАНА НА БИХАЌКА ШТО ГИ ПОСЕДУВАМ САМО НА ИМОТЕН ЛИСТ, А СЕ НЕГОВИ, ТВРДИ СЕКРЕТАРКАТА НА АЛЕК ТЕРАНОВА НА „ПЛАЦЕВИ НА ВОДНО”

„Становите на Бихаќка не се мои, на трето лице се. На имотен лист се мои, но ги поседува Никола Груевски“, сведочеше денеска Татјана Стојановска. (Фото: СДК.МК)

Татјана Стојановска, сведок на обвинителката Лиле Стефанова во предметот „Плацеви на Груевски”, сведочеше денеска како фиктивно купила два стана на Бихаќка во 2008 и 2009 година, а ги поседувал Никола Груевски. Во 2018 година, пред тој да избега од Македонија, потпишал договор за закуп на двата стана на 5 години, без надомест.

Овие два стана, плацот на Водно од 11.000 метри квадратни што исто така го купил под друго име, како и тој во Крушево за куќата и видиковецот што сакал да ги гради, како и друг имот, се замрзнати додека трае судскиот процес, во кој поранешниот премиер е обвинет дека ги купил со перење пари од членарините во ВМРО-ДПМНЕ.

Во периодот од 2008 до 2012 година, Стојановска била вработена во фирма „Имка Инженеринг”.

На прашање на Стефанова одговори дека била вработена како технички секретар, со плата од 25 илјади денари.

На прашање на Стефанова, сведокот одговори дека освен нејзиниот на „Трета македонска бригада”, на нејзино име се води и стан на Бихаќка, но само по имотен лист.

„Кога беше запишан на ваше име?“, праша обвинителката.

„Па мислам во 2008-2009 година. Директорот Александар Ивановски (Алек Теранова, н.з.) ми објасни дека треба да се купи таму стан и така се случи“, одговори сведокот.

„Ви кажа ли кој ќе го купува, за колку пари, кој ќе го користи?“, праша Стефаноца.

„Да, ми кажа да се купи стан за премиерот Никола Груевски, за да не дојдат некои непознати комшии. Требаше само да фигурирам и така направивме“, одговори Стојановска.

„Кој ви даде пари?“, праша Стефанова.

„Јас отидов во агенцијата за недвижнини ‘Асторија’. Дојде човек откај Никола Груевски. Дојде тој, потпишавме и толку“, кажа секретарката.

„Но, кој ви даде пари за да извршите уплата за станот?“, праша обвинителката.

„Парите веќе беа во ‘Асторија’. Јас кога се вратив Ивановски само ми даде налог да го уплатам“, кажа Стојановска.

„Дали дадовте ваши средства за овој стан?“, праша Стефанова.

„Не“, кусо одговори сведокот, додавајќи дека ниту ѝ дале клучеви, ниту некогаш влегла во станот и поради тоа не знае ни како изгледа станот.

„Дали сте сопственик или управител на правно лице?“, праша Стефанова.

„Да, управител сум и на ИТК Инженеринг“, одговори сведокот и кажа дека била основана 2008-2009 година поради некој тендер.

„Беше купено нешто?“, праша обвинителката.

„Да, градежно земјиште на Водно“, одговори сведокот.

„Дали освен ова земјиште има и друго нешто запишано на име на фирмата?“, потпраша Стефанова.

„Да, уште еден стан на Бихаќка“, одговори Стојановска.

„Парите откај беа обезбедени?“, праша обвинителката.

„Од страна на Ивановски, преку позајмици од вработени кај нас во фирма“, одговори сведокот.

„Кога го купивте вториот стан, дали беше во истата зграда на тој што претходно вие го купивте?“, праша Стефанова.

„Да, на истата адреса беа, еден до друг“, одговори секретарката.

„Знаевте ли за кого беше купен овој стан?“, праша обвинителката.

„Беше купен од постара брачна двојка, беше исто така за Груевски. Немам клуч и никогаш не сум била ни во овој стан“, одговори сведокот.

„Дали за становите биле дадени договори за да ги потпишете?“, праша Стефанова.

„Имам договори, нотарски акти дека ги поседувам“, одговори сведокот.

„Дали некој ви донесе да потпишете договор за закуп?“, праша обвинителката.

„Да, пред бегството на Никола Груевски, ми донесе Александар Ивановски договори за закуп потпишани од Груевски за да ги потпишам и да ги врати. Тоа бил единствен пат да потпише. Според договорот, тој не требаше да плати надомест, место тоа, да инвестира во нив наредните пет години“, одговори сведокот.

„Дали двата стана на Бихаќка, односно на Павел Шатев, се ваши, или не се?“, праша Стефанова.

„Не се мои, на трето лице се. На имотен лист се мои, но ги поседува Никола Груевски“, одговори сведокот.

На вкрстени прашања од адвокатот на Груевски, сведокот потврди дека него никогаш ниту го видела, ниту телефонски зборела со него.

На прашање на судијата Илија Трпков, сведокот одговори дека ни фирмата „ИТК Инженеринг“, ни некои други фирми на сопственикот Александар Ивановски, некогаш ги користеле градежното земјиште или становите на Бихаќка, кои се на нејзино и на име на фирмата.

„Никогаш ниту јас, ниту ‘ИТК Инженеринг’ не сме ги користеле ни становите, ни земјиштето“, кажа таа.

Потоа, сведокот Илија Гечев, сопственик од „ИГМ Трејд“ од Кавадарци, сведочеше дека министерот за транспорт Миле Јанакиески му понудил земјиште, плац на Водно од 1.200 метри квадратни.

„Се видов со Ерол Хасан од Транспорт и врски, ми кажа за плацот, кој бил над куќата на Вилма Трајковска. Разговорот заврши не се видовме повеќе. Милион и двесте или милион и триста илјади евра беше плацот“, рече тој.

Стефанова преку овој сведок докажува како блиските луѓе на Груевски, пред да дојдат до обвинетите Орце и Ратка Камчева, барале фиктивни купувачи и на плацевите од 11 илјади квадрати.

Претходно сведочеше Бисерка Јовковска-Ќаева, чиј стан, според обвинението, го купил обвинетиот Никола Груевски на улицата „Бихаќка” под туѓо име, кога во јавноста кажуваше дека живее во еден стан на мајка му.

Овој стан пред да го купи Груевски преку Стојановска, според обвинението, бил на сведокот Јовковска-Ќаева и на нејзиниот сопруг, но не живееле во него постојано. Бил до станот на семејството на тогашниот премиер Груевски.

„Кој живееше до станот до вашиот, а кој бил поголем?“, праша обвинителката.

„Тогашниот премиер Никола Груевски“, одговори сведокот.

„Дали живеевте во тој стан?“, праша обвинителката.
„Ние го купивме за девојчето, која беше студент. Таа живееше кај нас. Но, со момчето, со друштво, одеа таму“, одговори сведокот.

„Кога го продадовте станот и зошто?“, праша обвинителката.

„Станот беше отплатен. Но, таму беше Груевски. Имаше обезбедување, ние постојано бевме легитимирани, наши пријатели, гости. Го продадовме, купивме поголем“, одговори сведокот.

„Му го понудивте ли на Груевски?“, праша обвинителката.

„Да, нему и на другите соседи“, одговори сведокот.

„На кој начин го продадовте и кој го купи?“, праша обвинителката.

„Го продадовме на премиерот, но не се видовме со него. Преку негови луѓе, со кои отидовме потоа на нотар. Лично не се видов со него, туку со негови блиски луѓе“, одговори сведокот.

„Дали на нотар се сретнавте со лицето Никола Груевски или со друго лице кое во негово име го потпишал купопродажниот договор?“, праша обвинителката.

„Јас него пред нотарот кај Ристиќева Палата, не го видов“, одговори сведокот.

На вкрстени прашања од адвокатот на избеганиот Груевски по службена должност, сведокот одговори дека не го видела Груевски воопшто, имало луѓе што ги овластил во негово име да потпишат.

„Дали купувачот е правно лице?“, праша адвокатот.

„Има во договорот кој го купил, кај обвинителката е“, заврши сведокот поранешна сосетка на Груевски, Јовковска-Ќаева

Судењето продолжува на 17 декември.

С. К. ДЕЛЕВСКА
Кликни за проширување...

Bratot · 25 јануари 2022

Чинговски призна дека бил поштар на ВМРО-ДПМНЕ, пакетите со пари ги предавал на Божиновски

Тој појасни дека бил задолжен да биде линк меѓу општинските комитети и централниот комитет.
По сведочењето на екс министерката Гордана Јанкулоска, за случајот “Плацевите на Водно”, во судница се исправи и Влатко Чинговски, поранешниот директор на ЕЛЕМ, но и некогашен партиски функционер во ВМРО-ДПМНЕ.

И тој од обвинителката Лиле Стефанова беше распрашуван околу финансирањето на партијата, а се со цел докажување на тезата на обвинителството дека екс премиерот Никола Груевски со партиски пари купувал земјиште на Водно.
Чинговски истакна извршувал партиски функции од 2005 година до 2010 година како член на Извршниот комитет на ВМРО-ДПМНЕ. Кратко бил и пратеник, а потоа бил именуван за директор на ЕЛЕМ.

На прашањето дали додека бил директор, во неговата канцеларија доаѓале лица кои оставале пакети за партијата, тој појасни дека бил задолжен да биде линк меѓу општинските комитети и централниот комитет.

-Тогаш се случувало да добивам материјали и документи во мојот кабинет, со назнака дека се за генералниот секретар на партијата, кога беше Кирил Божиновски. Тие документи не ги отворав, туку во првата прилика сум ги доставувал до генералниот секретар, во зависност каде бил лоциран.

Во 2010 година, кога престанав да бидам член на извршниот одбор, најчесто таквите документи ги доставував во неговата канцеларија во Влада, каде што беше генерален секретар, а многу ретко во штабот, истакна сведокот.

Тој појасни дека средбите со Божиновски му траеле кратко.

-Нашите средби траеја многу кратко, тој беше многу зафатен. Она што мене ми стана сомнително кога при еден разговор по телефон со Божиновски, тој рече дека содржината на документите не соодветствува на она што тој го очекувал. Спомна бројки, цифри, што мене ме зачуди, и дознав дека покрај документацијата има и финансиски средства.

Бев крајно разочаран, бидејќи дотогаш немало проблем и не сум очекувал во дел од нив да има и финансиски средства. Разговарав со Божиновски дека тоа е неприфатливо и не сакам повеќе да се случува, сведочеше Чинговски.

По тој разговор, појасни дека во еден период немало забелешки од Божиновски.

-Немаше никакви јавувања по однос на содржината, но подоцна се случи истото уште еднаш или два пати, и сфатив дека мојата реакција не вродила плод. Затоа при првата средба со Никола Груевски му кажав дека не сакам да имам такви активности, рече сведокот.

Рече и дека не може точно да се сети на неговата реакција.

-Мислам дека беше зачуден дека нешто такво се случува и ми напомена дека иако сум стручњак, сепак сите имаме и соодветни партиски задолженија кои треба да ги реализираме, но не спомна ништо околу финансирањето. Рече дека не треба да се грижиме само за компаниите туку и за партијата и за нејзиниот развој, се присети сведокот.

Тој на прашањето одговори дека во канцеларијата на Божиновски во Влада не забележал сеф.

-Документите ги оставав на работната маса. Во канцеларијата во партиското седиште многу ретко сме се гледале, но знам дека имаше сеф. Тој сеф вообичаено беше затворен. Во една до две прилики видов дека малку е подотворен. Не можев да видам точно. Имаше документи и наликуваше на финансиски средства, како во банка со пачки, истакна Чинговски.

На прашањето дали знаел кој ги испраќа овие пакети за партијата, тој одговори дека немал информации.

-Не разговаравме за имиња, но ми беше нагласено дека тоа се пријатели на партијата кои сакаат да помогнат, но не сакаат да бидат видени. Никогаш не сме зборувале дека е ова лице, или таа фирма. На пликото стоеше само до генералниот секретар Божиновски, рече сведокот.

Тој појасни и дека реагирал дека е демократија и дека секој може директно да донира во партијата.

-Нема потреба да се користам како поштар, нешто за што не сум квалификуван и ниту пак сакам тоа да го работам, истакна сведокот.

На прашањата, дали некои од лицата кои ги оставале писмата имале добиено тендери во ЕЛЕМ, Чинговски рече:

-Можно е, инаку зошто тогаш мене би ми ги давале ако не соработувале со компанијата?, рече Чинговски.

Неговата “поштарска” функција завршила по еден разговор со Груевски.

-После мојот разговор со Груевски престана ова поштарска комуникација, односно не добивав повеќе вакви документи. Претседателот ја прифатил мојата сугестија, односно дека треба да се грижам за тоа да имаат струја сите, а не да вршам вакви активности за партијата, поентираше Чинговски.

На прашањето на еден од адвокатите, дали тој со свои очи видел пари во пакетите, Чинговски рече дека не видел, но како што рече, логично заклучил од муабетот на Божиновски, кој споменувал цифри.

Валентина Вурмо
Кликни за проширување...

Јанкулоска сведочеше за сефовите во ВМРО: Некогаш донаторите ги даваа парите на Груевски

Поранешната министерка Гордана Јанкулоска денеска на барање на Обвинителството сведочеше на рочиштето “Плацевите на Водно”, односно за тајниот имот на екс премиерот Никола Груевски.

Таа од обвинителката Лиле Стефанова беше распрашувана за начинот на кој се финансирала ВМРО-ДПМНЕ, во насока да се докаже тезата на обвинителството дека Груевски парите за плацевите на Водно ги обезбедил од партиската каса.
Јанкулоска истакна дека таа може да зборува за периодот кога таа била генерален секретар на партијата, во периодот од 2004 до 2006 година.

– Партијата во тој период имаше сериозни потешкотии во обезбедување на финансиски средства. За разлика од регулативата која е денес, партиите да се финансираат од буџетски средства, тогаш не беше така. Тогаш се финансираше преку донации, односно на доброволна основа ги даваа физички лица, рече Јанкулоска.

Таа појасни дека дел од донаторите сакале да бидат анонимни.

-Донаторите беа прилично воздржани, бидејќи партијата беше во опозиција, па не сакаа јавно да се знае дека се блиски до ВМРО-ДПМНЕ. Па се случуваше донаторот да разговара со претседателот на партијата, да ја истакне волјата да донира, па претседателот ги договараше начинот и условите како можат да и помогнат на партијата, се присети Јанкулоска.

Таа истакна дека се случувало претседателот (како што го нарекуваше Груевски за време на сведочењето), да ја повика додека е на состанок со некој од донаторите.

-Тогаш ми кажувале дека тој и тој сака толку и толку да донира за партијата. Некогаш донацијата била дадена истиот ден, или се случувало да ги остават парите на претседателот ако не сум била таму.

Регулативата беше полабава. Се водеше неформална евиденција, но на некои им издававме и каса прими. Не беа големи суми, тие се користеа за тековно работење на партијата, за канцелариски материјали, бензин… сведочеше Јанкулоска.

Обвинителката Стефанова ја праша дали кога парите му ги давале лично на претседателот Никола Груевски, дали таа имала сознанија за висината на донираната сума?

-Јас имав евиденција за сумата која ќе ми се дадеше на мене, за тоа дали се договарала повеќе или помалку, тоа не знам, одговори поранешната министерка.

Таа на прашање одговори и дека во нејзината канцеларија имала два сефа.

-Да, имаше два сефа во мојата канцеларија, едниот беше голем, масивен, од 1,5 метри и мало сефче, како каса, и се чуваа парите кои се користеа на дневна основа. Големиот сеф практично не беше во функција, бидејќи не беше отворан. Ниту сум знаела шифра, ниту пак сум имала клуч, рече Јанкулоска.

Таа дополни дека, во старото седиште на партијата, имало повеќе сефови во повеќе канцеларии.

-Мислам дека имаше сеф и во канцеларијата на претседателот, рече Јанкулоска.

Судењето е во тек. Според обвинението, Груевски, од 2006 до 2012 година, како претседател на ВМРО-ДПМНЕ, дел од партиските донации што ги добивал, лично или преку општинските комитети, ги задржувал за себе, па така прибрал најмалку 1,3 милиони евра.

Од октомври 2012 до септември 2013 година, парите ги потрошил со купување градежно земјиште на Водно, поточно на зафатот веднаш над Панорама, односно во местото викано Шербетница.

Валентина Вурмо
Кликни за проширување...

Ева33 · 25 јануари 2022

orevokrsacka напиша: ↑

Па дали се нормални со цениве на горивата?
Кликни за проширување...

Април 2011:
1 барел = $141.27
1 литар дизел = 72.00 ден.

Јануари 2022: 1 барел = $85.14
1 литар дизел = 71.00 ден

Од како "дојде живото" не можеме да ги наранеме крмациве со акцизи .

referentka · 25 јануари 2022

Цените на горивата зависат од светска берза на нафта и деривати

Најави се или зачлени се

Актуелни политички настани

Acronia Истакнат член

WildMk Форумски идол

benzema Активен член

Acronia Истакнат член

Ahoy Форумски идол

Acronia Истакнат член

Rama Форумски идол

Acronia Истакнат член

Acronia Истакнат член

_beautyy_ Истакнат член

Acronia Истакнат член

monibejbi Популарен член

Abracadaver Истакнат член

Ева33 Популарен член

orevokrsacka Популарен член

Bratot Популарен член

Bratot Популарен член

Bratot Популарен член

Ева33 Популарен член

referentka Moderator Член на тимот

Најави се или зачлени се

Актуелни политички настани

Acronia Истакнат член

WildMk Форумски идол

benzema Активен член

Acronia Истакнат член

Ahoy Форумски идол

Acronia Истакнат член

Rama Форумски идол

Acronia Истакнат член

Acronia Истакнат член

_beautyy_ Истакнат член

Acronia Истакнат член

monibejbi Популарен член

Abracadaver Истакнат член

Ева33 Популарен член

orevokrsacka Популарен член

Bratot Популарен член

Bratot Популарен член

Bratot Популарен член

Ева33 Популарен член

referentka Moderator Член на тимот

Корисни пребарувања