Каква е таа инекција против алергија? И кога ја ставиш си заштитена понатаму, еден одреден период или до првото излегување на сонцето? Јас имам алергија на сонцето. Еве например годинава де мачкав со еуцерин за сончање за против алергија, плус пиев апчиња против алергија. Третиот ден ми излезе алергија. Мене ми се критични рамињата, вратот, градите. Таму прво пројавам. Потоа со апчиња и повлекување од сонце, ладен туш, мачкање со синопен, ќе се повлече малку, навечер на плажа немав толку проблем и јадеж и црвенило, ама на утринско сонце, иако избегнував јако попладневното сонце, пак ми се пројавуваше. Редовно бев намачкана. Претпоставувам еднаш кога излезе осипот потоа и солта од водата ја нагризува кожата и изазива јадеж. Сеуште може да се контролира, ама сепак е напорно.
Некаква кортико инекција е гарант, урбазон или дексаметазон. Инаку, алергијата на сонце може да е предизвикана од хемикалиите во средствата за заштита од сонце. Значи, самата кожа која е намачкана со такво средство, под дејство на сончевите зраци знае да изреагира бурно поради хемиите што СПФ средствата ги содржат, затоа е најдобро да имаат само физички филтри за заштита од сонце. Да не се лажете со хемии како Еуцерин, демек медицинска козметика, а содржи многу хемија, не е на природна база.
Пробај. И мене знаеше порано да ми се направи таква алергија, особено на деколтето и рацете, ама откако престанав да се мачкам со средства со заштитен фактор (користев Нивеа и Гарние, а од Блек Ап немам таква реакција), не ми се појавила. Ама мојата не беше којзнае колку изразена, од синопен поминуваше. Сега не дека не користам такви средства со СПФ, ама и онака не се изложувам многу на сонце, па многу ретко се мачкам.
Јас веќе две години кога одам на одмор редовно завршувам во болница со инекција за да се отарасам од алергијата. Лани пиев бета каротен месец дена пред одмор и џабе..ми се појавува алергија после 3-4ден и почнува од бутовите па нагоре по стомак и на крај раце. Џабе и со синопен и со лоратадин само привремено ми поминува, еден ден си преседов во соба од пуати страв зошто буквално целото тело ми се осипа.Во турција ме однесоа во болница 20еур си платив и ми рекоа само еден ден да избегнувам сонце. Наредниот ден до крајот на денот цела алергија ми ја снема, уште еден ден се припазував и до крај на одмор на раат се сончав. Заборавив составот да го запишам за да пробам и тука да најдам нешто слично. Болна ќе паднам што 10дена во годината не можам да правам тоа што ми е најомилено-сончањето. Ми кажаа дека во грција имало некои апчиња ама комплет со млеко за тело и чуда превенции околу 50-60евра е.
Ако постои и кај нас таква инекција, јас сум навистина спремна да ја примам пред да тргнам ако тоа ќе значи 10 дена одмор на раат. А всушност може ли превентивно да се прими и дали има влијание така? Пиев и јас бета каротен и калциум 3 месеци пред одмор па ништо. Без везе е.
@Annath aко не е проблем сподели каква природна заштита препорачуваш, во ваква ситуација? Синопен е некој локален антихистаминик, така?
Креми за сончање со физички филтри се најдобра опција, ама не секогаш се доволна заштита. Кремите на Еко Козметикс и Логона се добри за оваа намена. А ако има алергија на сонце, мислам дека ниеден заштитен фактор нема да биде доволно силен да ја спречи. Синопен маст, да, локален антихистаминик е, има и раствор.
Колку само е појако сонцето денес, покажува тоа што пред 10 години сум се печела на плажа како гуштер и сум немала никаква реакција на кожата. Пред 4 години ми се појави алергијата и бегам од сонце како ѓавол од крст. Нема нешто полошо од црвенилата кои ми ги предизвикува и појавата на буквално атопична кожа. Досега некој "лек" што го имам пронајдено ми е лоратадин, б-каротен, 4-5 шишенца минимум СПФ фактори дома што за тело што за лице. Доколку ми дојде до реакција единствен спас ми е Bioderma SOS спрејот. Нема нешто подобро за спречување на чешањето на кожата.
Каде може да се најде спрејот Биодерма и колку пари е? И мене пред неколку години ми се појави алергија...
До пред неколку години, алергија ми се појавуваше само на плажа, обично во комбинацијата силно пладневно сонце + морска вода. И тоа секогаш по три-четири дена поминати на одмор. Ама веќе ми се појавува и низ град додека шетам. Обично на деколтето, а на плажа ми се случило и цела да се исфрлам. Лек нема, веднаш под сенка и тоа е тоа... А многу го сакам сонцето и ова е единственото нешто што ми го уништува уживањето во летните месеци.
Јас го земам од Зегин на железничка, таму со сигурност го има. Инаку 1070 ден. е 200мл. Има и едно во помало шишенце, ама поголемово повеќе се исплати со цената. Мене цела летна сезона ми трае, а постојано се шприцам ако се осетам зацрвенета.