Алкохол, дрога или коцка - од кој порок нема враќање?

Не знаев баш како да го формулирам насловот на темата, и во која точно категорија да ја сместам, но сепак ја одбрав Психологија, зошто од сите три пороци луѓето развиваат и психички проблеми/зависност.
Доколку модераторите сметаат дека темата е несоодветно поставена, или треба да се префрли во друга категорија слободно нека го сторат тоа.

За темава сум инспирирана баш од мојот муабет со @lovely97 за казината, и ми текна дека на форумов нема тема за нешто такво, па се решив да отворам нешто слично.
Според мене, најголем порок од овие три е коцката. Човекот што е зависен од коцка, пропаѓа и физички и психички, без внесување на било какви супстанци во своето тело, него буквално го уништува сопствената психа. Кога од забава одев во едно казино позачестено, забележав еден постар човек што буквално кога и да отидев во казиното беше таму, дури и вработените го гледаа со сожалување, и му даваше "совети" на едно помладо дете како да добие на рулет. Секако, советите не се исплатеа, не успеа да предвиди што ќе даде овојпат машината, но пак продолжи да игра, и остана дури и кога јас си заминав.
Сведок сме на тоа колку семејства се уништени заради коцкање, кога ќе влезе дотичната личност во казино буквално губи сенс за времето, може да остане од раните до доцните утрински часови без да забележи, а дома има фамилија, деца и жена што го чекаат. Не ретко се случува да ја прокоцкаат куќата, колата и сите работи што ги поседуваат, за жал, понекогаш си го прокоцкуваат и животот кога ќе заглават со лихвари од кои нема бегање...

Од алкохолот и дрогата како пороци за луѓе со слаба психа, не можам да издвојам кој е полош, навистина.
Познавам една девојка, односно жена е веќе, има 30 години што буквално денот и започнуваше со алкохол. Уште нестаната од спиење, го зема шишето ракија и пола го има испиено пред доручек. После си продолжува со текила, пиво, се што ќе и дојде при рака, за при крајот на денот веќе да не може да стои на нозе, се случувало да падне, да се раскрвари, да не може да си го најде патот до дома, да се онесвести...
За зависници од дрога, имам пример од блиска околина, човек со добра плата на времето, започнал уште од седмо-осмо одделение, и за многу брзо време преминал на хероин, од кој ден денес се лечи со метадонска терапија, веќе седум години.

Сакам да поставам неколку прашања.
Што мислите, кои се причините поради кои човек се осврнува кон овие пороци, неконтролирано конзумирање на алкохол/дрога или секојдневно одење во казино?
Дали причините се од психичка природа, проблеми, трауми, тешко детство, па сите овие работи служат како карта за излез од она што ги мачи?
Или пак кај некои се случува едноставно од аздис, од преголемо богатство кое немаат на што да го трошат, желба за забава, лудување, досада, па пред да се освестат веќе соодветниот порок преминал во зависност?
И секако, кој порок според вас е најтежок за лекување?

 

Секој порок е тежок и си носи свои последици, не можам да издвојам еден за кој ќе кажам дека е најтежок. Ги имам проучувано сите и навистина сите се трагични. Алкохолот и дрогата директно влијаат врз здравјето и ги оштетуваат органите и нивните функции, создаваат пречки во нормалното функционирање на организмот и доведуваат до смрт додека коцката е веќе друга приказна. Таа доведува до пропаст, човекот го губи здравиот разум и губи се што има. За какви се случаи сум слушала, не само куќата туку и сопствени деца си продале. Во коцкањето човек тешко дека ќе повлече линија и ќе каже доста се додека не го удри реалноста, поточно загубата во глава.

 

Жртви на овие пороци се лица со слаб карактер кои за своите постапки наоѓаат вина во лошото детство, секојдневниот притисок со кој се среќаваат и други разни проблеми. Има враќање од сите три пороци, но ретки се тие случаеви оти бара пред се цврст карактер, верба, упорност, свест, надеж, желба за живот.

Ете кога јас би бирала едно од овие зла најмалку болно, би избрала коцка ... кој знае можеби би ми се насмевнала среќата еден ден

 

Нема враќање од ниеден ако навлезе човек целосно.
Бегајте подалеку и од дрога и од коцка и од алкохол. Доколку ви се закачат такви личности имате и тоа големо право да ги избегнувате.
За казината - досега немам слушнато некој да добил голема сума и да излезе од таму и да не се поврати. На крај доаѓаат до ситуација да ја изгубат куќата или станот во кој живеат и неретко завршуваат на улица. Казината се подесени да прават да губите, така да не се залажувајте.
Се што сте вложиле ќе ви земат и ќе го преплатите трипати повеќе.

 

Само од куршум во чело нема враќање.

За секој порок има начин како човек да се врати во "нормала".
Секако за тоа е потребна силна желба и неуморна поддршка.

 

Инаку, сакав да додадам нешто. Физичкиот дел од зависноста е најлесен за лекување, тоа го имам и гледано по интервјуа од личности што се лечат во центри за одвикнување, дека за физичката зависност е доволен период од три месеци да се отстрани, додека психичката е таа која може да остане и цел живот. Таа е поводот за рецидивноста кај голем број зависници, кои кога ќе се сетат на преубавото чувство кое им го пружала една од горенаведените зависности, не можат да одолеат на помислата колку убаво би им било ако сега се напијат шише ракија пример.
Затоа коцката ја зедов за според мене, најтешка зависност, бидејќи кај неа има да се работи само со психата на зависникот, а тој може да ги убеди и самиот себе си да се убеди дека е "здрав" а во првата прилика повторно да отиде во казино.
Кај другите две зависности, откако ќе го поминат лекувањето на физичката зависност, и после надминување на тие физички симптоми се почувствуваат поздрави, посилни и со бистар ум, мислам дека самите порадо ќе се нафатат да работат на тоа да ги истераат тие лоши мисли што ги наведуваат да се навратат на порокот.

 

Од сите работи постои излез, ако човекот вистински го посакува.
Ако не сака да го смени животот тогаш ни самиот Бог не може да му помогне.

Не би рекла дека само луѓето со слаба психа паѓаат под зависности. Постојат низа фактори кои влијаат зошто некој би се најдел во ваквата мрежа на пеколот: од забава до бегање од проблемот/реалноста - како една крајност со многу други помали или поголеми причини и влијанија.

Познавам и/или сум слушнала луѓе од моето окружење и коцкари и наркомани и алкохоличари. Има такви за кои овие работи се вистинско минато, познавам такви кои се уште се борат со некој од пороциве, со години.

Кога човекот го допре дното и кога на самиот ќе му се смачи животот што го живее, кога самиот ќе се згрози од себеси, тогаш е спремен да се лечи.
Со силна желба, верба (во Бога) и помошта од блиските (зошто без нечија човечка поддршка, вистинска грижа и љубов, не е можно човекот да истрае во борбата) се може да се преброди.

 

Некој ми го избришал мислењето од пред некој ден

Браво!

 

Со останативе пороци се уништуваш себеси највеќе, но со коцката ја уништуваш и цела фамилија и луѓето околу тебе. А, што е најлошо и коцкарите со тек на време не чувствуваат грижа на совест за изгубените пари, изгубеното време кое можеле место во коцкарница да го поминат опкружени со најблиските.

 

Од сите три нема врачање,сите се ,тешки' и богами му лета главата на тој што се занимава со нив.

 

Од дрога.

 

Коцка..

 

Од сите три нема назад, особено од дрогата и коцката

 

Враќање назад има за кого како . Јас би рекла дека најтежок порок е коцкањето . Што вели мајка ми - ако пие , ќе пие додека може , еден ден не ќе може да пие . Ако се дрогира - ќе се дрогира додека не се предозира . Ама ако се коцка - и со бастумче ќе оди да се коцка . Тука веќе настрадува цела фамилија . Единствен спас да се сочува кровот на глава е оној кој се коцка да нема ништо на свое име . Не зборувам на памет . Еве една ситуација од блиска фамилија . Дедото беше сопственик на куќата , ама си пивнуваше човекот . Синот кој се коцкаше заглавил до гуша , и го фатил пијан татка си , и му дал документи од куќата да ги потпише за да ја стават под хипотека заедно со дуќанот . Дедово поим немал што потпишува . Потпишал . За една недела им дошле извршители за да им ја земат куќата . Натаму-наваму , со врски и чуда , успеаа да останат во куќата под кирија . Ден денес плаќаат кирија . Дедото во меѓувреме почина . Братот на човеков што се коцкаше исто почина - од нервоза и стрес го удри инфаркт и почина на лице место . И што направи сега овој што се коцкаше ? Ништо . Пак се коцка . Само сега нема имот на негово име .
Затоа , велам коцкањето е најлош порок на денешницата . На сите други пороци има крај . Алкохолот влијае на здравјето на алкохоличарот , еден ден ќе почине од цироза ако не се излечи на време . Дрогата влијае на здравјето исто така . Еден ден ќе се предозира и ќе почине , ако не се лечи на време . Ако е женкар , еден ден не ќе може да е*е , пак ќе се врати кај жената . Ама ако се коцка , додека е на нозе ќе оди во казино .

 

Ве молам за совет поточно помош. Мојот брат г има сите можни пороци од лоши најлошо. се најлошо што може да си замислите прави по дома. моите ги малтретира им бара пари цело време должи му нема вракање. Се пробале. Се плашам за нив болни се и изнемоштени од тешката рбота која ја работат па уште и негови пороци да трпат. Тоа ли заслужиле, Не никако. со години неможам да се опоравам од нервози стресови и јас се поболев. Што да се прави во ваков случај тие мои родители со цел труд да не поведат на прав пат се дале. и сега кога треба да живеат мирно тие го трпат сетоо ова понижување и стресови. Со апшиња се живи. Многу лошо..

 

Нема порок што не влијае на човечко тело и духот, а јас од моја перпектива мислам дека завист не постои се е до психата.
Значи ако си викам пример јас "ќе се издрогирам да незнам кај сум", "ќе се напијам", "ќе идам да ставам неш на апарати" сето тоа јас го мислам и ако не го направам се чувствувам како идиот пример не дека стварно е така, или пак "чек да запалам цигара", не сме зависни туку навикнати нешто да ни чури под нос. Така да мој совет би било да си ја контролирате психата и тоа кај ви оди мислата.

 

Има во Београд мн добра клиника поскапа но има ефект од лично искуство... ДР ВОРОБЈЕВ се вика руси се докторите

 

Манастирот Бигорски или Острошки..нека оди малку да види како е...