Ароганцијата всушност претставува надменост, гордост, безобѕирност. Кога за некој ќе речеме дека е арогантен, најчесто се мисли дека тој е дрзок во комуникација со другите луѓе. Најчесто арогантните луѓе ги омаловажуваат другите луѓе, сметајќи дека се подобри од нив. Зошто луѓето се арогантни? Дали имаат некаква корист од тоа или се такви чисто од каприц? Дали околу вас има арогантни луѓе, и како се справувате со нив?
Ајде да го скршам ледот. Јас ако сум во околина до непожелни луѓе сум арогантна.Таква сум по знакот тоа ни е како ,,штит” да кажам.Ароганта сум кога ќе станам на лева нога, во ПМС.Ама тоа подразбира ладни и отсечни одговори, не реагирам, зјапам во телефон или превртувам очи.Не памтам во последните години дека сум омаловажила некој лошо.Обично во лице им кажувам дека сум подобра од нив.А и кога знам дека сум 100% во право сум дрска бидејќи кога некој упорно ме убедува од спортивното а сум сигурна шизнувам. Чуден карактер имам зависи кој како ќе ме фати.
Луѓето се арогантни зошто имаат премногу висока самооценка,но и зошто тоа може да им послужи како одбранбен механизам за да не бидат повредени иако сепак ствараат лоша слика со своето неумерено однесување колку и да се плашат од разочарувања.Суетноста е уште една причина за арогантноста да се стави во погон.Сепак крајниот резултат од арогантното однесување е деструктивност,создавање на непријатели доколку исто се свесни за своите способности но не се искомплексирани и зависи дали ке возвратат или ке останат смирени.Поентата е дека има многу негативни емоции,нарушување на здравјето се во името на себедокажување или неподнесување на некој поспособен од нив.Сигурно постојат и статистики како стои арогантноста на скалилото на негативни или спорни душевни карактеристики кои многу поподробно и попрецизно, со поголема стручност ќе го објаснат тоа.
Високо мислење за себеси. Егоцентричост. Тие се врвот, можат да газат преку сѐ. Според нив ова. А сите знаеме колку е одвратно кога некој ќе ни се испонаша арогантно. Непријателски. Е сега, реално, сите сме биле арогантни во некои моменти. Ама на некои тоа им е стил на живот. Познавам, да. И немам ништо со такви.
Рефлективна сум. Како ти со мене, така јас со тебе. Имам некој праг на толеранција, ама после тоа станувам, арогантна, безобразна и бескрупулозна. Не ми се допаѓа некој кога се прави паметен и навредува уз тоа, па не мислам дека и заслужува поинаков третман. На свој грб, најдобро можат да почувствуваат како изгледа.
Јас лично претпочитам преку алудирања и не безобразно да посочам на неприфатливото арогантно однесување без притоа да создадам непријател за цел живот од арогантниот зошто секој не го дели истото мислење со вас дури и да е интелигентен.Едноставно поинакви се приоритетите,поразличен е системот на вредности,типот на карактерот,на различен начин го манифестира своето несогласување и затоа сакам да ја следам девизата од преговор до договор иако зборов преговор е малце лишен од чувствителност.Сметам дека за секој проблем има решение и имам верба во луѓето и во нивниот капацитет за добрина колку и да живееме во стресни времиња.
Нека има различно мислење, тоа не ми пречи, ама ако е кондесендинг и навредува, не трпам многу долго.
Нормално е да се јави револт од таквото однесување и да,не смееме да дозволиме да не газат ако е некое агресивно-вербално неандерталско однесување.Јас сум многу трпелив ама имам црвена линија која не смее да се премине и исто знам да бидам крајно избувлив ако ми пукне филмот само што ретко си дозволувам да избувнам освен ако не ме погоди некоја силна неправда.
Јас имам многу блиска личност која е арогантна, постојано ги вреѓа и омаловажува другите, мисли дека се знае, постојано се кара, не прифаќа кога некој ќе и каже дека не е во право итн. А јас, бидејќи страдам од анксиозност, нејзиното однесување ми влијае многу лошо. Таа не знае дека страдам од анксиозност, но приметува дека кога се однесува лошо со мене јас не сум таа, почнувам да се однесувам по инаку, плачам, се лутам и кога ќе се налутам ме вели дека сум психички болна. Ве молам за помош.
И имам кажано, ама не разбира и смета дека нејзиното однесување е во ред. За жал, не можам да се оддалечам, живееме во иста куќа. Сепак ти благодарам многу, ќе се потрудам некако.
Муабет, само службено... што поретко. И ако сте во иста куќа, зошто не знае дека страдаш од анксиозност?
Никој не знае дека страдам. Страв ми е од нивните реакции. Личноста која што е арогантна можеби ќе ме разбере, ама односот нема да и се смени. А другите нема да ме разберат, бидејќи размислуваат поинаку, односно имаат по застарени сфаќања. А и читав на интернет и видеа гледав, за оние со анксиозност дека се плашат да кажат на другите поради нивните реакции, што значи не сум единствена и утеха ми е.
Собери ги сите на маса и кам аут ту дем Извини.... знам дека ти е тешко, и јас страдам од депресија и анксиозност, ама не се мислев дали да кажам или не.. Кажував и кажувам . Охрабри се.
Сепак, мислам дека немам доволно храброст да кажам. Ако некогаш соберам сила да кажам, ќе пишам што сум направила. За сега останува да се борам сама. Ти благодарам многу.
Аρоганција ме потсетува на пρодавачκи и на ништо дρуго. А ниκој не им влегува во пρодавниците и паκ се пρават важни. А, κупувачите се оние κоишто сеκогаш се во пρаво, ама ете... κаκо што пρочитав погоρе сκρомноста е доблест на оној κојшто ја поседува!
Според мене арогантен човек е некој кој што што себе си се смета за супериорен во однос на другите, надмоќен, повеќе вреден. Човек кој ги омаловажува и потценува другите и свесно или несвесно ужива во тоа. Истовремено таквите личности сакаат да бидат восхитувани и почитувани од страна на другите. И не е тоа некоја вродена карактеристика, јас мислам дека тоа е одбранбен механизам или маска зад која најчесто се кријат ранливи луѓе со недостиг на самодоверба. Сум била во присуство на многу арогатни личности и морам да признаам дека секогаш се чувствувам непријатно во смисла на негативната енергија која се чувствува во нивно присуство. Имам висок праг на толеранција, но никогаш не дозволувам ваквите личности да ме онерасположат, демотивираат или направат будала од мене.
Повеќе пати надменоста природно ми доаѓа, но сепак обично прикривам. Не сум (не)воспитана да бидам арогантна и саркастична.
