Банкарските сметки на граѓаните под лупа на УЈП

Ајде да подискутираме и на оваа тема, кое е вашето мислење?

,,Банкарските сметки на граѓаните нема повеќе да бидат банкарска тајна за Управата за јавни приходи. Владата го менува Законот за банки со што УЈП ќе добие слободен пристап до документите, трансакциите и депозитите на граѓаните во секое време."

,,Македонската асоцијација на банки остро се спротивставува на предложените измени. Сметаат дека со нив директно се навлегува во приватноста на граѓаните и заштита на личните податоци и се губи значењето на правниот термин банкарска тајна.

„Увид во трансакциските сметки на клиентот претставува директна повреда на неговата приватност, навики, начин на живеење, со што може да се направи непоправлива штета доколку податоците бидат доставени до трети неовластени лица или бидат објавени во јавност. Ова може негативно да влијае на довербата на граѓаните во банките, која макотрпно се гради последниве 20-тина години“ - велат од Македонската асоцијација на банки."

Повеќе може да прочитате на следниов линк:
https://www.24.mk/bankarskite-smetki-na-gragjanite-pod-lupa-na-ujp

 

А дали и во нивните сметки ќе гледа УЈП?

 

Јас верувам дека и досега им биле достапни на увид, само сега и формално ќе го озаконат тоа.

 

Ќе испадне ова, мајка ти ако ти прати две илјадарки за роденден на сметка пошто живееш далеку од дома, да треба данок да пријавиш.

Ако си порачам гаќи од интернет и платам со картичка, некоја во ујп што си го чепка носот ќе ми гледа одливи од сметка и ќе знае на што трошам пари.

Браво бе, генијални се. Кому му текнуваат вакви брилијантни идеи...

 

Не оди тоа воопшто така. Банките ќе праќаат извештаи до УЈП кој колку приливи има на сметка и по кој основ., но не и од каде доаѓаат тие приливи. Тие податоци ќе ги имаат во УЈП.


Е сега останува да видиме колку провизија банките ќе ни наплатат за достава на истите тие податоци. За истите тие извештаи на фирмите им наплаќаат околу 100 денари месечно. Мислам дека овде лежи зајакот.

 

Можеби лошо разбрав. Прочитав дека ќе имаат увид во сите трансакции на сметките.

Инаку, за прилив од плата да речеме, нели платата поминува преку ујп? Чему увид во трансакциска колку ми легнала нето, кога вака или онака ги знаат бројките?

 

Тууу ќе ми ги фатат милионите на сметка.

 

Точно, тие бројки ги знаат. Ама сега ќе ги знаат по сите други основи по кои ти легнале пари на с-ка: од кирија, хонорари, договор на дело, дивиденда, авторски права...

 

...од мајка ти, од другар за да му платиш онлајн оти него картичката не му фаќа, од маж ти за роденден, од другарка ти за кога ќе одиш у Солун да и купиш алишта...

 

Ова ме наведува да размислувам дека пак ќе се вратиме во сивата зона
Ќе се враќа и ојачува сивата економија која беше таргет да се намали и потполно искорени од претходната власт на тема економски политики.

 

Можно е да поттикне паника меѓу граѓаните, веќе се осеќа и нелагодност по социјалните мрежи, иако во суштина УЈП ќе ги добива истите податоци кои ние сами им ги поднесуваме преку даночната пријава за персонален данок. И онака оние кои одбегнуваат плаќање на даноци не користат конвенционални методи на исплата(трансакциона сметки) така да не би требало да има некои големи поместувања по однос на ова прашање, баш напротив во теорија би требало да е алатка против порастот на сивата економија.

 

Значи УЈП ќе добива само дополнителен извештај од банките кои ќе ни се наплаќа дополнително на нас корисниците на трансакциска. Чуму оваа дополнителна услуга и чуму сега и чуму да сме оштетени па за макар и биле 100денари?

 

Значи најсигурно јас да си имам сметка во Луксембуршки банки. Плус тоа јас овдека не работам, само ставам пари на сметка и они ќе ми барале данок за пари кои не се од Македонија, е тоа не ќе може. И нормално дека сум против, и ако случајно се изгласа ‘ЗА’ јас одма има да ги затворам сметките, сигурно нема да плаќам данок за пари од др. држава.

 

Законот ги обврзува банките да ги достават овие податоци, а банките ништо не прават гратис. Секако ги доставуваат за фирмите кои се Ддв обврзници, сега ќе си ги прошират извештаите и за иматели на тр. с-ки кои се физички лица.
Сѐ ова е за да се олесни поднесувањето на годишната даночна пријава т. е. вака ќе ни се продаде, иако канцелариите на ујп се полни со административци кои и така ништо не работеа освен овие пријави, сега ќе си бидат на раат цела година .

 

Ахам епа која како си ја наредил работата

 

Експлицитен пример за нарушување на приватноста.
Што има било кој, без налог, да има увид во било чија банкарска сметка???

Знам дека ќе им биде полесно да дознаат доколку некој извршил финансиска малверзација, ама тоа, во никој случај, не смее да биде оправдување за ваков закон.

Што е следно?? Без налог, кој сака, ќе може да ми прегледува и медицинска историја, и дома ќе ми влезе да ми чепка по фиоки???

И многу ми е гајле ако било по европски правила. Не е во ред и треба да се преиначи.

 

Парите од друга држава да ги ставам на сметка и да им плаќам данок???
Па ќе си ги чувам под перница

П.С. Ова е нарушување на приватноста.
Не дека досега немало увид де, него ова вака јавно сега

 

Затоа што е против законот за заштита на лични податоци.