Банкарските сметки на граѓаните под лупа на УЈП

Ова важи и за девизните сметки?

 

Не е во ред ова.
А зошто да имаат увид? За да можат повеќе данок да стават?
Со кое право некој ќе ми гледа колку пари имам на сметка и кога вадам/ставам, на што трошам кога плаќам со картици?

 

Рефке никој не збори за милионски суми па да се затајува страшен данок.
А и мене не ми е пријатно некој да ми има увид во мои сметки.
За другите не одговарам, ако вам ви е тоа во ред, ок.

 

Не станува збор само за плати. Рачунај, вака ќе може да видат се' што ќе платиш преку картичка... секоја нарачка на интернет, секоја трансакција во продавница, услуга, се'. За приватни сметки станува збор... Размисли, за што се вршиш уплата преку картичка?

 

Затоа што се во прашање права, а не дали нешто кријам.
Неќам да ми чепка некој по фиоките, поради принцип.

А НРБМ, кому дава извештај? На рендом луѓе ли?

Ти како брачен другар, или дете, или родител, немаш право да чепкаш во сметките на партнерот, детето (полнолетно), родителот... без полномошно, а ваму државата сака да ти чепка без твоја дозвола и без налог од суд?

Не знам како не гледаш проблем?

 

Не, ќе ги имаат истите податоци кои и самите им ги даваме при пополнување на годишна даночна пријава. Зошто ширите лажни информации? Не знам како си замислувате дека било која банка би дала ваков пристап, со клик и вработени во ујп ќе ви ги гледаат с-ките.?!

Да не мислите дека ги бранам институциите или скраја да е банките, ама има многу повеќе во самата содржина во вестите и не е фактичката состојба ниту приближно иста како со насловот на истите. Пишував претходно за ова, ама изгледа само наслови се читаат и се прави сензација и скандал од сѐ.

 

Ако е така, ок.. во текстот нема конкретни податоци за дали на правни или на физички лица ќе имаат пристап и по кој основ.

 

Кажаа дека ќе има увид за плаќање со картици... Барем така слушнав на вестите.

 

Еве сега, и јас тоа го гледав:

 

Небитно дали сум платила ручек или купила фустан, зошто некој да го знае тоа?
Нели приватни сметки? Ова ќе излезе веќе дека се јавни.
Ако испадне вака како што најверојатно ќе е, јас ги затворам сметките.
Нема да дозволам да ми се нарушува приватноста...

 

Самиот почеток на прилогот те наведува со скандалозна вест дека ќе се гледаат трошоците од платежните картички, за потоа глатко да си премине на суштинскиот дел дека таргет се приливите. Ми стои дека од УЈП и не знаат сеуште како тоа ќе биде технички изведено, туку сега се чекаат законите да се "испеглаат"

Луѓе ве молам правете разлика меѓу приливи и одливи, приходи и расходи.

Банките веќе сите си имаат системи кои им се прилагодени на нашите законски регулативи. Секое тромесечие се праќа за секоја фирма (даночен обврзник) колку приливи-приходи и по кој основ ги имаат добиено истите за тој период. Истото ќе го прават и со с-ките на физичките лица. И наместо во март да чекате редици пред УЈП за вие сами да им ги доставите истите овие податоци, за 2018 само ќе ви стигне решение или потврда.
Секако банките нема да пратат ф-ра на ујп или на министерството за финансии, туку ќе си ги наплатат од граѓаните во вид на провизија за доставен извештај.

 

Ајде.. теоретски, олеснување, практично.. неспремни, не знаеме ни како ќе биде... не ми се бендисва то ич. Во од се обидуваат да решаваат проблеми. И дали ќе бидат спремни за заштита од злоупотреба? Баш ме интересира како ќе го изведат... тоа што се водело евиденција и до сега, многумина не ги спречило да направат криминал.

Ако не друго, ќе се изнасмеам ако излезе инфо за луѓе, кои од дома се кријат што прават

 

Ако некое лице е под истрага за финансиски криминал,тогаш би било во ред УЈП да има пристап до податоците од банкарската сметка.Ако не е,тогаш не би било во ред.Тоа би било нарушување на приватноста без основа и би било прекршување на закон.

 

Ич не ми се свиѓа ова. Што има некој да гледа кај трошам, што трошам и што купувам?
Претеризам е ова, ова е најдолно нешто. И не, не е за плашење како што кажа Рефка. Сепак треба приватност да се има и истата да се почитува.

 

Не ја гледам потребата од ваква измена на законот, особено затоа што МВР може да изврши увид во нечија банкарска сметка доколку постои сомнеж за нешто.

Ова ми изгледа како нешто замаскирано во популистички потег („Ќе ги фатиме сите лопови“), а уствари е метод за ловење на оние кои „на ситно“ ја крадат државата. Велам замаскирано во популистички потег, затоа што сметките со милиони на оние кои навистина ја крадат државата и затајуваат даноци сигурно не се во Стопанска банка.

А доколку ова ги опфаќа буквално сите направени трансакции, тогаш збогувајте се со финтата „Ќе го купам нештово за 50 долари од интернет, ама ќе му пишам на продавачот да стави вредност од 5 на пратката, за да не ми ја царинат“.

 

Гледајте ја добрата страна на законов - годишно нема да пријавувате данок во УЈП туку само ќе го потврдувате.