Бебиња родени со расцепчиња, помош за што понатаму

@Kaetana
Погоре пишавте дека вашето дете имало анкилоглосија. Ќе може да ми кажете на кој начин го доевте?
Дали имавте проблем со создавање на вакум?
Дали и кога хируршки го решивте проблемот? Не знам која возраст е вашето дете, дали имавте проблем со изговор на поедини гласови?
Чисто информативно ве прашувам

 

Околу доењето беше цела сага, бидејќи доцна откривме дека се работи за анкилоглосија, бидејќи рестрикцијата беше на заден френулум и не беше очигледна како кај бебиња со изразен преден френулум. Бидејќи беше на заден френулум и влијаеше на перисталтичните движења нагоре со јазикот немав проблем со вакуум колку што имавме проблем со ефективно празнење на градата и недоволен напредок во тежина.
Само што дознавме, а тогаш бебето имаше веќе 5.5 месеци, се решивме за френотомија со ласер. Направивме неколку дена пред да наполни 6 месеци, и потоа уште месец правевме вежби.
Бидејќи се работи за бебе, не може да се знае дали рестрикцијата дефинитивно ќе влијаеше на говорот, но, ми беше објаснето дека е можност, како што е и можност за искривени заби заради високо непце кое не се израмнува со допирање на јазикот до него при голтање.

Тука имам детално околу тоа пишувано:

https://forum.femina.mk/threads/Под...-ankyloglossia-како-проблем-во-доењето.31615/

 

@Kaetana Ви благодарам многу што вака детално и несебично го споделивте вашето искуство. На многу може да помогне
Баш ми е жал, сте го поминале потешкиот пат.
Последиците што можат понатаму да бидат, не се така големи и што е најважно се решливи.
Ви посакувам многу среќа

 

____Update во однос на исхраната____

Моето бебушче и покрај расцепот одлично се снаоѓа со цврстата храна, односно сеа засега сме на кашички и одлично ги јади без никаков проблем или страв од загушување. Доколку кивни по малку од исхраната може да подизлезе преку носот, но тоа не претставува никаков проблем и бебето слободно продолжува да ја отвара устата за да добие уште кашичка.
!!!! Го пишувам ова во случај некоја мајка/татко доколку го има истиот или сличен расцеп како мојата бебушка, слободно може да се опушти и да здивне во поглед со исхраната со кашички, затоа што одлично јадат и си качуваат килажа согласно месеците кои се. !!!!

 

Здраво,
И јас би сакала да го споделам искуството на темата.
Моето бебенце исто така е родено со расцеп на меко непце. Расцепот е мал, меѓутоа имавме доста проблеми со јадењето на почеток, не можеше да цица, 20-30мл оброк за два часа… кога го прочитав првиот пост во темава, сфатив дека го опишува точно она низ кое што поминавме. Ние се храниме со baby nova цуцли, а еден краток период на почетокот користевме и nuk специјална цуцла. Исто имавме и пад во тежина, но сега е добро, порасна и јаде околу 800 мл дневно. За недела две ќе почнеме со овошје и зеленчук па ќе видиме како ќе иде. Нас операција ни рекоа околу 10ти месец. Дали некој тука правел операција и може да каже како оди опоравувањето?

 

Ова совршено опишува какво е и моето искуство. Ти благодарам за споделеното, да го прочитав порано, доста ќе ми помогнеше. Многу малку се зборувс на темата, а потребна е поддршка за сите мајки борци со нивните бебенца

 

Конечно помина и нашата операција, првите два дена се малце потешки и за гледање за мајката и за малото затоа што е во мали болки и нелагодност во устата. Беше на сонда 7дена на исхрана и малце страв да не се извади со рачињата тоа, но за чудо соработуваше одлично и немаше обид за пикање рачиња во уста, фала му на Бога.
После месец дена можам да ви кажам дека одлично започна да зараснува...

сега следува нова препрека да пребродиме, а тоа е говорот, затоа што тек сега оформи меко непце(мускулатура) за подобар говор и изговарање на букви кои порано неможеше да ги изговара. (да напоменам претходно веќе почна и да зборува меѓутоа не е тоа тоа ).

После поминати 4месеци од операција забележувам напредок во однос на говорот, почнува да се труди да збора и нови зборчиња некои целосно точно ги изговара, некои не баш.

 

Честитки, нека оди со лесно опоравувањето. Ние исто се опериравме на 8 месеци, кај нас беше операцијата на меко непце и добро поминавме. Сеуште не зборува ама нема проблеми со јадење. Сакав да споделам дека на фб има една група каде мајки споделуваат искуства - еве линк: https://www.facebook.com/groups/1394588430840458/ . Има доста корисни работи. Поздрав