"Бомбата" на Заев

„Паралелно, преку собраниските комисии нивната содржина ќе биде достапна за јавноста.''

 

Јаооооо, прво морам да ставам на знаење некои работи, за да не ме сфаќаат погрешно понатаму.

Прво, не сум политички определена, од проста причина што сакам политиката да ми биде на последно место во животов (а некако е невозможно).

Второ, многу малку се разбирам во политика (и во економија, морам да признаам, а некако, поврзани се меѓу себе).

Гледам да се држам на страна од политички теми поради горенаведените причини, но од секаде сум бомбардирана со политика и тоа е едноставно невозможно.

Што е до мене, и ВМРО и СДСМ би ги ставила во вселенски брод и би ги лансирала во вселена неповратно, ама толку големи „таразани“ се (во смисла, кога ќе се закатанчат за нешто, не можеш да ги откачиш, едноставно, неуништливи се), што мислам дека ќе најдат начин да се вратат пак на Земјава или ќе успеат да населат некое друго сирото место во вселената и да продолжат да го упропастуваат.

Една од работите кои не ми се јасни е до кога веќе ќе мислат, и едните и другите, само за свои интереси и како да украдат повеќе, како да ја засер*т земјава повеќе, наместо да помислат малку на народов напатен кој со цел памет ги бира (читај: бира да страда на различен начин, во зависност од партијата на власт)?

Ова што Заев го направи со неговиве т.н. „бомби“ е жив срам и да сум на негово место, ќе се скријам во најдалечното и најзабутаното дупче на планетава. Добро бе, се видело ли некој друг да прави вакво нешто на сопствената држава? Ова беше таква грешка, невидена грешка, поради која сега на соседиве кои толку многу не' обожаваат, им се полни душичката!

Тоа што Грујо го прави последниве години, особено со проектот „Скопје 2014“, е страшен грев, грев кон оние кои лутаат по улици, без кров над глава, без можност за ниту еден оброк во текот на денот. Тоа што Грујо и неговите соработници го направија со Здравството и Образованието (се однесува на министерствата и нивната работа), ќе не' чини многу скапо.

Тоа што Заев, од друга страна, мисли дека го постигна со објавувањето на тие бомби, беше само очаен обид за доаѓање на власт. Разгорување на стари случки, што не смееше да се случи, разгорување на надежта, еве конкретен пример ќе дадам, на оние чии најмили настрадаа во случајот „Монструм“, а имам впечаток дека никаков задоволителен одговор не добија. Се изнаслушавме „мали ноќни приказни“ помеѓу министри, видовме дека и тие се обични луѓе како нас, дека тресат тешки зелени и дека имаат речник полош од кочијаш. Ако Заев мислеше дека има нешто вредно да презентира, тоа требаше да го направи на друг начин, а не да ја брука и без тоа веќе избруканава земја. Постои Стразбур, постои Хаг, постојат други средства, ако малку мислеше на народот, а не на тоа како да дојде на власт и да продолжи да краде и без трошка срам да ја продаде земјава, нејзиниот идентитет и име.

Од друга страна е Грујово, кој се фали како некој петел со економијава што пукна од „цветање“ (мислам дека зборува за неговата домашна економија, како и економијата на останатите на власт и во опозиција). Ја упропасти земјава со тие негови фамозни инвестиции, со тие негови неопеани вработувања, со што станавме полоши од некои африкански земји. Буквално народов го претвори, не во убедливо најефтина работна сила, туку во робови. Со тие негови реформи за подобро образование (читај: понеписмен народ, зашто „глуп народ - силна држава“, нели), само предизвика натрупување на високообразован кадар кој сега работи по такви работни места за кои е потребно средно образование. Во науката и научни истражувања - боже сачувај нешто да се вложи. Со 500 евра од МОН нека ми каже некој дали може да се спроведе било какво истражување (во општествените науки, зашто во природните е невозможно). Кои приоритети ги постави тој за да оди земјава напред? Зашто засега и до сега само механички функционира.

Но, да не ги заборавиме и СДСМ кога беа на власт. Да не ги заборавиме глупостите што ги правеа. Ако нив никој не ги снимил, не значи дека тие не се однесувале на истиов начин како овие сега снимениве и прислушкуваниве. Може ли некој да ја заборави продажбата на ЕВН? Дали може некој да ја заборави продажбата на Телеком? Ајде, ќе речеме Телеком е помалку „важен“, ама без струја се може ли? Еден нека се јави да се пофали дека му е убаво да плаќа енормно големи сметки за струја. Еден нека се јави да каже дека му е убаво секој месец да се покачува цената на струјата! Па сега ја намалиле за 0.33% и се уср*аа!!!! Нормално ли е тоа што го направија?! А дали е нормално тоа што јавно кажуваа како треба да се „свитка кичмата и да се смени името“? Не дека сегашниве нешто не уредуваат, ама барем на таа тема спомнуваа референдум за да се изјасни народов. А кога сум уште на тема СДСМ, може ли некој да ги заборави становите на Рада или ѓерданите Димов што ги делеше за 8-ми март ли беше, не знам веќе?

А заеднички, за двеве партии, можам само да прашам: Ќе успее ли некој да ги заборави терористичкиве напади во Куманово што ни се случија пролетва? Зашто јас знам дека нема ни 2001 година да ја заборавам.

Ееее, вака можам до утре сабајле да ги рембачам и едниве и другиве, зашто веќе главата ми ја пукнаа!!!

Па уште Заев упуван (со извинение), зашто се договориле конечно на последнава средба? Абре Заев бре, до кога бе, маче? До попладне, дур не ти се смени расположението, како што се менува времево? И што? Ова го нарекуваат „тоа што ветивме, тоа исполнивме“? Ако навистина се договориле, ако достојат на тој договор, најдобро нешто што може да произлезе од тоа е што ќе се тргнат веќе и едниве и другиве кампери, зашто ми се смачи и од едни и од други.

Што се однесува до договорот, бидете сигурни дека нас ни е сервирано само тоа што треба да го знаеме, за да ни се замачкаат очи.

Мене ме интересира, што имаат Албанциве од договорот? Нив никој не ги спомнува, изјави нивни не сум видела по вестиве (а сум премногу незаинтересирана за специјално да седнам и да барам по интернети, по секакви медиуми, зашто ми е преку глава веќе). Многу ми е битно што тие ќе добијат од ова, зашто секогаш кога има вакви лудории, дејствуваат во стил „двајца се караат, а третиот користи“. Тие ако немаат некоја корист, не седнуваат. Нивните барања никогаш не се изјавуваат сите да ги чујат и после ќе се зачудиме кога ќе изникне некој „рамковен“ во кој ненаситно бараат свои човекови права.

И уште едно многу важно прашање ме интересира: Што значи сега договоров? Дали на Заев нема да му се суди? Дали нема да се проверува автентичноста на снимките? Дали (кога би се докажало дека се автентични) нема да им се суди на Грујо и компанија? Ако ништо од ова не се случи, ќе ми објасни ли како е задоволена правдата на крајот на оваа бесмислена агонија? Туку, ова им одговара на двете страни (доколку ништо од горенаведеново не се случи), зашто и Заев на слобода и Грујо недопрен ќе остане....

Ееее, народе мој, наместо да се протестира на страна на едните или другите, освести се, протестирај еднаш за себе и за своите права!

Да е до мене, плативе на пратенициве би им ги симнала за упола и повеќе. Да се почувствуваат како обични граѓани на државава. Тогаш да видиме кој ќе се нафати да ја води оваа земја, зашто додека уживаат имунитет (кој јас би им го одземала, зашто максимално го злоупотребуваат) и огромни плати, малку им е, па забегуваат со крадење.

Во постов ставив се' и сешто, од многу теми, ама некако се' ми е поврзано. Морав да се испукам, зашто мене веќе мозоков и нервите ми ги пукнаа, не со месеци, туку со години наназад.

(Се извинувам ако некого навредив патем, немам таква намера, ама и мене ме навредуваат и едните и другите со тоа што го прават веќе повеќе од 20 години.)

 

Колку нешто да се дешава.

 

Јас го поздравувам договоров . Мал чекор, но во моментов многу битно е тоа што сепак разговарале и ете, се договориле нешто. Сепак ова треба да го видиме и на дело, зошто од бла .бла .бла, веќе преку глава

 

Лејди, каков народ, таква држава. Просто и едноставно, некој ова одамна го дефинирал.
Што даље речи !

 

Немој Хипо , немој да се нервираш молим те



Инаку како што се збореше , тие сектори ги добија , изгледа како трампа за смилково бомбата ... тоа е тоа.

Сега не верувам дека ќе има повеќе бомби , смилково ќе си ја чува за во случај да нешто не иде како што треба и толку.

Колку победа толку и загуба.

 

Еве од вечерашното славење за постигнатиот договор и решавање на кризата. Истотака ако не се лажам ќе биде тргнат кампот вечер/утре

 

Sto se slavi ustvari?
Ke bide nekoj uapsen od kriminalite objaveni vo razgovorite?
Ke bide obestetena drzavata od onie lica koi zemale na nejzina smetka pari za svoj djeb?
Ke gi doznaeme ubijcite na decata?
Ili pak ke se obelodeni koj napravi vestacka vojna vo Kumanovo od eden den a ostanaa zacrnati familii?

 

Галапче се слави тоа што мрднавме од мртва точка , се слави тоа што нема да има украински сценарија или боло какви сценарија , се слави тоа што сега на следните избори вмро нема да има министерства со кој ќе може да купува луѓе за брашно или пак да влече за уши ..

Како нема да има уапсени , па сега во септември ќе има нов судија кој ќе биде неутрален, ќе ги разгледа и суди сите криминали , така да може Грујо да не ни дочека избори , али сепак мислам дека ќе ги шитне своите министри да се спаси на крајот ...
сега мислам дека во договорот нема веќе бомби да се прикажуваат , така да не верувам дека ќе биде кажано све за смилково и куманово , ако воопшто и нешто кажат...

 

@Yipman2
Ne mi se kolvat troski poveke.Zatoa ne mi e jasno slavenjeto.Sekoja partija dava razlicni izjavi,dvete strani slavat,ednite koga gubat,drugite koga dobivaat bez razlika sto se e pod prisila i potkup.
Mi se smaci da slavam za necii
interesi koi nemaat vrska so drzavata i cij prioritet ispaga deka ne e narodot.
Mi se smaci od luge koi vetuvaat a ne ispolnuvaat.Svesna sum deka toa e politika i mora taka,ama preteravme.

 

Ако барем малку имаа почит спрема овој народ, немаше да прават вакви глупости, да излегуваат од Собрание, да прават нереди и слично. Се знае во сите нормални земји како се претставува народот: со седење во законодавниот дом, со залагање за интересите на граѓаните, со корекција на власта таму каде се донесуваат закони кои често пати (од двете страни) се за никаде.

Без програма не се доаѓа на власт, тоа на сите да им е јасно: и на овие лудациве што направија скандали, а исто и на лудацине што не' малтретираат 9 години.

Славењево е бесмислено. Грујо ќе дадел оставка, ама премиерското место пак ќе го земе некој од ВМРО, а Грујо ќе делува од сенка, како што тоа го прави Бранко. Така да, не ми е јасно што се слави.

И уште едно прашање што заборавив вчера да го поставам во мојот реферат од пост: Какви ингеренции ќе има таа преодна влада која ќе се формира 100 пред секои избори? Се надевам дека нема да смее да одлучува за многу важни прашања, па да биде после делување во сив период. А уште ако продолжат со традицијава да одржуваат избори на секои 2 години... Тешко нас.

И секако, да не ги заборавиме Албанците и нивното вечно надополнување на тој рамковен договор кој го вметнуваат во секоја ваква ситуација, само за да си остварат свои интереси (знаеме кои).

 

Неможам да зборам оти не знам што им е планот и стратегијата, ама сигурен сум дека имаат стратегија добра со која не би дозволиле сигурно да тепаат вмро на следните избори , е сега дали ќе биде страгеија горе-долу себична и партиска како таа на вмро , незнам , ќе покаже времето што и како ,ќе се види наредни 10 месеца , толку од мене за темава , време е за голем одмор па од Септември пак кога ќе бидат судењата и остало.
Него нешто вмровскиве членови не се толку активни како што беа пред месец-два , или на 18ти Мај кога се силеа дека нема ни избори ни оставки да има ....

 

Vmro od sekogas sakaa izbori a Zaev bese toj koj celo vreme se plasese id izborite taka da ..Pobedata e jasna se gleda od nebo

 

Пак нема да ги признае изборите и пак јово на ново ќе биде.

 

Груевски сака избори заев бега од нив како ѓавол од темјан мораше да прифати само затоа што беше притиснат од ЕУ. Заев како секогаш така и во април ќе кажи изборите беа не демократски ЗОШТО СЕ СОГЛАСИ ПРЕМИЕР ДА БИДЕ ОД ДПМНЕ ЗА И НА РЕДНИТЕ ИЗБОРИ ДА ГИ ПРОГЛАСИ ЗА НЕВАЖЕЧКИ