@Mockingbird бидејќи имате малолетни деца секако ќе се вклучи и социјалната служба и ќе минете 3месеци низ процес на мирење. Ова е само формално, во реалноста ќе бидат само неколку разговори. Не знам дали воопшто ќе имате некаков бенефит од тие разговори. Доколку навистина имате некое позитивно искуство при тој процес би Ви била благодарна доколку споделите. За поздравување е колку стабилно и зрело се справувате со ситуацијата.Ви се восхитувам. Да не должам, само ќе кажам дека се согласувам со членката над мене, го делам истото мислење со неа. Среќно низ процесот, трпение читам имате.
Да, адвокатот ми сподели дека ќе бидат и социјалните служби дека ќе мораме да ги посетиме и дека генерално е формалност сето тоа. Дека всушност ќе сакаат само да направат проценка за тоа како функционираме како родители и каква е комуникацијата. Ќе споделам искуство за се здравје. Некако ме радува моментално фактот, што и на двајцата главната цел ни е што помала траума да им се направи на децава. Успеавме да се договориме и за имотната делба, што прво ми беше страв што ќе биде како ќе биде.. Но не знам ќе видиме се со време. Поздрав и повторно ќе речам ако знаете некој добар брачен советник препорачајте. Некако беше многу решен за да одиме сепак без разлика што се оставаме, па иако мислам дека е за џабе, ако тоа ми е некоја “гаранција“ дека ќе имаме поглатка комуникација, ќе се решам и на тоа.
Спојлер: Психолог Ивана Станковска https://mandala.mk/our-services/ немам лично искуство ,но познавам задоволен корисник на нејзините услуги.
Искрено би те советувал да си поставиш стриктни граници дури и на хартија. Вака можеш да се доведеш во ситуација тој да прави што сака без никаков обзир за твои потреби и обврски. Башка со ова што го пиша погоре си ја отежнуваш работата за наоѓање нов партнер бидејќи тој треба да прифати да влезе во тој чуден еко-систем кај што партнерка му искача повремено со бившиот сопруг. А секако и без тоа ќе наидеш на потешкотии како сингл родител.
Најјако е што совет за граници и самопочит успеа да го претвориш во муабет за "нов дечко". Имам другарка која е разведена. Од нејзиното искуство пренесувам. Неа 90% од животот и е диктиран од бившиот сопруг ради непоставување граници. И се дешава да и се јави 2 саати пред договорен термин за оставање деца да и каже: пред зграда се јас отидов. Не дадов совет "за нов дечко што да пази". Советот е да внимава на сегашните одлуки кои ќе и го зачуваат менталното здравје
А што лошо и кажа на жената? Итоа како е точно ова што го пишал, треба да наведеш се до детали како ќе постапуваш, и со деца и со имот, и со нивно гледање, многу се менуваат работите кога маж ќе сфати дека жена му (бивша), ќе има друг партнер, и друг ќе му ги гледа и воспитува децата, кај нас на Балканов многу тешко тоа го прифаќаат, затоа се треба точно до детали да се наведе во разводниот процес (договор). Плус што е навистина тешко, некој нов партнер да ти прифати дека ќе одиш кај бившиот маж, да славиш празници, или да шеташ по еднаш месечно со него и децата, а да не збориме за викенди и одмори. Ако постои партнер, на Балканов посебно, што ќе прифати да му оди жената/мажот, со бившиот и децата по одмори, ручеци, итн. а тој/таа дома да седи сам/а, за сите важни настани и празници, јас ironmom не се викам! Советот е на место и се е така како што кажал членот погоре, сега вика дека му е исто, ама утре може ќе смени и ќе сака да си прави по негово, ако е така запишано во договорот, немаш повеќе права да се буниш.
Дури и со запишани правила по договор, ЦСР мизерно работи и пак се можни главоболки. Мислам дека се работи за неискуство кај членот и затоа таква саркастична критика
Да, ЦСР со ништо не се замара, ама важно е да си има документ на кој јасно ќе пишува, кој е старател и кај кого ќе се децата, кога ќе ги зема точно кои денови, дали ќе е тоа викенд или раб ден, дали ќе преспиваат кај него, колкава да е алиментацијата по дете, итн. Секогаш точни и јасни работи да се запишани, така имате поголем физички доказ ако утре дојде до неспоразум, вака немате ништо, само на збор кажно. Ако не се испочитуваат правилата што ќе ги даде ЦСР, имате право да поднесете тужба спрема бившиот, и тие може да му го укинат целосното право за гледање на децата. Ова е само како пример кажано.
Тоа што цср го изготвува се вика решение за видување,и го прават во ситуации кога партнерите не умеат да се договорат, или имаат крајно нарушен односи поради семејно насилство. Не знам дали судијата ќе се согласи цср да изготви такво решение , можеби е можно доколку и таткото се согласува. Ова се работи за кои членката треба да се советува со некој добро поткован адвокат на кој му се специјалност овие спорови. Јас лично не би уредувала унапред хипотетички ситуации. Реално, кај нас тие договори не ти менуваат многу ако дојде до нарушување на односите,бидејќи и околностите се менуваат. Тие решенија се изготвуваат според моментални околности (возраст и потреби на децата, работни обврски на родителите , можности итн) а околностите и потребите со текот на годините се менуваат. Писмен адвокат и тоа е тоа. Препорака за адвокат немам. Мојот адвокат кој ме застапуваше премина во друга специјалност.
Правото на видување може привремено да се ускрати и без тужба ,тоа го прави самиот центар. НО верувајте дека ретко кој тоа го спроведува. После низа неуспешни мерки можат и предлог за одземање на родителско право да поднесат,ама не се замараат. Јас би рекла -,,да не ви затреба!,, оти трнлив пат е тоа, за жал , најчесто, без позитивен исход.
Ти како да не живееш во реалниот свет Што ќе уредуваш во официјален документ, дека стариот партнер мора да прифати дека ќе имаш нов партнер и како да се однесува во негово присуство?! Кој ќе ја спроведува правосилноста на тој документ?
Се согласувам сепак и при пријава на непочитување на решението, сум чул дека не превземаат ништо посебно. Да не идеме офтопик членката треба да си знае дека со согласување на се што ќе и побара бившиот не го спречува патењето на децата и само себеси си штети. Развод е, нема да биде ништо убаво. Децата ќе патат ама поради постапките на родителот кој извршил неверство. Ако таа не извршила неверство совеста треба да и е чиста и само да се помири со тоа дека избрала погрешно
