Брачни совети

Пиша дека мајка и' е премажена за насилен маж.
Не верувам дека ќе и' биде поарно со нив, ниту дека ќе добие вистинска помош од нејзе.

 

Ќе ме примат таму ама после нон стоп ќе се кара тој со мајка ми заради мене. И најмалиот брат беше со нив, па на крајот го избркаа.... Животот ми е хорор, на никој не му е погодено, брат ми премногу истрпи заради нив, не знам само зошто сум се родила.. Се ми се руше, се... Само грешки имам направено, ништто друго.

 

Не можеш ти за се да бидеш виновна. Дете си била, си се омажила. Немало кој да ти даде нит ум ни совет. Ама ништо не е неповратно, се може да се поправи.

 

И се смеев на снаата од брат, кога ми викаше прво прошетај, смени неколку, па после мажи се. Велеше немој со првиот веднаш да се мажиш, смени, ќе видеш каков карактер повеќе ти одговара, со кој ти оде, со кој не. А јас.. На 17 години, како да ќе ми избегаше тоа да станам домаќинка. Кога го запознав велев ова е човекот на мојот живот, но не бил.. Најубавите години нему му ги дадов, а што добив за возврат? Едно големо ништо.. А знаеш како плукаат по тие оставените? Веднаш муабети дека е к**ва, дека место не ја држе, дека чим еднаш се оставила, ќе се остави пак.. Ќе велат и за мене дека сум како мајка ми.. Тетка ми, иако и е сестра вели на мајка ти крвта и е блага, можеби и она не станала таква од арно, ама тоа е. Толку им е капацитетот едноставно. Свој леб јадат, туѓо гајле берат.

 

Арно ти вика @Biljarkata
Не си ти за ништо крива.
Каков пример си гледала, така си научила.

Млада си бе чупе.
Имаш време се' да смениш, се' да попрајш и да имаш убав живот.

Еве ти линк од организација која се занимава со помош на жртви на семејно насилство, контактирај ги.
Уште сега!
https://www.krizencentar.org.mk/

Еве и броеви од СОС линии

http://www.mtsp.gov.mk/prijavi-semejno-nasilstvo.nspx

 

Фала ти за броевите, ќе контактирам.

 

Најубавите години се од 20 до 30, може и до 35. Ма стално се убави години
Ништо не си потрошила, едно тинејџерство што не си го изживеала, ќе го изживееш подоцна и толку. Е сега, треба да се поставиш на свои нозе. Тоа е најтешкиот дел. Не си класична жртва на насилство, не верувам дека центрите ќе помогнат тука. Претпоставувам живееш во мал град или село, кајшто е тешко да се оттргнеш од предрасудите и да го промениш животот. Пробај да најдеш работа во друг град, барај соба за кирија за почеток (може кај некоја бабичка)... Млада си бе, рачунај се дека си студент, само што мораш да работиш наместо да студираш. И мораш сама да си го береш гајлето.

 

@Summer16 велиш на 17 се омажи. Средно имаш завршено?
Може си пишала низ темите ама не сум прочитала.

 

Дај Боже и да не најдеш уште еднаш таков ко него. Тоа што ти рекол "не викај два пати" за насилство во брак треба да го сфатиш ко закана. Дека е спремен да те претепа ако се изнервира. Најди работа и не му се враќај. Работа има, ќе најдеш, пиши ако можеме да ти помогнеме. Ама не му се враќај. Не ги прави истите грешки како мајка ти. Затоа што ако си заминеш и се вратиш, тешко кој ќе сака да ти помогне. Кој да и помогне на мајка ти кога таа не сака да си помогне и му се враќа цело време на мажот нејзин? 20 години имаш, сега ти почнуваат најубавите години, не се затворај дома со посесивен насилник.

 

Најубавите години допрва ти следат, само реши се што сакаш во животот и пробај да се снајдеш, да се осамостоиш. Тргни се од таква малограѓанска средина. Толку си млада сите убави нешта се пред тебе.

 

Млада си, ке се реши се најди прво работа а ако се противи не го фермај и заштеди некој денар и бегај, среќа што си 20 години вакви бракови еден куп несреќни жени трпат заради децата

 

Имаш роднини и пријатели во странство, ако имаш збори со нив за проблемот и нека ти помогнат јас мислам дека промени на средина највеке донесува позитивни промени

 

Такви малоѓрагаски маабети ке слушнеш или од мажи што тепаат и врвен дострел им е далечинското и фотељата или тепани жени кои се пожртвуваат де за семејството а они кутрите марионети. Пример ја никога не би рекла кур.а на некоја разведена, ако те луѓето озборуваат значи дека вредеш нешто не паѓај на такви зборови големо чудо ако некој ниско интелигентен те нарекол кур..а

 

Што направи?
Засекогаш ќе е така, никогаш нема ништо да се смени.
Најдобро е ако се живи твоите родители да се вратиш кај нив. Ако не друго решение. Ако не можеш да направиш таков чекор заради другите (заради било кој) тогаш нема спас. За твоите деца најдобро е да се разведеш. Нив не им треба таков татко. Какви деца сакаш да одгледаш?
Еднаш се живее. Што побрзо ослободи се од тој гад.

А дали си ти сигурна дека сакаш да се разведеш? Психологијата вели дека иако некои жртви зборуваат вака тие не би ставиле крај.
Верувај ми дека кога ти ќе решиш и ќе посакаш да ставиш крај сите коцки ќе се наредат.
Не се споредувај со мајка ти, заборави кој што ти рекол.
Лажат дека од 20 до 30 се најубави години. Од 30+ се најубави години. Таман имаш време до 30 години да се средиш себеси и животот. Да излезеш посилна од тој пекол. Кој што сака нека каже. Кога ти ќе решиш ќе се најде некој и од форумов да ти помогне.
Еднаш како нешто слично да ти имам пишувано ама од тогаш ништо не се сменило како што гледам па затоа не ми изгледаш сигурна.
Нема врска што си се омажила на 17. Може и на 27 да се омажиш за уште поголем идиот.
На 17 си се омажила поради твојата семејна состојба како дете и тоа е нормално.
Кажи кога ќе бидеш решена да ставиш крај?
И битно, а и не многу битно е дали го имаш завршено средното?
Како социјален случај ќе можеш бесплатно да седиш во студентски дом во Скопје и бесплатно да студираш. Паралелно ќе најдеш и работа. Некој лесен факултет. Па ќе одлучиш дали ќе го завршуваш факултетот или само работа. Преку лето ќе одиш во странство. Во меѓувреме ќе запознаеш некој тип. И на 30 ќе бидеш среќна и ослободена.
Ти само реши, донеси одлука, пресечи и знам дека се ќе се среди.

 

@Summer16 Се плашам дека во твојата личност, твојот карактер постои дел што му е ок да биде жртва. Ако е така најпрво ќе треба да се избориш со тој дел. Борба со самата себеси.

 

4та а земав вонредно.

Тој дел е поврзан со она што би рекле другите.. Сите мислат дека со мм имам совршен живот тука е проблемот. Плус имам блиски штто не беа баш среќни што него го одбрав (заради љубомора)па сега ќе биде како демек нели ти кажавме. Си велам луѓето се ќе зборуваат, таква ни е средината, неможам цел живот да сум несреќна заради нив, а веднаш следниот момент велам што би рекле другите...

 

Статистички, жртвите на семејно насилство, во просек, седум пати го напуштаат насилникот, пред конечно да заминат.

Практично, 'мозокот ќе ти го испери' врска со насилник.

 

Тоа ми е најтешко сега да ставам крај. Тој и самиот ми вели ти го нема сјајот во очите, не ме сакаш веќе и овие денови се труди околу мене. Нонстоп ме гушка, ми кажува убави работи ама џабе.. На времето бев среќна поради тоа, ама сега не ме усреќуваат.. Знам неможе да се смене целосно, ваков ќе биде додека да ме придобије, и после пак по старо. Тешко е да заминам, ако заминам не се враќам веќе сигурно..

Прегеска читав на страната Надеж што ми ја прати. Нели има и други што пишале како им било.. Пробав да се јавам ама како некој страв да имав, морници како да ме лазаа по цело тело и спуштив. Немав храброст да се јавам...

Имам братучеди во странство. Додека учев сакаа да ме земат горе за време на летниот распуст, ама ајде ова лето ајде другото и остана.. Додека одевме со мм му спомнав дека летото сакам да одам кај нив на 1 месец, ама не никако, не доаѓало во предвив, а тој можеше да оде во странство на 3 месеци, а јас како будала го чекав..

И јас така мислам. Му велам немој ти на мене да ми се закануваш со ќотек, знаеш дека нема да трпам, тој само се смешка. Не му е прв пат така да каже. Му велам маж што ќе удре жена не е веќе маж. И вика да бее, може жената заслужила, ништо не е за џабе..

Во село живеам.. Ќе барам работа сигурно ќе најдам некоја..

 

Јас планирам да седнам и да му предложам да одиме на брачно советување ако не сака тогаш барам адвокат да се консултирам што како и ќе му речам чао сепак имам фамилија имам кај да одам работам способна сум и сама без маж но сепак прво ќе му предложам нели на советување ако сака да го спаси бракот ако несака нема да прифати

 

@Summer16 многу е во право Џокерче

Ај размисли за факултет, таман ти се годините. А таман и уписи се сега негде. Тоа ти е шанса да се оддалечиш и од него и од средината во која живееш. И шанса за подобра иднина.Ти фаќа умот?