Бременост и породување во време на Корона

Јас во фирмата каде што работам газдата не ми дозволи ни одмор да земам ( што ми следува), ни да користам мерки од владата иако имам потврда од матичниот гинеколог. Не сакаше да зборува со мене туку едноставно се одеше преку сметководство. Неговиот одговор беше ако сум немала боледување или породилно да ме одјави. Многу многу порано отворив породилно затоа што и така и така после овие работи не планирам да се вратам во таа фирма. Термин ми е во јануар, а јас породилно отворив пред една недела.

Се што ми треба за упат или рецепт или консултација тоа го правам преку телефон кај матичната или ако треба нешто да се прати се оди преку меил. На преглед одам еднаш во месецот.
Сопругот е повеќе исплашен од мене со целава ситуација што се случува и затоа решивме да се породам во приватна болница.

 

Исто и мене ми се случува, а работам на преризично место.
Кога кажав дека следна недела ќе донесам потврда за оправдано отсуство, некако од околу почна да ми се заканува со отказ. Знам дека бремени сме заштитени т.е. не е легално да не отпушти и сега може да ти врши притисок за сама да дадеш отказ, за да не трпи последици он ако те отпушти.
Јас сум спремна и на отказ ако не ми ја прифати потврдата од гинеколог, бидејќи се граничи со лудост во оваа состојба да одам на тоа работно место. Не знам уште што ќе се случува, ептен стресно ми е се.

 

Отвори си боледување и терај така до крај. Зошто да даваш отказ и да ти пропадне породилното? Не верувам дека би ти правела матичната проблем во овие услови, а и лесно се зема конзилијарно мислење.

 

Девојки како иде со земање патолошка бременост сега во коронава. На работа ми прават 300 проблеми и не ми даваат да користам мерки. Кој има искуство да ми пише ве молам. Работам во продавница и се мешам со многу луѓе, креваме тешко. Минатата бременост ми заврши со предвремено пордување.

 

Отвори си прво боледување од кај матичната после тоа ке одиш преку комисии. Имаш ризична или нормална бременост?

 

Нормална

 

Тоа ќе биде проблем за комисиско боледување бидејки мора специјалист да ти пише дијагноза на ризична бременост за комисијата да ти одобри. Сепак консултирај се со матичната, и мене исто не сакаа да ми ја прифатат потврдата на работа ама бидејки имам еден спонтан пред оваа бременост ме водат како ризична

 

Некој да се породил брзо во државна да каже искуства како е

 

Глупости, не знам со кој памет. Септември отидов до Капитол да му земам на синко нешто од ваикики, вриеше од деца. Дури и во соблекувалните пробуваа облека
Ама не ме чуди ништо, да бевме разбран народ немаше да стигнеме до кај што сме.
Еве и братучед ми гледам малата во сити мол ја однел и јас сликал за инста.
Абе празни глави колку сакаш

 

Важи законот уште 100% до 31ви декември или не? Кој е поинформиран ама сигурна информација ми треба, бидејќи газдава не ми ја прима потврдата од гинекологот.

 

Јас колку што знам важи до 31.12.2020. И кај мене газдата не ми ја прифати потврдата и ми се закани со отказ ако немам боледување или да отворам породилно.

 

Законот важи ама фирмите не прифаќаат. Иста ситуација кај мене е, ме водат со боледување

 

Значи оваа препорака или мерка е незнам што точно го водат, за ослободување од работа на трудниците, е донесена од ракав,колку да се каже дека нешто е направено да се заштитат бремените од вирусот....Како да незнат дека 90% од фирмите нема да ги ослободат вработените, едни фирми ете несакат така да плаќаат за дома седење, други фирми навистина неможат да си дозволат финансиски, трети пак неможат да останат без вработен, обемот на работата не им го дозволува.....Да беше платено од фондот како продолженото породилно, ситуацијата ќе беше друга. Еве пример јас сум вработена во фирма со 4ца вработени и приходите на фирмата поради пандемијата се толку колку да покријат платите на вработените, па знам дека газдата нема да може да си дозволи да ми плаќа а да не идам на работа поради бременост, а на мое место да вработи друг за да ме замени додека ме нема....Незнам, но навистина, донесена мерка од ракав....

 

Важи до 31.декември.Најсигурно!
Во труднички една членка баш денес имаше пишано каде можеш да се обратиш во ваква ситуација, бидејќи газдите не смеат да не ја почитуваат препораката. Види таму, имаш информации.

 

Нели го укинаа продолженото породилно некаде во Септември кога беа и оние протести?

 

Продолженото породилно опфатено со мерките го укинаа и мајките се вратија на работа, освен оние мајки на кои редовно сеуште им трае породилното. А бремените жени се до 31.12 ослободени од работни обврски, односно доколку работодавецот обезбеди безбедни услови за работа за бремената жена тогаш може да работи.

 

Мене сега пак газдава ми се јави по не знам кој пат веќе, да ме извести дека се јавувал по некои институции да праша точно за оваа тема и сите му рекле дека законот не важи...
Не разбирам стварно.

 

Не можам да редактирам, само сакав да кажам ова, и во другата тема пишав дека за да биде ситуацијата уште поконфузна, контактирав луѓе во Министерство за здравство, од еден извор правник вработен таму добивам информација и официјален мејл дека мерките важат, a од друг извор дека не важат.

 

Изгледа никој не знае точно. До крај на мерката има месец ипол не момеш со боледување да се покриеш?
Точно е дека до крај на годинава се ослободени ама ништо веќе никој не знае.
Сегде по помаливе фирми и приватниве гледам трудници на работа за жал

 

Мерката важи до 31.12 меѓутоа владата само налага да не работат ама плата за нив не покрива воопшто... И не секој работодавач сака да плаќа некој за да седи дома па затоа ви прават проблем....