Бугарски пасоши

Lemon. Јас откако земав ЕУ пасош се вработив на убава позиција во глобална странска фирма. Јас под инструкции на фирмата, како и сите останати фирми, минус мали приватни претпријатија кои вработуваат свои луѓе, пред името и презимето да им го прочитам а не повеќе, сум фрлала директно во канта апликации од апликанти без ЕУ пасоши или доказ од имиграционо биро за неограничен престој и право на работа. Без разлика дали пасошот е бугарски или друг, ЕУ пасош е ЕУ пасош. Дали сега разбираш која е силата на пасошот?

 

Па ако ти мислиш дека бугарскиот пасош ти е воедно и диплома или докторат, тогаш да, ќе имаш луѓе кои ќе речат -Јас земав бугарски пасош и ме ставија веднаш на функција. Ти си одиш со квалификации што си ги имаш, ако немаш повисоко образование секако дека ќе работиш на подолни работни места. Ако имаш диплома и се стремиш да работиш на струка прво ќе си средиш се што е потребно, ќе полагаш јазик, нострифицираш, специјализираш, па ќе си бараш работа. Колку и да си квалификуван ако јазикот не го знаеш и не сакаш да го научиш ќе си работиш подолни функции. Бугарскиот пасош не ти дава квалификации, убаво ти е објаснето кои поволности ги нуди, не знам што сакаш да прашаш?

 

Lemon, едноставно е. Силата на бг пасош е тоа што 'подолните' работи, од типот на чистачи, градежни работници, молери, конфекциски работници итн. се платени над 1 000 е (со здравствено осигурување), во однос на истите тука, кои во просек се движат до 10 000 денари, без притоа да им се плати здравствено и социјално осигурување.
И најбедното, од тие 10 000денари, работникот зема 8 000, според утврдената минимална плата, и кусур на работодавецот 2 000денари.
Тоа е разликата, трудот на работникот повеќе се вреднува со таков пасош.

 

eeeee, токму затоа прашувам. значи не би ги нарекла "поволности".

кој вложува во себе во секој смисол (се образува, се труди, работи, а не само мрчи) нема потреба да да ги злоупотребува гнасно би рекла предците. читам по постовите спомнувате воени книшки како доказ и прилика за пасош. па, сите знаеме дека тоа е тажната и мачна историја на македонскиот народ да биде секогаш газен и нашите прадедовци морале да се борат де за бугари, де за срби итн. дали оделе со ќеиф, дали сакале да се борат за туѓиве интереси, за окупатор?????? и сега внуциве трчаат, ДОБРОВОЛНО со ливчето во раче.
инаку и бугарите се најдолните во ЕУ, подолни нема. пред некој месец греманците во медиумите изјавија дека нема потреба од бугарски пасоши, дури и подобро е да се аплицира со македонски пасош, затоа што им фалат кадри, а увиделе дека на пр. медицинарите од тука им се покажале како добри и квалитетни работници. па, потоа се вели ќе си ја нострифицирате дипломата.
значи квалитет пред бугарин-ка.
инаку како што спомна девојката од погоре за работа во странство, и јас работам во странска компанија и не се фрлаат CVјата на основа на националност, туку на основа на завршено образование и искуство. приличен број на пати на пример "не се разгледувале" и земале во предвид оние кој завршиле на одредени универзитети (да не спомнувам кои, друга тема е)
сега ми дојде на ум една идеја, би требало бугариве да ги издаваат пасошиве како на топшоп со "30 дена гаранција", со можност потоа да се врати заедно со парите за апликација ако не сте задоволни од производот. само во случајов да дадат барем 1 година гаранција, да има време да се проба пасошов

 

Девојко, ние апликациите без ЕУ пасош ги фрламе во странство во странската фирма. Не во македонската странска фирма каде не ти треба тој пасош и се гледа името на факултетот, или градите на сликата од ЦВто. Упорно бараше `доказ` како тоа чинел добро тој пасош ама одговорот не ти се допаѓа. Никаде не реков по основа на националност се бира, затоа реков не е важно дали е бугарски, еу пасош е еу пасош, а најмалку оваа држава законски трпи дискриминација по тој основ, се знае што јас кажав, првенствена селекција по основа на документ за право на работа, дури после на вага се квалификации, релевантно искуство и референции кои ги издвојуваат неколкуте вредни за интервју.
Од инат, гордост или его нема да промениш како воглавно фирмите во еу ги селектираат вработените.

 

И јас работам "headhunting" за во странство, не сакав да се расплинувам тука со објаснувања. А, сум го работела истото и во странство. Освен тебе, очигледно никој друг не се пријави со СВОЈА приказна. Реков по основа на националност зошто за нашите воглавно бугарски = ЕУ пасош. Не зборам за оние кои се родиле некаде, учеле, се омажиле/ожениле или поради свои квалификации добиле ЕУ, амерички или австралиски пасош. Во однос на темава немам никакви субјективни причини да чувствувам ниту како што наведе инает, годост или его. Ти беше единствена која даде свој пример, значи ти се исплатело. Тоа беше прашањето, ти благодарам на одговорот за твоето лично искуство. Сакав да знам и на колку други им се исплатеше ама никој не напиша ништо.

 

Не расплинување, муабет си правиме. Јас не очекувам дека на форум ќе се најдат тие успешни приказни за да се види оправдание за вадењето пасоши. Ама очигледно, кога се знае каков е стандардот на нашиот народ, дека не е евтино да извадиш пасош од шала и узур, и доколку немаше повеќе успешни приказни од утнат случај, одамна ќе пукнеше меурот на сонот за подобра егзистенција со тој пасош, и немаше упорно да се вадат илјадници и илјадници пасоши.

Да, има успешни приказни со македонски пасоши, со излезена шанса, со барани квалификации кои фалат во друга земја, ама тоа се малку случаеви кога се погледне на која скала народ бара чаре и успева во друга земја. И не е ни малку за потсмев поволноста, која тој пасош ја нуди на водоводџија, на мајстор, на електричар, на кувар... Во земјава повеќе може да заработи електричар со средно отколку матичен лекар кој нема приватна ординација и работи само државна работа. Тие струки кои не се барани за со виза, имиграционото биро нема да им ни даде виза и при барање на фирма, единствено се вработуваат граѓани од ЕУ затоа што не може да се докаже недостаток на кадар од тој тип во унијата.

 

Какви успешни приказни бараш ти не ми е јасно? Сите што заминале и не се вратиле во Македонија очигледно се задоволни и постигнале свој успех. Изгледа ти успехот некако наивно го замислуваш само како канцеларија на врв на зграда, неколку најнови автомобили во гаража и полна сметка. Се што е подолу од тоа за тебе е губење време во странство и непотребно земен бг пасош?

 

Ме интересира во врска со вадењето на бугарски пасоши имам слушнато онака муабети дека доколку член на фамилијата има бугарски пасош се вади побрзо. Па бидејќи татко ми има ме интересира дали отприлика знаете за колку време можам јас да извадам?

 

сите што заминале и не се вратиле не значи дека и постигнале свој успех, како што велиш. туку може и да значи дека само заминале и се трудат, како и сите останати, зошто овде им било полошо, имаат семејства и бираат помало зло, така?
па, тој што лично го знам, и го спомнав погоре, очигледно отишол и се вратил.
а, се сеќавам кога беше многу актуелно пред години, кога луѓето земаа пасоши само заради најнов автомобил (на ова не целев, ако мислеше).
успешна приказна мислев на: најдов соодветна работа, искористив помала школарина која за ЕУ студенти на пр. е 2500евра, а за Non-EU е 12000евра, патувам често во земји за кои со мкд пасош треба виза итн. имаше пример од девојката погоре

 

Луѓето што заминале од тука и не се вратиле, сигурно има добра причина зошто не се вратиле, а ако не им било добро во странство, сигурно ќе се врателе тука.Само прашање на време е, до кое ниво ќе стаса нашава држава, со иселувањето на нашите во странство, дали ќе остане нашава земја празна.Сигурно од убавини не си заминуваат од тука, кога нашава држава не го цени своето, секако дека ќе си заминуваат луѓето и не Бугарски пасош, каков сакаат ќе земат, а во случајов бугарски.Сите знаеме како е во нашава држава и нема што да се замижува пред реалноста, за живеачката тука. Бидејки, не може сите да бегаат од тука, ако чинела државава.

 

Lemon гледам бараш конкретен пример еве ти
Особа со македонски пасош оди во еу земјите како шофер престојот му е ограничен на најмногу 90дена значи што ек спечали 90дена ке го донесе во мк и наредните 90 дена моа значи читај мора да седи во мк па тек после пак да отде на 90 дена значи со бг пасош прво имаш неограничен престој
второ ако дневницат аму е 40евра со мак пасош со бугарски пасош му е 50-55 допира некаде значи месечно си 300 евра помалку ако си со мк пасош а за тиа 90дена престој ти губиш 3*300 значи добри 900 евра пари
еве ти најпрост пример друго не пишам повеке

 

^
Ама таа не мисли на шофери и слични категории, за неа шофер кој успеал да овозможи убав живот за фамилијата не е успех. Таа сака да слуша за патувања, факултети, работа од соништата.

 

Ме интересира во врска со вадењето на бугарски пасоши имам слушнато онака муабети дека доколку член на фамилијата има бугарски пасош се вади побрзо. Па бидејќи татко ми има ме интересира дали отприлика знаете за колку време можам јас да извадам?

 

Мала... некого го заболе една ствар....за мрачната мачна тажна сјебана историја...и си фантазираш...некој треба да ти полага сметка.....шо работи и како работи некаде по унијата....со бугарски пасош.....македонче тура нос каде не му е работа....твој народ отпушта трудници во шести и седми месец и дава осум иљади плата...корумпирани до срж...непотизам и партиско слепило.....мутавост не е грев.....гордост ради мутавост е грев....

 

очигледно си се најде повикан-а, што се возбуди толку. не "турам нос кај што не ми е работа", форумов мислам е отворен за да поттикне дискусија. не гледам дека јас отидов толку екстремно со ТВОЈОТ или мојот народ??? колку што видов погоре, тие што земале пасош велат дека се чувствуваат како македонци, но пасошов им помага во овие времиња на криза, политики итн да најдат егзистенција. сакаше нешто да помогнеш (не знам на кого) ама забега . ако немаш што да пишеш остави простор другите да се искажат.

 

ако вадиш бг пасош како сопругана некој што има бг пасош тогаш процедурата е иста немаш никакви поволности
ако двајцата родители се со бг пасош тогаш детето добива за рок од 30 дена од поднесувањето на барането
а за еден родител со бг пасош не сум запознаена како точно е процедурата
лемон ете ти пишав конкретен пример за тоа како бг пасошот ни помогна на нас ама некако не ти се чита или дискутира за тоа а толку упорно бараше некој да ти каже дека ете а мене ми помогна

 

Ако може да ми препорачате посредник за пасош преку бугарската амбасада во Скопје и дали некој има искуство со Камелија?

 

zenski!!!-namesto da se prepukuvate koj e predavnik a koj patriot koj uspeal i koj ne uspeal so bg pasos nisto ne se praj, zs temava e otvorena po moe mislenje za prasanja i odgovori i mislenja povrzani so vadenje i podensuvanje na dokumenti za bugarski pasos i so to treba da se olesni i pomogni na forumdzive.Iskreno nemam namra da komentiram na zeski forum ama gi sledam site forumi povrzani so bg pasosi pa morav i na ovoj daj razmenuvajte novosti povrzani so ova tema po so ocigledno 90% od ova generacija na makedonija pred ili posle ce izvadi bg-pasos...ne znam so se zamarate na nekoj so namerno se vklucuvaat na ova tema da izvadat revolt od forumdzive koga i tie koga ce se smeni ova NARODNA vlast so ni pravi site da begame od ova drzava tie prvi ce izvadat bg-pasos i ce molat za istiot ako i predhodno tattko mu ne izvadil...kako i da e jas samo gi sledam forumive i sekoj novosti so gi imam bi gi spodelil bez problem, inace jas sum po novo odnesov dopolnitelni bg-dokumenti od baba mi i dedo mi za proishod ne za pasos znaci sega e strasna procedurava za bg -pasos

 

Грешка си,ај прочитај го воведниот пост на темава и ќе видиш за што е отворена.Темата се однесува за тоа колку го оправдуваме или не вадењето на бугарски пасоши а, не се однесува на процедурата за издавање..
Јас можам да го разберам вадењето на бугарски пасоши но,никако не го оправдувам.Јасно ми е дека суровата реалност во Македонија е брод кој тоне а,за многумина бугарскиот пасош е чамец за спасување.Не секој е доволно силен,мудар и истраен да успее овде,не секој може да затвори очи пред неправдите,непотизмот ,лажниот патриотизам и корупцијата,селективноста и поделбите.Но,бугарскиот пасош за мене не е решение.
За мене тоа е премногу кукавички,себично,предавство на сопствениот народ ,изневерување на нашите предци и нивните идеали,сечење на сопствените корени.Страшна работа се гените,се што правиме,секоја постапка во нашиот живот станува составен дел од нашиот генетски код.Ова што се случува е колективно самоубиство на еден народ!!!
Немојте да се правдате оние кои што сте извадиле бугарско државјанство дека се чувствувате како Македонци!Затоа што не сте,ниту ќе бидат вашите деца кои ќе раснат во друга земја и ќе говорат друг јазик !Можеби ќе имате и друго државјанство германско,англиско но,никогаш повеќе нема да биде Македонско.
Е па извинете комплексот дека Македонците се помалку вредни од останатите европски народи јас го немам! Имам само достоинство и гордост и желба за борба да ги променам нештата.Европа и европските вредности да дојдат кај нас а,не јас да одам таму со третман на роб и материјал за експлоатација.Не си правете бајрам со умот дека таму парите и добриот живот раснат на дрво!
Оној што поседува потенцијал и вистински квалитети ќе најде начин да се пробие и овде,малце потешко но,со упорност и самонадградување во образование и искуство се успева. Сеуште има луѓе кои знаат да ги препознаат и ценат вистинските нешта.Професионалци во секоја смисла на зборот!
На крај краева во Европска унија може да се успее и без бугарски пасош,посебно во оние професии кои им се дефицитарни како доктори,информатичари,електро и машински и инжињери исто така и во некои помалку атрактивни професии како бравар,водоинсталатер,градежен работник и сл.Секој има право да се бори за свое место под сонцето но,тоа барем нека биде етички!Само на тој начин можеме да кажеме за себеси дека сме навистина подобри од некои и вистински сме успеале во животот!