Најверојатно со Фајзер ќе биде, ама искрено во овој момент веќе и не ми е битно, што сака да е само да сум раат и да помине од ред. Премногу се опседнав со читање со чуда врагови, и на крај реков која сака нека биде, и онака само Фајзер и Синофарм се кај нас за под 70 а јас сум 42 така да или таа или таа.
ЕУ најави дека ќе ги прифаќа вакцините одобрени и од СЗО, така да не би било проблем за патување. А дека ЕМА ќе одобри Кинеска вакцина покрај "своите", не верувам.
Ревакцинираните од Македонија можат да патуваат во ЕУ – Брисел ги ублажи критериумите за влез на граѓани од трети земји
Македонците вакцинирани на меѓуграничнот премин со Бугарија кај Делчево потврда за примена вакцина и код за патување во кој ќе бидат внесени вакцините треба да бараат од бугарските здравствен власти. Од минатата недела на граничниот премин за вакцина доаѓаат Македонци за кои не е задолжително да имаат ПЦР-тест, не им се бара бугарски пасош, можат да закажат термин, но се вакцинираат и оние кои само дошле на пунктот, а можат и да избираат меѓу вакцините на „Фајзер“ и „Модерна“, која ја нема кај нас. Министерот за здравство, Венко Филипче, денес одговарајќи на новинарско прашање, рече дека граѓаните вакцинирани во други земји треба да бараат документ за патување со код за примените вакцини од државата во која ја добиле вакцината. „Секаде каде што се вакцинираат наши граѓани во други земји сертификат им се издава во тие земји поради тоа што мора да се стават точно сериите со коишто граѓаните се вакцинираат“, рече министерот Филипче. Од следната недела Филипче извести дека ќе почне да се издава македонскиот „зелен пасош“, односно документот во кој ќе има „кју-ар“ (QR) код со податоци за датумите на кои се примени вакцините, производителот на вакцините, ќе стојат податоци за ПЦР-тест и податок за антитела како доказ за прележан ковид. Сè уште нема најави во кои земји ќе биде дозволен влезот, а во кои нема да се признаваат вакцините со кои досега се вакцинира кај нас. „Каква ќе биде политиката на земјите членки на ЕУ и на секоја земја поединечно во рамките на Унијата или земјите во светот е тешко да се каже. Има некои најави, но тие се менуваат. Нашиот ’грин пас’ ќе биде електронски и преку апликација ќе може да се симне на мобилен телефон. Ќе има кју-ар код за вакцина и ревакцина, за ПЦР-тестирање со тоа што ќе може овој податок да се надгради со секое следно тестирање и ќе има податок за антитела како доказ за прележана болест ако некоја земја го бара“, рече министерот Филипче. Документот граѓаните од следната недела ќе можат да го побараат од матичните лекари и да го зачуваат на мобилните телефони. Грција веќе се изјасни дека ќе дозволи влез и за граѓани кои примиле руска или кинеска вакцина, покрај оние на кои ќе им биде дозволен влез со негативен тест не постар од 7 часа. Во најголем дел од земјите во Европа, влезот на македонски граѓани е условен со ПЦР-тест. ©Makfax.com.mk
Претпоставувам доволно за да се вакцинираат уште околу 50 000 луѓе, ама ова само претпоставка, не сум сигурен. Иначе сигурно има 150 000 дози на страна за ревакцина
Остатоков од Синофарм мислам се резервирани за фирмите. Што значи за мене ќе остане или синовак или фајзер. И двете по малце ги нејќам. Ај има време да се засакаме, очајот на свашта тера
Јас се вакцинирав со Синофарм. Татко ми со Фајзер. Јас бев организирано, инаку во Борис на сите со термин преку вакцинација мислам Фајзер ставаа. Се надевам дека ќе поминеме без нус појави и најмногу,дека ќе може да се патува и со Кинескава. Антитела кога да проверам? Баш ме интересира колку ќе имам.
