Утре пристигнува нова пратка од 100 илјади вакцини на „Фајзер“ преку Ковакс системот најави министерот за здравство Филипче. Во недела со два авиони по 250 илјади дози ќе пристигне пратката од 500 илјади Кинески вакцини, за кои што министерот вели дека веќе на почеток од следната недела ќе бидат пуштени во употреба. Вакцинацијата се спроведува согласно Националниот план за имунизација. Се вакцинираат возрасни лица или граѓани кои искажале интерес за вакцинација на веб страницата vakcinacija.mk, а се вакцинираат и лица вработени во критична инфраструктура. До сега се имунизирани една третина од наставниот кадар, а до крај не летово е планирано да се имунизираат и останатите наставници, за евентуалниот почеток на учебната година од 1 септемрви. Министерот за здравство информираше дека во следниот период следува забрзано темпо на вакцинација, откако се покажало дека вакцините штитат и од индискиот сој на коронавирусот. Како што вели имало случаи во некои земји каде и вакцинирани се заразиле со индискиот сој, но во огромен процент минале со лесна клиничка слика и без хоспитализација. https://kanal5.com.mk/foto-superprovokativna-starleta/a480789
Немало кандидати за вакцинирање па ќе се организирала вакцинација на терен. Убаво е за оние возрасни групи кои не се баш подвижни, ама ако некој решил да не се вакцинира и дома да му дојдеш џабе е.
Голем број граѓани реагираат дека одамна се пријавиле на веб-страницата vakcinacija.mk, но се уште не добиле термин за вакцинација во земјава. Од Министерството за здравство велат дека сите тие, почнувајќи од понеделник, во рок од 20-на дена ќе бидат вакцинирани со онаа вакцина што е достапна. Според Министерството за здравство, станува збор за околу 180.000 граѓани кои се пријавени за вакцинација, а се уште не добиле термин. Околу 64.000 граѓани на возраст од 40-59 години се пријавени на веб-страницата за вакцинација, а сѐ уште немаат термин кога да се појават на еден од пунктовите. Над 40.000 граѓани на возраст од 60-99 години исто така чекаат вакцина. „МојТермин не отвора термини за тип на вакцина, секој граѓани добива информација пред вакцинацијата со која вакцина ќе се вакцинира“, велат од Министерството за здравство. Очекувањата се дека откако ќе заврши вакцинацијата на овие граѓани во следниот еден месец, вакцинирањето ќе се одвива без термини, односно секој граѓанин ќе може да оди до најблискиот пункт за вакцинација и да ја прими вакцината што е достапна. Според податоците од министерството, досега во земјава се вакцинирани најмногу луѓе на возраст од 60-69 години (75.604 граѓани), а потоа следува старосната група од 25-49 години (66.953 граѓани), вакцинирани се 48.632 граѓани од 50-59 години и 2.852 лица над 18-24 години. Во земјава во моментов се аплицираат вакцините на „Синовак“, „Фајзер“ и „АстраЗенека“ (која кај нас се аплицира кај лица над 60 години), а тече и ревакцинацијата со кинеската „Синофарм“. В петок се очекува преку Ковакс-системот да стигнат околу 100.000 вакцини од прозиводителот „Фајзер“, а дополнително секој понеделник околу 11.000 илјади вакцини стигнуваат од овој прозиводител во нашата земја, обезбедени од директни преговори и преку програмата Тим Европа. Викендов се очекува и испораката на 500.000 вакцини од кинескиот производител „Синовак“ кои треба да пристигнат во два наврати. ©Makfax.com.mk
Неколку луѓе знам што се пријавени а немаат термин, и стари и млади. Така што сигурно ги има еден куп. Како немало кандидати?
Има кандидати, ама нема термини или вакцини. Татко ми пријавен пред скоро два месеци, 61 год се уште нема добиено термин. Проверено кај матичната, се е во ред, го има во системот. Луѓе што ги знаеме што се пријавија доста време после него и се помлади добија термин. Логика?
И јас не знам од каде им е оваа информација.. Скоро цел медицински факултет чека вакцинација уште од април-мај.
На некој од порталиве денес прочитав , имаше статистика колку се вакцинирале, колку се пријавиле , колку има останато не викнати и колку од населелението е во возраст за вакцинирање. Ќе ја најдам статијата и ќе ставам линк.
Како нема кандидати, уште чекаме пријавените да не викат, па да почнат пели за антиваксерите... Лажни вести се од порталите Инаку во Србија има комбиња и одат низ град и ги вакцинираат тие што не можат сами да одат или ако им е далеку. Кај нас така на времето циганчињата на ридот ги вакцинираа за МРП кога изби, не ги носеа, и ЈЗУ одеа по куќите ги баараа.
180 000 има пријавени за вакцинирање според МЗ, а ќе има достапни вакцини за над 300 000 лица од понеделник, ако стигнат овие нели
Мене не ми е јасно. Тврдат онолку вакцини стигнале, ке стигнат, толку и толку аплицирале, се одвивала вакцинацијата успешно, без прекини бла бла ,а колку знам луѓе што уште чекаат термин и стари и млади. Не замајуваат ли со лажни податоци? Она што го изјавуваат политичарите и фактичката состојба се многу различни.
Се ревакцинирав денес со Фајзер во А1 арена. Немаше гужва воопшто пред влезот и веднаш се влегуваше. Имаше само мал застој внатре поради забавено носење на вакцини до пунктовите.
Свекрвава се вакцинираше денес од сабајле во Арена со Фајзер. И неа и свекоров и мајка ми ги пријавив во ист ден само неа ја викнаа, а она помлада и од свекоров и мајка ми.
