Вести од светот

https://www.dailymail.co.uk/news/ar...YWG9weKzMOh_EnS5JxUTMq3LCrCq28NF6zWaT_HJcmGY8


Официјално е.. жалосно

 

Не експлодирала, туку имплодирала.

Пример за имплозија:

 

Како и да е, разнесени се на парчиња

 

Да, не е експлодирала, туку имплодирала. Имплозија значи кога поради високиот притисок, водата ја смачкува подморницата навнатре.

Пронајдена е на дното, во близина на самиот Титаник.

Жално како и да е, нека почиваат во мир.

 

Среќа што немам толку многу пари и не сум мултимилијардерка, гарант ќе седнев прва напред во подморницава, самата помисла да идеш 4км надоле и да го посетиш Титаник морници ме лазат од возбуда

 

Обично не сум по теориите на заговор ама ова би било одличен начин на лажирање на својата смрт. Самиот момент дека телата никогаш нема да бидат пронајдени ми е онака.
Ама ќе верувам во приказната и ќе речам ужасна смрт.

 

И јас мислам дека е наместено.
Инаку не би рекла ужасна смрт, пошо имплодирањето се случува наеднаш, за 30 милисекунди те нема, а на мозокот незнам колку секунди му треба за да процесира нешто, така да ова била безболна смрт, многу подобро од тоа 4 дена да чекат да останат без воздух и полека да умираат.

 

Не верувам во теории на заговор во овој случај, се случуваат и вакви работи за жал, лоша среќа, зошто воопшто би сакале сите 5мина да ја лажираат својата смрт? Ми нема логика

Холивуд би направил одличен филм врз база на оваа сторија

 

Па не може да има тела кога се случила имплозија. Се претвориле во каша разводнета од морската вода.

 

Де споделете подморници шо?

Ептен у информативен мрак живеам.

 

За подморницата Титан мислиш? Петмина бизнисмени, меѓу кои и татко и син, тргнаа со подморница да го истражуваат потонатиот Титаник ама иако претходно беа предупредени дека подморницата не е безбедна и соодветна за толкава длабочина, тие постапија спротивно на предупредувањата и отидоа во смрт, се случила имплозија на Титан. Кратко по спуштањето на подморницата, се изгуби контакт со неа. Со денови ги бараа, за на крај да најдат неколку делови од подморницата, а телата на екипажот не се пронајдени.

Преземено од mkd.mk:
Еј-би-си њуз објави дека поранешен вработен во Оушнгејт бил отпуштен бидејќи изразил загриженост за контролата на квалитетот и тестирањето за потенцијални недостатоци на експерименталната подморница.
Дејвид Лохриџ, инженер и капетан на подморницата, во 2018 година во противтужбата против Оушнгејт тврдел дека компанијата го отпуштила затоа што изразил загриженост за дизајнот и тестирањето на трупот.
АФП пишува дека Лохриџ тврдел дека големиот отвор на предниот дел на подморницата бил дизајниран да издржи притисок на длабочина од 1.300 метри, а не на 4.000 метри, колку што е длабочината кон која во неделата се упатила малата научна туристичка подморница со петте патници, кои ги загубија животите во „катастрофална имплозија“.
Експедицијата со Титан ја организираше компанијата Оушнгејт експедишнс, тргнувајќи на своето трето патување до Титаник, кој удри во санта мраз и потона во 1912 година.
Оушнгејт експедишнс со Титан нудеше посета на славниот потонат брод за 250 илјади долари по лице, се наведува на официјалната веб-страница.
Во подморницата беа капетан и уште четворица патници, а американската крајбрежна стража во четвртокот објави дека сите загинале.
Загинаа 58-годишниот британски бизнисмен, авијатичар и вселенски турист Хамиш Хардинг, пакистанскиот бизнисмен Шахзада Давуд и неговиот син Сулеман, францускиот океанограф Пол-Анри Наргеолет, експерт за Титаник, како и Стоктон Раш, основачот на Оушнгејт.

 

Се преврте и бродот со мигрантите од Судан или каде беа, никој од големи организации не се ангажираа во спасување или да ги побараат телата.

Мизерен свет, суров. За некому мајка,за некого маќеа.

 

Едно не ми е јасно.
Ако се смачкала од притисокот на водата, значи не била дизајнирана да издржи притисок на таа длабочина?

 

Точно, тоа го прочитав. Баш во СДК пишав прееска, најдов инфо дека биле предупредени дека подморницава не може под 1300 метри длабочина. А сепак отишле на ризик...

 

Баш мислев на тоа, што може да се случи со телата при ваква катастрофа. Тела секако нема да најдат... можеби некоја коска?

 

Па таква мала подморница чудно ми беше да може длабоко да плови.
Туку прочитав и дека тој синот на богаташот не сакал да оди зашто страв му било ама отишол за атер на татко му. 19 имал...

 

За ова објаснуваше Џејмс Камерон, режисер на Титаник (1997), истражувач и нуркач.
Првично можеби била, од јаглеродни влакна била правена. Проблемот со истите е дека за разлика од материјалите како титаниум, челик и сл. со тек на време се троши и настануваат микропукнатини, односно материјалот почнува да попушта сè повеќе при секое следно нурнување. Таа и да ја тестирале, тестот не би бил валиден после неколку нурнувања на таква длабочина.

Коскичка можеби, ама премногу малечка за да се забележи на толкава површина. На такви длабочини нема пребарување со нуркачи. Со тек на време и тие ќе се распаднат од водената средина и разните суштества кои живеат на таа длабочина. Тоа е и објаснувањето зошто одамна нема скелети во самиот Титаник.

 

Џејмс Камерон за проблематичниот дизајн на подморницата:

 

И тие што работеле на површина, најверојатно знаеле од самиот старт дека подморницата имплодирала, затоа не ни пријавиле одма дека снемале контакт, туку чекале додека не поминал саатот за враќање.