Владата дава до 100.000 евра за оние кои ќе се вратат да работат земјоделство

Секако за село, тоа е поентата да се збиеме во ќошињата додека на плоштад се зборат странски јазици у највише по одела и костимчиња ни господинуваат во наша држава expats или увезени невести и зетови и постираат видеа како они уживаат повеќе од нас. Во секоја држава прво гледаат својот човек да го обезбедат.

 

Реално ни во Скопје не е се розово, и било што ново да почнеш на почеток е многу тешко
Ама ако бизнисот во град ти е автоматизиран или полуавтоматизиран, враќање во село и не е така лоша идеја...особено у време кога јадеме хемикалии без вкус само

 

како бе што се 100к, јас изгледа сум во некој зимски сон пошто скоро 15 години работам поштено и плус имам диплома, и сигурно немам заработено повеќе од 50-60к досега

 

А слободната волја вреди за 100к да биде одземена?

 

Ти одлучуваш каде ќе ја насочиш волјата, дали во село или во град слободната волја на човекот е иста.
Валјда имаш работи што ти се приоритететни во град, ама сигурно да си вработен во некој фирма и врзан од 9 до 5 и после трчаш по продавници кои што работат со ограничено време не е поголема слободната волја

 

Значи асфалтирање јок, канализација јок, саглам патишта да стигнеш до тоа село јок, амбуланта, школо, градинка во селата јок, ама ќе давале пари на тој што ќе се врател.
Мислам ја не би отишла ако нема кај да се исерам во тоа село, со извињење вака, ама оќе, нели и градовите не биле поарни

 

Млади до 40 години има се помалку во градовите, а не пак истите да отидат по селата. Замрени се многу села. За да заработиш со земја, треба да се измачиш, а погледнете ги тие што сериозно живеат од земјоделство како на 35 години изгледаат како да имаат 45. На сонце цело лето не е лесно и е штетно. И дури и да сакате да учествувате, па којзнае кој ќе ги земе тие пари, веројатно како за субвенциите што испадна дека луѓето земаат пари, а нивите стојат празни. Не верувам дека тоа ќе биде реално и дека ќе функционира.

 

Аман бе луѓе, знам блиски, модерни луѓе а не како што викате личат на старци, работат ориз во околината на Штип/Кочани, маслинки во околината на Дојран, бадеми/лешници во Ранковце и ниту едно село не е отсечено, без струја, вода, канализација или пат, се има. И луѓево живеат баш убаво, имаат пари повеќе од нас од Скопје и возат коли па кога сакаат доаѓаат ене има автопат и од Штип и Ранковце за 45 мин.си тука. Тргни од Автокоманда, Аеродром или К.Вода до Центар и ќе ти требаат некогаш баш 45мин. Се разбира доколку некој сака да се занимава ете со нешто такво, животот во рурално место надвор од град си има и убавина. Цел живот триесет и кусур години сум во Скопје и никогаш понеподнослив не бил животот. Ако ги исполнам условите со задоволство би зела некое стопанство со бадеми/лешници или овошје/компири и би отишла. Работата и онака ми е онлајн, а од гужвиве и воздухот ми е преку глава. Во Европа само мигранти се низ град и веќе не е престиж, а и се повеќе во околинава наша слушам луѓе што земаа викендици по Соње и Стенковец па повеќе се таму отколку во Аеродром и Центар. Така да само да се реални исполниви условите и некој од нас ќе се пронајде. Нормално не е за секој, некој едноставно во град си сака.

 

Скроз се согласувам, единствен нерешлив проблем се школи и градинки за некои позапуштени села, се друго се решава ако се сака

 

Така е, затоа не спомнав за некои што имаат рибници и пчели во селана во Мак. Брод. Битно е да е инфраструктурно поврзано до град во близина и до Скопје и да има градинка/школо. За позапустени и отсечени места не зборам. Ене девојкана од инстаграм што чува кокошки и сама разнеаува јајца по муштерии, води квалитетен живот и има и детенце. Од околината на Куманово е. Со таква одлука јас исто за нас би си произведувала и храна и тоа е предност, наместо да го јадам скапото ѓубре наречено зеленчук/овошје од Кам.

 

Проблем е што ништо во државата не е транспарентно, фер, и парите не стигнуваат кај вистинските луѓе, туку кај партиски. Кога реков сериозни работење на ниви, мислев на тие што немаат друга работа и се испечени на сонце. Ние работиме ниви, ама кога одам тоа е рано, со шешир, до 10 завршувам и си одам. Тој што зависи само од земјоделство, нема одење во 10, ќе се врати дома во 12, 14, а тоа УВ е многу штетно за кожа, очи, за се. Што и да произведеш, кај ќе го продадеш ако е поголема површина? Земјоделство е цела наука, иако делува дека е лесно и просто. Утнеш ли едно прскање, отиде возот, падне ли град, отиде се јабана, а ако не се снајдеш каде да продадеш, пак отиде се јабана. Лешници ако садиш, за нив треба многу вода по стебло, а ако немаш откуп после, пак е џабе. Државата не е дорасната да направи таков проект. И да имаш нешто да продадеш, комшиите нема да ти дадат контакт од трговци кому можеш да продадеш, оти секој си го гледа својот џеб, нормално. Се што нема да продадеш ти е загуба. Убаво е тоа со кокошките, ама за кокошки еден амбар жито и пченка ви требаат, а тоа се сее, сади, бразди, копа, вади, бере, жнее, рони, се хранат кокошки, се чисти кокошарник, е потоа доаѓаме до јајцата. Една кокошка после 20 месеци веќе е износена и немаш ќар од неа, ова е од муабет од технолог од позната фарма. Селаните чуваат кокошки додека не им умрат, што не значи дека е во ќар од нив, туку ги чуваат, онака, не се бизнисмени, луѓе се, на крај ќе ги заколат и старите и ќе ги варат 3-4 часа. Се е лесно вака на муабети, на дела, да фатиш да работиш, ако немаш искуство, џабе е.

 

Знам дека кај нас е бирократијата чудо и затоа реков ако се исполнителни условите. Инаку за другото ќе се трудиме, само да е се убаво пропишано за да може стварно да ја добиеме таа помош, да не биде работава да добијат само тие што веќе имаат на велико производство.

 

Се согласувам дека е тешко земјоделството, посебно ако треба да го работи еден или двајца само е многу тешко, ама ете некој може да си најде некоја гранка која ќе му одговара, порано кога имало многу луѓе во село си помагале и било полесно....денес има механизација ама и тоа треба некој да го научи и користи

 

Јас не знам какви села имате видено, ама накај источна има убави села, средени и супер за живот.
Пример баба ми и дедо ми имаат доста голем имот и селото е прекрасно, они секако се занимаваат со земјоделство и да би дошле вистински парите во мои раце и да е се така како што “планираат” јас би се нафатила да го правам ова.

Има ептен запуштени села, ама има и многу убави и средени, така да ако некој мисли дека може да работи и сака, зошто да не се стимулира со вакви работи.
Имаме прекрасна плодна земја, со одлични услови за одгледување, ама не знаеме да ги користиме.

 

Ќе видиш сега за некој месец пола функционери од вемеро в село, уствари нема ни да седат во село, ќе си седат Скопје а парички ќе си лапаат ко да се в село.

 

Во теорија не е воопшто лоша идеја, но во позадина сите знаеме дека има матни работи во врска со ова.

Јас би го правела ова но со партнер и ако одгледуваме зеленчук на пример. Домашното е секогаш подобар избор наместо цела онаа вештачка храна со хемикалии што ја купуваме од маркет. Секоја година едвај чекам да дојди лето за да можам да јадам домашни домати, краставици, пиперки и бостан што садат моите само за нас. Разликата меѓу тие и купечките е огромна.
Има села што ги поседуваат основните услови за живот, и што се наоѓаат блиску до поголеми градови и со кола одма се оди ако има потреба. Луѓе имаат големи куќи со дворови, и искрено во совршен свет би го одбрала тоа секогаш место стан од 40-50 квадрати во загаден град.

Навистина имаме преубава земја за сето ова, и е изводливо, но за жал во пракса е сосема друго.

 

Убаво звучи, ама колку ќе се реализира. И онака не се исти условите во сите села.
Една влада ќе го донесе, друга влада ќе го укине.

 

Ние сме над 40 год и не не фака

 

Уште се водат според податоци од Пописот 2002, од пред 20 години стар. А оттогаш досега скоро 200.000 народ ни снема.