Вреди ли да си добар?

Долго време се мислев дали да ја отворам темева. И ете денес се решив. Ако има ваква слободно ставете ја во канта или заклучете ја . Идеата ми произлезе од еден пост на лолипоп ..

Лолипоп била добра па лошо ја снашло..
Што мислите вие дали вреди да се биде добар? Дали очекувате некој возврат кога ке наперавите некому добро?

 

Дали вреди....? Мислам дека не вреди секогаш од тие према кои сме биле добри се разочаруваме а зивотот е премногу суров и колку и да сакаш да бидеш добар спрема светот не можеш бидејки на сите нешто им фали рани душа да те слуша дојде време и најдобро е така да правиме бидејки и јас давав душа за другарки ама ме разочарале сите ме разочарале сега и роднините не те гледаат не па другарките

 

Секогаш сум се трудела да бидам добра со секого.... Но, скоро никогаш не ми се вратило така. Ако сум добра спрема тебе биди и ти...кажи ја вистината колку и да е болна, што порано тоа подобро. Ако не сакаш да се дружиш со мене не ми прави лице. Ако не сакаш да помагаш, не одмагај....

 

Добринта отиде на кино одамна, секој гледа да ти наштети , да ти направи лошо? Од најдобрата другарка го добив најголемото разочарување-не сакам да зборувам за тоа... Колку само и помагав во секое поле а таа ми врати на најлош начин. Секој си гледа да си направи добро на себе-можеби така е и најдобро , бидејќи дошло времево прави добро-за да ти се врати со лошо. Не сакам никому да правам лошо и никому не му посакувам лошо, но сум била во многу ситуации каде што едноставно сум била запрепастена од враќањето на мојата добрина. Правам добро , но на луѓе кои ги познавам, кои знам дека ќе ми вратат со иста мера.

 

Добрината е една од најзначајните вредности што може да ја поседува човекот,но нажалост денес се поретко ја има.По природа сум добра личност,на никој не му посакувам ништо лошо и секогаш се трудам да бидам фер.А,тоа што добрината некој може да ја злоупотреби е веќе друга работа.Луѓето денес се многу безобразни и злобни и незнаат да ги ценат вистинските вредности.
Добра сум лично само поради мене,тоа е дел од мојот карактер.Не велам дека секогаш сум во право и секогаш јас сум добрата а другите лоши,зборувам општо.Најмногу ме иритира тоа што добрите луѓе ги сметаат за наивни и секогаш ја злоупотребуваат добрината.

 

Од тоа што БЕВ добра со сите и гледав да им угодам на тие што можев зашто мислев дека повеќе ќе ме почитуваат и секако кога мене ќе ми треба услуга ќе ја добијам си ја расипав врската,односите со другарка ми со која го делев станот,залакот...животот!!! Не вреди да си добар,никој нема да те памти по добрите дела.Сите живеат од корист гледајќи да си го поминат денот и да "лапнат" што повеќе.Вистински другарки нема,машките се изопачија,ни на роднините неможе да им се верува веќе.Најмнгу од се можам да се поверам на моите родители зашто знам дека нема да ме изневерат...Таков стана светот,а за добрите и наивните нема место...или ќе страдаш или ќе живееш како крал !!

 

Најточно!Потполно се сложувам.Никој нема да ти каже ФАЛА...Ке направиш десет добри работи,а само една лоша и доброто никој нема да ти го примети во нивните очи ке се загуби и ке остане само лошото

 

Не!Во денешно време не!Ќе му дадеш на нокого прст,а он ќе ти ја земе цела рака Без разлика дали станува збор за пријател,роднина итн.Денес ако некој е добар на него гледаат како да е будала искрено.Како да неможе да се спротивстави на нешто,како да нема сопствен живот и цел.Колку повеќе им помагаш на луѓето толку понезаситни стануваат.Претераната добрина преминува во глупавост,за жал.Таков е светот денес,секој гледа за себе и на никој не се грижи за тебе,дали си жив,здрав,само ти да му направиш услуга и толку е работата.Море денес треба забите да им се покажат на луѓето,да сфатат дека неможат да си поиграат со тебе.Сакам да се однесувам добро кон оние кои заслужуваат,кои ми го имаат покажано тоа и не ме заборавиле.За нив и животот би го дала!Но за жал,ретко да најдеш такви луѓе.Ретко да најдеш човек кој заслужува кон него да се однесуваш добар.Личности кон кои никогаш не треба да бидеш премногу фин се другарките,секогаш со умереност И за жал,денес финоста и прекоумерената добрина ќе те остават само на дното,каде сите ќе те газат и искористуваат!

 

Нема да кажам ништо посебно за добрината се кажаа претходните форумџики...само ќе прашам- Добро бе луѓе што кога сите ќе бидеме себични и индивидуалисти ќе тераме само своето и ќе гледаме да го зезнеме секој еден ...како ќе функционира светов??

 

епа не се сите себични ,затоа на светов има луѓе кои страдаат и такви кои имаат се што ќе посакаат,кој како се снашол,се зависи од нас самите...имаш моќ,лукав си,снаодлив ќе успееш...

 

Факт е дека денес сите се егоисти и мислат само за себе.Тоа е вистината и треба да ја прифатиме.Како што кажав погоре денес ако си добар ќе те сметаат за наивен и ќе го користат тоа на секој можен начин.Треба да има добрина но во одредени граници,не треба да дозволиме поради тоа да патеме и страдаме...и сите да не користат.Но денес кој всушност се замара со тоа,сите гледаат да дојдат до моќ,до повисока позиција...па се газат пред себе.Како ли ќе функционира вака светот?Па најверојатно како и досега.Ова не е ништо ново...

 

па вреди да се биде добар само од една и единствена причина-ќе можеш слободно да се погледнеш во огледало и да се запрашаш кој сум јас, без да се плашиш од одговорот, без да ти падне на памет на лицата кои си ги уништил, да шеташ без грижа на совест, само затоа вреди, или барем само јас така си мислам дека нив нешто ги јади, ама како и да е надежта последна умира , а за останатото кажавте, денес никој не гледа за никој друг, ама јас мразам копии, па затоа не копирам никој и си сум каква што сум, и да пред се и јас гледам за себеси, ама барем сама, без да барам ничија помош, а ако некој самиот помогне, се разбира дека и јас ќе му помогнам кога треба, ама она ти помогни ми, а јас ќе ти одмогнам кај мене не постои

 

Ќе кажам само, зависи со кој.
Јас искрено, незнам да бидам лоша. Многу сум мека, и секогаш попуштам на луѓето. Но затоа, сум сретнала секакви луѓе кои многу пати ме повредувале, и за кои сум трошела денови и денови да ме гризе совест дека јас нешто лошо сум им направила ,а во суштина тие мене ме искористиле.
Вреди,вреди....
Сите се добри, позади маските.

 

ВРЕДИ ДА СИ ДОБАР, АМА ПРЕД ДА БИДЕШ ДОБАР СО НЕКОЈА ЛИЧНОСТ ТРЕБА ПРВО ДА ЈА ОТКРИЕШ ШТО ЛИЧНОСТ Е ТАА......

 

Конечно малце различни мислења на темава ... ВРЕДИ да си добар ... совеста постојано ми е чиста ... си знам колку вредам и која сум јас ... си ги знам вредностите и мирно спијам ... тоа е она најважното ... имам чувства ... а сигурно дека со некој кој се однесува идиотски нема да сум ангел ... ке биде ставен на игнор ...

Во секого има добар и лош дел ... од нас зависи кој од овие делови повеќе ке го храниме .

 

Гледам сте развиле дискусија дека во денешно време секој си гледал за себе. Мене тоа многу ми одговара и кога секој еден човек би си гледал само за себе и не настрана ова би било прекрасно место за живеење. Секој за себе, ни помалку ни повеќе. По совршено неможе да биде.

Е сега дали вреди да си добар незнам, затоа што држам дистанца и не се зближувам многу со народ. Имам мал круг на пријатели, ептен мал круг кој се состои од најдобра другарка и најдобар другар. Со нив секогаш се трудам да бидам коректна, мада некогаш знаат да ме извадат од такт. Секако дека и со нив не се опуштам многу, се гледам во две недели по еднаш на едно кафе и толку. Сакам да ги советувам и тоа го правам од срце кога го правам, често знам да не се мешам за да не излезам виновна. Ама отворена сум кога сакам да бидам, посебно за совети и не бирам зборови кога советувам, може и некоја тајна ќе излезе на виделина, само за да го доловам моментот и да докажам тоа што сум почнала...

Вреди да се биде добар, само не со секој... Вреди да се биде добар и добрината да се подарува малку по малку, ако ја даваш наеднаш и премногу си наивен и секој ќе гледа да те искористи, тоа е во човечката природа секогаш да се зграби колку што се може повеќе.

Имам уште многу да пишувам на темава, ама ќе оставам за утре, доцна е и немам сили да размислувам, ете може треснав и некоја неповрзана глупост

 

кратко и јасно, не вреди! од искуство кажувам, и тоа од деееебело искуство.
ретки се луѓето околу нас кои ја ценат добрината што им ја правиш. ретки се тие кои всушност тебе те ценат како личност, а не да те гледаат само материјално или гледаат да те искористат на секој можен начин...
се што ќе кажам ќе биде веќе кажано... така да, можам само да кажам дека добрината како доблест вреди, и тоа многу, ама луѓето околу тебе не знаат да ја вреднуват, да ја ценат и да ја возвратат.
(ќе се надополнам во некоја наредна прилика)

 

вреди ... е сега ако некој не знае да ја цени добрината тоа е веќе друго..малкумина ја ценат добрината, а многумина ја игнорираат, но тоа е нивни проблем .. битно е јас да си имам чиста совест и да знам дека барем еднаш во животот сум направила нешто добро..поради тоа прави им добро на тие кои знаат да ја ценат добрината, ама прави им добрини и на тие кои незнаат да ја ценат - еден ден ќе научат ..

 

Во денешно време не вреди да си добар бидејќи никој не ја цени твојата добрина. Колку повеќе си добар, толку повеќе те искористуваат. Се уште има такви кои се премногу добри, но многу се ретки оние кои ја ценат добрината! Вреди да бидеш добар само со оние кои што со тебе се добри, што знаат да ценат. Јас за добриот сум добра, а за лошиот - уште полоша!