не стабилен човек е тоа... еден момент е нормален еден сака дс те убие Со таква личност животот ќе ти биде на работ секогаш бидејќи не знаеш што ќе ти донесе следната минута. Да не спомнувам дека секој кој се бави со ваква работа без разлика дали ја консумира или дила е демонизиран.... бегајте од такви личности.... Сум била и знам како е. Можам да кажам слободно дека во тоа време очигледно и јас сум била демонизирана или со многу ниска самопочит или наивна или проста/глупава/игнорантна девојка. Се срамам од тој потег ама нема назад.... учиме од грешките. Научив дека треба подалеку од нарко/казино/алко/љубоморен/неизграден дечко да стојам едно 5 км.
Уште од мала имав уплав од дроги зашто моите нонстоп трубеа што се може да ми се случи. Се плашев и од спотот на Врчак - Повторно сам. Затоа првата врска ми беше големо разочарување, премногу бев затрескана, ми збореа дека пуши трава ама не верував, и додека јас да поверувам тој веќе почнал да се боцка. Ми ја покажа вената една вечер, само го гушнав и си отидов. Ден денеска се мота само по паркови, со чудно друштво, а златно дете од мирна фамилија. Вториот дечко исто пушеше ама повремено, во меѓувреме и јас пробав ама не ми беше ништо посебно. Тој ми беше најголемата љубов и 'првиот' и останавме во врска 3 години. Со него еднаш шмркавме и еднаш екстази на журка во Градиште. Но, се вративме дома и тој си продолжи. По долги кавги и драми кажав на неговите и се разделивме многу тешко. Сега има жена и две деца и уште го фура истиот филм, исто е дете од многу добра и моќна фамилија. Со сегашниот маж си пушевме понекогаш, ајде да речам еднаш во 3 месеци кога ептен ни е досадно. Сега имаме бебенце и паузираме и од цигари и алкохол и двајцата. Не знам дали би продолжиле. На тема дрога жално е колку луѓе познавам што си го уништија животот. Братучед ми е на хероин со години, многу болно и гнасно изгледа, со обиди за самоубиство, пропаднат брак и бизнис на неговите, сестра му се омажи за првиот што го најде да се спаси од хоророт. Сите ги уништи. Мажот на комшиката исто на тешки дроги, продаде се од дома и се предозираше, ја остави сама со дете, во сиромаштија и кредити. Нејзините ја избркаа од дома кога го избра него по ултиматумот. Среќа се премажи, па сега е среќна. Докторот од Охрид што проба да краде и го фатија исто го познавам на крек е со години само е многу интелигентен човек, многу учеше и е многу добар доктор, па никој не ни веруваше дека се дрогира, жена му го остави со две деца од кое едното е тешко болно, а тој ќе си лежи сега затвор. Најдобар другар (бивш) е на хероин и е уличар, неговите се разделени со години. Брат на другарка едно 20 пати ја ограби сопствената сестра и сега е бездомник што дила итн итн. Значи, девојчиња што сте дошле во темава за совет: Бегајте подалеку од ваквите! Ништо убаво не може да ви се случи. Можете само да се изгубите себеси, младоста, евентуално животот.
Прво прашајте се дали живитот ви е толку досаден за да сакате со дилер или зависник да се фатите? Очигледно ви е чим темава постој и девојчиња од средно, најверојатно, бараат "искуство" за каков е сексот со дилер. Вие изгледа премногу сте читале и гледале криминалистички филмови и книги, мислите дека ќе ви е авантура со него? Ќе бидете како Бони и Клајд? Ако мислите дека е така гасите нет и одете живејте на планина.
Ако треба да изберам едно нешто за што сум најмногу против, тоа дефинитивно ќе биде дрогата. Сликите што ми стојат во глава од лица под нејзино дејство, ден-денес ми се одвратни и нешто преку кое не можам туку-така да поминам и да го оправдам. Почнувајќи од она за коешто повеќето тврдат дека е подобро отколку пушењето цигари и на коешто сè поинтензивно луѓево му отстапуваат место во својот живот, џоинтот, па се до хероинот, ништо од низата не би оправдала. Уште помалку, би одлучила да започнам врска со таков човек. Сума сумарум, сè ова е релативно и субјективно. Кога веќе почнав од себе, како што е редот може да продолжиме и со вас. П.С. Без осуди, навреди, понижувања. Сè останато - да.
Мене би ми пречело и цигари да пуши а камо ли да се пијани или дрогира. Никогаш не би била во врска со таков . Ужасно е премногу се сакам себе си и никогаш не би си дозволила да бидам во врска со зависник.
