http://www.age-test.com/1nps96 Ова е тест за пресметување на вистинските (менталните) години, за колку години се однесуваш и каков си од внатре. Јас се тестирав и испаднав дека сум 24 години, а имам 14 години. Значи сум постара. А лани го направив истиот тест, лани имав 13 години, а ментално ми испадна 18 години. Сум пораснала ептен.
Годините воопшто не претставуваат мерило за тоа колку си зрел. Зрелоста се стекнува во текот на целиот живот. Луѓето со секоја случка со која се соочуваат во секојдневието стануваат се позрели. Без разлика дали е таа добра или лоша, од сите може да се извлече по нешто што ќе ни користи и ќе ни помогне побргу да созрееме. Но има и исклучоци. Има луѓе кои не созреале, а има можност и тоа никогаш да не се случи.
Спoред мене, гoдините не се секoгaш мерилo зa зрелoст. Имa 20гoдишни штo уствaри не се зрели и сеуште не сфaќaaт некoи рaбoти вo живoтoт, дoдекa пaк имa и некoи кoи имaт 16-17 гoдини и нaвистинa мислaт зрелo. Секaкo декa oние пoстaрите се пoзрели, имaaт рaзни искуствa вo живoтoт и им се имaaт слученo мнoгу рaбoти. Сепaк, тoa е индивидуaлнo, зaвиси и oд oкoлинaтa, и oд други фaктoри.
Годините не се мерило за зрелост откако ќе влезиме во период на зрелост. Незнам како ќе ви звучи ова но суштината е тоа дека... Од зачетокот па до смрта има развојни периоди кои со себе носат физиолошки и структурни промени. Така што, мислам дека сите ќе се согласиме дека за дете од 5 години не можеме да зборуваме за зрелост. Зошто? Во таа личност допрва ќе се случуваат промени во мозокот, ќе се реорганизираат и создаваат синапси кои ќе доведат до создавање на чувството за тоа кои сме и како пристапуваме во животот. Искуството има многу голема улога да, затоа постојат индивидуални разлики но се додека личноста не излезе од пубертет и не ги помине тие фази кои овозможуваат созревање на некои когнитивни функции не можеме да зборуваме за зрелост. Кај некои личности пубертот почнува од 14год, кај некои од 10 итн. Тоа што сакам да го кажам е дека откако ќе помине овој период на бурни промени во самите нас, искуството е тоа што ја одредува зрелоста и само искуството. И покрај тоа што возраста повторно се јавува како фактор нешто подоцна во животот. Односно по одредена возраст како на пример 40 години, ретко која личност не достигнала зрелост.
Зрелоста ја гледам како нешто коешто зависи од бројот на искуства и каква порака сме извлекле од истите, т.е. што направиле од нас. За тоа да се постигне, треба време. Некогаш помалку, некогаш повеќе. Тоа е единствената врска меѓу годините и зрелоста.
Неможам да се согласам дека годините се мерило на зрелост. Јас сум жив пример, и сите што ме знаат истото го зборуваат. Имам 19, а се понашам како мало дете. Незнам, таква сум. Не си ги зимам толку на душа годините. Како демек, имам 19 и треба сега да бидам многу зрела и да се понашам соодветно за моите години. Не, јас не сакам така. Сеуште имам нешто детско во мене, кое нема да излезе со години. Познавам детенце кое е 11, но зборува како генијалец бре! Се знае. Знае да се вклопи со секој разговор, не е важно дали личностите кои разговараат се 15 или 30 години. Секој со својата зрелост не е ист.
За мене ова е индивидуално и не е нешто за кое што можам да генерализирам. Има луѓе кај кои овој однос е правопропорционален, чија што ментална конституција и постапки соодветсвуваат на годините, додека кај други луѓе овој однос е толку обратнопропорционален да не може човек просто да се изначуди на тоа какви глупости можат да произлезат од возрасни личности но и од тоа со какви паметни работи може да не изненади некој кој што го сметаме за млад и недоволно зрел.
Не се годините, искуството е. Има разлика од 20 годишник до 20 годишник, од 30 годишник до 30 годишник итн. И тоа голема разлика.
Не се годините пресудни. Има 40 годишници и што размилсуваат и што делуваат како мали деца, да им се чудиш на умот Мислам дека за зрелост пресудни се збир од неколку сосема други ,,нешта,,
Точно е дека годините не се пресудни и дека од човек до човек има разлика. И тоа огромна. Јас имам постар брат од мене четири години, ама воопшто не се однесува како возрасен, зрел и паметен човек. Не можам да одвојам од него една доблест. Повеќе маани има. Работи, заработува за на крај цела плата да ја потроши за помалку од една недела. После цел месец мајка ми, која единствено таа заработува за дома и исплаќајќи кредит во банка, му дава пари за јадење, цигари, затоа што и било жал да го остави без ништо. Сто пати и имам кажано така да не прави и да го остави барем ден-два без ништо, па најверојатно ќе сфати, иако, искрено не верувам. Со овој памет што го има сега, не знам дали воопшто ќе може да застане еден ден на свои нозе и да одгледа семејство. Од оваа дистанца мене ми изгледа невозможно. Четири години сум помал од него, ама каде-каде повеќе размислувам од него. Штедам за себеси, за дома тоа што фали да се купи или докупи. Би сакал да ве прашам дали познавате некој сличен ваков како него и некој совет за конечно малку да се освести?
@Mr. Right За жал повеќето се такви, паразити и мршојадци. Ги има и по 35 години што амбициозни до степен платата да им стасува само за кафе, цигари и спортска, а после пак мама, тато и така во круг. Криви се и тие што му дозволуваат така да си прави, а секако и тој што нема срам.
@Mr. Right Стрикоми е чист пример, иста ситуација и ден денес ништо не работи а жена му се мачи по конфекции, работи по 10 саати, а баба ми уште е жива и го финансира. Не гледам надеж за промена кај такви луѓе Гледам надеж во тебе дека ќе успееш во животот бидејќи си свесен и не го поддржуваш, баш тоа ќе те турка напред се повеќе да се трудиш и да не бидеш како твојот брат
Ниту јас не гледам. И не, никако не го поддржувам. Заглави во банка скоро 3.000 евра. Дел му кратат од плата, дел му исплаќа дедо ми, дел му дадоа пари од луѓе кои нам ни помогнаа за други работи. Јас да бев на нивно место со прст немаше да помрднам. И да имам, немаше да му дадам. Тие пари што би му ги дал на него за некого живот значат. Зборат дека сме биле браќа и дека треба да си помагаме. А како да помогнам утре на ваков човек кога воопшто за ништо не се труди? Грев не грев, не можам и не сакам да давам. Подобро тие пари да ги дадам на некои што нема, барем знам дека ќе му се најдат. Жал ми е само мајка ми што си крати од себе и јас од себеси. Ете, само тоа ми е криво.
@Mr. Right за жал не е единствен пример. Јас имам роднина исто години разлика од мене шо буквално се однесува како дете. Продолжен адолесцент, вечен студент (патем и факултетот го зафркна а мисли на посдипломски), до сега на работа има одедно околу 5 месеци на неколку работни места, а на последното напушти после еден месец. Буквално уште размислува како дете и многу лесно верува во се и паѓа под сугестија. Ете можеби нема некакви долгови (сем сите испити од почеток да ги преполага шо не е мала работа), реално еднаш до два пати неделно ако седни на кафе, за јадење и не троши пари, ама и сепак тие пари од некој идат - од неговите.
Не е точно, многумина познавам што имаат по 25 години а уште не созреани во паметот како што треба, па барем да беше и како не треба ама ни тоа.
Годините се мерка за зрелост исто колку што оценката е мерило на интелегенција. Ако имаш 30 години, одма по дифолт си зрел. Ако имаш 15-16 години, не си зрел. Зошто? Затоа што генерално земено овие првиве секогаш имаат поголемо искуство од вторите, па според тоа се попаметни и позрели. Ама не е секогаш така. Се согласувам дека за зрелост треба искуство, меѓутоа не е сѐ во искуството, зашто има и премногу млади луѓе кои се природно интелегентни, па според тоа се однесуваат зрело, а немаат никакво искуство. А има и такви 30-годишњаци кои имале секакво искуство, ама пак не се зрели и не се однесуваат согласно својата возраст. Во некои случаеви, бројката е само бројка. Луѓе остареле со својата незрелост, па никому ништо.
Јас мислам нема лек за такви како брат ти.Се дур некој го издржува и му помага секогаш ке биде така.Јас имам девер кој потполно се разликува од мм.Себичен,самобендисан и гледа само него да му е ок.Дома се однесува како да е во хотел а тоа што ке заработи за шетање му е само а за стваране семејство не му ни текнува вели убаво му било така.Мм работи од свои 18 и секогаш помагал дома.Јас и мм се снаогаме сами низ животот и мн се лутам што гледам како го користи дури и зајми пари од нас ,а мм секогаш му помага иако е 4 год помал од деверот.Искрено не се надевам дека таквите луге се менуваат. Мерило за зрелост мислам нема ,животот некому му налага да порасне побрзо некому никогаш
