Имав познаничка од град, имаше дечко од село, и не сакаше да оди во село, па го натера да земе кредит, да купат станче во приградска населба, само да се сами и да не се во село. Туку таа беше зрела личност, а скоро и да не работеше, па и кога ми се пофали „Дома пари за сметки, ниту сум давала, ниту ќе давам“. Што корист од градот имала таа како поединец? Ако се гледа нејзиниот личен развој како човек, не е ништо поарна од некоја девојка на село што немала можности, тоест таа на село немала можности, оваа имала, нејзините ја школувале, таа па не ни работи, онака си пребира, далеку било да се оди во друга населба да се оди на работа. По нејзината логиката луѓето од село не треба ич да одат во градот да работат, далеку е. Значи пак зависи кој каков човек е, како ќе му се посреќи, како ќе се прилагоди, како ќе напредува.
Нит Скопје е Лас Вегас нит Мустафино е Скопје. И секој има право да одбере каде му одговара да живее, нема потреба да се мавате од земја што некој не сака да живее во село, битно е вам таму да ви е убаво.
Живеење во град секогаш е предност, во село нема толку можности колку град, тоа е факт. Башка времето што го губиш во патување село/град. Мирен живот во село можеби кога децата ќе пораснат. Инаку е мачење. Децата ќе учат средно во град, ќе сакаат да излезат, на активности,родендени, кино итн. Нон стоп треба да се со такси или превоз, или да бидеш личен возач. Ама тоа ако не работиш. Ако си вработен малку потешко за организација.
Децата од село БЕА научени да работат, денешните небитно од каде не се такви. Сите си сакат полагоден живот.
Ова за тука кај нас важи, во нормални држави не. Туку... кај нас освен Скопје и едвај два/три града, се останато е село според критериумиве?
Скопје ја има предноста единствено за државните клиники и државните факултети кои се повеќе признаени за разлика од факултетите од другите градови. Така да додека државата не го среди тој проблем луѓето и немаат некој избор.
Зависи на какви села и градови се мисли, некогаш ситуацијата е обратна итоа тука во Македонија. Има села шо се практично како градчиња со све и свашта дури и повеќе население и живот имаат отколку одредени мали градови шо го носат статусот град. А има и села шо буквално се заостанати во 17 век и изумрени, најчесто такви се планинските. Јас лично, од шо имам посетено села во Пелагонија, Струшко и други делови од Македонија, сум изненаден колку селава ни се развиени и живи итоа тука во Македонија а појма немаме. Во општини и подрачја како Кривогаштани, Могила, Долнени, Струмичко имаат све и свашта и одличен живот и особено Струшко каде шо се градат палати и молови. Дури имаше и едно село во општина Долнени со претежно босанско население кај шо имаат и Гимназија. И токму тука е интересна споредбата шо се прај, има села каде што има повеќе луѓе, повеќе живот и повеќе активности отколку во некои градови како Крушево, Берово, Валандово или Дебар. Има и модерни и живи села, но има и многу запуштени и речиси исчезнати села, исто има развиени градови како Скопје, Битола, Прилеп, Охрид, итн, но имаш и градови кои се пред праг на целосно да ги снема од картата за разлика од некои села.
И за “нормални” важи. Какви уџум села има до шуми и долини, нема ќор човек,џабе поврзаност и автобуси, пак тинејџери ги носат ги земаат, а сакаат да искачаат во град. Млади луѓе сакаат урбани места, а не два настана годишно во селото, ова за европските села зборам. Никако не е само Скопје. Ниту се помалите градови, села. Јас сум тетовчанка, Тетово е град со стари образовани и културни фамилии. Лошо е што е се централизирано за работа во Скопје. Тоа е најголемата грешка.
Јас кога учев средно тие од што беа по селата затоа што немаат автобуси доаѓаа многуу порано на училиште и многу ретко излегуваа со соучениците затоа што пак немаа автобуси далеку им беше за да излезат треба најмалку саат време да се возат до Центар.
Да се разбереме, јас сум со маж од село, ама живеам во град, ДА градот има повеќе предности, нормално и поубаво, сите го знаеме тоа, ама спуштете се со критериумите за тоа дали брачниот партнер е од град или село. Ако не знаеш да прочиташ што коментирам не продавај дипломатии. Да, порано сите беа по различни, ама верувај има деца кои макотрпно работат. Секој со различни судбини. Сакам да ја доволам поентата во споредбата што ја прават!
Скопје не ја има предноста само за државните клиники и факултетите, туку реално таму е концентрирана цела инфраструктура на можности. Најмногу подобро платени работни места, седишта на компании и институции, приватни клиники и специјалисти, најголем избор на услуги, продавници, културни настани, концерти, курсеви, обуки, спортски активности и што уште не.
Да, точно така. Мојот маж селанец ме гледа како принцеза, се што сакам се си имам, што е мое е мое, што е негово е наше.
А ти прочита ли дека никој не се замара дали партнерот е од село, туку муабетот е дека не би живееле на село? Ти во селото на маж ти ли живееш?
Е баш имаше коментари дека не би биле со некој од село, а не дали би живееле во село. Баш се замарат дали е од село, и те како!
Ај да разјаснам. Јас давам критика за тие што имаат предрасуди за децата од село и од град. Никаде не наведов дека прифаќам да се живее на село! Јас не живеам во селото на мм, си живеам во град! Исто сум и против да живеам јас на село, а тие што им е убаво да живеат таму нека живеат.
Чувај си го де, не ти го земам. Ко демек дечкиве од град ко кобили не третираат. Не знам што се напињаш да докажуваш дека дечко ти е супер иако е од село. Мое е дали сакам да бидам со некој од село и/или да живеам во село.
