Дали барате партнер по општо наметнати или сопствени критериуми

^
Ќе се живеело да имало доволно љубов од двете страни. Кај еден од вас или двајцата едноставно немало доволно. Нема измачување секојдневно таму каде има љубов, има проблеми да, ама не се измачување како во вашиот случај.
Од друга страна, сета компатибилност на овој свет во однос карактер, заеднички планови и идеи и сл. може да донесе угодност што лесно ќе се поистовети со рај, мир, посебно после некоја турбулентна врска. Ама без онаа посебна врска која со зборови не се опишува, не е тоа ТОА. И така се живее фино, ама не комплетно.

 

За жал, јас сум една од тие со многу високи критериуми, ненаметнати од страна на другите туку поради многу високо мислење за себеси. Неколку пати имам одбиено многу добри и фини момци кои дефинитивно заслужувале шанса само затоа што не исполнувале некој си мој глупав критериум.
Сакам интелигентен и амбициозен партнер, со кој ќе можам да разговарам и сериозно и со одредена доза на хумор, сарказам и иронија, кој ќе може да ме разбере во моите тешки моменти.
Сакам толерантен и слободоумен партнер кој нема да љубомори и да ми прави проблеми од ништо, некој кој ќе знае да ми верува и да ме поддржи и кога сите се против мене.
Сакам некој кој изгледа доволно добро и претставително пред моите блиски пријатели, па и роднини, културен и фин со кој би можела да се замислам заедно еден ден.

 

Ако сум повикана ради критериумот за да живее сам, своите финансии... во мислењето на мимс, тогаш не сум била разберена од девојката. Сметав зборот парира е дека објаснува да ми биде на мое ниво човекот, веќе осамостоен. Никогаш не ми било во слика да чувам маж како големо дете. Ако не сум била повикана, пмс, жени, се ла ви, изињишен

Јасна ни е хемијата на љубов за која се зборува на сите, сите ја осетивме за прв пат многу одамна, за повеќето биде пуф тој пат, грешка во експериментот, а и после тоа некој пат. Таа хемија не се раѓа само со баап поглед и маче што ќе се напиеш. Кога некој со повеќе животно искуство ќе ви каже од љубов само не се живее, не мисли само на додатниот елемент да е пари. Во хемија има многу повеќе елементи од еден или два и ништо не е споредно во тој процес, оти за еден што е споредно за друг е витално, и пак пуф, хаштаг чаше ломим...

 

^^
Не ми ни требаат детали ниту сакам да навлегувам. Си кажа став поткрепен со сопствено искуство затоа ти се обратив и излезе лично.

 

Комбинацијата од овие два става кај тебе ја произведува таа идеја дека никој не треба да поставува криетриум за партнер. Но, би требало до сега, на 26 години, да сфатиш дека љубовта, врските и бракот не се базираат на пеперутките кои прв пат си ги почувствувала во пубертетот, туку на некои други нешта, како компромисот, културата и почитта.

Сите ние, најголем дел од младоста сме биле занесени дека вистинската љубов е онаа чиј бакнеж ќе нè разбуди од длабок сон, кој ќе нè натера да избегаме од дома со една чевличка и да се возиме во имагинарна тиква водена од глувци само за да го видиме оној кој го сакаме, но порано или подоцна ќе сфатиме дека бајките се бајки, а реалноста е сосема поинаква. Животот нема да ни донесе среќен крај како во книгите и филмовите по дифолт, туку за него мораме сами да се потрудиме и да поработиме.

Затоа и нашите сфаќања за љубовта, врските и партнерот се темелат на нешто друго, а не на чиста хемија.

И зошто Мимс ако себеси се сметаш за интелигентна не можеш моите „филозофии“ да ги разбереш? И навистина не ми делува дека е многу комплицирано да раздвоиш „натпросечен“ и „надвор од просекот“. Обичен, просечен маж:
- Обожава кладилница
- обожава брза храна и има стомак
- обожава турбофолк
- Не сака книги
- Не сака филозофии
- Не сака ништо повеќе од она што мора да го прави за да преживее

Обична, просечна жена:
- Обожава трачарење
- обожава турски серии
- обожава шљокици (од некоја чудна причина)
- Не сака да размислува предлабоко
- Не сака да се надградува (освен за нокти и коса)
- Не сака ништо повеќе во животот од свадба и кога ќе ја направи, мисли дека успеала во животот.

Нормално, ова е тешка генерализација, ама во генерализацијата влегуваат просечните, зашто секогаш по правило, просек = генерализација. Односно генерализацијата е наменета за оние кои живеат во просекот.

Натпросечен маж или жена, можеме да ги дискутираме, само ако поставиме некаква граница, значи ако збориме за просечен маж според интелект, според пари, според животни постигнувања, што и да е, само тогаш можеме да наречеме некого натпросечен.

 

Претпоставувам бараш идеализам, а тоа не постои... Ценејќи ги твоите критериуми и превисокото мислење за себе си, ти најверојатно си си доволна на самата себе...

 

Секој си одбира,или барем би требало да го одбере оној партнер кој му одговара него. Едиствен услов за мене е да нема досие во полиција и да можам да му го поднесам маните како и тој моите. Доблестите сите можеме да ги поднесеме. Совршенство нема. Не сме ни ние самите совршени.

 

Секогаш сум бирала само по мој критериум.И секогаш сум одела контра од она овој е добар ,овој не чини.
За да го остварам она што го барав а што се калеше низ годините,честопати одев со глава низ ѕид а честопати бев спречена од само на мене позната причина.
Во принцип не сакам стеги и наметнати ставови...
Ама..
Ама...
Сега кога се вртам наназад можеби сум требала да имам поинакво ниво за бирање партнер,можеби сум требала да не бидам толку еластична.
Како и да е,половина животен век го потрошив,сега не ни сакам да размислувам за критериуми и стереотипи.

 

Прашањево е многу комплицирано. На крајот, мене ми се чини дека со љубов можат да функционираат и не толку компатибилни карактери, ама без магијата и највисоките критериуми не ти вредат.

Ако веќе можеме да си замислиме совршен човек, си го резервирам Андреј Болконски.

 

За жал, не секогаш. Некогаш имам потреба од друга личност покрај мене.

 

Ако почнам да го споредувам дечко ми со она што за мене е совршен маж, можам да кажам дека малку имаат заедничко

Искрено, јас и тој сме различни светови за многу работи, јас цел ден мозгам нешто, а ако не мозгам читам, а ако не читам учам нешто ново. Ако не правам ништо од горе наведеното, спијам.
Тој пак, книга никогаш не фатил, ама за разлика од мене знае како функционира животот, оној, секој ден што се случува.

Мене успеа да ме фати струја од полнач. Шприцот за шлаг 40 минути го местев затоа што следев упатства, а тој за 20 секунди затоа што одма примети дека е фелер. Јас должина и ширина не знам да објаснам, морам да нацртам. Тој додека нацртам, се пресметал веќе.

Јас во се ќе најдам смисла и проблем за решавање, тој во се ќе најде нешто обично и решение за проблемот.
Јас ќе барам објаснување за ѕвездите што паѓаат, а тој ќе ужива во глетката.

Ете, различни сме.
Тој е земјата, а јас сум балон полн со хелиум.
Ако не ме приземјува од време на време, ќе одлетам

Физички никогаш не ми ги задоволувал критериумите (ама на другиве женишта изгледа им е на список ), со него не можам да зборувам за некои работи (како зошто ми е поважно да се почитувам себе и своите ставови, него да правам ,,атер,, на другите, не можам да зборувам за некоја книга која ме фасцинирала..), ама затоа имаме една заедничка работа која не одржала заедно минатава деценија - пријателство.

Онакво, каде што ќе го испобацувам без да измијам заби, ќе се дерам по него да ми донесе тоалетна ако снемало, ќе спијам со гаќи наопаку облечени и ќе се црекам на цел глас со пукнаки во уста.

И можеби е вистина дека после многу години завладува доза на монотонија, (да, знам дека сабајле пиеш само турско кафе, не те ни прашувам веќе), ама од друга страна, ако и после толку години си со некого, а немаш никаква обврска за да бидеш (а ни тој со тебе), сфаќаш дека тоа што го имате е многу повеќе од ,,пеперутки,, во стомак.

Некогаш, тој беше мангупот, јас бев паметната, прикаски и драми
Со разговор, а и со самото време, и јас се измангупив и тој се опамети

Некогаш ми требаше мангуп за да бидам и јас мангупка пред другарките, а и пред другите женчиња богами.
Тоа мангупче после деценија една, стана маж на кој за едно пола деценија со задоволство би му изродила деца



И ептен се расприкажав и разнежнив, тоа е.
Љубов.

 

Значи неверојатни сте со стереотипите. Машките гледале девојки кои изгледаат како "авион" ама не бирале такви. Ахам, да. Можам да кажам дека мажите гледаат разголени девојки, ама гледам и ја. Не можеш а да не погледнеш згодна цура, да не се лажеме.
Зарем не може девојката да изгледа како авион ама и да е интелигентна, да има смисла за хумор, бла бла бла?

 

Sigurno ima takvi i bravo za niv.A onie sto ne se takvi avioni sigurno bez deckovci ostanaa...Mislam deka takvite avioni se umisleni i nemaat realna pretstava za maz. Tie sakaat najubav najumen i najbogat... ama ne se site takvi fala na boga pa nie sto ne sme avioni da si najdeme nesto.Ova ne e klishe tuku realnost.
Na pr.ti kako avion sigurno imash povisoki standardi od jas kako najobicna koja si gi gledam svoite mani vo ogledalo i ne mi precat .

 

Може. Ама кој како си признава.
Ама и не може, најчесто ова НЕ МОЖЕ е многу почесто од тоа може да биде таква.

Инаку, сите сакаат тело ама да прашам ако гледате вие машки со убаво тело што барате со дебели мажиња?

 

Си ги знам вредностите, знам каква личност сум, знам каква личност сакам покрај себе. Сигурно нема да изберам мажуле кога сакам мажиште до мене. Маани имам, ама ако веќе збориме за физичкиот изглед, работам на себе па затоа и сум задоволна од својот изглед. Карактерот ми е тој - затоа и сум со личноста со која сум, правиме муабет за тоа дали две личности карактерно си одговараат, јер тука нема компромис, и уште побитно - дали се на иста бранова должина.
Вие самите правите да сте обични. Еве на пример јас имам самодоверба, ама не дека од дома ми кажале дека сум најубава, туку тоа е во карактерот. Вложувајте во себе, образувајте се, читајте книги, вежбајте, купете фармерки кои ви стојат совршено, купете кармин кој ви ги истакнува цртите на лицето - сигурно ќе упали. Значи не е ова квантна физика, туку како ТИ се гледаш себе си во огледало.

Јас ништо не разбрав што сакаш да кажеш со ова болдираново.

Самодоверба е во прашање, но и високи критериуми. Јас имам високо мислење за себе, ама освен убавото лице, се останато сум го добила со вложување во себе. Сигурно нема да губам време со некој што не знае каде е Германија или што мисли дека имало и Трета Светска војна. А уште помалку ќе бидам со некој тип што мисли дека неговото пивско меше е слатко или, скраја да е - секси.

 

Самодоверба е едно, интелигенција е друго, јас те прашав еве ти како слаба личност во поглед на тело си во врска со дебел маж, сега ти слаба а тој дебел и многу си се сакате еве зошто? Ти ми објаснуваш за самодоверба, за интелигенција бла бла што за мене се е различен поим. Јас те прашувам зошто ти би била со таков маж?

Да ти појаснам што не си ме разбрала, значи ти праша дали може девојка што е слаба во поглед на тело да е истовремено и паметна, интелегентна итн. Јас ти одговорив дека може да е. Ама тоа може се однесуваше на тоа дека има такви девојки но тоа е многу ретко.
Но, може и ДА НЕ МОЖЕ што сакам да ти кажам дека таквите девојки во денешно време се такви, убави, слаби секси ама памет немаат

 

Јас не би била во врска со дебел маж. Тоа го објаснив во делот каде велам дека не би била со маж кој не работи на себе, подразбирајќи го неговото образование, и секако физички изглед. Да додадам, не би била со маж кој не е амбициозен и кој нема смисла за хумор.

За мене слабите девојки не се по дифолт згодни и не мора да се секси. И да, јас не сум слаба, никогаш и нема да бидам слаба. Работам на своето тело за да бидам згодна. Еве да речеме за мене репер за жена која изгледа совршено е Моника Белучи или девојка - Џенифер Лоренс.

Генерализираш. Со ова твоето излегува дека најголем дел од паметните девојки се дебели?
Познавам девојки кои се убави, секси и паметни, познавам девојки кои се убави, секси ама не доволно паметни, ама познавам и девојки кои ниту се убави, ниту се секси, ниту се паметни. Доколку девојките околу тебе се такви, не значи дека по дифолт најголем дел од девојките се такви.

 

Po mene vo odnos na mazite ne e izgledot primaren nitu kakva kola vozi ili kolku tituli sobral po pat.
Za mene treba da se ima covek so koj sto sekoj den zivees, so koj ti e milo i ubavo navecer da si legnes, koj ke te prifati i so kilogrami minus ili so plus, koj ke te nasmee, koj ke ti se raduva, koj ke planira sekoj nov den so tebe...
Dali imal pivsko meshe ili ne, ne primetuvam zavisno pod mesheto dali me posakuva.Dali imal fakultet ili sredno , se doucuva ako ima zelba i ke mu bidam motiv ako i jas se trudam na toa pole. Parite denes se imaat za 20godini moze da gi nemaat, ama nie isti sme. Golemite ocekuvanja ragjaat golemi razocaruvanja.I daj Boze na site se neka im se ostvari, no treba da se pravat kompromisi vo odnos na partnerot i da se uziva vo ednostavnite no vistinski raboti.
Nekoj ne bi biral debel partner a ja ne bi birala partner koj te zaborava deka postois....ili si mu medalja za pokazuvanje..Site razlicni sme.