Дали би биле во врска со лице во инвалидска количка?

Како што листав и не наидов на ваква тема ,па ме интересираше дали би биле во врска со лице во инвалидска количка или пак со некој без раце и нозе? Лично јас не би била бидејќи сметам дека е преголема одговорност и малтретирање за мене и сметам дека сексот нема да биде добар ..

 

Прво, меѓу лице во инвалидска количка и лице без раце и нозе има огромна разлика.
Второ, од едно лице во инвалидска количка до друго има голема разлика, во зависност од состојбата.
Трето, некои луѓе со слични потешкотии се многу дисциплинирани и многу се трудат за сами да си помагаат на себеси во секојдневието, додека има здрави и прави луѓе по кои цел живот собираш и средуваш.
Четврто, многу здрави и прави парови имаат лош секс. Не сите од нив се разделуваат.
Петто, пример дека е можно се не мал број на парови кои опстојуваат и тоа добро.
Шесто, има пак и такви парови кои раскинале. Што значи, зависи до ситуацијата и уште повеќе го прави невозможно постоењето на само еден, цврст, еднаш-засекогаш одговор.
Секој со своите приоритети и ситуации.
И за крај, не велете ни „да“ ни „не“ двапати. Животот кај ќе не однесе никој не знае. Само онаа, крајната станица никој не ја избегнал, во меѓувреме се бива.

 

Јас не би била но им се восхитувам на тие што одбрале да бидат со таква личност. На пример, Nick Vujicic кој беше сега скоро во Скопје и за кој ми е криво што не можев да присуствувам на тој настан, и покрај неговиот телесен недостаток има жена и деца (сега не знам дали едно или две). Секоја чест за двајцата, за неговиот оптимизам и за нејзиното големо срце.
Сепак мене би ми пречело тоа и би ми било напор.

 

Жал ми е за луѓето со деформитет,а уште повеќе за тие што одбрале да стапат во брак со таква личност.

 

Абе никогаш не вели никогаш. Никогаш не се знае што ќе те снајде во животот. Јас не знам дали би била со таква личост од причината што и моето здравје е за никаде и понекогаш и мене ми е потребна помош па премногу ќе биде тоа за двајцата. Преголем товар.

 

Не.

 

Зависи за каков случај станува збор. Ако лицето останало инвалид заради некоја несреќа, а пред тоа се било во ред, јас би останала во таква врска. Многу неблагодарно би било да сакате некого и заради некоја телесна маана да ја прекините врската.

 

Ne,no daj boze i za niv sreka vo ljubovta.sepak i tie se luge,sakaat vnimanie,ljubov,sreka.nikoj ne znae sto go ceka,zatoa pred da osudime i povredime nekoj,dobro da razmislime

 

Би била...Искрено ова оби била не го пишав одма размислував 5минути и еве го дадов одговорот. Камо сите да се здрави :/

 

А дали сте размислиле не дај боже вам да ви се случи истото,и како би ви биле кога сите би викале јас не би бил со оваа особа...Значи во животот никогаш не се знае ништо што ќе те снајде затоа никогаш не викајте никогаш,животот знае да биде суров и може се да се случи ама се разбира на никого не му го посакувам тоа само сакав да ви кажам да размислите и вие и да се ставите на нивно место

 

Многу одвратно нешто напиша.
Само да знаеш.

 

Зошто жал? Ги натерал некој, им ставил пиштол на глава да мораат да бидат со инвалидитена личност па да ги жали некој? Баш напротив тие луѓе навистина го разбираат значењето на зборот љубов за разлика од нас останатите . Оно битно да се тресне нешто.

Факт е дека сите сме луѓе се бориме за еднаквост , сочуствуваме со останатите но сепак да бидеш со личност која има некаков ивалидитет треба храброст. Што знам ние по природа сме себични луге и терет е кога треба некому да му пружиме поголемо вниание а за таквите луге факт е дека треба поголемо внимание. Сите си го сакаме својот комодитет и тешко излегуваме од конфорната зона за да се посветиме некому. Лично , можеби себично од мене ама не знам дали би можела да бидам од сам старт со инвалидитетна личност . Што знам ете така осеќам, би сакала својот сопруг да може да трча покрај моите деца, да можеме заедно да ги гледаме убавините на изгрејсонцето и зајдисонцето, да можеме заедно да слушаме добра музика и сл. Дури и да не станува збор за индалидитет , не би сакала да бидам со некој што е тешко болен или има некоја неизлечива болест. Колку и да сме опен мајндед на папир и на форум , реалноста со таквите луге е многу посурова. Не би посакала никому таква судбина.

Tемава ме потсети на една фотосесија направена за воените ветарани кои покажуваат дека и покрај нивните недостатоци сепак имаат доволно храброст да позираат пред камерата на фотографот и да покажат дека не се ништо поразлични од нас. Секоја чест за нив, а мегу другото ако ме прашувате мене и покрај се одлично изгледаат.

 

Тоа е исто како кога ќе остари мајкати па неможе да се движи и работи и тебе ти е ТЕРЕТ.
Бидејќи и староста е еден вид на инвалидитет, кога човекот веќе неможе да ги извршува своите обврски како поранно.

 

Познавам два пара каде мажот е во количка, а жената се грижи за него.
Едните се дечко и девојка, другите се во брак со дете.
Немам слушнато поплаки досега.
Да, тешко им е, напорно им е, ама и кај обајцата има надеж за целосно опоравување и не се откажуваат.

Баба ми беше непокретна 6 години, имаше излив и не можеше да станува, физиолошките потреби ги вршеше во пелени и така натаму, јасно ви е со какви работи се занимаваше дедо ми.
Во ниеден момент не го слушнав да се жали, да кука, да се заканува дека ќе ја остави, не сакаше ни во дом да ја пушти, иако сите инсистиравме.
Се грижеше за неа премногу, од капена, чешлана, фарбана, лековите дадени навреме, комплетна нега и оф не рече. Почина пред неколку месеци, а тој се уште вика: „Ах да си поживееше уште малце, јас ја гледав, си велам дека нигде не згрешив.“
53 години беа во брак.
Љубовта треба да издржи и во добро и лошо, и во здравје и во болест.

Јас никогаш не би го оставила мм, без оглед на ситуацијата. Се надевам ни тој мене.

 

Јас мислев од почеток да е инвалид а не да сте со него па недајбоже нешто да се случи па да стане .. Мислев се

Јас не мислев за да бидеш со некој па да му се случи нешто такво па да го оставиш туку мислев пред тоа да е во инвалдска количка ..

 

Ги жалам луѓето кои се исмејуваат на такви луѓе инвалид,Господ нека им прости зошто нивните души се зли

 

Јас одамна имам размислувано на оваа тема и мило ми е што ја сретнав на фемина.

Верувам дека на секој од нас му се има случено во животот да сретне личност која воопшто не не` привлекува физички, но откако ќе направиме два реда муабет добиваме желба за повторна средба со таа личност и доаѓа момент кога ни станува привлечна и физички, не само психички, бидејќи не` исполнува одвнатре.

@ЈеленаЏиш, ме восхити тоа што го раскажа за баба ти и дедо ти, бидејќи почесто среќавам љубов со профит и драго ми е што некаде сепак постои љубов, како што видов и меѓу некои други што се изјасниле на оваа тема.

@sugarlips, не знам дали само лошо се изрази или сериозно ги жалиш луѓето кои се впуштиле во однос со личност поразлична од себе... Бидејќи на такви луѓе можеме само да им` се восхитуваме на храброста, големото срце и разум.

Јас нема да кажам ниту да, ниту не, бидејќи никогаш не знаеме со што ќе се соочиме во иднина. Дај Боже сите да сме живи и здрави и имаме живот каков што посакуваме. Сепак сите сме различни.