Дали би биле во врска со партнер кој нема возачка/ автомобил или не сака да вози?

Девојки дали би биле со партнер кој нема возачка или не сака вози и постојано чека некој друг да го вози?

 

Се омажив за таков.
Скоро купивме нова кола, па сега изрази желба да вози, ама пак јас возам 99% од времето.

 

Зошто да не?
Тоа е негово дали ќе сака да полага и вози.

 

Фатите си таксист, не секој има пари моментално да полага не е тоа 100 денара или кола да купе..

 

Кои глупости..
Мислам..сериозно?

Ако не знае да јава на камила нема шанси ни муабет да му направам не па во врска да сум

 

Сериозно?
НЕ. Јас сум таа што не вози
Уствари може, ако ми вработи шофер

 

Јас самата сум возач и критериум за партнер никогаш не ми бил да има кола / да е возач. Сум немала ни желба, а ни потреба да ме префрла некој друг зошто имам и сопствено возило.

Unpopular opinion alert:
Како поминува време сфаќам дека навистина е потреба да е човек возач на долг рок. На пример, ако се планира семејство, испитувања во поодмината бременост, возење до болница за породување, земање дете после породување и слично се ситуации каде добро е да може партнерот да те однесе и каде самата не си во состојба да возиш. Во ситуацијава со вирусот на пример, такси не би ми била опција за превоз со новороденче, а и не би сакала да морам да малтретирам други луѓе. Автобуски линии градски немаме тука, ама и тоа не ми е опција во ситуациите погоре. Сфаќам дека не секој сака да вози, но навистина го гледам како потреба особено ако се планира семејство. И тоа за двајцата партнери, тука опишав само од женска перспектива. Понатаму доаѓаат ситуации каде децата треба да се носат до градинка, на лекар, на вакцинација и слично.

Сепак не би можела да речам дека ми е дил брејкер во избор на партнер. Само сепак, сакам да кажам дека не е толку едноставно да се каже негов избор или да се гледа како опортунист човек кој би сакал партнер возач.

 

Ма каква пречка. Таков земав. Маж ми има возачка, ама не сака да вози. Не се гледа секој како шофер. Јас немам полагано.

 

Да. Ниту јас, ниту мојот сопруг не поседуваме автомобил, а и двајцата имам возачки дозволи.
Реално со автомобил немам потреба а се движиме никаде-на работа одиме со јавен превоз бидејќи е побрзо, поефтино, и подобро за животната средина, доколку имаме конкретна потреба од автомобил за а одиме некаде навор од градот секогаш можеме да изнајмиме. Зошто да купиме автомобил, да плаќаме градски паркинг, осигурување, поправки, и да го платиме автомобилот, кога за него немаме реална потреба и до повеќето места можеме безболно да стигнеме со велосипед? Ако ни треба да одиме до продавница тоа е на 10 минути пешки, болницата ни е 15 минути пешки исто така. Во Македонија, луѓето, посебно машките имаат навика да не се движат воопшто, паркираат одма пред кафичот, одат до маалска продавничка со автомобил, итн.

Заработаме и двајцата и можеме да си дозволиме многу луксузи, но што е излишно е излишно.

 

Лелее Боже што ви е во последно време со ова дали некој има положено и кола, ти со колат ќе бидеш у врска или со дечкото.
Не разбирам каков е тој предуслов да бидеш со некој дека мора да има кола и положено, па положи ти и купи си кола.

И да се омажив за таков што нема ниту положено, нема ни кола, а нема ни намера да полага некогаш во животот. Јас имам положено веќе подолго време и каде и да треба јас сум таа што вози (брат ми, ми ја дава колата кога ми треба), сме разговарале и едноставно не сака да полага, не може секој да е шофер, а и не сака секој да биде.

Моментално сеуште немаме кола со мм, но во план сме да купиме бидејќи е потреба, поготово во моментот кога ќе стаса бебето, е сега како што имаше и погоре напишано, убаво би било кога и партнерот би имал положено па да дојде по мене од болница кога ќе треба да се земе бебето, и слични ситуации кога не би можела јас да возам, ама ќе се снаоѓаме. На крај краева сама ќе си го донесам и ќе си возам а маж ќе го држи.

 

Да.
Па сум со дечко кој нема ни кола, ни возачка.
Иако во план е да полага за брзо, не ми смета, како сака нека прави, кога ќе му се полага нека полага. Со него и со ЈСП и пешки коа идеме ми е убаво.

 

Да,он ќе ми биде доволен.

 

Ај реално,не

 

Би била зошто да не т.е бев, кога се запознав со дечко ми немаше положено а ни кола немаше.
Сега скоро сите категории ги има положено уште за автобус му фали. И кола си купи.

 

Од големо олеснување би било да има возачка и автомобил за него, а и за мене. Но, секако дека не е важно или пресудно за тоа дали би била со него или не.

 

Мојот одговор:

 

Ни самата немам возачка ниту кола, не сум имала прилика а и страв имам донекаде засега. Свесна сум дека и покрај алтернативите е многу корисно и го олеснува животот, но прво себеси би се натерала во иднина за учење да почнам а и за вложување во кола исто, не да чекам од друг. Во секој случај ни блиску до приоритетни критериуми не ми е за кај партнер.

 

Па нели принц на бел коњ беше, не со авто.

 

Е и ова ли се гледа? Па ако нема може во иднина ќе има.

Јас знам такви што купија кола за да фатат женска, ене ги сега и женска и кола изгубија.

 

Некогаш ми се ....... од вакви и слични теми..
Гледате секој дечко да има количе, да вози, да ви биде личен шофер, да ви ги исполнува желбите, ако е од различен град да доаѓа само тој со количето, ако не доаѓа па не ве сакал или не ви обрнувал внимание.
WTF