Дали би биле во врска со човек што не ве сака?

Здраво на сите, би сакала да слушнам повеќе мислења околу мојата ситуација и општо околу ситуацијата да бидеш со некој што не те сака, а сепак те почитува и те прави среќна.

После година ипол излегување ми предложи врска, и иако го сакам повеќе од се на светов, се замислив што би било кога би било тоа...
Еве ја мојата приказна.
Почнавме да излегуваме летото 2019, пред точно година ипол. Само 3 месеци пред да почнеме да излегуваме, излегол од 6 годишна врска, т.е. биле свршени и таа го оставила иако со направена веридба, планирале свадба и се тоа. Причината за тоа била што таа имала 23 години и одлучила дека не сака толку млада да се мажи и врзува за некој, ја изгубила младоста само со еден, немала видено ништо друго освен него бла бла. Кога тој ја прашал тогаш зошто прифати да се вериш со мене, му рекла епа ти ми клекна пред сите, не можев не да ти речам.
Тој неа ја сакал премногу, буквално се во животот имал жртвувано за него, од заедно средно продолжиле заедно на факултет, 24/7 заедно, по одмори, по фамилијарни собири итн. Ја молел премногу на крајот, се правел за да ја задржи врската но залудно.
Година ипол бев заедно со него и го гледав како не може да ја заборави и како премногу го боли. Милион пати имаме стигнато до темата љубов, секогаш ми вика дека уште еднаш во животот никогаш нема да сака, дека никогаш за неа нема да му биде сеедно, има другар кој пред 5 години раскинал 4 годишна врска и уште ја сака, се огледува на него... Вика дека ако некогаш ја сретне ќе се уништи начисто.. Таа го има блокирано на социјалните мрежи, тој ја следи од некојси друг профил и си прави скриншат од сите селфиња што ги постира за да може барем да си ја гледа... Буквално како што кажува никогаш нема да ја одсака и да засака друга, ни после 50 години нема да му било сеедно за неа, вика дека ако некогаш се женел, би отишол на свадбата кај неа за да и докаже дека сеуште му е единствена.

Од друга страна, јас го засакав премногу и почнав да правам се за него, во 2 на полноќ се имам искрадувано од дома за да отидам кај него кога му било лошо и премногу други работи. Тој кога сфати колку го сакам, почна да се понаша се поубаво и поубаво, причината - не сакал да ме повреди или остави. Цело време викаше дека му е лошо затоа што сум се појавила толку совршена (не за изглед, туку за тоа како се вклопуваме и колку убаво се однесувам и се грижам за него), а во толку погрешно време. Почна многу да се труди за мене и да ми покажува љубов на милиони начини, иако вистински не ме сака. Поминаа месеци, ситуацијата стануваше се поубава и поубава, и на крајот ми предложи врска.
Мене целта не ми беше врска со него (не дека не го сакав тоа, туку знаев дека тој не го сака и не спомнував ништо), туку едноставно премногу го сакав и го сакам, и затоа го правев се тоа со најчисти мисли, иако премногу ме боли тоа што уште ја сака претходната.
Со него ми е совршено, како со никој никогаш досега, многу се труди да ме направи среќна и што е најбитното за мене се труди да ги дознае моите најдлабоки проблеми, се што психички ме мачи, ми дава поддршка и утеха за се, секогаш е тука. Ама не ме сака вистински.. Иако се труди да покаже дека ете ме засакал, сепак знам дека е се лага (со добра намера).

Кога не би бил тој што е, одговорот одма ќе го знаев, никогаш не би била со некој што не ме сака. Буквално никогаш.
Меѓутоа, тој е се што цел живот сум посакувала, бил тука за мене кога никој не бил.
Толку сум хаос во главата што не знам што понатаму. Инаку за врска е ептен сериозен, и кога би биле заедно, би биле за сериозно. Има 26 години, јас 22.

Што мислите за ситуацијава, поставувајќи се на мое место?

 

Не би била со некој што не ме сака и што не може да ја преболи бившата.

Не разбирам, се гледаш со него а не сте заедно? Колку време трае тоа?

 

Да, се гледаме често но не сме во врска. Година ипол трае тоа. На почетокот мислев онака ќе трае колку летна авантура, секако нејќе врска, ама го засакав премногу, се искомплицираа работите и ете дојдовме до година ипол.

 

Прво ми дојде да пишам не.
Од друга страна, свесна сум дека заљубеноста со тек на време може да избледи и дека чувствата нема да бидат исти како на почетокот.
Опширна тема е сега разликата помеѓу љубов и заљубеност, но почитта и довербата мора да постојат. Љубовта со тек на време ,,еволуира'' и од страст и пеперутки во стомакот преминува во нешто друго.

 

Викам јас дека јавните запросувања само притисок прават, ништо друго.

Он топик: Не можеме ние да ти кажеме дали да останеш со него, или не.
Ти ќе треба да живееш со одлуката, не ние.

 

Ако за година ипол тој не те засакал, мислам не треба тоа да го очекуваш понатаму.

 

Не мислев да ми кажете дали да бидам со него, туку онака мислења дали вие би биле и би можеле да живеете со тоа.

Иначе, дете сум на луѓе што премногу се сакале и се зеле само од љубов, а немаат доверба и разбирање и хорор им е бракот, па од таа траума можеби главното нешто што го барам кај некој е почит, разбирање, доверба, мир.. Само се плашам дека кога нема љубов, нема да ги има ни овие работи.
За сакање, се помирив дека нема да ме засака.

Само сакав да видам мислења од повеќе девојки и жени, дали би можеле да бидат во таква врска/брак.

 

Од моментите што си ги искусила со него за 1,5 год. имаш сосема јасна слика (во замена за љубов карактерна привлечност)
Не знам каква би била таа сериозна врска во која треба да се компензира со статус опција, наместо приоритет и тоа на 22 год.
Зарем подготвена си и трета личност (бившата) да биде присутна во заедничкиот живот?
Хаосот што сега го имаш не е ништо во споредба со избрзана одлука.
Размисли добро.

 

Секако дека не би била.
Отворено ти кажал дека нема да сака друга како неа, уште е лудо заљубен во неа, ќе одел на свадбата за да и докажел дека таа му била единствена, си прави скрин шотови од нејзини слики за да си ја гледа и ти уште се прашуваш дали да бидеш со него во врска?
Што ако ти се понаша убаво, те гледа само како пополнување време и тоа е тоа.
Зошто да си со таков кога можеш да бидеш со некој кој тебе ќе те гледа како што овој моментално ја гледа бившата.
Зошто да си со некој кој знаеш дека не те сака кога можеш да уживаш во љубовта од некој друг.
Еден ден ако бившата реши да се смират, што мислиш, што ќе се случи?
Мој предлог е да пазиш да не си го трошиш времето со ваков човек пошто си во најубавите години, никогаш не треба да си со некој кој не те сака, ама особено не треба кога имаш 22 години.

 

Не.
Човек со самопочитување тоа не го прави.

Едноставно, тип што често спомнува бивша, може да ми биде само другар. Дури и кога би престанал да ја спомнува и кога би се свртел према мене емоционално, секогаш ќе го имам тоа шубе на главата дека не сум јас таа, големата љубов.

Типот од твојата приказна е едно големо лигле и несериозен и не ти треба таков, дури ни за секс.

Научи да се почитуваш себеси пред да те остави на најгрозоморниот можен начин, пример со дете.

И запамти дека вредиш многу повеќе од неговите трошки.

 

Не. Така би се осудила никогаш да не бидам среќна.

Можеби на почеток ти делува дека ќе можеш да функционираш. Ти го сакаш, он е со тебе и се однесува добро, супер е се. Ама до кога?

Изгледа до тогаш. Додека на вашата свадба не отиде кај бившата да и каже колку ја сака? Не знам дали е ова за смеење или за плачење.

Може сега не ти делува многу лошо, ама мислам ова е како да си пукаш сама во колено. Ќе почнеш да се фрустрираш од тоа што не те сака, ќе му здосади и него и на крај може пак да раскинете. Со изгубени нерви и време.

 

сум била да и грозно е уште од почеток

 

@Laura.
Како не ќе ја сакал бившата цел живот.
Ќе ја преболи.
Готово е тоа.
Човечкото срце се регенерира.
Како што ја засакал ќе ја отсака.
Пробај ако ти одговара, можеби му треба повеќе време,си му дошла пребрзо,не му се јасни чувствата кон тебе.

 

Нема да ги има. Не може да ги има без љубов.
Врските и бракот треба да се со љубов, не се живее со некој со кого не го сакаш, не се гледаат деца со некој кого не го сакаш.
Така да ако се смират со бившата или се заљуби во некоја трета, веројатно само ти ќе останеш со празни раце пошто кога тој ќе ги има за некоја друга, тие чувства што ги имаш ти за него, знаеш што ќе биде - Извини, мила си, добра си, не е до тебе, до мене е.
Со две реченици ќе те остави.
И ќе замине низ врата и ќе си ужива во животот без да се сврти назад.
Ајде бе, на што личи тоа, 22 години имаш.
На 22 години да ти вика дечкото дека бившата му е единствена и ти да се прашуваш уште дали да си со него.
Не се почнува ништо со никој кој нема раскрстено со минатото.
Повеќе сакај се себе си.
Можеш далеку подобра врска и брак да имаш од твоите родители.
Не може да има доверба без љубов.
Тој ако има доверба во тебе, тоа може само тебе да ти изгледа како доверба, да ти изгледа дека ти верува за се', а уствари тоа незамарање да доаѓа од што не му е гајле.
А ти кон него за што имаш доверба, па тој ти кажал јасно и гласно дека ако има шанса ќе те изневери.
Ќе одел кај бившата на свадба да и кажел дека му е единствена, боже.
Ај тој е неодговорен што предлага врска на една, а сака друга друга, тој не се грижи за тебе, барем ти грижи се за себе.
Никогаш немој да му бидеш пополнување време на некого особено па кога јасно ти кажува дека не те сака.
Девојки имаат проблем што дечковците им прават работи за кои не се сигурни дали се одраз на љубов, па ги толкуваме овде на форумов, овој твојов јасно ти кажал и ти уште се прашуваш.
Апсолутно нездрава ќе биде вашата врска.
Наместо да сте двајца млади кои се сакате, кои едвај чекаат да се видат, вие ќе бидете девојка која го теши дечкото за бившата затоа што се заљубила во него и дечко кој си пополнува време се додека не му се пружи друга шанса.
Тогаш ќе ти биде уште покриво што си потрошила време со него, ќе се осеќаш ко искористена.
А и да не се случи тоа, кога ќе гледаш како другите девојки се сакани од своите дечковци и ти ќе го посакуваш тоа дури и да не си признаваш, ама верувај ми дека еден ден ќе дојде момент и ќе се каеш.
Да не кажеш дека имаш 22 години, по пишувањево ќе звучеше ко да имаш 50 и да си во лош брак 30 години и си се помирила со ситуацијата.
На 22 треба да го живееш животот, тогаш треба да ја почувствуваш љубовта и вниманието од друг, какво помирување е тоа на 22 години.
Ако преминувал преку бившата, ќе преминел, година и пол не е малце, па особено 3 месеци пред тоа, скоро 2 години.

 

Не би била, ако не ме сака повеќе можи искрено да ми кажи, бидејќи подоцна ќе се појават поголеми проблеми и фрустрации.

Јас би бегала што подалеку од ваков. Мислам дека е очигледно оти се гледа со тебе за утеха, колку време да му поминува. Можеби и не е навикнат да биди сам после толку време во врска.
Ако сакаш "врска" без обврски продолжи да се гледаш со него, ама очигледно сакаш нешто сериозно, што сега е невозможно.
Премногу си млада за да си со некој кој дури отворено кажува дека не те сака.

 

Не. Тоа не е врска, тоа е измачување.

 

Јас мислам дека ќе ја отсака бившата.
Како што рече и @Cosmi

Дете е... 26 години има...
Има уште муви за лапање и тој.

 

Не.

 

За случајот погоре мое мислење.
Млада си, сеуште пред тебе е живот којшто ТИ одлучуваш како ќе го поминеш и живееш.
Како што напишаа погоре, зошто да не си најдеш момче, што ќе те сака? Да си уживаш со него во љубов.
Секако на крајот на денот е твоја лична работа и одлука, но јас никогаш не би била во врска со некој кој не ме сака.