Дали ви е тешко да кажете некому ТЕ САКАМ?

Дали ви е тешко да му кажете на некому тие два збора те сакам?
Колку често ѓи употребувате тие два збора и на кого?Дали ги кажувате туку така или само ако навистина ги мислите?


п.с. ако темава е глупа или слично одма под клуч.

 

Многу ми е тешко да кажам те сакам на било кој освен на моите дечиња. Единствено кон нив чуствувам искрена, бескраја, без резерва и кусури љубов и се трудам да им го покажам тоа на секој можен начин. Кон сите други вклучувајки ја и мајка ми и сопругот имам резерва оти нема некој да не ме повредил или изневерил (не во смисол на прељуба). Сум сакала без граници и сум давала се од себе ама после некои случки едноставно се затворив во себе, дури не дозволувам ни да ми биде изјавена љубов оти сметам дека е све јалово и лажно, и дека е поважно да се покаже на дело отколку да се кажува.

 

мене мн ми е тешко да кажам..сметам дека љубовта треба да се докаже преку дела.дури и кога ќе ми каже некој не знам како да изреагирам бидејќи имам некое мислење дека доколку го кажуваш тоа премногу често и без да го мислиш ја губи смислата.

 

Искрено, во најголем дел од времето сум срамежлива па со тоа срам ми е на некој да му кажам те сакам, а особено кога тоа навистина го чувствувам. Секако, полесно ми е да кажам некому те сакам на фејсбук, сепак друго е преку интернет, а друго е кога е во живо. A, се си мислам дека ако сте поповлечени потешко ќе ви биде да си ги искажете своите чувства ако се вистински, а ако се лажни, ќе биде полесно. Но, ако веќе сум сигурна во тоа што го чувствувам, и веќе подолго време сум во контакт со таа личност, ќе се решам да бидам искрена и да му кажам ' Те сакам '. Зашто најдобро е да се искажат чувствата, зашто потоа може да биде и доцна. Но, покрај овие зборови, треба да има и други одредени постапки кои ќе го докажат нивното вистинско значење.

 

Најтешката работа !!! Се прашував зошто и конечно го најдов одговорот а тоа е дека не можам да кажам ТЕ САКАМ не дека нејќам да ги покажам чувствата туку за мене ТЕ САКАМ има голема длабочина голема важност а кога тоа не го мислам не можам да го кажам би ја растурила магијата тоа би го кажала а не го мислам затоа ми е толку тешко да возвратам и да го кажам колку и да сакам ...

 

паааа на тие што ми значат не мие ич тешко иии мн често ги употребувам тие два збора ии искрени се..најповеќе кон дечкоми офк...

 

Па не ми е кој знае колку тешко ама па и не е најлесната работа за кажување

Те сакам знае и во порака да ми летне кога пишувам иако пишувам пораки само на предавање кога сум пошто ме мрзи таа работа да ја работам ако можам да се јавам.

А вака во живо ... па некогаш знам на дечко ми да му речам ... ако ептен заслужил ... или тук таму со другари / другарки да си разменам некој убав збор .... да си знаат нели ... да не му ја мислат

А мама и тато го слушаат овоа те сакам ... иако не пречесто ( ама си знаат дека ги сакам )

 

Искрено и тешко ми е да кажам...којзнае можеби од претходните искуства сватив дека подобро е да ги кријам чуствата во мене.Можам на дечко ми да му кажам дека го сакам но многу ретко,таква сум ретко искажувам чуства

 

не ми е тешко воопшто, но само ако навистина го мислам тоа..
исто така многу сакам кога некој на мене ќе ми ги каже овие два збора било дали станува збора за роднина пријател или некој познаник

"Tell the people you love that you love them and always be honest because you might not be there to tell them that tomorrow."

 

Ако некој стварно си сакам не ми е тешко...Иако во последно време моето куче најчесто ги слуша овие зборови,изгледа само неа ја сакам

 

Не, не ми е тешко да кажам некому те сакам но ако и навистина тоа го чувствувам. А ако немам чувства спрема таа личност би се чувствувала како лажга ако и речам те сакам, па затоа и ми се нема случено до сега да кажам те сакам само онака ради реда.

 

тешко ми е дечкото многу си го сакам но многу ми е тешко да го кажам тоа а знам да го докажам на милион начини и тоа го правам јас таква сум сакам дела а не зборови
знам дека понекогаш еден збор прави чуда но ете се мразам и јас што сум таква понекогаш
извини бејби цуценце

 

Не ми е воопшто тешко да ги кажам овие два збора на луѓето кои навистина ги сакам. Не можам да го држам тоа во себе, сепак тоа се чувства и не можам да ги сокријам ни пред нив,ни пред мене

 

Ако засакам некој,всушност мнооогу ми е тешко да го чувам тоа ТЕ САКАМ во себе..ако немам сила да му плеснам во фаца,тогаш на секаков можен начин ќе му докажувам

 

Уф, многу многу тешко кажувам те сакам.
Повеќе докажувам, отколку што кажувам..

 

Да, и премногу тешко, толку што имам изгубено два- тројца а можеби и повеќе потенцијални сериозни дечковци. Не го искажувам, не го кажувам тоа. Порано сметав дека едноставно ќе се понижам доколку јас му речам те сакам, демек му давам моќ над мене.

Го препишувам ова на фактот што ние дома никогаш не искажуваме чувства, цело семејство сме такви, никој на никого тоа не му го вели. Ама това е това, не можаш против себе. Затоа јас викам еднаш велам ТЕ САКАМ, само ако навистина, навистина, премногу сакам некој. Инаку јок... Таква сум што да правам.џ

 

Тие 2 збора секогаш ги кажувам во право време и сеискрени .. нели не ги заслужува секој ..Мислам секој заслужува да биде сакан но, не секој заслужува да му се каже тоа бидејќи после станува суров !

 

До сега многу тешко, дома и незнам дали го имам употребено, но и ние функциониравме без многу лигавење ( ко што би рекле дома). Е сега во моево ново семејство го користам секој ден, не поминува ден без да му кажам на мажот ми, некогаш ми иди и по повеќе пати во денот да му кажувам, ама се воздржувам..одвај.. По другарки, пријатели не, можеби имам вратено, на те сакам- со те сакам и јас , но прва не, никогаш..а си ги сакам не дека не,ама шо знам оти така.. Ме замисливте мори феминки..

 

Тешко?... Зошто бе тешко? Воопшто не ми е тешко некому да му кажам дека го сакам ама ако навистина го сакам. Би рекла можеби потешко ми е да докажам отколку да кажам. Секојдневно на дечко ми му кажувам дека го сакам, другарките мои нема ден а да не ги гушнам и да им кажам ах милите колку си ве сакам. Дома мама, тато, дада, баба сите си ги гушкам и им велам дека ги сакам. Зошто е тешко да се каже тоа не знам.

 

Зависи на кого... ако се работи за другарките (секако оние кои заслужуваат да им кажам ТЕ САКАМ) или за членови од семејството... воопшто не ми е тешко. Но, ако се работи за момче, дури и да го сакам навистина, треба нож под грло да ми ставите за да му признаам. Барем в лице.
Ги употребувам често, љубовџивка сум, што да правам. Но љубовџивка во смисла: САКАМ ДА ГИ ЉУБАМ ЛУЃЕТО.
И НИКОГАШ не ги кажувам ако не ги мислам. Не планирам никому да се улижавам или да правам лице.
И уште нешто: никогаш не велам ТЕ САКАМ. Повеќе ми се допаѓа ТЕ ЉУБАМ. Некако потопло и поблиско ми звучи.