Попрво би ставила маслиново масло или чичково или кое и да е друго масло-уље како маска додека се бањам, за да ми ја омекне косата и потхрани отколку мајонез. Во мајонезот има конзерванс па можеби тоа е штетното не само за косата туку и за цел организам. Не би експириментирала со мајонез во никој случај а посебно што претпоставувам дека тешко се одмива.
Што е природно во мајонезот те молам? Природно е самото јајце, ама фабрички обработуван производ како мајонезот воопшто не е природен.
Дада Дузи да ви каже, да не си играте со мајонез. Посебно не на вакви времиња, кога во секој момент може да падне системот со вода, струја, па да си останете мајонезни. Другарка ми така, и текнало сред лето, мајонез ќе става. Надвор 40+, си ставила типката мајоневче, па и уште едно јајце му истурила во него, да не е малку мрсно. Шлакала што шлакала, од коренот до врвовите, да замасти. Стоело тоа, таман тргнала да се бања - оп, нема вода. И ми ѕвони мене - ДУЗИИИИИИИИИИИ што да правам, лелеле. Врти чешмата, сучи, не бре, не тече водата. Туби со вода, нема никаде, бараме сите, нема. Јајце како јајце, надвор топло, во собите исто топло... кајгана на глава. Кога дојде водата, по добри 4-5 часа, да не ви кажувам, травичка со кокошка како колва и никна на глава. Остај тоа, па и не се мие. Триј, триј, не бива, мрсна косата не се мие. На крај, татко и со средство за садови ја триел во дневна, за да падне сржта од мајонезот. Па таа сама се триела со шампон да падне баздата од сјајот за садови.
Многу ми е жал кога ќе се соочам со ваква неинформираност на луѓе кои што живеат во 21-век. Како прво никој од вас не знае што е мајонез и како истиот се прави, што е евидентно од вашите коментари. Второ и многу важно, на косата не треба да се става томи мајонез туку, да се оддели една жолчка од јајце, која ќе се мати со миксер и во истата полека ќе се додава маслиново масло, додека смесата не стане мајонез, (прашајте ги вашите мајки како се прави мајонез), зависно од проблемот со косата кој што го имате, во смесата може да се додаде 1 лажица мед доколку косата е многу оштетена, 1 лажица мелен цимет, доколку постои проблем со прекумерно опаѓање на косата. Оваа смеса се става на целата коса од коренот до врвовите, косата се замотува со ќеса и се држи најмалку 3 саати. Кога оваа маска ќе ја држите на косата 3 саати таа многу лесно се одмива (само со едно шампонирање) бидејќи сите корисни нешта во маслиновото масло и јајцето се впиваат во косата. И на крајот многу важно е тоа дека во маската се става само жолчката бидејќи белката од јајцето ја суши косата и не е корисна за истата. Белката може да ја искористите како пилинг маска за лицето доколку имате мрсна или комбинирана кожа.
Naj golema glupost majonez za kosa kecap so origano stavete ako bese majonezot za kosa togas ke bese na raftovite za kozmetika a ne na rafrovite za hrana...
Здраво на сите, најискрено не верувам дека мајонезот е штетен за косата. Состојките кои се употребени во него се претежно жолчки од јајце, масло и лимон кои се три состојки одлични за косата. Жолчката од јајцата и маслото ја хранат косата, додека лимоновиот сок дава сјај. Кога го нанесувате на косата секако треба да биде благо навлажнета а не сува. Што се однесува до фактот дали да пробате или не, знајте дека не сите маски одговараат на секој тип на коса. Она што за еден одговара може да не одговара за останатите. Треба да се проба па потоа да одлучите што е она што одговара на вашата коса, а што е она кое треба да го избегнувате. Поздрав.
Прочитано уште пред 10 години во весникот на ТАА, мајонезот не е штетен за косата, јас го ставав уште од тогаш, ја прави косата свиленкаста и мека но мора убаво да се одмие. можеш било каков.
Дечки, во индустриски мајонез има: 1) Конзерванси и секаква хемија 2) Сол. Многу, многу сол. Томи, Хелманс и компанија ќе ги мачкате врз леб а на коса ќе ставате домашен мајонез, односно маска од масло (маслиново, бадемово, оревово) и жолчки од јајце
Имам слушнато дека се става, лично не практикувам, ама у секој случај е покорисно да се става маска, направена од природни состојки. (На пр., маслиново или кокосово масло, жолчка од јајце, мед, квасец, јогурт и сл.)
