Дали постои „среќа“ (luck)?

Научно гледано среќа не постои. Не може да се докаже. Се е тоа сплет на околности.

Бидејќи психологијата обожава да се занимава со непипливи конструкти, среќата е многу често истражувана.
Многу често се истакнува дека да се верува во среќа е позитивна работа, и јас би се согласила со тоа. Со самото тоа што пример сте убедени деќа сте среќна личност, самиот мозок ги обработува информациите поинаку.

Инаку на УКЛА, правеа истражување за среќата и баш имаше интересни резултати. Се верува дека нашите верувања за среќа може да бидат поделени на две групи: стабилна- константна среќа -луѓето кои припааѓат во оваа група веруваат дека постојат или среќни или несреќни луѓе, и дека среќата не може да се смени. Додека луѓето кој ја гледаат среќата како променлива, веруваат дека среќата зависи од некои околности. Со истражувањето се докажало дека луѓето кои ја гледаат среќата како стабилна константа имаат многу поголема мотивација за да успеат во животот, додека луѓето кои веруваат дека среќата е променлива се многу повеќе скептични, и помалку успешни во животот. И има логика, доколку сметаш дека си среќна личност, многу посигурно ќе се впушташ во ризици, therefore имаш поголеми шанси да успееш.

 

А слободна волја?
Секако дека не е се предодредено и секако дека во одредени моменти добиваме помош од Бога, само што не умееме често истата да ја протолкуваме, бидејќи сме со закоравени срца, се движиме со затворен внатрешен вид.
Лично неколку пати сум се нашла во ситуации кога сум помислила дека " Господ ме погледнал".
Бидејќи станува збор за " ненадејна среќа" во вид на точна сума на пари, кои ги пронаоѓам и веднаш знам и зошто сум ги пронашла.
Двапати ми се има случено. Еднаш точно колку што чинеше автобуската карта до дома (бев во друг град останата без пари), вториот пат да платам нешто што го добив бесплатно, а всушност за мојот иден мир беше многу подобро да платам.
Ова се толку очигледни примери, бидејќи се за материјално врзани.

Моменти на одговори кои ни се потребни во одреден миг, за одредени дилеми или ситуации верувам дека добива секој од нас. Преку луѓе обично, кои ги запознаваме во одредено време. Преку збор секогаш. Реченица туѓа која ти се закачува како твоја. Па ќе помислиш "каква среќа", баш ова ми беше потребно во моментов...

Светот е во совршен склад, само што ние несовршени го поистоветуваме со сопствените немири.

 

Не постои слободна воља при постоење на креатор, семоќно, сезнајно битие кое е истовремено безвременско (da ) тоа се меѓусебно исклучиви категории и контрадикции кои најдобрите теолози не успеале да ги разрешат низ овие пар милениуми

Тоа Бог ти ги пратил парите и те натерал да ги земеш, немало ништо тоа со слободна воља
Сите ситуации се последица на Неговото креирање на универзумот и следствието на настани кои ги предизвикал тој настан, секако со џокерот во вид на божанска интервенција кој останува во игра.

Црна Ружа Аквински

 

Сѐ е слободна волја. Тоа е акција која си повлекува реакција.

 

Слободната воља се огледа во начинот на кој ги искористив парите. Важно беше. Верувам дека сите ненадејни дарови имаат порака, околу која треба да размислиме.

 

Употребата на парите во тој случај е однапред определена од Бог, тој знае однапред како ти ќе ги потрошиш и за таа намери ти ги пратил, нема ниакде слободна воља, само илузија

 

Точно е дека не зависиме самите од себе исклучиво. Прво и основно, карактерот на еден човек го обликуваат другите луѓе од околината уште во самите почетоци: детство, рана младост...
Позитивен е таквиот пристап дека самиот ги држиш конците во раце, затоа што се чувствуваш самоуверено, а самодовербата е потребна било што и да сакаш да постигнеш... ама колку и да не ти се допаѓа фактот, другите во твојот живот предодредиле и предодредуваат каков човек ќе бидеш. Само, нема зошто тоа да се припишува на фантастика како среќа и судбина.

 

Спојлер: ПрашањаКоиШтоМеМачат

Мене ме копка зошто насловот гласи среќа (luck)? Не е доволно јасно дека е истата работа па мора и на англиски?

Верувам во среќа бидејќи е дел од мојот живот. Колку даваш, толку добиваш назад.
Има периоди кога ми се чини дека сѐ е против мене, ама откако ќе помине сфаќам колку многу сум добила од таквото негативно искуство. Сѐ е до перцепцијата, чашата може да биде половина полна или половина празна, нели.

 

Бидејќи на македонски јазик зборот среќа може да значи и happiness и luck

 

Верувам во среќата и нејзе не можиш да ја мениш. Многу лоши работи ми се случиле да биле случајности. Да имав срејча, че имав мајка и татко, че станев чоек некој и нешто. Че бев срејчен.

 

Среќата во најголема рака од нас зависи... Имаше моменти во мојот живот кога сум била бескрајно среќна, па ми се чини дека сум ја изгубила среќата... Но, никогаш не ја изгубив надежта. Кога почнав да се радувам на најмалите нешта, да сум среќна што работите кои ги изгубив не се до толку трагични... Тогаш ја пронајдов љубовта на мојот живот. Сега сум најсреќната жена на светот, посреќна од кога и да е! Се радувам на неговиот поглед, насмевка... Се радувам што моите најсакани се здрави и живи, а починатите ги носам во срце и се радувам што имав чест да ги запознаам. Животот е краток да си ја кратите среќата! Правете она што ве прави вас среќни, а оние од околината ако ве сакаат ќе бидат уште посреќни поради вас!

 

Постои среќа, но не како 'магична сила', туку сплет на коинциденции, кои кога ќе се исподесат, ќе се подредат така, да за некого, во баш конкретно време, би му било многу од корист.

Не знам дали убаво доловив што мислам..

 

Знам дека поназад на темава беше спомнато влијанието на ѕвездите врз животот на човекот. Јас вака гледам на тоа, доколку постои судбина запишана во небото , некаде во универзумот, поединецот не може да влијае врз неа, па бадијала ќе се заморува со прашањето на среќа. Освен ако не верува дека преку манипулација може да ја пренасочува среќата (МАГИИ). Ама во тој случај, бабите кои веруваат во тие ствари и остваруваат такви посети досега ќе беа милионерки и 30 години помлади. Што би значело дека и за магии не е секој предодреден

 

Постои секако

 

Хм, I'm on the fence about this. Многу пати со другарка знаеме да си се пожалиме како немаме среќа во ништо, а Х особа има среќа во се. Но, тука доаѓа и фактот што таа Х особа и јас водиме тотално различен начин на живот, може таа е сто пати поотворена од мене за преземање на ризици, впуштање во непознатото и пробување на нови работи, додека јас нема да направам ни 10% од тоа, и после ќе се пожалам дека немам среќа. А и секој човек си има своја "ѕвезда", односно енергија што зрачи од него, и доколку зрачи со позитива, ќе биде и посамоуверен, енергетичен go-getter, додека другиот зрачи негативно и е пасивен, ќе оствари многу помалку и ќе се жали после како немал среќа.

Од друга страна, има исклучоци од правилото и кај едниве и кај другиве луѓе. Понекогаш каков и да си, што и да направиш, нема да успееш, нема нешто да ти се потрефи, народски кажано - немаш среќа. Или можда имаш , да не било нештото за тебе. Или некој да не мрдне со прст и во последен момент да му се посреќи.

Еве, мене конкретно летово кога бев на одмор, ми се чини денот пред да си одиме ги потрошив последните 500 денари, и тоа у казино мислам, бев убедена дека ќе направам повеќе . И вечерта еден другар не викна да сме му правеле друштво во казино, ми даде пари, ми рече еве играј за мене. Не знам како, ама секое вртење ми беше добитно, и ми даваше по 11 слободни вртења, му направив пари и на крај ми рече еве ти 500 за тебе. А јас во стресови како ќе преживеам наредниот ден до автобус.

Сум имала и ситуации кај што сум била ептен во тесно и под стрес, и во последен момент се дешавал некој преокрет и среќата ми се насмевнувала. Особено на факултет сум имала доста вакви ситуации.

Е сега, не може човек да не мрднува со прст и да очекува нешто од небо да му падне, да се потпира на тоа - е ако имам среќа ќе биде, ако немам не. Океј, ако нешто веќе си пробал 5 пати и гледаш дека не бива, остави и ете речи, не ми била среќата. Ама да си седиме со скрстени раце и нозе, па да си чекаме нешто од нигде никаде да ни се оствари - тоа не.

 

Постои, во смисла на сплет на околности што не зависат од нас самите.
Или во смисла на тоа човек да се најде на вистинското место во вистинското време.

 

Секако дека постои

 

Не постои среќа. Среќата е илузија.

 

Постои. Ама никој не знае како точно функционира таа, зошто едни ја имаат, други не. Може само да се претпоставува.

 

Постои дефинитивно. Некогаш како знаат да се наредат коцките за некоја ситуација што не си ни очекувал...