Дали тој се промени после стапувањето во брак?

Тогаш почни од таму што ќе го седнеш на маса и ќе му образложиш што те мачи, ти верувам дека во се' се вложуваш максимално, ама ако не знаеш што проблем има тој, џабе се вложуваш. Пробај со смирено разговарај, нека каже артикулирано што му смета, што би сакал да се промени, исто и ти, видете дали ќе се најдете на средина.

 

Во глобала се нема сменето, ептен е мирен , дури и претерано, во 90 % си одговараме со работите што ги сакаме.

Е сега јас повеќе го напнувам него со Јутуб и мислам дека му влијаам од моја страна , до тој степен што сабајлево ко му пуштив да гледаме јога ми вели : па пробај снимај се и ти, ќе правеме пари на Јутуб како додатни приходи.

Душа моја најсакана , ептен ми е погоден, нема шанси да најдам друг маж ко мојов , еден и единствен

 

Па не, во целина исто се работите како и претходно со исклучок на некои ситници што е и нормала

 

Мислам дека секој еден пар, пред да стапи во брак, треба да има еден "тест" период, каде што би живееле заедно, одреден период. Многу е лесно секој да си ги остави проблемите дома, и да излезе со партнерот на неколку часа. Но така не можеш да запознаеш никого 100%.
Го запознаваш вистински кога ќе почнете да живеете заедно, па делите трошоци домашни обврски итн.

Колку другарки,со долги години другарство, откако станале цимерки, се скарале, тогаш секој си го покажува вистинското лице.

На прашањето дали тој се промени после стапување во брак, би рекла не, но се промени после доаѓањето на децата.

 

Додека живеев заедно со дечко ми, сега маж, беше класичен балкански сељак кој фрлаше зацементирани чорапи на под. (Ми кажа дека се од неквалитетен материјал, затоа се правеле такви.)

Постојано ми повторуваше како жените треба да се послушни, кротки, да не зборат многу, па ако многу си земат за право дека треба да добијат и неколку воспитни. Феминстка сум, како и што знаете, ама ете, пуста љубов, што не ќе направи човек за неа.

Финансиите беа на едно место, кај него. Му ја давав цела плата секој месец. Еднаш толку го понесе возбудата, што место у маркет за месечно пазарење на патлиџани и егзотични сирења, ја утна вратата и влезе у казино и ги изеба парите, но како и да е, на секого му се случуваат грешки, па решив да му простам.

Но дали ќе верувате ако ви кажам дека после брак се смени на подобро?

Секоја недела ми купува букет рози онолку години колку што сме заедно.

По дома ништо не чепкам, сè он средува. Готви, пере, чисти и најбитно од сè, ми ги масира стапалата секоја вечер.

Нејќе јас да затруднам, ми кажа дека ќе почека да измислат нова технологија, каде што маж ќе може да раѓа, јас да не се мачам.

Пред брак беше мизогин, сега секоја вечер читаме книги за феминизам и он дури има и своја тетратка каде што ги запишува побитните работи.

Сè ова се должи на потписот кој го стави во матично, кажа дека осетил некоја магија у истиот и од тогаш се смени на подобро.

А овие шо пишуваат у темава дека мажите не се мењаат, ич не ги читајте, љубоморни души.

 

Ја па се чудам од кога ти во брак

 

Е така е коа навреме све ќе си средиш, а не ко мене

Пишувате почесто вие мажените госпоѓи, да знаеме што да очекуваме

 

Што да очекуваш? Кратко и јасно: МРАК
Другите нека споделат.

 

БРАК

Ова ли е тоа шо го велат една нула една кула?

 

Човек може да се смени ако тој сака, ама ти да го смениш тешко..
Ако на некој му е целта да има жена само за да му завршува работите по дома, тешко да го смени твојата љубов, тој нема љубов кон тебе, те гледа само како жена.. Да во врска ќе се труди, ти ќе се осетиш сакано, ама тоа е за да му бидеш жена...
Многу лицето си го покажуваат и во врска ама сите мислат дека ќе го сменат.
И мислам дека пред брак треба да се живее заедно и разводот е опција ама помала е процедурата да си заминеш без брак. И каков е пред брак таков ќе остане и после, ти си иста, тој е ист, сте живееле заедно што ќе смени тоа парче хартија? Може да го промени на лошо затоа што ќе мисли дека те има со тоа, а на подобро тешко.. Затоа на време заминете си од токсични личности има некој кој би ве третирал многу подобро.

 

Кој ме тераше да ја отворам темава, и онака сум преплашена од тоа што ми следи во иднина. Јас немам запознаено човек што вика дека му е убаво во брак. Дајте надеж малце.

 

Клучен е најпрво изборот, а потоа и взаемното учество и вложување во бракот. Вакви модерни поединци ретко се создаваат кај нас, но сепак ги има. Познавам успешни бракови исполнети со многу љубов. Постави си јасни критериуми и сè ќе си дојде на своето место.

 

Мене ми е поубаво во брак отколку што ни беше во врска.Во врската имавме турбуленции,прекини итн.Од кога почнавме да живееме заедно односот беше далеку постабилен.Почнавме заедно се да планираме.Еве да ти кажам во брак не знам дали во 3 години сме се скарале онака жестоко како во врска.Онака ситни недоразбирања има кои по 10 минути се решаваат.И да сме биле лути кога ќе си легнеме пак ќе се гушниме.Двајцата се трудиме еден за друг.Совршенство нема,ама знае да биде многу убаво кога имаш некој кој е тука за тебе.Најважна е почитта еден кон друг

 

Да, дефинитивно ама во позитивна смисла.
Почна да помага во домашни одбврски, поретко седи со пријателите, повеќе си седи со жена му, почнавме да си планираме се заедно, во еден збор станавме како едно. Пред брак не беше така, нормално, ама после брак се смени во позитивно, што многу ме исполнува.
Знаеме да се расправаме, нормално, во секој брак има расправии, ама не траат многу, се лутиме пола саат и толку.
Човек ако сака да се смени за жената што ја сака ќе се смени, ако не се смени значи дека нема доволно љубов.