Дали треба да има рудници во Македонија?

Темава е можеби општа но бидејќи е политиката вмешана длабоко во неа прашањето го поставувам овде.

Последниве година дена се крена голема галама посебно во Југоисточниот дел на земјата за концесиите за испитување и концесиите за ископ на руда . Граѓаните во повекето општини организираа на Референдум за да се изјаснат околу рудниците, кои секако ке влијаат на животната средина а со тоа и со здравјето на луѓето.

Концесии за испитувања се дадени уште во времето на СДСМ во 2005 а подоцна владата на Груевски продолжила со истата политика на давање концесии и за испитување, а на две локации Иловица и Казандол дадени се концесии за ископ. За добивање политички поени, ставот околу рудниците на сегашниот Премиер Заев пред изборите беше јасен РУДНИЦИ НЕМА ДА ИМА, но денес гледаме дека и покрај притисокот од граѓаните и изјавата на премиерот новата Влада ја тера политиката на старата.

И покрај тоа што граѓаните на општина Гевгелија јасно рекоа НЕ за рудници, новата Влада прати барање за мислење од новиот градоначалник за давање на концесија на Кожуф.

Мислењата на граганите поделени, гласни се оние кои се против рудници а тивки се оние кои очекуваат вработување на истите. Едните велат нема да имаме живот од рудниците (заради еколошки и здравствени причини) другите велат Нема да имаме живот без рудниците (заради економски причини). За несреќата да е поголема баш во селата Казандол и Иловица, каде се предвидени рудниците, живее сиромашно население кое обештетувањето од 30 000 евра во случај на штета и ветеното вработување од 500 евра го гледаат како кец на десетка.

Концесионерите имаат на изглед уредно подготвени еколошки елаборати но со оглед на тоа што знаеме како се прават еколошки елаборати кај нас, несомнено е дека новите рудници ке донесат и нови болести за населението.

Што мислите ? Дали треба да има рудници во Македонија? Дали треба да продолжат или да се затворат постоечките и дали треба да се даваат нови концесии?

 

Рудници треба да има бидејќи тоа значи живот и опстанок на многу семејства кај нас.
Е сега треба да се испочитуваат и одредени прописи за да се зачува чиста природата.

 

Да, треба да има.

 

Имам кажано, против изградбата на рудниците сум и целосно ги поддржувам луѓето од тој крај во своите гласни иницијативи и спротивставувања. Јасно и гласно – чистата средина и здравјето на граѓаните се најважни од сѐ.

 

Живеам во град каде што има рудник со години и каде што повеќе семејства опстануваат од рудникот и се согласувам да има рудници, но треба да и да се почитуваат одредени прописи за да се зачува чиста природата.

 

Да, треба, ама на места каде тоа е возможно, а не каде било, по секоја цена.
Па да се почитуваат сите прописи и правила, да бидат заштитени и високо платени вработените, и наравно нели и жени да вработуваат.

Фмп.

 

Уште ридноци ви фалат низ Скопјето.

По правила и прописи?
Кои правила се почитуваат во Македонија,кои прописи..

 

Сигурно нема да бидат во Скопје.

 

Па нека бидат во ваша околина штом сметате дека треба да ги има.

 

Веројатно знаеш што значи зборот рудник, не мора да ти објаснувам.
На што се ќе се копа овде? На врбите од Вардар?
А што се фати за моето мислење има и други кои се согласија. #nanekojmusekara

 

Секако дека треба да има рудници затоа што нашата земја е богата со руди и плус рудниците се од големо економско значење на една држава. Не е работата во изградбата на рудник туку во перењето на пари додека да се изгради тој рудник Пример си постојат одредени прописи по кои треба да се оди за да подоцна нема одредени последици по здравјето на населението и вработените во рудникот. Треба да се стават филтри колку што треба, а не да се стават помалку и надлежните си ги стават парите во џеб.
Значи мојот глас е ДА за рудниците, но да се прават како што треба и лугето што работат таму да бидат соодветно обучени за таа работа

 

Треба да има но да се почитуваат сите прописи кои ќе придонесат кон зачувување на природата, здравјето на околното население и здравјето и безбедноста на вработените. Жалосно е рудното богатство да не се користи. Нормално, позитивната придобивка е и тоа што се отвара поголем број на работни места.

 

Зошто ДА има?
Многу профит гледаме има државава од досегашните рудници па ајде ќе се копаат нови...
Плус да е лично рудникот на државата ок, но тоа се масла на приватни компании.. Кој има пак да има.
Со какви се' проблеми ќе се соочат граѓаните по отварањето на рудникот.. ќе изгубат многу повеќе од што ќе добијат ќе добијат гнасна работа во рудник (која е потешка) и здраствени проблеми, а ќе изгубат илјада пати почиста работа земјоделство, овоштарство. Секој што му се работи ќе најде работа а не да се перете со рудниците, реално кој би сакал да работи во рудник?
Луѓе ништо не е повредно од здравјето на човекот сите тие минирања хемикалии ја загрозуваат животната средина.
Кои прописи да се почитуваат кога никој не знае што се случува во таа околина.
Зошто се напоменуваат граѓаните да одат на преглед секои три месеци??? Значи постои страв од болести и чудесии. После извесно време ништо не успевало епа ние уште малку нема да успееме а не па градинарски култури.
Се е до свеста на граѓаните ние си ја кроиме судбината. А вие што сте ЗА РУДНИЦИТЕ, што не побарате работа во рудник туку сте се вкотвиле во фотељи и канцеларии и други почовечни работни места?

 

@anonymous16 кaквa пoтребa имa некoј кoј имa рaбoтa дa бaрa рaбoтa?
Oнoј кoј немa рaбoтa и живее вo местo кaде имa мoжнoст дa прoрaбoти некoј рудник, се нaдевa нa тaa рaбoтa.
Јaс ќе кaжaм сaмo 3 рaбoти.
1. Не oспoрувaм декa здрaвјетo е нaјвaжнo.
2. Зa еден oд спoмнaтите рудници тврдaм декa сите елaбoрaти кoи ги пoседувaaт се нaпрaвени врз бaзa нa реaлнaтa сoстoјбa и детaлни истрaжувaњa
3. Пoмислете сaмo декa хемикaлии се кoристaт aмa бaш вo се, a при тoa и вo фирми дaлеку пo несериoзни oд спoмнaтaтa.

Мoјoт стaв е декa aкo се испoлнети услoвите зa рaбoтa, требa дa рaбoтaт. Акo сегa пoсле милиoнски влoжувaњa се стaви зaбрaнa, ќе дoлжиме кoлку Грцијa нa ЕУ.
Немa "дaлa, дaлa пa се пoкaјaлa".
Зa вaкви гoлеми прoекти се уклучувa мoзoк нa време.

 

Џабе е чист воздух ако нема кој да го дише.
Ќе ја зачуваме околината, ама нема да го задржиме населението во тие краишта.

Доколку ги имаат сите потребни еколошки дозволи не гледам причина да не се дозволи изградба.

 

Да живееме во нормална земја, не идеална ами нормална секој момент за заработка ќе биде со цело срце пречекан и добродојден. Ама Македонија шта чеш.

Јас сум за рудници од повеќе причини ама единствено ако се биде по пропис како во нормална земја направено. Нашево парче земја има толку потенцијал кој што може да биде искористен само ако правилно се постапува со него.

Да не се лажеме дека земјоделството ни цути. Да не се старите гнерации по селата да копаат пипер и патлиџан од омладинава која сака само пенкало во рака да држи, салата нема да каснеме цело лето.
Сите по малите места кукаат нема работа ама па од друга страна физичка работа никој не сака да работи. Државна администрација е врхунскиот успех во еден животен век на македончето.

Мене не ми смета рудник и во сред центар на Скопје да се ископа ако тоа го извади народов од немаштијата и борбата за корка леб. Живи се отрувме со години од тие ПМ честчки па и хемикалии од рудник ќе издржиме.

 

Во Казандол ќе биде пострашно и од Бучим кој наводно ги имал сите еколошки стандарди . Бучим читав дека само 5% и тоа во завршна фаза употребува лужење, додека во Казандол, ако добро разбрав тоа ќе се однесува на целиот процес. Отворете и прочитајте, Европа го забрани лужењето, процесот не смее да се извршува ниту близу нивните граници.
Некни Заев изјави дека се бара правно како да се прекине договорот, оти Македонија ќе плати огромна сум на пенали и плус се заканува и затворска казна.

 

За Казандол велат дека нема да биде со лужење , но којзнае дали ке е така.

Јас сум за да почнат да работат, и после ако ја загадуваат средината ( а секако ке ја загадуваат). И треба плус да платат штета на државата дали тие или тие што им ги правеле еколошките елаборати, тоа што го пишува во елаборатот нема шанси инвеститорите да го исполнат.

 

https://www.facebook.com/permalink.php?story_fbid=1992447990795481&id=1718884954818454
Ова ми е вест на денот. Со закон ќе се забрани употребата на цијанид. Само да се изгласа.

 

Јуле,обеќаа затварање.
Толку.
Се друго им е џабе.