Дали треба да се врати воениот рок?

Можеби треба, ама би било доста и за 3 дена. Не за пушки, туку за да научат сите сами да отворат конзерва кога им се пријаде, да знаат да се спакуваат сами пред да тргнат некаде, малку фискултура да се размрдаат и да одморат палци од играње кол оф дути. А за женските не треба, туку часовите по домаќинство да се вратат за да се научат сите како да зашијат едно копче. И кога викам сите, се надевам се подразбира што викам.

Војската нека си ја на војниците. А војник не се гради ни во рок од 3, ни 6 месеци, додека со огнено оружје умешно се ракува и во рок од пет минути.

 

Сакале - не сакале тоа повеќе е и скоро невозможно да се случи.
Прво поради некој што го даде аргументот за буџетот. Они едвај ја одржуваат оваа платенава војска, а не пак уште редовна војска да приклучат на тоа. Толку години им требаше салата повеќе да дадат, па по сите вестио гледавме Дел од тој буџет е пренасочен кон полицијата, којашто и презема некои обврски од војската, а останатиот дел веќе за друго е испланиран.

Втора работа повеќето касарни низ државава што беа наменети за отслужување редовни воени рокови моментално се издадени и ги користат некои сосема трети лица за сосема други намени, па не може туку така тоа да се врати и да се почне по старо.

Трета работа, ако сепак сте толку патриоти и сакате да се научите да пукате со пушка за да ја браните државава слободно одете и отслужете 3 месеци во Велес. Се' уште може само не треба никој да ве тера со стап, вие сами треба да отидете. И за мажи и за жени им се отворени вратите. Само дека за 3 месеци ќе научите нешто посебно, малку и сте се зафркнале. За тие три месеци освен што ќе се шинете од метење лисја, гланцање подови, правење склекови и слични гуштерски работи, тешко дека ќе станете професионални во ракување со оружје. Тоа се учи кога веќе ќе влезете во некоја платена воена единица и се оди на дополнителни обуки што траат со месеци и години.

Така е тоа земи пушка и пукај. Сте слушнале за моментот познат како friendly fire т.е пукање на својот додека сакаш да погодиш непријателска мета? Колега утепал колега, несреќни случаи од незнаење. Кај специјалци/платеници со стратегија и обука тешко веројатно тоа да се случи, затоа што до вчера не седеле на шалтер во банка, оделе на работа и се спремале за тоа.
Да не правам муабет па за психичка спремност и стабилност. Свртете се околу вас и прашајте се дали на пола луѓе од тие што ги знаете би им дале да припарат до оружје. И прашајте се дали пола од нив можат да поодат барем 3 километри во чизми со панцир, шлем и ранец тежок 40 кила на сонце со ограничена храна и вода, па после да видиме дали ќе имаме аргументи за понатамошна дискусија.

 

Во поголем дел од земјите во Европа нема задожителна војска. Во Соединетите Држави нема задолжителна војска. Како што кажа Омни, тоа треба да е доброволно, не е секој за војување и тепање. Тоа не значи дека некој е кукавица, како што некои си го преведуваат

 

Апсолутно против!

Никако не смее да се дозволи таква работа како што е воениот рок! Ни на 3 саата, камо ли на 3 месеца.

Тоа ширум би им ги отворило вратите на албанските (и други) терористи побргу и полесно да стигнат до оружје и бесплатна обука, и тоа на сметка на буџетот на РМ.

Освен тоа, задолжителното служење воен рок би уништило безбројни млади умови (оние што служеле едногласно велат дека се враќале 50% позаглупени) а потенцијално и загрозува животи.

Дисциплина и животни вештини се учат дома и на училиште преку предметите Домаќинство и Прва помош и заштита уште во основно, а никако во деструктивното опкружување на војската.

Спојлер

Темава ме инспирира т.е. ме стави во мисла да отворам слична но поскокотлива но ништо помалку перверзна тема за понежниот пол - нешто друго задолжително да се воведе, во подфорумот Секс, само треба малку да ја осмислам подетално.

 

Апсолутно ДА и од мене!!

Србија и Хрватска наголемо размислуваат за тоа веќе долго време, и нашиве треба да почнат.
Да, точно не секој го бива за математика, ама секој може да научи да користи одредено оружје. Барем толку сме способни.

 

Уф,никако....
Мене ова ми доаѓа како да има задолжителна обука за свирење на виолина....
Не секој има талент и желба...
Не секој е цврст за во војска...

 

Нека се врати но на пример само за доброволци. Не секој е за со оружје. Некој ако не го бива со поедноставно оружје нема да го бива и со друго и крај. Не е тоа туку така. И секако прво барем нека им направат добар психолошли тест па нека одлучат дали ке ги примат или не
Како што и погоре имаат кажано некои членови не секој е за тепање и пукање

 

Sekako da no samo dobrovolno

 

Една огромна касарна каква што имаше Битола , ја распарчија и изградија елитни станови кои се продаваат по висока цена видете каков е изходот од тоа... А што се однесува до враќање на воен рок велам ДА, веќе заборавивме како изгледаат вистинските мажи , наоколу гледаме испирсани, и фризуросани мажи , кои одддаваат чуство да мислиш дека гледаш жена , со нивните фенирани коси и забеганите патци на коса не дека ако ислужиш воен рок си гениј ,ама заликуваш на МАЖ бре , ем учиш техники со оружје , ем знаеме низ какви физички и макотрпни дисциплини поминува секој еден војник, не велам дека треба да се прават војници-машини за убивање, ама пожелно е секој маж да излужи воек рок од најмалку 6 месеци , место да дреме по кафиња стегнат во тесни фармерки , нека биде маж и нека се научи на основни работи, кои сакал или не сакал ги стекнува во војска ( бидејќи дома знаеме какви мамини и татини синови се сите )

 

Не си играјте, застанете малку и размислете.
Во акцијата во Куманово, околу 50 напаѓачи беа соочени со непознат број професионални високо обучени специјалци, во секој случај не помалку од 100 а можеби и многу повеќе.

И во такви услови загинаа 8 а беа ранети 37 специјалци, при двојна или тројна надмоќ во бројки и подобра опрема, оклопни возила, хеликоптери и беспилотни летала. Тоа се 45 професионалци кои биле погодени од страна на напаѓачите кои пак имале 14 загинати и 30 заробени.

Сега замислете си ситуација каде против такви напаѓачи да беа испратени деца од 18 години собрани од касарна каде служат воен рок или собрани од дома, кои дали испукале една рамка во тие 3 или 6 месеци обука.
Напаѓачите нема да ги прашаат дали ги научиле да местат кревет во касарна, да гланцаат чизми или да салутираат на знаме во пет часот наутро.

Во тој случај би загинале многу повеќе и тешко е да се каже дали напаѓачите би биле спречени воопшто.
Зарем би сакале наместо 8 да имаше 80 мртви? Стотици ранети? Што е работата?

Концептот на служење на воен рок е остаток од минатото и треба да се заборави. Потребна е високопрофесионална армија која веднаш ќе може да одговори на предизвици.

 

Треба да има, само малку се 3месеци, порано барем имало мажи, се знаело, а не го сега, веѓите бетар од женско танки, мазен издепилиран, со пудра и така натаму, жално ама вистинито, и не само тоа туку и однесувањето. Само за да има војска, потребно е храна, оружје, а нашава држава нема пари за тоа, нон стоп само кредити земаат. А за да изградат уште некој споменик за тоа можи да се најди финанси.

 

И јас сум за враќање на воениот рок бидејќи денешниве машки се поголеми жени од нас,Треба да се научат малку на дисциплина.

 

Секој маж е за војска колку што секоја жена е за тројното К (Kinder, Küche, Kirche, на македонски: деца, кујна и црква), така да не се задевајте дури не ве задеваат.
А како се однесуваат мажите тоа е друга прикаска. Во пазарно општество секој паметен човек нуди производ за каков што има побарувачка. Па така да имаше побарувачка за “машки“ мажи, ќе имаше и таква понуда. Има побарувачка за метросексуалци, па затоа и повеќето мажи така се однесуваат.
Има мажи што не можат ни 500 м. да истрчаат, ама има и девојки и жени кои не знаат ни една чаша да измијат.

 

Со разликата што се`уште живееме во време во коешто на мажот не му се суди толку ако не е за војска, додека пак жената којашто не е по домашните обврски и/или не сака деца се закитува со секакви епитети. Има време до фер- плеј.

Потенцијалот на жената е многу поширок од KKK. Да не бил, не би ја потчинувале и не би се труделе од петни жили да го поттиснат истиот низ вековите оние коишто сметале дека светот треба да биде машки, а жените треба да бидат слуги.

--------

На темава, не знам што би било објективно решение. Не сум толку запознаена со сите протоколи за да знам дали е добро или не и од кои аспекти е/не е. Но, знам дека сум пристрасна. Пристрасна бидејќи имам блиски личности мажи во семејството и не би ми било сеедно доколку утре ги викнат во војна. Не би сакала да ги читам утре во учебник по историја. Преферирам тоа утре да го доживеам во нивно пријатно друштво.

Да се врати воениот рок би било добра идеја, не само поради учењето за војувањето како што објасни Имелда. Општо како комплекс на вештини и искуства коишто би произлегле од истото. А би се молела, тие воени вештини да не мора да ги искусат моите блиски.

 

Мора да се врати!

 

Neznam kolku e realno no mi se dopagaat sekogas prikaznite sto mi gi kazuvase dedo mi ( znam deka se od t.n. praistorija i ne se vozmozni no sum sakala da gi slusam) za edno godisno voeno opsluzuvanje nadvor od doma ok togasna ju. I bil vo pula i imalo takva strasna disciplina pa strazarenje pa vozenje tenkovi pa gotvenje ednostavno neznam bas vojska kakva sto sum ja zamisluvala. I mnogu naviki imase vrodeno od toj period koj gi praktikuvase do smrt.

 

ne

 

Одличен начин за трошење пари од буџет, да се научеле машки на дисциплина. А краснопис и музичко ќе има во склоп на воениот рок?

И кога ќе дојдат напаѓачите, искусни ветерани кои спијат со оружје под перница што се вели, со дебели досијеа и учества по конфликти ќе им ги пратат тукушто завршените средношколци

 

^ Никаде не пишав дека во случај на војна треба нив да се пратат туку они кое веќе професионално се определиле за тоа !

 

Па која е тогаш логиката за служење воен рок?

Јас сум од генерација која беше меѓу последните кога имаше задолжителен воен рок и пола мои пријатели служеле војска - верувајте далеку беше од она што дедовците (или татковците) го раскажувале за ЈНА (или дури и војските пред тоа). Ниту се стекнаа со дисциплина, ниту знаат денес да ракуваат со оружје (а беа 9, не 3 месеци како штто тука се зборува), а сите едногласно викаат дека тоа биле залудно потрошени месеци од животот. И искрено, скраја да е одбраната на земјата да се сведе на нивна умешност за војување (а и не би сакала да одат на воено поле).
Против терористи, или било какви други напаѓачи треба да одговорат професионалци обучени за тоа.