Дали ќе ги пуштите децата на школо од септември?

Мора да ги спомнеш и оној дел на професори што се за настава со физичко присуство.

 

Па и мене ми е тоа. Ако часот им трае 20 минути, нема да имаат време ништо да научат а имаат голем ризик вирусот за го закачат. И после фул работно време ќе треба цело попладне да пишуваме домашни. Автоматски пак од глава ќе ни се удри, затоа што ем ќе бидат изморени од самата ситуација со скратените часови, ем цело попладне врз книга ќе треба да седат.
Плус нема да има кој да ги земе после часови.

 

Не е забрането да се продолжи со животот. Мора да се навикнеме да живееме со вирусов и да ги почитуваме мерките

 

А кај пишав дека е забрането да се продолжи животот? А што убаво ми враќаш на пост каде сум го спомнала Охрид. Сакаш да ми кажеш дека таму мерки се почитуваа?

 

Сакам да кажам дека никој не е врзан дома и може да прошета, но под услов да ги почитува мерките. Да, баш за Охрид ти искоментирав... еве нека не е Охрид во прашање, нека е Маврово.
Твојот коментар го сфаќам дека не треба да продолжиме да живееме и да седиме сите дома.

 

Се тоа океј ама темава е за школо..

 

Па добро.... се си влече, ова е ланец.... мора да научиме да живееме со ова и полека да се враќаме во “нормалниот” живот со секојдневните обврски. Така, на некој начин го јакнеме и имунитетот, се создава колективен имунитет и пак ќе кажам, да се почитуваат протоколите... и децата постепено да се враќаат во школо

 

А има капацитет здравството за тој колективен имунитет?

 

Од нас зависи здравството до каде ќе го доведеме и дали ќе има капацитет.... само наставниците се во опасност? А ние другите работници што еден ден немаме седено дома и секојднево по 8 часа што сме со маска и гелови и се... не прашаа ли како живееме ние и дали ниме страв?
Ама на нив им е убаво дома да седат на безбедно и да зимаат цела плата...нив тоа ги боли повеќе, отколку ризикот за децата

 

^Епа баш дека зависи од нас гледам колку се трудиме да не ги преполниме болниците.
Што се однесува за професорите од мојот факултет, тие одеа редовно на работа од кога се олабавија мерките. Така да не е дека седат дома само.

 

Сите се плашиме,луѓе сме...но мора да се помириме со ова и да се вратат секојдневните обврски и родителите да им објаснуваат 24/7 на децата за протоколот, немс друго решение.
95% родителите се на работа и не се дома како останатите, не заборавајте
Видовме вирусот како се однесува према нас, сега ние треба да се запрашаме како ќе се однесуваме према него

 

Од една страна да, но од друга не.... сите родители не се дома, за да можат навремено без да задоцни детето да му уклучат таблет за час. Од друга страна, помалите ќе имаат релација дома/школо, а поголемите кога би оделе во школо, ќе се собираат и за време на одмор и после часови и притоа,не ги почитуваат протоколите.... не се лесно скротливи тие, ако се големи и родителите не им се замараат

 

Се додека не се формира Владата, нема да стартува ниту новата учебна година, велат од Комисијата за заразни болести за Фактор. На денешниот состанок присуствувал и министерот за образование, Арбер Адеми, и генералниот став на МОН е училиштата да ги отворат вратите за учениците, односно образовниот процес да се одвива со физичко присуство, но гласните препораки од претставниците на ресорното министерство, како и од Комисијата за зарасни болести се однесуваат на намалување на времетреањето на училишните часови, а за да биде така, треба да се направат законски измени.

-Се додека не се формира Влада и функционално Собрание не може да стартува учебната година со одредените измени кои ги препорачуваме и ние, како Комисија за заразни болести и Министерството за образование. За да се скратат часовите, малиот одмор, големиот одмор, мора да се направат законски измени, а за да биде така мора да имаме Влада и секако Собрание. Дури да се донесе и препорака наставата да биде онлај е потребно законски тоа да се регулира. Сите имени што ги правевме во март, април мај, сето тоа го правеше техничката Влада, но сега ситуацијата е поинаква. Ќе има одложување на стартот на новата учебна година се додека во земјава не се формираат највисоките државни органи, вели изворот на Фактор.

Истовремено потенцира дека Комисијата за заразни болести денеска побарала од МОН да достави податоци за сите училишта во сите општини во Македонија и бројот на деца во сите паралелки поединечно. Велат дека денеска и ќе ги добијат овие податоци кои се од клучно значење за тоа каде ќе има онлај настава, а каде децата ќе одат во училиште.

-Не може никако да се споредува на пример имназијата „Орце Николов“ со училиште во Пехчево, што значи дека повеќе од јасно е дека некои деца ќе имаат онлајн настава, а некои ќе одат во школо. Во оваа насока, би сакал да напоменам дека всушност најголем проблем ни се скопските гимназии и погорните одеделенија во основните училишта кои имаат кабинетска настава. Но, како што реков претходно, за се што ќе одлучуваме, препорачуваме, ќе мора последниот збор да го даде Владата, која допрва треба да се формира, вели изворот на Фактор.


Што се однесува, пак до приватните училишта, кои досега доставиле најдобри протоколи, појаснува дека тие единствено би можеле да почнат со работа, ако добијат дозвола од Комисијата за заразни болести

За крај, нашиот извор вели дека сите одлуки што ќе ги донесе новата Влада ќе се однесуваат на функционирањето и на државните и на приватните училишта.
https://faktor.mk/se-odlozuva-start...preseche-za-site-izmeni-vo-obrazovniot-proces

 

И наставниците се во опасност и илјадници ученици и студенти поготово оние кои патуваат со автобус.

 

Ама сите сме...но мора да живееме со ова.
А за на одмор и за во парк,не се во опасност?

 

Ајде пак истото. Не можам да се повторувам, навистина. Ќе видиме што ќе одлучат.

 

Баш истата ситуација и кај нас.

 

Изгледа и градинките приватни ќе работат а државните не, по оваа логика?

 

МОН беа на одмор, мува не ги лазеше. Ги чекаат замислете да се приберат оти нели образование на одмор. Па ај итно, еве три дена даваат податоци.

 

Па и за градинките ако треба да се менува закон тогаш да