Гугл ми кажа дека денес бил Светски ден на учителите. Јас прв пат слушам за ваков ден... барем додека учев не се сеќавам дека имаше слично нешто. Еве што вели англиската Википедија: „Светскиот ден на учителите се одржува секоја година на 5 октомври од 1994г. во чест на организациите на учителите ширум светот (односно синдикатите за образование). Неговата цел е да се мобилизира поддршка за учителите и да се осигура дека потребите на идните генерации ќе продолжат да бидат исполнувани од страна на учителите. Според УНЕСКО, Светскиот ден на учителите претставува значаен симбол на свеста, разбирањето и вреднувањето на виталниот придонес што учителите го даваат за едукацијата и развојот.“ Судејќи според самата себе, очигледно дека кај нас свеста за значењето на овој ден (а и за значењето на учителите) не е на високо ниво. Но, колку и самите учители се свесни за важната улога што ја имаат? Се трудат ли доволно за да изградат силни идни генерации? Сфаќаат ли дека иднината на земјата во голема мера е во нивни раце? Или, со оглед на ниската плата што ја земаат, доволно е и тоа што одат на работа?
па кај нас мислам дека учителите не се на ниво, со ретки исклучоци, а платата доста му е со оглед на тоа што не се залагаат многу треба и да има се намали јас мислам...