Детско насилство/булинг

Не е тепана со папучи, метли, маши, сукала, затоа е ваква.

Најмногу ме нервираат овие што седат и снимаат. Ништо не превземаат за жртвата.
Пред мои очи да се деси ова, со земја ќе ја срамнам сол ќе ја направам.

Кој што сака нека ми каже ова од дома го има научено да прави вака.
Преразгалена е.

 

Во денешно време ништо посебно и поразлично не се случува со младината за разлика од порано. Тепачки, агресивно однесивање стално имало и ќе има, само што за разлика од порано кога не беше толку развиена технологијата не се ширеа вака брзо информациите, сега сите со телефоните в раце снимаат, сликаат, објавуваат.

 

Тоа е кога од мали нозе те величат твоите дома.
Ги величат твоите вагабонтски постапки.

Исто како куче како ќе го воспиташ такво ќе биде.
Агресивно за борби,или мирно домашно милениче.

 

Не се сложувам, имало проблематични да, ама ваква агресија и тоа од девојчиња не, порано машките ќе си удреа по една клоца и до голем одмор пак ќе се дружеа.

 

Искрено посакувам да се најде некој и неа вака да ја исклоцаат, и да моле да не ја тепаат. Не оправдувам никакво насилство ама кога видам како некој тепа друг што е по слаб ми иде да го здрвам од ќотек. Па и 12 години имала, а пак што ќе прави кога ќе има 22? Ќе шета по улици, и ќе млате све живо и диво.
И дали родителите поведуваат малку ред како и се понашаат децата?

 

Изгледа постоело, само сме биле доволно среќни да не го видиме. Прочитај ја првата страна од погоре постираната тема- детско насилство.
Мислам, јас сум некоја годинка постара, уште во Југославија учев основно, ама веројатно тоа беа последните генерации што некако се држеа до некое воспитание и пристојност. Не дека немало деца со потенцијал за насилство и булинг, ама ете, и родители и професори имаа авторитет, системи семејство и школа некако функционираа...А и интернет фала богу немаше, Дизни канал со амерички булинг немаше. Дизни канал еј, као тинејџерска серија и некому му ја пикаат главата во вц шоља. Едукативно, нема шо

 

Ја кога реков не ги бива овие децава сеа што искачаат нож на врат ми стаивте. Ама до родителите е.

 

Булинг постоел одсекогаш, секогаш ќе го најдат најсрамежливото да го исмејуваат за било што и да го малтретираат. И кај мене во класот имаше школски што беа постојано малтретирани од тој едниот проблематичен во класот, но секогаш имало и соученици што веднаш му се спротиставувале па ако треба и ќе го зашлапаат и друг пат нема да му текне да го задева послабиот. Сепак имаше некакво другарство, ако му ја скриеа ташната, секогаш имаше некој храбар што ќе ја земе скриената ташна и ќе му ја врати. Денеска што ги видов видеата ми делуваат страшно, јас како дете некогаш не сум присуствувала на ваков настан како од видеата.

 

Толку ме вознемири видеото, ќе заплачев и ќе експлодирав од лутина...
Среќа се најде жената да ги раздели.. Дете да ти се јави и да плаче, да бара помош, којзнае и мајка и колку се преплашила. Греота и девојчето, какви трауми може да има.. Многу жално..
А таа што ја малтретираше, ништо чудно дома она да е малтретираната. Децата учат од постапките на возрасните, ги имитираат.. Чест начин на воспитување деца кај нас е со тепање и тоа може да резултира со уште поагресивно дете..
Тие од страна пак, не се ништо поарни, не превземањето ништо ги прави подеднакво насилници. А за оние што зборат: Да ја видев ќе ја рашамарав, коса ќе и искубев... насилство со насилство ли ќе се реши?.. Полошо ќе се направи само, мора да има друг начин.

Уште од градинка ко ќе се закачаат децата, треба да се интервенира. За да немаме случаи на средношколци (а и постари особи..) што се тепаат, прободуваат и тн... Од старт треба да им се всади на децата во глава дека не е во ред ниеден вид насилство, дека ништо не се решава со тоа. А тука улога имаат родители, наставници, пошироко семејство, целата околина.. Џабе ќе е само 1 страна да превзема нешто, ако другите не соработуваат. Треба промени, огромни, ама мора од некаде да се почне.

 

Порано имаше многу повеќе тепачки ама немаше телефони со камери да се сними тоа.
Еве јас се имам доста тепано ама бидејќи како тинејџерка бев по крупна и некој мангупи/ки ќе се најдеа да ме исмеваат јас рипав и се тепав, до душа никогаш до овој степен да легнам некој на земја, било само по еден воспитен шамар или кубење за коса и на тоа завршувало.

Сега доста влијание има интернетот и тв сериите што ги гледаат децата, преполни се со насилство и од тоа учат или од дома. Далеку од тоа дека го поддржувам ова, дури е тешко и за гледање колку крвнички ја мава на земја, испаднаа уште 3-4 видеа од истово девојче, и прочитав некаде дека била во станица со родител и против родителот ќе има казна за негрижа.

 

Целосно се согласувам. Има и воспитувачки што тепаат деца, барем јас кога одев во градинка беше така. Се' уште имаме наставници што тепаат ученици. Ни треба многу, ама многу едукација. Велат дека насилството раѓа насилство. И тоа е точно. Тепањето праќа порака дека проблемите се решаваат така. Но кому ќе објаснуваш? Имам колега на факултет што смета дека децата се такви бидејќи не се тепани. За жал, не е единствен.

Жал ми е за истепаното девојче затоа што имав слично искуство и знам како е, но и да немав, повторно ќе ми беше жал. Ова никому не го посакувам.

 

До воспитување е. Секогаш. Се сеќавам јас кога бев во основно, уште од 8-9 години децата почнуваат да се групираат, прво се почнува со навреди кон послабите. Тоа кај машките. Кај женските поделби прво за тоа кој како изгледа и колку скапа облека има. Едно девојче буквално имаше група свои девојчиња и исмејуваа едно девојче кое носело облека и патики од пазар. Како деца на таа возраст би знаеле брендови и би се фалеле со скапи работи ако дома тоа не им се зборува? Од таму најчесто потекнува булингот. А има и други работи, како навреди за физички изглед и недостатоци кај деца, и тоа пак потекнува од невоспитување дома. Родителите или се надмени или немаат време да се замараат со децата заради работа и обврски и затоа има вакви работи.

 

Насилството не се решава со насилство!!!

 

Знаев дека некој ќе ме искара, а со што се решава тогаш?
Со разговор кај оваа нема лек.

 

Добро, нели сол кога ќе ја направиш ќе дојде некој тебе шеќер да те направи?
Со разговор.

 

Ќе се збере народ кога ќе почне да ја тепа жртвата. И секако маќедонче како маќедонче ќе седи од страна и ќе зјапа никој нема да помогне. Во таа жута минута нити ќе се контролирам колку викам, шо викам. Секој ќе знае зашо.

 

Против насилство сум, сметам дека не се решаваат така проблемите.
Ама оваа што го тепала девојчето од дома е испуштена.
Многу веројатно е дека ништо нема да и помогне а да не збориме пак за разговор.
Што ќе и речат нејзините - Ќе те казнеме, една недела нема излегување, ќе ти земеме мобилен/компјутер нема интернет освен за учење...?
Жртвата ќе има цел живот трауми.
А еднаш насилник, секогаш насилник.
Колку мозок треба да имаш за да претепаш некој на улица?
Уште па и снимаат од страна, смешно им е, наместо да помогнат.
Болесници.

 

Кај мене во основно секој ден се кршеа од ќотек шо се вика. Сите одделенија. Не е ништо ново ова, само што сега се снима.

 

И јас се согласувам дека насилство не се решава со насилство. Девојчето што тепало не го знам, можеби е жртва на насилство како што кажа друга членка, можеби е разгалена, а можеби родителите ја учат така. Сѐ е можно. Нека каже некој што е од таму и ги знае девојчињата. Или барем едно од нив. Не го оправдувам тоа што тепала друго девојче, напротив. Снимката не ја гледав зашто тешко ми беше кога го прочитав насловот. Јас да бев таму, прво ќе ги разделев, а потоа ќе викнев социјални служби, полиција и нивните родители.

Јас знам како му е на тепаното девојче, слично нешто имам доживеано на таа возраст. Имав една во клас што важеше за голем тепач и сакаше да ме истепа, ама не ѝ успеа, се спасив некако. Секако, имаше поддршка од нејзиното друштво. И погодете што? Таа и нејзините другарки ме наклеветија на класната дека сум ја удрила, што не беше точно, но за среќа не им поверува. Истата таа коментираше на Фејсбук дека било брука за родителите што (не) ја воспитале. Каков ѝ е карактерот сега, не знам, а и не ме интересира.

 

@gjoker4e можеби не се решава, и во самиот пост имам напишано дека не оправдувам насилство. Ама кога ќе видам некој како малтретира друг, едноставно така треба и на неа за да се освести што прави. Кај ова девојче разговор не помага бидејќи се гледа дека веќе е надвор од контрола.

Имам случај во семејство 5 години дете, родителите го казнуваат, разговараат со него, па некогаш и го удираат ама тоа пак по старо си прави. Три дена слуша и под казна после една недела ред не можеш да му фатиш од беснеење. Нејќам ни да замислам што ќе прави кога ќе порасне.