Мене ми е битно да може да збориме на секоја тема, во иднина на децата да знаеме за секој предмет да им помогнеме и да им објасниме. Растена сум во фамилија каде образованието било на прво место, за мене е стварно битно некој да има знаење од голем број области и да можеме да направиме муабет за се. Има разлика меѓу човек што положил 40-50+ испити, па и повеќе и прочитал многу книги и ствари дур стигне до таа диплома и човек што на 18 завршил со образованието. И не завршува се со факсот, сакам човек што сака да го надоградува своето знаење. Да речеме амбициозноста ми е битна. Некој што учел постојано и трчал да полага, редовно одел на предавања, пропуштал искачања за да спрема испити... Дечко ми нема ниту врски на факс и го гледам како си се труди и се мачи да си ја земе дипломата, а со цел тој процес мислам дека созрева. Барем јас така го доживувам тоа. Ама добро секој има право на свое мислење. Секој си бира партнер за себе и битно му е на него да му одговара.
Не ми е важно дали има диплома. Дипломата не значи дека некој е вау интелигентен и амбициозен. Ниту пак дека има култура, почит и знае како да се изразува. И онака во денешно време во Македонија секој втор завршува факултет и повеќето се запишуваат само за тоа: диплома! Има личности кои имаат диплома од еден факултет, но исто како да ја немаат. Има и такви кои немале можност/желба за факултет, но се многу попаметни и поуспешни од оние првите.
Сеедно ми е. И без факултет можи да ми прилега за муабет. Диплома не ми менва дали некој ми одговара или не и не ми е критериум за барање. Исто и за пријателство. Ако некој е благо речено бубалица без способност за логичко резонирање и вака и така папагал ќе биди. Мене со папагал не ми се збора. Зато и сите си бираме шо ни одговара. И то океј е.
Извини ама ова е голема глупост. И тие и тие знаат да комуницираат, жал ми е што ти е такво опкружувањето. До некаде пробувам да ги разберам (но ни малку не оправдувам) постарите генерации што ги делат луѓето според тоа дали имаат диплома или не. Но не можам да сфатам млади личности кои мешаат интелигенција (и култура, писменост да не набројувам) со образование (степен на образование да бидам појасна). Ќе те разочарам, ама ако не си баш по учењето и имаш пари, секаде ќе завршиш. Тоа е реалноста, не ги потценувај другите универзитети Исто така, на некој ако стварно му се учи, секаде ќе научи.
Во околина имам пријатели/познајници за примери во мислењево. Во едниот пар машкото е без дозавршен факултет, ама амбициозен и вработен на работно место каде што ги користи знаењата стеканти од образованието со кое се стекнал и кое секојдневно го надоградува и платен е повеќе и од неговите факултетски колеги кои се со дипломи. Башка што си е интелигентен, културен, ама нели е без дипломата. Во другиот пар машкото е со диплома, добиена со сто врски и ургенции, ама има грб и таа диплома добро ја искористува да го протуркаат на место кое го заслужува некој вистински што се трудел да ја стекне таа диплома од правен кој и така е претежок, ако се учи со љубов и разбирање на законите, а не со телефонски повици да положиш. Ама вака така ја има дипломата. Има разлика меѓу формално и неформално образование. Кога би бирала за мене, поважно ми е да е човечен пред се, интелигентен и културен, со амбиции, а диполмата дали ја има или нема не ми е најважно. И да заборавив друг пар, тој работеше со средно кога се ожени и му се роди синче запиша електро, го заврши со успех и сега си работи и по струката. Така да дипломата може да се земе, со труд и учење, ама човечноста и карактерот или ги има или ги нема.
Опкружена сум со колеги кој се вредни, исполнителни и секогаш точни во однос на домашни носење и обврски. Секогаш ми помагале и кога сме се наоѓале во дискусија сум добила до знаење дека се луѓе кој имаат сосема солидно познавање на таа проблематика и материјата која ја учиме. Исто да не зборувам колку се прецизни и секогаш точни на време. Никогаш не би можела да кажам дека некој од нив е неписмен заради некоја запирка и точка во реченица што не е напишана. Генерализацијата е она што не треба да го има кога се во прашање студентите или академските граѓани и секогаш ја одбегнувам но. Сепак има но. Ако некој што едвај средно завршил и последната книга која ја прочитал била касни порасни се дрзне да ми каже вие пола и повеќе сте неписмени секако дека тоа ќе доведе до одреден револт кај мене.
Јас дојдов на темата да искоментирам едно. Не ви ги чепкам дечковците, не ми ги чепкајте дијалектите мн мн Умеам да пишувам политературно од многумина овде, ама така ми одговара, на дијалект да пишувам. Онака како што ми е интересно и забавно, така ќе правам на форумот, не сум пред комисија тука... и тоа е во ред се додека не ги прекршувам правилата. Употреба на наречје не е еднакво на неписменост, ниту на немање диплома. Лингвицисти едни.
Ако веќе морам да бирам дали сакам дечко со факултет. Сакам да има завршено и дипломирано во факултет за Човечност. Ако го има тој факултет може се.
Кои глупости ги читам, појела ме туџа срамота. Образованието е избор луѓе. Некој сака да учи и да се надоградува, други имаат талент и се занимаваат со занает. Сосемa погрешно е да ставате интелигенција и образование на исто мерило. @Dream-Girl во врска со тоа дека студентите жртвувале излегувања и спремале испити, познавам млади не повеќе од 23год, работат трета смена, и тие жртвувале излегување за да придонесат некој денар за дома, а од септември црнчат на ниви. Да не си му у кожа на човек. Гледајте си сите лично за вас, не знаете животот што носи и што се' би требало да правите и да работите или да се откажете од образование (пошто трошок е, особено за студенти од други градови) за да опстанете у ова посрано општество.
Битно ми е и би сакала да имам дечко со факултет. Не сакам да бидам со некој несериозен човек без амбиции.
Зошто мислиш дека луѓето без факултет се и без амбиции? Колку луѓе познавам кои работат со средно или дипломи од курсеви. И тоа се трудат да напредуваат, да научат нешто ново.
Бидејќи секој има право на свое мислење, избор и критериум околу партнер и се останато. На некои ни е битно да имаме дечко со факс, си кажавме мислење и тоа е се. Не мора сите исто да мислиме де.
Не мислам така можда погрешно се изразив, и јас познавам луѓе без факултет што се доста успешни. Мислев на тоа дека не сакам тип што џеболебари по цел ден, ништо не прави и чека на готово. Како јас со него да планирам иднина?
