Секако дека не мора сите да мислиме исто, но ме интересира тоа прашање бидејќи знам многу луѓе што одат на фах а се несериозни и одат само за да имаат диплома или затоа што така налага опшеството... Веќе одењето на фах е меинстрим и никакво мерило за интелегенција, снаодливост, амбициозност
Животот е најголем факултет. Тој што нема факултет од 18 години ја вкусил реалноста. Тој со факултет здравје кога ќе заврши некогаш. Секоја чест на исклучоци. И 3 факултети се џабе ако не си снаодлив во животот. Таму не те учат да смениш сијалица
Сакаат амбоциозни дечковци, ама истите тие дечковци колку се амбициозни ако не би нашле работа по струка и по никоја цена не сакаат да работат друга работа? Ќе ги издржуваат "амбициозните" дечковци?
Теди бе Јас под амбициозни личности подразбирам личности кои сакаат да постигнат успех во животот и не се ограничуваат на една работа. Тие што ако не најдат работа по струка ставаат крај на потрагата за работа и се одлучуваат да живеат на туѓ грб не ги ставам во групата на амбициозни. И мажи и жени!
За писмен, секој е писмен. Ама таа „писменост“ што се добива со читањето на книги не се добива на никаков друг начин и лесно може да се примети дали некој ја има или ја нема. И да, бројката тука не игра никаква улога, туку единствено содржината на тоа што се чита. Џабе се 125 прочитани книги ако сите тие се Лајла, Коељо и слични ними, кога 3 руски класици нудат неброено повеќе мудрост и „писменост“.
На темата, не ми е толку важно, ниту ми било важно, битно да е добар човек, да е паметен (немора памет со дуплома ) , да е амбициозен.
Точно е дека книгите ти нудат побогат вокабулар, но не значи дека човек кој не чита книги е неписмен и обратно Зависи кој како го разбира зборот писменост и за што го употребува. Сепак е дискутабилно.
Потполно се согласувам со мислењево, ама ова отвара една друга тема. Знаеш еве како @SummerGirl што пиша таа читала книги во школо затоа што требало така, едноставно нема интерес да чита. И тоа би било сосем во ред и во иднина не би и пречело кога би работела професија во која интелигенцијата која произлегува од начитаноста не би и била потребна. На пример балерина, бравар итн. да не набројувам. На овие професии побитна им е добра просторна ориентација и извежбани движења, за кои се користи др. тип интелигенција од онаа битна за читање и толкување на прочитаното. Ама во струки каде што редовно комуницираш со клиенти, адвокат, доктор, маркетинг агент итн. да не набројувам и те како е битна таа интелигенција која произлегува од читење и разбирање и на класици и на модерните белетристички автори. Секоја книга си има своја тежина и поука. И битна е општата интелигенција, не дека не, но во одредени професии има побитни центри од мозокот кој треба да ти се активни, да ги извежбаш за тоа, за да си поуспешен во струката, пред се ако сакаш
Како успеа Лајла и Коељо да ги ставиш во ист кош, алал нека ти е ... Инаку мене лично не ми менува ништо посебно дали партнерот има факултет или не. Имам пишано во друга тема дека е со средно ама дека е амбициозен и постојано се надградува со разни курсеви и пракси и се обидува да напредува во кариерата и не ја затвора можноста некогаш во иднина да запише факултет. Секако и никогаш да не се случи тоа, сметам дека тоа не е доволна причина да се раскине. Исто и обратно - некој може да запишал/завршил факултет па да џаболебари по кафиња цел ден. Е со таква личност сигурно нема да се погодиме (а сум имала и такви дечковци) зашто не го разбираат мојот воркохолизам и желбата за постојано унапредување. Се на се, не ги гледам луѓето низ призма на нивното образование, се восхитувам на тие што се едуцирани секако, ама не ги омаловажувам тие што не се. И морам уште да кажам дека многу ми се смета кога ќе ме праша некој (а ме имаат прашано): зошто јас со завршен факултет сум со некој што е со средно и како не ми смета тоа... Mind your own damn business people!
Некои луѓе не го '' варат '' Коељо па го ставаат така во категорија во која како прво не ни припаѓа. Ама пак е тоа до личен вкус на читетелот. Сепак неправедна поделба и според мене.
Нема корелација дипломата ни со книгите прочитани во слободно време. Знам личност дипломирана пред 15 год која до ден денешен ништо не ја интересира освен шопинг, недај боже таа да седне Тургенев да го чита. Како ја изнајдовте врската....
Завршениот факултет пред 20 години значеше дека некој има карактер и истрајност, скоро сите се запишуваа, не сите завршија. Потребно е да се избере истраен партнер, да не фати кривина после на првата препрека во љубовта и животот.
Нашите факултети спаѓаат во типот на интелегенција за меморирање исто така и средните основни училишта оној што нема добра меморија не може кај нас да просперира во тие полиња бидејки се оценува колку напамет си научил од материјалот а не колку навистина си сфатил
Ја видов сликава пред некој ден на фб и ме нервира искрено. Според неа, едното со другото не оди - ако те бива за учење и студираш, тогаш нема да постигнеш ништо во животот. Тоа нема никаква логика - обично повисоко образованите луѓе се на повисоки позиции и земаат повисока плата (иако не е СЕКОГАШ така). И обратно - сликава им дава идеја на денешниве генерации дека со минимум труд можеш да станеш милионер, од стилот на Кајли Џенер и слично инфлуенсерки. Дечки, со или без факултет, за да постигнете нешто, треба да засукате ракави и да се испотите малце. Не се надевајте на тоа дека ќе имате онлајн бизниси и ќе бидете инфлуенсери - дури и за тоа треба еден куп време и пари да инвестирате, да научите како се води бизнисот и да имате цел тим позади себе.
Ама сум сретнала луѓе што штом ќе дознаат дека некој атрактивен дечко нема факултет, веднаш им паѓаат интересите и не го ни приметуваат повеќе.
Мене па сликава ме асоцира на сосема спротивно како на пример Стив Јобс, Мишел Дел за оваа работа треба да си претприемач
И денес има факултети кои бараат многу труд и вложено време да се завршат. И денес не завршуваат сите така па од нив некои кои можат и го уживаат убавиот живот од сликичката на @Cutiepie1 си купуваат, нажалост.
Еве јас, може Единствениот дечко без завршен факултет што го имав, имаше интересна навика да се откажува од работите недовршени. Многу ме нервираше
