Дијаспората добива гласачко право

Ние не можеме во нашата држава на 2 милиони народ да одржиме фер и демократски избор, па тек на илјадници километри надвор од државата.
Муабетите за право на глас, право на избор, слобода за мене се муабети за мали деца, замачкување на очи. Најголемиот проблем е тоа што никој од иселениците не поднел ваква иницијатива или се залaгаат да гласаат зашто реaлно колку и да се интересираат, малку и ги засега зашто никој од тие што ги гласаат не се залага за нивни животни прашања и потреби. Јасно како ден e причината за која се дава ова право на иселниците со македонско државјанство, новина е на оваа власт, за мене никаде нчуена во светот, луѓе кои повеќе од 10 години не живеат во државава да гласаат за нејзиното уредување. Зашто? Какво право остваруваат со тоа, освен исполнување на хир, демек имам право и го користам, како на мало дете ќе му дадеш пакетче полно со чоколади и тоа го јаде цело, не зашто му се јаде, туку зашто му се може.

И реално е така, зашто да гласа некој, некого, само зашто има двојно, тројно државјанство(која е можеби најголемата небулоза во меѓународното право и односи, но тоа е сосема друга тема на која не и тука место) и само заради таа причина да има право и да прави дополнителен трошок кој паѓа на терет на државата т.е на нас граѓаните. Ние го плаќаме нивното остварување на право на глас за нешто што никаква корист немаат. А тоа е основнаната причина и цел на гласањето, преку тоа го оставаруваш своето право за некој кој ќе се бори за твоите интереси(малку идеалиситички ама тоа е дефиниција за гласање).

Немам ништо против иселениците, ниту сметам дека они го барале ова ниту нешто се пренамагаат, немам стереотипно мислење за тие луѓе, само мислам дека се користат за многу повисоки цели, зашто лесно може да се манипулира со тие гласови и иаку се малку, некого коштаат плус еден или две пратенички места.

 

Па ние се учиме од грешките. Кичево доби градоначалник Албанец токму со тие гласови.
Луѓето се интересирале за градот , им го платиле патот со хелихоптери од Албанија до Кичево.Имале право на глас ,си гласале и си отишле.За понатаму верувам знаете.Зошто , како...

Така да мислам дека треба да гласаат.Повеќето тука имаат оставено родители , браќа, сестри.
Не им сеедно што се случува и како се живее тука, можеби еден ден ќе посакаат и да се вратат којзнае?

 

Moжеше да поминеш и само со болдираната реченица затоа што со се над тоа не покажуваш воопшто колку си и интелектуална и разумна личност. Друг пат те замолувам нај искрено поштеди се од слични анализи затоа што не е ни блиску до реалната ситуација. Ама тоа не е темата на муабетот. А не дека не ја сфатив твојата порака, само сакав да ти посочам дека беше малце смешно склопена реченицата, очигледно ти не си ме сфатил мене.

Не е работата во ускратување на човекови права, работата е да погледеш нај реалистично целата слика, и можеби ќе видиш колку лоша одлука е тоа и какви се последици може да има. Ми се допаднаа мислењата на неколку феминки, поготово на Hipster, која од прва до последна реченица е во право и одлично опиша што ќе се случува и за какви цели ќе се користат овие гласови.

Несакам повеќе да се објаснувам, кажав што мислам на оваа тема, а останатото што не го кажав во предходниот пост го кажала Hipster.

Ако погледнеш нај реално ќе сфатиш од каде доаѓа моето мислење. А не да напаѓаш со навреди за нечие интелектуално ниво, бидејки тоа е индикатор на твојата интелектуалност.

 

@Paradox, не се тревожи толку, имаш извинување во пораката. Послужи се, активирај го.

И мене ми се допаднаа неколку мислења со кои треба да се сложиме сите и да заклучиме дека Македонците надвор од МК треба да имаат право на глас, но дека треба да се дотераат одредени организационо-технички финеси и пропусти.

Што се однесува на мислењето на Hipster, тоа е нејзино лично мислење за кое лично сметам дека не е во ред на денешно време, еден млад човек да има таков став за правото на глас и слободата на избор и изразување.

Гледам дека многу и не ја разбираат поентата на гласањето на нашинците.
Се познавам добро со еден од кандидатите за пратеник од ДПМНЕ за пратеник од дијаспората. Млад семеен човек, едуциран, вреден, патриот колку и секој друг Македонец, неколку пати годишно си доаѓа овде. Сме разговарале многу околу релацијата дијаспора-МК и обратно, односите, меѓусебниот третман,... Не беше избран, што е друга приказна, но човекот имаше амбиции, стратегија, желба да го пополни оној јаз кој се јавил уште одамна кога од разни причини и двете страни се заборавиле, запуштиле една со друга. Токму тие тројца пратеници кои сами тие си ги избираат треба да бидат врската меѓу двете страни. Дали и како таа врска денес функционира тоа е тема за друг муабет.
И сега дали да верувам на оној кој за дијаспората фатил 3 минути од "Иселенички џубокс" на МТВ и го гледал скечот на Цацко со фрижидерот или на оној кој живее таму и прави лични или друштвени напори она што му го дозволува неговото човечко право, државјанство и статус да го искористи за обостран каков-таков бенефит и барем мало помрднување на работите кон подобро?

Уште еднаш како заклучок-правото на глас кое го имаат нашинците е сосема оправдано, моделот и структурата на гласањето се донекаде во ред, освен одредени организациски недостатоци.

 

Зашто индиректно ме повика и ми се обрати corto.maltese осеќам потреба да ти одговорам, т.е на некој начин да те демантирам со твоето извртување на моите речиници.
Никаде и на никој начин не реков или не потенцирав на тоа дека за мене слободата и правото на говор и избор, во случајов правово на глас се небулоза, ама ако јасно го прочита и протолкува моето мислење, мислам дека ми ја сфати поентата, а ако не сега ќе ти подобјаснам малку.

Во конкретниов случај правото на слободен избор и глас се злоупотребува за многу многу повисоки цели. Зaшто да биде спротивно на тоа, да го почитуваат толку како што имплицираш немаше кај нас, во нашата држава да не можат едни избори да поминат без добро познатите руски(бугарски) возови, семејно гласање и во една наша општина, да се оди до дури трет изборен круг кога повеќе од јасна беше победата на кандидатот. Е тука се виде и покажа на дело колку им е на нашите политичари битна и важна нашата слобода на избор и право на глас.
На секаде т.е низ некои конкретни теми трубам како имаме права, треба да имаме слобода сами да одлучуваме за својата матка и работите што се случуваат во нашето тело и за нашето здравје и посебно како правник сосема ме навредуваа оваа твоја ниска констатација и избор за дискредитирање на туѓо мислење со кое ти по некоја случајност не се согласуваш.

Е и уште едно да ти дозаклучам, кога ти веќе си даваш сопствени закчучоци, кои за мене по дефиниција значат нешто друго освен само соптствено егоистично мислење дека само твоето е точно, но нејсе.
Зборуваш за право, и само за права, а знаеш ли кој е панданот на правото? Обврската! Правото како само не лебди во воздух самостојно секогаш има и мора следствено на него да следува обрската.
Знаеш како ти и јас и сите државјани ја исполнуваме обрската кон државата, која ни произлегува од нашето право на глас? Што плаќаме за неа, ние ја финансираме со тоа што уредно и редовоно го плаќаме сите даноци и давачки.
А како и враќаат нашите иселеници на државата која не им е повеќе матична земја, немаат некои и стално живеалиште и престојувалиште? Плаќаат ли тие даноци тука или таму каде што живеат, заработуваат и допринесуваат за својата иднина и иднината на општеството? Тие веќе го остваруваат своето право во таа држава која ги примила и ги назначила за свои, со тоа и си го остваруваат своето право таму и тоа е доволно. Значи нив правото никој не им го негира или укинува, ускратува тие веќе го оставуваат во државите во кои работита и живеат, а не викендуваат и одмараат, еднаш годишно по месец дена.
Плус економски ако рамислуваме тоа е дополнителен терет за нашиот џеб, без потребен.
А за тоа што го збориш ти за нашите кои имаат амбиции и стратегии за нешто, не знам само што имаат, кога тоа е друга тема и тип на правна помош т.е на облик на работење. Има нешто што се вика амбасада, козулат, има луѓе кои се таму за да им помогнат на нашите во странство околку работите за кои им треба помош. А за се друго што им е потребно верувај ми дека тие таму многу подобро и поодговорно ќе се грижат за нив него нашите од тука. И едно малку дрско и безобразно размислување од мене ама морам, нашиве политичари не се грижат за нашата иднина тука, зашто мислиш па дека ќље се грижат за нивната?

Ако се распрашаш и прочиташ малку ќе видиш дека многу држави во светото не признаваат двојно држајанство со многу причини, оправдани и докажани од многу попаметни и поучени правници од мене.

Наместо пари за избори на секои 3 години тие пари да ги искористиме за многу попаметни работи како на пример тоа што многу села во Македонија немаат соодветна канализациона мрежа, патишта, вода и струја, ама сите тие си го оставаруваат правото и обрските кон државата, а таа како им враќа нив?

 

Ова нема врска со правото на глас. Ова се технички пропусти на одредени субјекти и доказ дека добар дел од народот е прилично глуп штом дозволува да биде доведен во таква ситуација. Мојот глас е само мој.

Браво за залагањето. Околу навредите, не знам што да кажам. Ако вакви пораки на една безвезна форумска дебата те навредуваат, што би ти се случило во некоја реална ситуација кога некој од спротивната страна полн со аргументи ќе те побие и згази како воз. Научи да менаџираш со туѓо мислење или менувај професија.

Ова ми е интересно. Еве јас нема да плаќам даноци, казни кон државава, ќе проневерам 2 милиони евра државен имот, нема да работам и допринесам ама баш ич за државава и тотално ќе бидам општествено бескорисен. Значи ли ова дека правото на глас ќе ми биде одземено? Немој со вакви работи. Затворениците зар немаат право на глас? Тие уште и пред нас гласаат, а многу од нив се во затвор баш поради горенаведеното. Дај друг аргумент.

Донекаде се сложувам со ова. Но амбасадсорите ги предлага владата. Знаеме какви токмаци амбасадори имавме и уште имаме. Вака се добива и искористува уште еден механизам на оценување за тоа колку владата донела права одлука и предложила вистински човек на амбасадорско место.

Кога ова ќе се смени и кај нас, тогаш ќе правиме друг муабет на темава. До тогаш, отвори нова тема за оваа проблематика.

Правник си, ова е ситуација во секоја нормална демократска држава или земја која е на пат да биде тоа. Плус имаме закон за децентрализација.

Јасно е дека како пилот проект на парламентарните избори, гласањето на дијаспората имаше доста пропусти, ама со секои наредни избори ќе биде подобро.

 

corto.maltese што мајка бараше тука закон за децентрализација поима немам, само ти си го сфаќаш тоа како аргумент и никој друг. Заклучокот мој се однесуваше на друга поента, дека ја претеравме со предвреми избори, како да се тие бесплатни, и немаше врска баш со оваа тема.

Само за едно си во право за она дека и оние кои не ја исполнуваат обрската кон државата имаат право на глас, тука мојот аргумент можеби немаше многу смисла, ама ако размислиуваш аутсајд оф д бокс ќе ми ја сфатиш идеата.

Слободата на глас и избор ни малку не ја порекнувам ниту мислам дека е глупост, ама во оваа ситуција на такви евтини приказни ги фаќаат оние од надвор за да гласаат. Плус ти кажав убаво они си го оставаруваат своето право, ова има доаѓа како дупликат, втора шанса, не знам како да го наречам.
Не се загорезени ниту им е ускратено тоа право, затоа нема место за загриженост дека не им е остварено основното право на глас и избор.

Плус економски да гледаме бре, толку сме ние моќни за ваков потфат? Имаме пари одвишок за тоа да органираме плус на странско тло услови за избори? Кај нас само дома не можеме да ги надгледаме и стабилизираме инцидентите, без да ни се мешаат странцине и да ни попуваат како да сме мали деца.Јас во Македонија не верувам во фер и демократски избори, кога сопственото право за градоначалник морав пати да го оставарувам, зашто да верувам дека некаде на страна далеку од дома тоа ќе помине поразлично? Твојот е глас е само твој кога е важечки или кога ќе се остави како што ти си го заокружил во ливчето, фалсификат е најголемо злосторство против твоето право и не и искажување на твоето право туку иде во корист на друг кој ти не си го избрал. Наивно е да мислиш дека недемократски избори се само технички пропусти, кога тоа е поентата на едно гласање. Мислам дека и тука лежи зајакот устварни на твојава конфузија за правото на странските државјани да имаат право на глас, битно они нека мислат дека гласаат, не е битно тој глас за кого оди и како, битно технички го исполниле своето право, а суштествено каде?

Башка на крајот на денот we need to agree to disagree, ниту ти мене ќе ми го промениш мислењето, ниту јас тебе.

 

Нешто си ги помешала лончињата. Даваш контраргументи кои ти се тотално неиздржани, повикувајќи се на наводно повредено, одземено или ограничено право на глас. Во целото твое реплицирање на Хипстер ти зборуваш како да македонците во дијаспората немаат право на глас, демек им е одземено или ограниччено тоа право, а воопшто не е така. Нити им е одземено, нити ограничено правото да гласаат. Можат да дојдат во Македонија и да гласаат кога сакаат. И тука завршува приказната за основите слободи и права.

Ова што се прави со организирање на избори во дијаспората е само непотребно трошење на пари и простор за злоупотреба. По некои статистики дури 1,2 милиони евра биле потрошени на преходните парламентарни избори за гласањето на дијаспората. Влегувањето на тројца пратеници од дијаспората во македонскиот Парламент ќе чини колку изборот на дури 27 нивни колеги од изборните едници во земјава. Апсурд, посебно па ако се земе во предвид дека тие тројца пратеници беа избрани со некаде околу 5000 гласови сите заедно . 1,2 милиони евра за 5000 луѓе, бар да имаа некоја излезност. Вака ептен прозирно е дека дијаспората служи само за политички манипулации. 3 пратеника плус, од кои секој тежи по околу 1000-1200 гласа, наспроти пратениците што се бираа овде со по во просек од околу 8000 гласови секој, согласно пропорционалниот модел и Донтовата формула.
Епа, извинете ама овде е и повеќе од очигледно зошто нашата државичка си дозволува вакви луксузи. И после оп апсолутно мнозинство без проблем
Само се се плашам да не ни се удри од глава ова со гласањето на дијаспората, посебно имајќи во предвид дека голем процент од албанското население е во странство.

 

А, ние овде Македонците кои живееме во Македонија ќе ги сносиме трошоците за нивното гласање ???

 

А тие со ноќи не спијат, сигурно...каков ли ќе биде резултатот, ќе се подобри ли нешто во нивната родна Македонија?!
И додека така, со ноќи не спијат и многу се секираат, нивните деца едвај по некој збор на Македонски јазик разбираат. Гарант не ги учат сопствените деца на Македонски, да, кога ќе гледаат вести од Македонија, децава не им се исфрустрираат за проблемите кои народото во родната земја на нивните родители ги има.
p.s Внучко е крстен ЕЛЕКТРИК, на дедо му Ламбе, а кучето е Гоце!
http://www.youtube.com/watch?v=CrxQHIuMraU

 

Изборниот процес се плаќа од буџетот на Република Македонија, кој го полниме и ние(Македонската дијаспора) и вие(народот во Македонија). Нашето гласање ќе биде финансирано од истиот тој буџет кој официјално (легален пат) преку приватните трансфери на пари од дијаспората се полни за 20%, сочинува 10% од БДП и покрива најмалку 60% од трговскиот дефицит што го создава македонската економија. А неофицијално, влегуваат двојно повеќе пари од дијаспората, околу 3 милијарди евра на годишно ниво кои се 5 пати повеќе од директните странски инвестиции и овозможуваат егзистенција на околу 200.000 семејства во Македонија.

 

Законот за децентрализација го пишав во служба на последниот цитат. Со децентрализацијата општините добија многу многу овластувања, одврзани раце, сопствени буџети и пронаоѓање на сопствени извори на средства. Локалната власт си се грижи за обнова и изградба на инфраструктура, водовод и све друго што наброја, а не централната.

Еве ти рака...

Ај прочитај го насловот на темава...
...и уште еднаш...
Дијаспората добива гласачко право
Така е, пишуваме дали нашинците заслужуваат да имаат право на глас. Не разговараме на тема Каде да гласа дијаспората.
Тоа со лончињата, не личи некако . Мене искрено, би ми било срам да влезам така во дискусија. Можеш ти и подобро. Пробај.

Ова ти е добро
Изборите се фер, кој заслужил да добие највеќе гласови, тој победува.

Не се плаши и спиј мирно. Многу голем дел од нив се таму со недефиниран и нелегален статус, затоа и победија тројца Македонци.

 

Оваа година дијаспората за прв пат гласаше за избор на претседател, право на глас добија 8.332 избирачи, а се очекува бројката да се зголеми за парламентарните избори закажани за 27ми Април (моментално мислам дека има околу 20.000 пријавени).

Вчера ги погледнав резултатите и очигледна беше апсолутната доминација на Ѓорѓе Иванов во трите избирачки единици (7,8,9). Најголема излезеност е регистирана во изборната единица што ги покрива Австралија и Азија (63% одѕив), каде што Иванов доби поддршка од 412 гласови (91%) наспроти 18те на Стево Пендаровски, и останатите 2 отидоа за кандидатот на ГРОМ.

Во изборната единица на Северна и Јужна Америка одѕивот на дијаспората е 43%. Од нив, 285 гласале за Иванов, 38 за Пендаровски, 3 за Поповски, и еден за Халими.

Во Европа и Африка од 32% излезеност, Иванов доби 1.540 гласа, а Пендаровски 274. Останатите се поделија на 17 гласа за Поповски и 4 за Халими.

Гласаше ли некој од дијаспората?
Ете, гледате ли како дијаспората знае за кого треба да гласа, за нашите!

 

Средна вредност на одзив 46% од регистрираните, преброените гласови се всушност околу 31%

Имаше 15тина% неважечки ливчиња? На цела една третина од гласачите кои излегле не им се бројат гласовите?

 

imelda, не можам да разберам што сакаш да кажеш?

Како што знам јас, резултатите се од преброени гласови во сите изборни единици, со исклучок на 3 места Камбера (Австралија и Азија) и Торонто и Чикаго (Северна и Јужна Америка).

Во врска со неважечките гласачки ливчиња, во изборната единица што ги покрива Австралија и Азија од 453 гласа има 21 неважечки.
Во Европа и Африка, има 24 неважечки ливчиња од вкупно 1.859.
Северна и Јужна Америка има само 1 неважечки глас од 340.

Вкупно, од 2.652 обработени гласа имаме 46 неважечки гласачки ливчиња, а тоа е многу помалку од една третина. Процентуално, бројот на неважечки ливчиња е помал од 2%.

Едит: Мислам дека разбрав на што мислиш. Можеби останатите 15% се во Торонто, Чикаго и Камбера?

 

Се разбравме сега.
Во првиот пост немаше индикации дека некои гласови не се преброени сеуште, па по бројките многу ми се виде за гласови анакаунтед фор. Параноја

 

Како може некој да одлучува за нешто кога не ни живее тука?
Се одлевале пари повеќе од СДИ. Па ако ви е ова аргументот онда не се у тек како им се трошат тие пари.
Плус не се во можност да бидат постојано информирани за сите работи. Не е исто да го живееш живото тука и да слушаш селективно пласирани информации.
А и самиот момент дека живее некаде значи тука не гледа перспектива, не знам зошто би гласал? И сега аргументот, од времето на СДСМ се избегани. Епа еве нека се вратат и нека си живеат тука и нека си гласаат за партијава која им е омилена.


Да си признаеме во што е штосот.

Корто малтезе или веќе и што и да си, кога и да те читам, добивам впечаток дека слушам Сител вести,впрочем ништо содржински издржано, дури и тажно. Од самиот почеток кога те прочитав тука, се запрашав дали и тебе ти е омилена Утопија од Томас Мур за да ми биде мирна душата...

http://kajgana.com/poglednete-kako-izgl ... rna-koreja

Уште малку здравје, па и кај нас вака. До душа може уште не е во собрание, ама затоа за отварање на секоја селска чешма така е.

 

се согласувам во се што напиша затоа и те цитирав.. и јас сум против тоа да некој од страна одлучува за тоа што ке се случува тука во нашата држава !!!
ако на некого му било добро тука немало да замини од тука .. а сега бараат гласачко право, па ако сакаат гласачко право нека се вратат и нека си гласаат од тука...
друго може ке бидам офф но нема соодветна тема па затоа тука ке кажам Лилит прочитав во еден твој пост дека не се согласуваш со тоа што фемина рекламира политички материјал па морам да кажам дека и јас не се согласувам со тоа !! не се кријам сум партиски определена и ми смета тоа што на сајтот се рекламираат политички материјали и тоа што кога некои членови ке почнат дискусија за политиката темите одма се заклучуваат.. па кога не сакате да има расправии зошто воопшто постои категорија политика?? искрено почнав тука да чувствувам дека фемина е провладин сајт и дека секој што ке каже збор повејќе против владата одма се банира или се заклучува темата
знам дека ова се платени политички реклами но овде сме за забава и не има од сите партии и не сме должни за некој да заработува да се чувствуваме непријатно затоа што при отварање излегуваат рекламите од вмро мислам дека доволно не трујат на тв барем да не биде и тука каде што доаѓаме за забава и дружење..и доколку ја немаше категоријата политика ништо од ова што се случува немаше да биде т.е да се испокараат сите меѓусебе..доволно се луѓето искарани барем не и тука.. и мислам дека секој тука што е член на сдсм го дели истото мислење со мене

 

Што и да сум, да, моето корисничко име на форумов е Корто Малтезе. Патем, лош избор на фраза и начин за истакнување и привлекување внимание.

Стереотипно е да пишувам за демократските права на форумов на секој член, па затоа нема. Уште постереотипно е да се објаснуваме за Сител, Канал 5, Бриф, +Инфо,...
Инаку, имаш доста содржински пост со прилично издржани тези и анализа достојна за нокаутирање на сите членови кои дале придонес во темава и бришење на сите нивни пораки во истата. Еве моите постови црвенеат обрукани и понижени, а до вечер може и да ги снема.

Мојот став за гласањето е познат. Гласање на дијаспората имало, има и ќе има, а овие избори очекувам победничкото трио на пратеници од ДПМНЕ да биде попосветено и поактивно од претходното и да биде дел од бројката 62.

И имај мир на душата.

Спојлер

Тоа што Утопија ја прави омилено четиво на Малтезе не е тоа што ти мислиш, туку потребата за фантазија, правда, безгрижно место, сопствен свет, не по теркот на оној Моровиот туку по свој сопствен. Утопија која ја имам во главата јас, ти, скоро секој човек и пробува барем едно зрнце од неа да претвори во стварност. Во школо како мал имав наставничка која велеше „Фантазирајте, тоа е здраво. Одете кај што можете и не можете, правете што сакате, но секогаш враќајте се“. Утопија е порака која вели фантазирајте, замислувајте, но Мор очигледно го заборавил патот. Па така повеќе се држам и понекогаш пробувам да украдам време за Петар Пан, Егзипери, Жил Верн,... Ваљда овие нема да ти прават громови на душата. Ако ти смета, тогаш фантазирај. Еве како што јас ќе замислувам дека разговарам со непрепотентна и „непоалена“ личност, личност која респектира туѓо мислење и критика, на која скромноста не и е туѓо нешто и вистински е упатена за дејството во дискусијата во која влегува.

Спојлер

Ова со Северно Корејците е засекоја пофалба. Колку само жени видов во парламентот, а немало демократија. Сигурно ја има оваа слика и во Саудиска Арабија, најдобриот сојузник на САД. Тоа што дозволувате да паднете под влијание на CNN, Сител, Телма е ваш личен пропуст. Пред некое време разговаравме со еден соработник од странство, инаку на висока позиција во стопанската комора во неговата земја, кој бил на службена посета во С. Кореја. Вели дека таму се живее исто како во многу други демократски земји, луѓето се дотерани, вработени, имаат ТВ, телефони, автомобили, развиено земјоделство, индустрии, трговија, стопанство,... Целата слика која ја имал за С. Кореја како закоравено комунистичко дувло му се променила. Но затоа кога стигнал на аеродром во неговата земја, на сцена стапиле тајните служби со неколкучасовно испрашување за се што видел, разговарал, слушнал и селектирање на фотографии кои смее да ги задржи, а кои не. Тешки пари се даваат за пропаганда и политичко оцрнување па затоа не верувајте на се што ќе видите.

 

Јас сум ПРОТИВ дијаспората да гласа на избори!!!
Како може за судбината на граѓаните кои живеат во Република Македонија да одлучува некој кој со години не живее тука. Сметам дека треба да гласаат само тие што се на привремена работа или што се школуваат во странство, а не и оние што се засекогаш иселени од тука.
Власта под итно треба да направи попис за да конечно се утврди точниот број на жители, па да се исчити избирачкиот список. Тек после ова можеме да веруваме дека само граѓаните одлучуваат кој победува на избори!