На некој маж му дошло преку глава да оди на работа секој ден додека жена му останува дома. Тој сакал да види што прави таа па се помолил: “Драги Господе:... ...Јас одам на работа секој ден по 8 часа додека жена ми само седи дома. Сакам она да знае низ што се поминувам и затоа те молам да дозволиш нејзиното тело да се замени со моето на еден ден. Амин.“ Бог решил да му ја исполни желбата на мажот. Следното утро човекот се разбудил како жена. Станал, подготвил појадок за својата сопруга (мажот), ги разбудил децата, им подготвил алишта за на училиште, спакувал ужинка, ги однел на училиште, се вратил дома за да исчисти, отишол до банка да подигне пари, до супермаркет по намирници за ручек. Го сменил песокот на мачките и го избањал кучето. Веќе дошло 13 часот и побрзал да ги намести креветите во спалната, да ги испере алиштата, да пребрише прашина и паркет; истрчал да ги земе децата од училиште. Им подготвил ручек и им помогнал околу домашната задача. Потоа ја наместил даската за пеглање и додека пеглал гледал серија на телевизија. Во 16:30 почнал со готвење на зеленчукот за вечера. По вечерата ја исчистил кујната, ја вклучил машината за садови, ги ставил перените алишта на тераса да се сушат, ги избањал децата и ги легнал да спијат. Во 21:00 бил комплетно исцрпен, а домашните работи останале недовршени... додека во кревет го чекала жена му која очекувала да води љубов со него, што некако едвај без да се пожали успеал да и удоволи. Следното утро штом се разбудил клекнал покрај креветот и се помолил: “Господе, не знам што си мислев. Многу погрешив кога и завидував на жена ми што секој ден останува дома додека јас сум на работа. Те молам дозволи ми да се вратам во своето тело!“ Господ на тоа му одговорил “Сине мој, имам чувство дека ја научи лекцијата и ќе бидам среќен се да вратам онака како што беше. Само, ќе мораш да почекаш 9 месеци. Минатата ноќ ти забремени“. Внимавајте што посакувате затоа што може навистина да ви се оствари!
Кој вели дека е лесно да се биде жена? Како функционира животот на жените? Ако си паметна, убава и амбициозна – другите жени те мразат. Мажите се плашат од тебе, а мрзливите мислат дека ќе им го земеш работното место. Ако имаш пари – или си спонзоруша или швалерка. Ако заработуваш сама – глупава си. Ако трошиш многу – најверојатно си расипничка. Ако имаш свое мислење си кучка. Ако ќутиш – мутава си. Ако се дотеруваш – имаш друг. Ако не се дотеруваш, ќе те замени со друга која се дотерува. Ако имаш машки пријатели – сигурно ти се љубовници. Ако си немажена – нешто ти фали. Ако имаш кариера – зошто не си мажена? Кога ќе се омажиш, кога ќе раѓаш? Кога ќе родиш – кога ќе родиш второ дете? Кога ќе родиш две деца – па ти ништо не работиш? Зарем не си имала некаква кариера?
Хахахааа..., многу јако, се покајал сирот маж, не можел да ја издржи улогата на жена. Ах, колку се они моќни на муабет, а пред обврските се предаваат одма.
