Жени домаќинки

Не, богдачува, не е тоа работа, само кажувам како парцијални домаќинки стекнуваат парцијални вештини.
Не знам дали е работа, 4 месеци траеше. Вака ко ќе размислам, уствари може беше само скапо хоби.

 

Да?!
Комуникација со колеги, рокови и работа под притисок? Во основно?
Не сум видела некој да ги учи овие работи во основно.

Работите коишто ги кажав, се однесуваат на работна средина.
Почитување на рокови, работа под притисок, организација и работење во тим, дома нема.
Е сега ти можеш да кажуваш "работење во тим со детето" ама тоа е веќе целосно друго значење.

 

Комуникација можеш да научиш било каде, овде на форумот можеш да научиш ако сакаш. Рокови, работа под притисок, работа во тим? Немој да ми кажеш дека во тек на образованието не си се нашла во таква ситуација. Овие вештини е убаво да ги имаш стекнато пред да почнеш со работа, како и да е, ништо страшно. Поентата беше вештини од типот на завршен курс од некоја програма, јазик, значи како си ти понадградена од некоја што седи дома?

 

Би рекла дека токму ова е тренд.
Познавам неколку....после години учење и усовршување работно, на 30 и некоја раѓаат и детето оддеднаш е новиот проект.
И се би било во ред, мајчинство, домаќинлук, да не се претерува, бидејќи се навикнати најдобри во тоа што го работат да бидат.
Па ред паметување, ред фрустрации....стравови од неуспех помешани со гордост...

Лично посимпатични ми се жените домаќинки кои секогаш имале само една цел, да се омажат и мајки да бидат. Поопуштено си ги негуваат децата, поголема доверба имаат во лекари, психолози, учители, баби и дедовци, комшии....

Образованиве и амбициозни по природа мајки домаќинки премногу се усмерени и фокусирани да создадат "совршено " дете , поради тоа после три години макс најдобро на работа да си се вратат....

 

Секако дека сум се нашла во вакви ситуации за време на образованието. Но, знаеш како се правеа тие тимски работи и презентации?
Секогаш еден човек ја завршуваше работата за сите други во тимот. Според тебе, како тие другите кои "работеле" во тимот научиле да почитуваат рокови и тимска работа?

 

Ама не сфаќаат дека домаќинките денес најчесто ниту се необразовани, ниту затупавени.
На крајот на денот, секогаш ќе има луѓе кои ќе имаат помали кариерни амбиции, мажи и жени, секогаш некој ќе биде хигиеничар, шофер, продавач, пумпаш. И тоа е ок. Сосема ок.
Не се тие луѓе помалку вредни, ниту пак таа со средно само, што ете целосно е посветена на деца, има кој било право да ја омаловажува.

Каков шовинизам сум доживеала од преобразована жена со кариера, 5 домаќинки нема да успеат така.

Важно е да сме задоволни со своите избори. А дали Стојна седи дома и расте деца, или е детектив, не е наше, нејзино е. Наше е ако е жртва на било какво насилство, да застанеме зад неа. Толку.

 

А на работа мислиш научиле? Тие се тие истите луѓе што ги збориме, паразитите. Едни исти се што се провлекуваат низ животот.

 

Сигурно не. Но, затоа на работа не може така да се однесуваат. Никој нема да ги толерира.

 

Аммм ги толерираат
Сведок сум и на приватен и државен сектор.

.
Јас ја прашувам @Just.do.it а прашањето е за сите.

Зошто мислите дека ја знаете вистината зад било чии одлуки?

 

Пошо не се домаќинки, duuh

 

Можеби некоја ќе се усоврши со шминкање, па ќе заработува така пари, да не дреме џабе по дома.

 

Ама ти не разбираш, не се важни парите, важна е комуникацијата со колегите, тимската работа, каква плата, тоа не е важно, се оди на работа од што се сака, да се усовршите, никој не оди за пари.

 

Многу се земаат здраво за готово работите на темава.

Во домаќинлукот има многу работа, не секоја што останала дома ја завршува. Има посветени жени кои ако одлучиле да не работат навистина се занимаваат многу околу домот и децата. Има жени кои велат нит јадам ручеци домашни нит правам, иако и тие се одлучиле да се дома.

Една со една домаќинка или активно вработена не е иста, не може генерални споредби и престанете со тоа.

Од каде асоцијацијата дека ако не работи оди по кафиња и седи нашминкана? Впрочем нема ништо лошо во тоа ама нејсе, не сте му никому во кожа.

Околу мене се полно професионално остварени и мажи и жени и многу од нив жалат што не се посветиле доволно во фамилијата.

Не познавам луѓе (зборувам за двата пола, затоа што и мажот има обврски со деца) кои избрале да се посветат на домот отколку кариера/бизнис, а жалат за истото.

Балансот е уметност и решението.

 

Чекајте чекајте сега, јас тотално сум збунета. Нели домаќинките беа недотерани и ненашминкани и усмрдени.
А сега домаќинките се нашминкани . Да не ве остави човек два дена, не може крајот да ви го најде.

Инаку како за пренајзапослени кариеристки, многу слободно време ви останува. Очигледно јас проблем имам со менаџирање на времето.

Сум работела и 100% и 80% и 50%. И секој ден и три дена во неделата и два ипол. И прекувремено и секако и пак не можам вашите математики да ги стигнам.

100% работно време не се 8 часа само. Имаш и пауза што мораш да ја земеш според закон. Значи плус 45 мин кои мораш да ги седиш на работа. Па кога тука ќе ги додадам и еден саат минимум време потербно за да идеш и дојдеш од работа, доаѓам до негде 10 часа на ден.
А да се спремиш ти, деца и разнесеш деца се секако уште 1 час плус. Значи според мои пресметки ти требаат 11 саати од денот за ова. И ова во случај дете да може во градинка/дневен центар од 7 до 5. Ама такво згрижување тешко да најдеш. Па ако и двајцата работиме, дете треба од годинка да го научиме само да си зема јадење и да се чува, оти и онака ќе имаме време само да вечераме заедно и да спие. Не знам исто во кој свет е здраво за дете, па и 10 годишно да е, да поминува само 2 часа на ден со родителите.

А кај е готвење, чистење, бањање, носење деца на термини, видување на сопруг, пазарање.....
Освен ако немам помош по дома, шанса немам да постигнам се во 24 саати. А тек па и време за форум да имам и да се расправам со сите кои не го делат моето мислење, оти дискусија одамна не е.

 

И ако некој брка кариера, не мора да значи дека црнчи по цел ден. Некој едноставно го бива за одредена професија, има афинитети, талент, и тоа му оди како песна, а не дека работи 12 часа.

 

Истово сакав да го пишам. Има разлика од жена до жена, јас нигде не сум излегла дома седам со детето, му се посветувам, но и на куќата. Не ми е по волја на никој не му се седи дома само да слугува на сите и пак да ти речат што правеше цел ден дома ништо, со дете секогаш имаш работа и со него и со куќата се што расфрла...Маж ми кога ќе дојде дома пак е оставено детето на мене он да одмара од работа изморен е и да си поигра со него кога ќе се побунам за тоа и неговите ми се вртат на мене јас цел ден сум дома јас сум одморена..

едит:
Јас не сакам цел живот да бидам домаќинка, туку додека се среди животоѕ, додека пркне детето. Никој во моја средина што познавам не седи дома домаќинка и откога ќе им пораснат децата.

 

Па и јас не познавам такви, ама еве и да одлучила да не работи никогаш, не може Трајанка да се буни зошто Стојанка седи дома.
Ако одлучиле така со сопругот, кои сме ние да и кажеме да работи? Не зема од нас пари.
И тука пишуваат дремеле дома, како да нема работа по дома, и да оди детето во градинка има работа по дома колку сакаш.

 

Да, и јас го носев да го прилагодам за да почнам на работа па во тој саат два што попрво да направам да рибам вц да чистам кујна дневна и така натаму

 

Читајќи ја темава, да бидам искрена запрепастена сум колку мајчинството и домаќинството е поврзано со мрзеливост, неамбициозност, ниска интелектуалност и ред други негативни конотации напишани од жени.
Како жена која поминала низ разни фази и препреки, од овој аспект никогаш не би ја деградирала функцијата на една домаќинка. Сум имала искуство со учествување во прекумерна работа, доедукација и други активности кои бараат пожртвуваност, но физичкиот и психичкиот умор кога стануваш мајка и го носиш домаќинството на својот грб е неспоредлив.
Мислам дека младите кои коментираат на темава, немаат лоша мисла, но наивна и неискусна.
Да водиш домаќинство не е само исполнување на домашни обврски, во смисла на чистење, перење, миење садови, туку грижа за едно многу важно битие. Кога немав деца, не ја знаев тежината која ја носат истите. Сонот никогаш не зависи од самиот себе, не е исто како да дојдеш уморен од работа и да одлучиш, е сега во овој момент ќе одморам. Грижата за домаќинство е 24 часовна обврска која нема одмор, туку константа грижа, стимулација, задоволување на нечиви потреби.
Никогаш не би осудила жена која одлучила да се посвети на семејството, наместо да се реализира на професионален план. Затоа што самата сфатив дека навистина ништо не е побитно од сопственото дете и грижата околу него. Секако дека ја поздравувам одлуката на мајките и сопругите кои и покрај имањето на деца, решиле да продолжат да се развиваат на кариерното поле.
Доколку двајца сопружници, кои си веруваат еден на друг, доколку истите си направат план како да го одржат семејството функционално, не гледам како е тоа пречка за жена да се посвети на домаќинството во целина.
Мене повеќе ме загрижува што оние кои коментираат немаат воопшто доверба во своите партнери. Јас ако од самото стапување во брак мислам на развод, тогаш тоа ми е исто како да спијам со нож под перница. Таков партнер не ми треба. Така што, не се криви и погрешни нечиви размислувања, туку околината не е соодветна за да може да се чувствуваш слободно и да се посветиш на она што во моментот ти е побитно.
И последно, мажот може ги носи финансиите во семејството, но тие финансии не се само негови, како што и детето и домаќинството не е само на мајката да се грижи за нив.
Секој си одлучува за себе и сметам дека никој нема право туѓиот избор да го навредува.

 

Ајде за домашна да го изгледате видеово, сте заборавиле изгледа дека сите жени треба да се почитуваат.