Зависност од капки за нос

Веќе неколку години непрекинато ставам капки за нос. Сакам да ги откажам, но не ми успева.
Дали имате вакво искуство и како го надминавте?

 

Таткоми става исто така капки за нос секоја вечер многу одамна и тој исто така не може да се откаже . Ако успееш да се откажеш те молам пиши ми како си успеала.Јас му викам да проба со Аква марис наместо со капки бидејки тие се помалку штетни но тој не сака

 

PeachGirl да одиш да дадеш брис од нос, може имаш некоја бактерија. Јас така како наркоман бев со капките, паника кревав ако немам капки, во секоја ташна имав по едно шишенце, ама ми најдоа бактерија. Сега капки немам ставено со години.

 

Јас исто бев зависник, без капки од дома не излегував.
Мене ми помогна инхалаторот, овие шо ги имат низ болници. Купивме и мислам дека тоа ми беше единствен спас. Мислам дека мајка ми внатре ставасе натриум хлориф и дексаметазон ама не сум сигурна , не ме држете за збор.
А може и со свежо зовриена камилица, да ја дишете пареата, покријте се со нешто да не ви бега пареата и стојте така додека не испари целата.

 

Имам проверно брис и не ми најдоа бактерија. Може со инхалации и спрејови ќе помине, но изгледа си бара упорност.Јас веднаш штом осетам дека ми е тешко, си ставам капки и решен случај. Во секој случај не смее ова да трае.Утре кога ќе бидам бремена, сакала, не сакала ќе мора да ги откажам.
Ако има некој веќе поминато низ тој процес на откажување-нека се произнесе

 

Ова ме потсеќа на татко ми. Секаде, секогаш Дури ако ги заборави дома, ме терал ако идам натака кај што е обавезно да му ги однесам, а ако не си купува нови од аптека. Не знам колку пати на ден става, ама очигледно многу. Капките верувајте не се никакво решение, делуваат само моментално, а потоа уште повеќе ја сушат носната празнина па треба да ставате пак и пак и пак. Јас не сум ставила никогаш до сега , единствено со шприц млака солена вода ако ми се воспалат синусите.

 

Кога сум настината, мора, значи мора, да имам капки за нос до мене. Така да, зависна сум од нив тогаш, едно 5-6 дена по ред ги ставам. Сега не знам колку време ги немам ставено, не ми биле потребни изгледа, али што сум зависна од нив, сум

 

Иста сум и јас! Кога сум настината задолжително си носам со мене и ме фаќа паника ако немам со мене капки за нос! И во сонот си ставам, спијам со капките под преница, буквално не мрдам никаде без капките во ташна оти мислам ќе се задушам ако ми е затнат носот! Не можам да го траам носо затнат, веднаш ме боли главата и затнетиот нос ме тера да дишам на уста а тоа уште повеќе ме нервира!
Значи само кога сум настината ги користам неколку дена, но откако ќе ми пројде настинката немам мака, веднаш престанувам да ги користам се до наредната настинка!

 

PeachGirl јас бев исто така зависна од капки за нос, неколку месеци непрекинато ги ставав бидејќи без нив неможев да дишам, се гушев, навечер неможев да заспијам и секогаш кога ќе настинам го имав истиот проблем, ќе почнев со капките и цел месец некогаш и два ги ставав. Не е убаво толку долго да се користат ја оштетуваат слузокожата во носот и мене ми се случи истото после долго користење веќе не ми делуваа. Јас бев на лекар, бидејќи имам и синуси и алергии и докторката ми препорача да порачам едни апчиња од грција затоа што кај нас ги нема, се викаат singular малце се поскапи али се стварно ефикасни, од мое лично искуство ти кажувам дека после 2пакетчиња сингулар немав потреба од капки за нос и ден денес кога ќе настинам немам потреба од капки за нос да ставам долго.

 

Па да речеме дека од капки за нос можете да навлечете очен притисок...па сега,вие како сакате.

 

Капките за нос ептен се штетни.
Слузокожата одма отекува, зошто клетките се навикнати на секојдневни дози на капки по којзнае колку. Очен притисок само едно е последиците, ужас се останатите работи,а да не зборувам дека секаде во светот се забранети, а кај нас како мастики се продаваат и трошат, и многу случаи знам со овој проблем.
И јас бев иста, но со Тафен и Фликсоназе ми се подобри состојбата. Има сега едни капки за нос, се викаат Нозетал, комбинација на тафен и бенил, па потоа после нив се продолжува со тафен.
Резултатите од Тафен и Фликсоназе треба да се дочекаат, значи не делуваат одма, по еден месец некаде може да се види подобрување во дишење (постепено), така да издржливот и упорност, и дишење на уста.
Аква марис од оние стронг што се пред спиење, и тоа од прилика. Само трпение треба.

 

И јас ставам нон стоп капки пошто неможам да дишам...Имав алергија од липите и тогаш користев едни други специјални за алергија меѓутоа не помагаат сега веќе нема липи..Имав бактерија пред 2 години пиев едни апчиња ама ништо пак ми е затнат носот незнам веќе што да правам,

 

Девојки, прочитајте ја темата за синуси може ќе ви помогне .

 

Од чести настинки и разболувања, станав секојдневно зависна од капки за нос, еве подолг период повеќе од година ипол сигурно, ако не и повеќе.
Имам користено и Нафагал, Назопас капки и еве последно што користам е Мералис спреј (комбинација на морска вода и Xylometazoline Hydrochloride). Се префрлив на спрејов, зашто има морска вода. А ми сметаа капките, бидејќи ми се слеваа во грло и ми го иритираа и воспалуваа грлото. Освен овој спреј моментално го користам спрејот Aqua Maris Plus (морска вода и д-пантенол), за регенерација на носната слузница. Читав дека се препорачува на лица со оштетена слузница, на лица кои долго користеле назални кортикостероиди, на лица со хронично затнат нос. Овој спреј го ставам по употребата на Мералис спрејот. Зашто ако не ставам Мералис, овој спреј не ми помага за да ми го отвори носот.
Претходно имам пробано и многу други спрејови само со морска вода или и со други природни додатоци. Ама нема резултат. Или само малку ќе ми го подотворат носот или ако е премногу затворен ич не ми го отвараа.
Знам дека е штетно да се користат капки или спрејови кои не се на природна база, ама еве не знам како да си помогнам да не бидам повеќе ко наркоман со капкиве и спрејовиве за нос.
Ги жалам и парите што ги давам значи, а и смачено ми е да не можам нормално да дишам.

 

И јас секојдневно користам капки за нос и тоа повеке од 12 години. Сите можни спрејови и други лекови имам купувано, но не ми помогнале, купував од тука, па од Србија нарачував, па потоа од Швајцарија, но ниту едни ми немаат помогнато и затоа си користам капки за нос секоја вечер пред заспивање, во спротива не можам да заспијам поради затнатоста на носот.

 

Преку ден не ти се затвора?

 

Носот ми се затнува значително само кога сум во лежечка позиција. Кога сум исправен целосно и кога седам немам проблем. Токму и затоа имав проблеми кога правев испитувања некои преку носот седејќи, ми кажуваат се е во ред, нема затнатост т.е. има доволна проодност. Јас им објаснував дека само во лежечка позиција ми се затнува, тие викаат "Уредот е фиксен, неможе да те легнуваме тука."

 

Си била ли на лекар за ова? И јас имам затнат нос, особено летно време и тоа навечер кога спијам ми се затнува и користам тогаш септаназал и тоа трае додека е летниот период. Сум била на орл за ова и тоа двапати, но ништо не ми најдоа, алергија на полен прав и слични работи, на преглед се нормално, а носот затнат и се откажав од тоа да одам по доктори.

 

Како бе така со години ставате капки за нос?

 

Не сум била. Еве сега со Коронава ич не ми се оди по лекари