Закон за абортус-Да или Не

Нам не ни треба министерот и компанија да ни го ограничува правото на избор. Доволни сме си самите. Абе женишта... Мислам, не можам да сфатам како некој од вас смета дека абортусот не е право на избор. Дури и ако некоја жена реши и 3-4 пати да го практикува годишно, нејзино тело, нејзин избор, ама претходно треба да биде едуцирана за последиците. Нам тоа ни фали.
Туку, замислете утре да му текне на министерчево и да рече: од утре заби не смеете да вадите без претходна согласност, или импланти да ставате, или било што друго што ве засега вас и вашето тело и никој друг.

 

http://www.komunikacija.mk/todorov-ne-m ... a-abortus/

 

Забележав дека ниедно машко не се вклучило во дискусијата,а да беше дискусија за секс..
Баш тоа недостасува, машкото присуство при решавање на овој проблем.Мислам дека машките треба да бидат вклучени и кога планираат семејство.Да ја следат мајката во целата бременост.Мислам на одење заедно на ехо, слушање совети од гиниколози , па дури и да присуствуваат на рагањето на своите деца.Зошто да не, кога може жената можат и тие.
Дури тогаш ке знаат да се однесуваат одговорно .

 

+1
Тогаш би знаеле колку вреди жената

 

Наместо да даваат дебилни реклами на МТВ (како тие за 3_то дете), нели е подобро да даваат кратки едуцирани клипови за СПБ, за начинот на заштита од истите, за опасностите кои ги носи абортусот сам по себе! Во крајни случаеви нека состават неколку прости реченици за сето она кое горе го напишав и нека ги кажуваат на јазикот на сите националности кои живеат во Македонија. И да ги даваат постојано на ТВ.

И може владата да измисли субвенции во стил делење на кондоми по средните училишта! Еднаш годишно ако нема услови за почесто.

Се сеќавате порано некогаш делеа кондоми на влезовите во дискотеките или кога одевме на некои журки. И тоа не беше лоша идеја. Јас тогаш бев доста мала и и ги давав моите на сестра ми .

И јас баш мислам дека барем младите од 14 години нагоре убаво си знаат за што може да им се случи доколку сексуално се активни со различни партнери без употреба на заштита. Но кај нас во МК има друг проблем, а тоа е што нашите женски деца уште од мали се воспитуваат секогаш покорно да го почитуваат и слушаат мажот/дечкото. И никогаш да не го одбијат. Ете тоа е проблемот, стравот некој да не ги сака или некој да не им раскине баш заради тоа што таа побарала од него да носи кондом.

Да за право жената да избира што ќе прави со своето тело. А ако таа е глупава да си дозволи свесно постојано да абортира тоа е нејзин проблем.

 

Јас сум против законов.
Исто сум и против убивање на невини души кои не се виновни за постапките на никого, но сепак решението не е законот дефинитивно.
Премногу се навлегува во работи за кои жената треба сама да се реши, а не да биде присилена.
Има многу причини поради кои жените ( евентуално девојчиња) некогаш немаат друг излез освен да абортираат.
Плус, многу случаи има млади девојчиња на 16-17 години да остануваат бремени. Јас не го оправдувам тој факт, некој ќе рече епа кај им бил паметот кога го правеле. Да кај им бил, и јас викам така плус на тие години е страшно ризично да се абортира ( тоа е веќе друга тема), но се случува, свесни сме за тоа.
Пукнат кондом, предсемена течност, силување во најстрашен случај. И што да прави таа? Кое е решението, ако нема ни поддршка од дома, ни од дечкото.. На 17 па и 18 години што да прави?
Подобра алтернатива е според мене да се направи кампања за едукација на младите за поголема заштита, за запознавање со последиците и од незаштитен секс, и од абортус.. Но воведување закон, некако ми е претерано навлегување во нечија интима и живот.
Плус уште една алтернатива - поактивно гонење на дивите "доктори" кои прават абортуси, е тоа е уште поризичен чекор, и против нив сум дефинитивно, но легалниот абортус мислам дека не треба да биде забранет.

 

И може владата да измисли субвенции во стил делење на кондоми по средните училишта! Еднаш годишно ако нема услови за почесто.
Досега сум била сведок на делење кондоми во средните училишта,и на една промоција кај борис трајковски..исто "гага" ми дадоа кондом,но тие се просто кажано од 10 ден,што апелирам до сите млади да не имаат односи со такви,од причина што според мене воопшто не се сигурни.Да, ниту еден кондом не гарантира 100 посто заштита,но конретно за тие што се делат,може само бетер да испадне

 

Еве велите дека по средните училишта ви поминувале екипи и делеле кондоми. Претпоставувам можеби и по некоја брошура, чисто да се информирате. Сметате дека е тоа малце и дека треба уште повеќе да прават?
Велите Трибини требаат. КОЛКУ средношколци ќе ги посетат тие трибини? Мислите дека ќе се повеќе отколку сите начекани деца во средните училишта кога се делеа кондомите? На колку трибини имате одено вие (било која од вас средношколки може да ми одговори), и колкав бил бројот на присутни дискутанти? Колку од нив отишле за реално да се информираат и научат нешто, а колку за да пополнат време или да изгубат часови?

Велите и дека македонската жена е информирана и едуцирана, и знае за СПБ и начините на контрацепција.
Линк

Абортираат и 15-годишни девојчиња

И ај да не барам уште. Мислите дека ова се` е од информираност? Мислите дека вие, или најблиските ваши другарки, кои од Х причини сте информирани, сте репери за сите средношколци?
За жал, ќе морам да ви кажам дека вие сте една капка во морето, и дека податоците се уште пострашни од наведените. И не зборам на памет, најблизок мој човек е член на комисијата за абортуси откако истата постои, и што се` гледаат - само тие си знаат.

Не треба да не` навредува фактот дека сме „неинформирани“ и „неедуцирани“ зошто реално НЕ СМЕ, во најголемиот % од нашата популација. Искрено мене повеќе ми смета фактот што една Албанија, која вчера се отвори кон светот, официјално е понапред од нас во користењето контрацепција, и што по бројка повеќе се приближуваме кон русинките отколку германките, ама тоа е, секој со својот памет...
Само ме интересира што памет носат тие кои без пардон абортираат и по 7-8 пати, упорно и упорно и упорно, и што ги спречувало, уште после првиот пат, да седнат и да прочитаат за можните начини за заштита ?!

 

во мое време немаше ни збор за делење на кондоми во средните училишта а за СЕХ имавме 2 часа во 7мо одделение од нашата наставничка по Биологија... Која беше многу откачена и сакаше сепак да ни објасни за што станува збор !!!
Се согласувам да има такви часови за сексуално воспитание, но мора да има и ДОМАШНА култура ... самиот поим и самата тематика СЕХ во моето семејство беше дискутирана од мојата младост/детство ,дури и пред да почне да се збори за неа на училиште... Зошто истото би било проблем да се прави во секое семејство??!?!! до кога ке се живее со темата незгодно е!! Ама е „интересно“ да се чуе од машкото дете дека било Ку*е на мама !!! за тоа може да ги учиме!!
КАде се на оваа тема Невладините организации ?? Зошто никаде ги нема? Јас немам слушнато дека имаат некое видување или сепак да кажат некоја опција од нивна страна !!! Нели доколку сепак се мисли дека е ЖЕНАТА таа која е загорзена – или заштитена !!!
ПОТРЕБНА е ЕДУКАЦИЈА!!
ЕДУКАЦИЈАТА не треба да е само од УЧИЛИШТАТА... давајте ја и дома !!! ако тоа не го прават вашите стрини или тетки ( или чичковци или тетиновци) направете го вие на вашите братучеди или внуци !!! Да размислуваме треба малку надвор од кутијата!!!

Сакам да видам навистина до каде ќе се оди со овој закон зошто според мене е исти како и стариот само се додадени некои +нешта ... а стариот не бодел ОЧИ !!!???

 

[СДК] Сакам да кажам...

Многу ме иритира фактот што одредени жени се против законот за абортус кој што го сведува истиот на еднаш годишно, притоа се борат за сите нивни права, тврдат дека никој не смее и не треба да им се меша во нивните одлуки и животи.
Но, кога станува збор за тие да осудат некој или нешто први се. Која е целта да обвинуваш некои луѓе кои што посегнале по својот живот ? Веднаш за нив овие луѓе стануваат слабаци, па со какво право побогу они одлучуваат сами да си го одземат животот?!
Епа со истото право со кое и ти си способна да одземеш право за да живее некој, и тоа не било кој туку твоето дете. Човекот кој што се самоубива заради финансиски причини секој ќе го осуди дека тоа не било решението, а жената која абортира ради истите е херој, правилна одлука донела - секоја чест. Двојни аршини на сите страни.
Некои одлуки не се само во наши раце,тврдам дека не се!
Некои одлуки не се нарекуваат права, доста се стававме на местото на Бог, доста е!

 

[СДК] Сакам да кажам...

Јас пак не сум категорична на таа тема. Единствено што знам за сигурно е дека навистина не би сакала да дојдам во ситуација да абортирам. Не би сакала. И од страв за здравјето и од грижата на совест која знам дека долго време не би ме напуштила. И да дојдам во таква ситуација, да постои барем најмалечка опција да не го направам тоа - не би го. И само ќе си поплукам во пазуви. Не дај Боже да дојдам до тоа.

Како што до лани мислев дека не сакам никогаш да станам мајка, а од сегашна перспектива и соживувајќи се со таков настан во блиско семејство (снаа ми) си велам дека би сакала да ги остварам сите мои цели што ги имам зацртано до тој момент во период кога би можела да останам бремена на природен начин. Не би сакала ин витро. Но, се`уште таа мисла ме заплашува. Затоа и си го планирам семејството. Се`уште не сум спремна. А не сакам на моето дете да му пружам неспремна и неинформирана мајка. Засега не сакам и затоа се трудам колку што можам да се заштитам и да го планирам семејството.

Се` додека самата не станам мајка, или во крајна линија останам бремена, не би можела со сигурност да давам став за темава. Како што не сум можела да гарантирам дека никогаш не би го изневерила сопругот се` додека не станав нечија сопруга. Сега, од перспектива на мажена жена тврдам, попрво би побарала развод отколку да направам такво нешто.

А женско сум, све се дешава, а се`уште постојат кромањонци и насилници.
Што ако бебето пример, е плод на силување? На филм имам гледано дека кога носат повредена, нападната, силувана жена во болница, прво не знам таму што процедура вршат за секој случај да не остане бремена.

Ама ретко која од девојките има простор за отворен и слободен разговор со мајка и` да ја поучи на темата или да побараат лекарска помош, туку си ќутат и оставаат последиците да се гомилаат, што у најдобар можен случај остануваат на несакана бременост. Зошто постојат уште родители кои им вгнездуваат чувство на страв а не поддршка кај сопствените деца. Епа родители драги, со вгнездување на страв не се воспитуваат деца. Тоа само го користите како штит за вашата неинформираност и неподготвеност да одговорите на прашањата на вашето дете. Доколку се искорени таа одлика на воспитувањето од страна на одредени родители, дури мислам и дека абортусите би се намалиле.

А жена у состојба на депресија и паника све може да направи. Си пикаат ножеви, вилушки, пијат некои страшни чаеви, бабини деветини, едноставно не ја сака таа бременост и готово. А подобро е што порано да се заврши со таа процедура, додека се`уште не е неопходна киретажа. Не за друго. За да постои шанса да се создаде повторно живот во таа утроба. Квалитетен живот во се`уште здрава утроба.

Знам еден случај. Една моја колешка. Забремени за време на студии. Ни оддалеку не беше спремна за дете, а ни за одржување на бременоста воопшто, затоа што и јас сум за тоа подобро да се остават во сиропиталиште, отколку да се абортираат. Колку и да е тежок животот таму, сепак животот е подобар од смртта. За среќа одма сфати затоа што циклусот и е како на саат. Го абортираше со вшмукување на плодот во еден апарат, ептен беше рана бременост, немаше потреба од киретажа. Ама мајка си имаше сталожена, не да и` писка, ко таа да не е жена. Разговарале и таа ја информирала што, како, си закажала, отишле заедно и готово.

Сега си има не едно, туку две деца кои живеат многу помирно, поубаво, пред се` чувствувајќи се сакани од моментот кога тестот за бременост покажал позитивен резултат (значи зборам од психолошки аспект, финансиите не ми се тема тука).

Сум против закон за забрана за абортус, но не против закон за регулирање на абортусот (каков што е и донесен).

 

[СДК] Сакам да кажам...

tessie јас апсолутно се сложувам со тебе.
И јас не сум конкретно против абортусот, и во ниеден случај не би требало да се забрани со закон. Има случаи како што напомена и ти, ако девојката е силувана, ако детето има аномалија, или пак овие од по 14 години што остануваат бремени, тие едноставно не се способни да раѓаат, ќе си го уништат и своето здравје а и животот на тоа дете.
Ама не ми иде во глава и одбивам да прифатам дека има девојки во подолги врски, па дури и жени во брак кои што се одлучуваат на абортус. Ај да им е 3-4 дете по ред па да немаат пари за да го одгледуваат ама некој туку така да си го отфрли потомството а притоа има услови како секоја просечна девојка, неможам да ја оправдам и реално нема оправдување.
И ме нервира тоа што еве конкретно во мојата околина имам жени кои што потенцираат дека само жената го има тоа право. Од една страна се бунат зошто ништо не паѓа на грбот на машкото, па зошто само на жената ќе и стои во книшка дека има абортирано дете?
Епа драги мои нели само ваше право е? Нешто кое што само жената може да го одлучи, онда немате право да се буните зошто и кај машкото нема да стои, нели и така он тука не е толку битен, ПРАВО НА ЖЕНАТА Е!

Што се однесува до сексуалното образование, мислам дека нема да смени ништо. И онака децата денеска знаат многу повеќе од тоа што ние сме знаеле на нивни години.
Знае да се регистрира на форум и притоа да трола и да поставува безвезни прашања, знае да отвори порно страници, знае да се соблекува и да пцуе со сочни пцовки на аск.фм, а незнае дека треба да користи кондом заради несакана бременост. Абе ајде! Се знаат денешните деца, и тоа уште на 11-12 години, само не им одговара да го признаат тоа, па потоа нивните родители се тешат дека детето им е во ред ама она всушност незнаела што прави во тој момент зашто мала е. Никој не е мал штом решил да има сексуални односи.
Сексуалното образование треба да го има дома а не на училиште. Можеби многу работи би се смениле кога мајките би ги седнале своите деца за да им објаснат што треба а што не треба да прават, смирено и со разбирање. Само што кај нас сексот е сеуште неверојатна табу тема и недај боже по дома да се спомнува а кога детето ќе им абортира на 14 години училиштето им е криво зашто не ги воспитуваат, владата им е крива, сите се криви освен нив!

Жената не е машина ќе каже некој, зошто би раѓала за да го зголеми наталитетот?
Не се машини за да раѓаат ама затоа машини се за да абортираат повеќе од еднаш годишно. Смешно и жално истовремено.
Мене законот ми е сосема ок, еднаш годишно е сосема доволно, а на тие што не им е нека си го стават прстот на чело па може и ќе се освестат што прават.
Значи никој не забранува абортус , се ограничува само.

 

[СДК] Сакам да кажам...

Ај и јас да кажам свое мислење за абортусот.
Значи да.. не е убаво да се абортираат бебињата од некоја глупа причина, ама што ако некое девојче од 14-15 години биде силувано, и остане бремено?? Што тогаш..? Ако го роди, ќе си го уништи животот во најубавите години од нејзиниот живот..

 

[СДК] Сакам да кажам...

^ Погоре има пишувано за тоа и и јас и мања се согласивме околу ова ти што го велиш.

 

[СДК] Сакам да кажам...

Да, знам прочитав, и сакав да кажам дека и јас се согласувам со вас, ништо друго.

 

Овој закон е уште еден обид и тоа очаен обид на Груевски и фамилијата да го зголеми наталитетот.

Пробаа со кампања трето дете, даваа надомест и за второ, видоа нема одзив, па ајде удрија со кампања стоп за абортусот.
Се прашувам која е следнта кампања-осмели се, направи дете, ова роди дете.

Очајни се, затоа е и овој закон.
Гледаат дека наталитетот не расте, гледаат дека се` поретко младите се одлучуваат на брак, а камо ли на деца, па сега ова им е уште еден обид за да присилно доведат некого во ситуација да стане сопруг/а и родител.

Не ми е јасно што мајка бара да се меша во интимата на една личност, па и во интимата на едно семејство и не ни помислувам да земам во обзир дека навистина му е гајле за здравјето на жените.
Навлегуваат во една сфера во која немаат право ....што му е гајле на министирот дали ќе абортирам еднаш или 2 пати годишно, да не ми ги плаќа тој абортусите, да не ќе ми ги гледа и подигнува тој децата ако се одлучам да ги задржам.
НЕ...

Јас сама треба да одлучам дали сум спремна и способна за брак, сама да одлучам дали сум способна за уште едно дете, јас и моите блиски, а не министирот, ниту Груевски, ниту пак владиката со дебилни изјави од типот роди го детето и дај му го на друг да се радува смајлиштосекрсти

Зошто тој да одлучи место мене, или место мене и мојот сопруг?
И зошто мора тој да биде информиран, од каде сега ова? Ако сум, не дај боже, силувана и не сакам да му кажам на мм, или пак ако тој ме силува, а не сакам неговово дете, мора да му кажам на министерот дека мм ме силувал, истепал, забременил, а јас пак ќе останам во брак со него Зошто воопшто да му се кажува сето тоа....или ајде нека поставт камери во секој дом, во секоја ординација и нека имаат контрола на целиот наш живот.

Од друга страна, во еден нормален брачен однос ако брачните другари сметаат дека не треба да се родители (во причини не ни навлегувам ), ако цврсто се решени да ја прекинат бременоста, зарем со советувања би се предомислиле?
Како ќе ме премисли...со тоа што ќе ме мота по комисии додека бременоста да стане поодмината и да немам избор или пак ќе ми забрани и ќе ми рече-а не, не смееш да абортираш, никако, никако, веќе си абортирала годинава. ....
Секоја бремност е индивидуална, секое зачнување е различно и едноставно и просто како грав - не сакам бе да му се исповедам на министерот.
Зошто тој да знае како и зошто сум останала бремена и од кои причини не го сакам детето.....тоа се приватни, интимни работи и никој нема право да ги знае, ниту да се обиде да ги дознае се` додека јас не одлучам да биде така.

Големо НЕ за законот.
Во спротивно може да предизвика да се зголеми бројот на нелегални абортуси или евентуално бројот на несакани дечиња, за жал.

 

Стоп за контрацептивни таблети!
Стоп за користење на кондом почесто од еднаш неделно.
Пошо у некоја рака и тие се штетни за здравјето на жената.

Да се нашалиме малку.

 

Ние ќе се нашалиме, ама не и тие....за некоја година може и ова ќе не` снајде....ако не` чита некој може и идеја да добие.

 

Не.

 

Јас мислам НЕ зошто секоја мајка треба да одлучува за своето дете