Јас сум интровертна личност. Не сакам да се експонирам во јавност. Избегнувам да одам на места кај што има гужви (кафичи, кафани и сл.), не сум комуникативна со некои што прв пат ги среќавам, често знам мислењето да си го задржам за себе. Отсекогаш сум таква.
Introvert(19%) iNtuitive(34%) Feeling(3%) Perceiving(9%) You have slight preference of Introversion over Extraversion (19%) You have moderate preference of Intuition over Sensing (34%) You have marginal or no preference of Feeling over Thinking (3%) You have slight preference of Perceiving over Judging (9%)
INFP Introvert(16%) iNtuitive(12%) Feeling(28%) Perceiving(9%) You have slight preference of Introversion over Extraversion (16%) You have slight preference of Intuition over Sensing (12%) You have moderate preference of Feeling over Thinking (28%) You have slight preference of Perceiving over Judging (9%) Има нешто вистина, иако тестов не е гаранција за ништо.
https://www.16personalities.com/ Многу ми се допаѓаат описите на оваа страна. Обично сум скептик кога станува збор за ваков тип на тестови, но никогаш не сум прочитала нешто кое ме опишува до тој степен. Инаку, INFP тука
Јас сум интроверт и уживам во тоа. Ми сметаат гужви, галами и многу луѓе. Прости муабети и плитки ствари у живот. Многу ми е убаво кога сум сама у соба и си се посветувам на себе! Си се сакам ваква, многу
Кај мене многу зависи од самата ситуација, луѓето кои ме опкружуваат и атмосферата. Но, генерално гледано јас сум интровертна личност. Некогаш тоа го сметам како нешто лошо, некогаш како добро. Иако и двата психолошки типа претставуваат збир од недостатоци и предности. Никогаш не сум можела отворено да зборувам за моите чувства, затоа што би требало некој вистински да биде посебен за да ме предизвика да го направам тоа. Не се дружам со секого и сум многу селективна. Обожавам да останам сама дома или на било кое тивко место, да се исклучам од реалноста и да навлезам во мојот свет. Некој на тоа гледа како осаменост, друг како слобода. Не можам со секого да бидам слободна и комуникативна, а бидејќи не сакам и не умеам да глумам лудило дека некој ми се допаѓа, најчесто или молчам или го покажувам тоа. Е сега, имало ситуации каде сум можела релативно брзо да се опуштам и да се докажувам за нештото што го сакам. Освен тоа, скоро секогаш во групна работа, јас сум лидерот. Така да, како што напоменав и претходно, некогаш начинот на кој се однесувам многу зависи од горнонаведените работи. Но, пак ќе кажам дека генерално сум интровертна личност. После долга дружба ми треба само моето друштво и тишината. Сметам дека е добро да си интровертен затоа што не секогаш дозволуваш секому да знае некои работи за тебе. Отсекогаш најмногу ме привлекувале интровертните луѓе затоа што ми делуваат на мистериозни суштества кои со задоволство би ги истражувала. Но, и не е добро да си екстремно интровертен затоа што некогаш луѓето знаат да го злоупотребат тоа и да те газат само затоа што си повлечен, и не само тоа. Понекогаш доаѓа моментот кога едноставно е неопходно да се докажеш за нешто. Затоа треба да се има баланс. Сепак, ова е само мое мислење. Секој е приказна за себе!
Зависи на периоди како се однесувам. Интроверт сум и анти социјална така ми имаат кажувано. Сум имала моменти и кога се чувствувам како екстоверт опкружена некаде со луѓе(но тоа многу ретко, поголем дел од времето се чувствувам напнато и размислувам колку подобро би си поминала дома гледајќи серија) Ваљда амбиверт сум
Премногу екстровертна личност сум.Од секогаш сум таква.Не кажувам за себе приватни работи на сите, нормално.Ама можам со 90% од типовите на луѓе/карактери да седнам и муабет да направам. Не ми е проблем прва да пристапам, не ми е проблем во ново друштво да се ,,вклопам” , да најдам заедничка тема за муабет, да помогнам некому итн.. Малтене со дооста од луѓето кои сум седела во животов сум имала муабет за правење. Не сум тивка и повлечена особа, сакам муабет, сакам галама, дружба, забава
Интровертна личност. Понекогаш се замислувам дали ова ми е нормално. Сакам дружење ама не многу, еве да речеме во неколку време излеземе со друштво на пример на две недели. Се слушам редовно со другарките, ама откако се омажив, имам дете некако овој начин на живот повеќе ми одговара, повеќе имам мир, а и не сум тип на личност која сака многу дружење, мешање во гужви. Постојат личности кои со секој можат да се вклопат во муабет, јас не можам. Не сум од оние што велат дигнатите ама ете има личности со кои од прва ми тргнува муабетот, не мора и таа да е мајка, жена.. едноставно ми кликнува на карактер, погледи, разбирање. Кога се споредам со маж ми, уплав имам. Тој е тотална спротивност од мене. Само му кажи дружење и прв е преку врата. Не дај Боже да ми спомне патување или одмор со друштво, мислам дека готов е, посебно одморите си ги сакам сами да сме. Одмор ни под точка разно не сакам со другари па макар и најдобрите биле. Посебно сега кога имаме дете, не сакам ни да слушнам. Ми се превртува во стомак да се организирам според други интереси а не според она што ни налагаат потребите на детето. Едноставно одбивност ми ствара. Леле ептен за никаде сум била
Измеѓу. Амбиверт. Не можам да кажам дека сум ваква или онаква од причина што моето однесување зависи од многу фактори, а пред сè луѓето, нормално. Кај мене многу игра улога енергијата што ја добивам од луѓето, значи со некои можат да бидам најекстровертната личност на светов и слободно да покажам која сум јас, а со некои сум баш спротивното. Тоа не значи дека не знам две реченици да сврзам, ама дефинитивно сум постегната и повоздржана во однос на искажување на сопствени ставови, мисли, чувства и слично ако видам дека нема потенцијал меѓу нас да кликнеме. All in all, поголемиот дел од моето однесување е директно поврзано со тоа како една личност ќе се постави со мене.
Кога го правев тестот, ми излезе дека сум на средина помеѓу екстровертна и интровертна , а искрено и јас себе си така се доживувам. Не можам да кажам дека сум постојано отворена со луѓе, дека без проблем можам да се здружам со било кој или да бидам опуштена со сите, но од друга страна сакам дружби со луѓе и обожавам да излагам со најблиските но и да се запознавам и со нови луѓе.Сакам гласни места, журки, гужви воопшто не ми сметаат, но исто така имам приметено дека не можам со било кого да си направам да ми е удобно, така да мора да ми се погодат луѓето за да си поминам убаво. Но од друга страна, сакам да имам одредено време кое ќе си го посветам сама со себе, секој ден гледам да си одвојам дел за мене кога ќе правам било што што ме исполнува а не вклучува контакт со други.Постојаното и прекумерно седење со друштво, секојдневно зборење на телефон со другарки знае и да ме истоштува.Затоа гледам да си правам баланс, затоа што никако не се пронаоѓам ни во една ни во друга крајност.
Дефинитивно интроверт. Иако во зависност од ситуацијата и околината во која сум некогаш знам да изгледам екстровертно. Повеќе се гледам како некоја мешавина од двете.