Искуства со коронавирусот – симптоми, лекување, совети од прва рака

Да, секако ако има потреба мора на специјалист, ама зборев за најобичен преглед.

 

Да во право сте и ти и @Cosmic Girl значи не можеш да бидеш паметен. Не знаеш кој пат да го фатиш. Прво немаме специјалисти. Немаме инфектолози. Еден епидемиолог е. Не можеш да дојдеш до него. Во ковид центар има пак општи лекари, интернисти, гинеколози и педијатри, кој стигне врши прегледи. Значи ви кажувам нема персонал болницата и секој доктор е ангажиран, ротираат постојано.. хаос е.. финансиски до денес сме оптеретени 600 евра.. За една недела.. Не ја рачунам храната. Само лекови, испитувања, суплементи.. А на приватно крвните слики ќе коштаа многу... не сакам ни да помислам што би се случило ако ни е потребно престој и терапија болничка.. Во ковид центаров кога видов колку им е смачено на докториве, не би сакала да влеземе пак..

 

600 евра?

Со каква клиничка слика сте, имате ли тешки симптоми штом толку пари сте потрошиле?

 

Сопругот е со потешки симптоми. Јас со полесни. Меѓутоа пиеме Фавиковир. 70 евра е едно кутивче. А едно кутивче двајцата го пиеме за 2 ипол дена, по шема. Мултивитамини добри исто не се ефтини, јас ете земав од 2400 ден(40 евра) сопругот зеде повеќе одделно да пие поголеми дози и чинеше многу повеќе. Крвни слики на приватно за двајца е 50 евра, тоа еднаш само правевме.. Затоа денес во Ковид центар дремевме за бесплатно..

Едит: Да не ги бројам поефтините работи, парацетамоли, аспирин, алгофрен од Грција, различни лекови за пролив, пробиотици, чаеви, природни масла, не знам какви додатоци..

 

Мултивитамини ти се само маркетинг.Доволно е како додаток витамин д, друго сѐ се внесува преку зеленчук и овошје.

 

Ццц страмота.
После умирале луѓе. Епа не секој има пари да плати толку многу за лекарства.

 

Нема апетит човекот. Едвај сосила јаде. Пред тоа не пиевме толку. Сега земавме..

 

Па немаме и ние, месечни плати не стигаат за сметки. Ова е од заштеди што сме тргале на страна, од на детето што му чуваме парички, нашите по нешто ни помагаат со храна, со намирници. Еве сега порачавме од Косово фавиковир, не можеме тука да го плаќаме дупло, таму е 42 евра...

 

Се печалат пари, не се грижи. Здравјето е најбитно само треба некој да се запраша, да потегне иницијатива да се намалат овие лекарства што се за короната лечење ама излега им одговара да бидат поскапи.
Те читав и претходно, многу си под стрес малце смири се за да можиш да функционираш оти му требаш на домашните.
Позитивни мисли само и се ќе биде во ред

 

Сакам да прашам какво искуство имате со овие брзите тестови од аптека, посебно од зегин? Колку се точни?

 

Точни се. Оди во темата за тест за корона. Синчето денес ми е со потврден тест во лабараторија позитивно. А утре и јас ќе правам. Позитивни сме на тие од аптека.

 

Јас правев прегеска, излегов негативна ама симптомите ги имам и ме зачуди кога покажа негативно. Со помин и на двајцата, само со лесно да поминете

 

Ццц врска нема..Матичен лекар може да ви издаде упати. Нас матичниот ни даваше упати за Идадија за крвна слика со црп, д димери и лдх и чини 250 денари. Првата крвна слика со овие параметри ја правевме во Авицена и таму чини 1450 денари.

 

Не сме од Скопје. Така рече. Во Ковид центар крв проверување, не сме смееле да се шетаме низ болницата и низ лабораториите. Е сеа ако сакаме на приватно можеме кај сакаме, на државно не, само во Ковид центар.
Првата крвна слика сопругот ја направи на приватно 1500 ден.

 

Фала ти, ние сме сите дома позитивни... Јас и двете дечиња имавме прееска жар две линии на тие од аптека, синчето е лабараториски потврден и јас утре ќе се тестирам со пцр... Маж ми минатата недела со бледа цртка беше, кашлаше он, ама сега е добар. Фала

 

Добри да бидете! Колкави се дечињата?

 

Зошто мене не ми го препишаа овој лек Фавиковир кога бев болна прв пат слушам дека го даваат. Каков тип на лек е?

 

Фала! 6ипол и 4год и со изразени симптоми се, висока температура едното до 40, другото не толку висока ама има... и кашлаат и двајцата. Бевме на лекар, имаат терапија и двајцата.

 

Антивирален лек некој.

Мали се. Веројатно брзо ќе им помине. Не би требало да ги држи долго..

 

Абе не дека не може да ти даде упат за д-димери и се што треба ама проблемот е таму каде што ќе одиш кога ќе завршиш работа, зошто има гужва. Во Идадија како поминавте? Кога има многу болни, кога е „бран“ тие лаборатории се преоптеретени.
Памтам пролетта во Јане Сандански не беше така лесно брзо да направиш анализа преку фондот. Со закажување термин за боцкање, кој може да биде за неколку денови па одиш таму во гужвата. Мислам дека беа ограничени во некои 2-3 часа кога работат со ковид позитивни, пошто една лабораторија е за сите пациенти и останатите се во друг период во денот. Кога се тестирав на бит пазар за ковид преку фонд, со мене чекаа на студ надвор пред врата еден куп народ за д-димери да проверат. На куп сите - и за тест и за крвна слика. Кој болен, кој сомнителен на ковид, кој не знам што..Да не зборам па за резултатите ако треба пак одење, пошто не ги праќаат сите на твојот приватен мејл. Кој има зорт, или не сака да чека, ќе си оди приватно и ќе си плати.